ཟླ་འདིའི་ཕྱི་ཚེས་ ༢༥ ཉིན་དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག པཱོ་ལན་ཌིའི་རྒྱལ་ས་ཝིར་སཱོར་ནང་ཚོགས་པའི་རྒྱལ་སྤྱིའི་སྨན་པའི་ཚོགས་ཆེན་ཞིག་ཏུ་ཕེབས་ཏེ། ༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོགས་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་གནང་རྗེས། དབུས་བོད་མིའི་སྒྲིག་འཛུགས་ཀྱི་ཆབ་སྲིད་འཛིན་སྐྱོང་གནང་ཕྱོགས་དང་། བཙན་བྱོལ་བོད་མིའི་འཕྲོད་བསྟེན་གནས་སྟངས་སོགས་ངོ་སྤྲོད་གནང་ཡོད་པ་དང་། ཚོགས་འདུའི་སྟེང་པཱོ་ལན་ཌིའི་སྨན་པའི་མཐོ་སློབ་ཀྱི་སློབ་སྤྱི་སྐུ་ཞབས་མཱར་ཁི་(Chancellor) Professsor, Dr. Marek Krawczyk) མཆོག་གིས། འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་གིས་གཙོས་ཡུལ་དེའི་མཐོ་སློབ་ནས་མཐར་ཕྱིན་པའི་སློབ་ཟུར་ཁག་ཅིག་ལ་མཐོ་སློབ་དེའི་ཆེ་བསྟོད་གཟེངས་རྟགས་ཕུལ་ཡོད་འདུག
དེ་བཞིན་ཕྱི་ཚེས་ ༢༧ ཉིན་གྱི་སྔ་དྲོ་འཕྲོད་བསྟེན་བཀའ་བློན་མཆོག་གིས་པཱོ་ལན་ཌིའི་བརྙན་འཕྲིན་ (TVN 24) གྱི་བཅར་འདྲི་དང་ལེན་གནང་སྟེ། ད་ལྟའི་བོད་ནང་གི་ཛ་དྲག་གནས་སྟངས་དང༌།༸གོང་ས་མཆོག་གིས་ཆབ་སྲིད་འགན་དབང་མང་ཚོགས་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་གནང་ཕྱོགས་ཐོག་ལན་འདེབས་གནང་ཡོད་པ་མ་ཟད། ཕྱོ་དྲོ་ས་གནས་བོད་རིགས་མང་ཚོགས་ལ་བཀའ་ཤག་གི་ལྟ་གྲུབ་གསུམ་སྟེ། ཆིག་སྒྲིལ་དང་གསར་གཏོད། རང་ས་རང་གསོ་བྱེད་སྟངས་དང་། བཙན་བྱོལ་བོད་མིའི་འཕྲོད་བསྟེན་གནས་བབ་སྐོར་གཏམ་བཤད་སྤེལ་ཡོད་འདུག
ཡ་མཚན་རེད་ལས་ཀ་ཅི་བྱས་སྣ་གཅིག་སྟོན་རྒྱུ་མེད་པར་གཟེངས་རྟགས་ག་རེ་བྱས་ནས་ཐོབ་རེད། ཕལ་ཆེར་དངུལ་སྤྲད་ནས་ཉོ་གི་ཡོད་པད་འདྲ།
རྟེན་འབྲེལ་ཞུ་འོས་པ་ཞིག་རེད། བཀའ་ཤག་གསར་བའི་འགོ་ཁྲིད་གསར་པ། མི་རབས་གསར་པ། དེང་དུས་དང་བསྟུན་བའི་ཤེས་ཡོན་གཉིས་འཛོམས་ཀྱི་ང་ཚོས་འགོ་ཁྲིད་ཁྱེད་ཅག་སྔར་ལོ་ལས་ལྷག་པར་རྒྱལ་སྤྱིའི་སྡེང་ཆ་བཀོལ་སྤྱོད་གནང་པར་ཕྱོགས་གང་ཐད་ནས་དགེ་མཚན་ཆེ།