ཁྱེད་ཀྱི་འཁྲུངས་སྐར་ལ་རྟེན་འབྲེལ་ཞུ།

ཉེ་ལམ་བཀའ་ཤག་གིས་ད་ལོ་ནི༸གོང་ས་མཆོག་གིས་བོད་པའི་ཆབ་སྲིད་དང་འཛིན་སྐྱོང་གི་ཐུགས་འགན་བཞག་སྟེ་ལོ་གཅིག་འཁོར་གྱི་ཡོད་པ་དང་། དབྱིན་ཡུལ་གྱི་སྤྱི་ཚོཊ་དང་ཆོས་ལུཊ་གཟེངས་རྟཊ་ཊེམ་པིལ་ཊེན་བཞེས་པ་བཅས་ལ་བརྟེན། ཕྱི་ལུགས་ལྟར་དགུང་གྲངས་ ༧༧ ལ་ཕེབས་པའི་སྐུའི་འཁྲུངས་སྐར་སྲུང་གཙི་གཟབ་རྒྱས་གནང་དགོས་པའི་བཀོད་ཁྱབ་བཏང་བ་ལྟར། འདི་གར་གནས་ཚུལ་བཏང་འབྱོར་བྱུང་བ་ལྟར་ན། བདུན་ཕྲག་འདིའི་ནང་ཨ་རི་དང་འཇར་མན། སུད་སི། ལྷོ་ཨ་ཧྥི་རི་ཀ བྷེལ་ཇམ། ནོར་ཝེ། ཨོ་སི་ཊོ་ལི་ཡ་བཅས་སུ་རྣམ་པ་འདྲ་མིན་ཐོག་སྐུའི་འཁྲུངས་སྐར་སྲུང་གཙི་གནང་འདུག

ཕྱི་ཚེས་ ༥ ནས་ ༨ ཉིན་བར་ཨ་རིའི་མངའ་སྡེ་མེལ་ཌེ་སིན་དང་མེན་ནཱེ་སཱོ་ཊ། ཆཱི་ཁཱ་གྷོ་བཅས་སུ་གནས་སྡོད་བོད་མི་ཚོས་དུས་གཅིག་ཏུ་འཁྲུངས་སྐར་སྲུང་གཙི་གནང་ཡོད་ཅིང་། མཛད་སྒོའི་སྐུ་མགྲོན་དུ་བཀའ་ཟུར་སྟག་ལྷ་སྐལ་བཟང་དབྱངས་སྐྱིད་མཆོག་གཙོིས་ཚོཊ་པ་ཁག་གི་སྐུ་ཚབ་དང་། ས་གནས་བོད་རིཊ་མང་ཚོཊ་དང་ཡུལ་མི་བཅས་ཁྱོན་མི་བརྒྱ་ཕྲག་ལྷག་འདུ་འཛོམས་བྱུང་ཡོད་འདུག དུས་ཡུན་ཉིན་བཞིའི་རིང་གི་འཁྲུངས་སྐར་སྐབས་མང་ཚོགས་ཀྱིས་མཆོད་འབུལ་སྨོན་ལམ་དང་། བསངས་གསོལ་དར་འཛུཊ། རིག་གཞུང་འཁྲབ་སྟོན། ལུས་རྩལ་འགྲན་བསྡུར། མར་མེ་ཁྲོིམ་སྐོར། བོད་དོན་གཏམ་བཤད་སོགས་གནང་ཡོད་འདུག  

ཚེས་ ༦ ཉིན་ནོར་ཝེ་བོད་རིཊ་ཚོགས་པའི་གོ་སྒྲིག་འོག ནོར་ཝེ་རྒྱལ་ས་ཨོ་སཱོ་ལོ་རུ་རྟེན་གཞི་བྱས་པའི་ནོར་ཝེ་ཞི་བདེའི་འགྲེམས་སྟོན་ཁང་དུ། ས་གནས་བོད་རིཊ་དང་བོད་དོན་རྒྱབ་སྐྱོར་བ་ཚོས་སྐུའི་འཁྲུངས་སྐར་སྲུང་གཙི་གནང་ཡོད་ཅིང་། ཉིན་དེར་དབྱིན་ཡིག་དང་ནོར་ཝེ་ཡི་གེ་གཉིས་ནང་བྲིས་པའི་༸རྒྱལ་བ་སྐུ་ཕྲེང་བཅུ་བཞི་པ་ཆེན་པོ་གཙོས་༸རྒྱལ་བ་སྐུ་ཕྲེང་རིམ་བྱོན་གྱི་མཛད་རྣམ་སྙིང་བསྡུས་དང་བཀྲ་ཤིས་བདེ་ལེགས་ཀྱི་ཤིས་ཚིག དེ་བཞིན་འཚམས་འདྲིའི་ལེགས་སྐྱེས་ (Chocolate)རེ་བཅས་མང་ཚོཊ་ལ་འདེགས་འབུལ་གནང་ཡོད་འདུག་ལ། ཚེས་ ༧ ཉིན་ཀརྨ་བཀྲ་ཤིས་གླིང་ཆོས་ཚོཊ་སུ་བླ་མ་བྱང་ཆུབ་མཆོག་དབུ་བཞུཊ་ཐོག་བོད་རིཊ་མང་ཚོགས་ཀྱིས་སྨོན་ལམ་གསོལ་འདེབས་དང་། བོད་གཞས་འཁྲབ་སྟོན། བསངས་གསོལ་རླུང་རྟ་སྤུར་བ། བོད་ཟས་གསོལ་སྟོན་སོགས་བཤམས་ཡོད་འདུག  

ཨ་རིའི་ཝེར་ཇི་ནི་ཡཱ་ (Virginia) མངའ་སྡེ་བོད་རིཊ་ཚོགས་པའི་གོ་སྒྲིག་འོག ཚེས་ ༦ ཉིན་ཁུལ་དེའི་བོད་ཀྱི་བཀྲ་ཤིས་ཆོས་ཚོཊ་ཚོཊ་ཁང་དུ་བོད་པ་དང་ས་གནས་ཡུལ་མི་བརྒྱ་ཕྲག་བརྒལ་བ་འདུ་འཛོམས་ཐོག་འཁྲུངས་སྐར་སྲུང་གཙི་གནང་ཡོད་ཅིང་། མཛད་སྒོའི་སྟེང་ཚོགས་ཞུགས་པ་ཚོས་༸རྒྱལ་བའི་སྐུ་པར་ལ་མཇལ་དར་བསྒྲོན་འབུལ་གནང་རྗེས། དུས་འཁོར་ཚོགས་མཆོད་ཡེ་ཤེས་དང་། ༸རྒྱལ་བའི་ཞབས་བརྟན་གསོལ་འདེབས། རིས་མེད་བསྟན་རྒྱས་སྨོན་ལམ། སྐུའི་རླུང་རྟ་འཕྲོད་སྦྱོར་གྱི་དར་ལྕོག་སྒྲེང་འཛུགས་བཅས་གནང་ཡོད་ལ། མཇུག་ཏུ་མང་ཚོགས་ལ་གླུ་གཞས་གཟིགས་འབུལ་དང་གསོལ་སྟོན་བཤམས་ཡོད་འདུག 

འཇར་མན་ཧེ་སན་ས་གནས་བོད་རིཊ་ཚོགས་པའི་གོ་སྒྲིག་འོག ཚེས་ ༦ ཉིན་འཇར་མན་གྲོང་ཁྱེར་ (Frankfurt) ནང་རྟེན་གཞི་བྱས་པའི་བོད་ཀྱི་ཁང་པའི་ཚོཊ་ཁང་དུ། དཔལ་ས་སྐྱའི་གདུང་སྲས་མཆོག་གཙོས་འཇར་མན་བོད་ཀྱི་གྲོཊ་པོ་དང་ས་གནས་བོད་པ་སོཊ་ཁྱོན་མི་ ༥༠ ལྷག་འདུ་འཛོམས་ཐོག་སྐུའི་འཁྲུངས་སྐར་སྲུང་གཙི་གནང་ཡོད་ཅིང་། སྐབས་དེར་མང་ཚོཊ་ཀྱིས་༸རྒྱལ་བའི་ཞབས་བརྟན་དང་བསངས་གསོལ་བཏང་རྗེས། དཔལ་ས་སྐྱའི་གདུང་སྲས་མཆོག་གིས་ཉེ་ཆར་གསར་འཛུཊ་གནང་བའི་༼ཤེས་རབ་གླིང་༽སློབ་གྲྭ་དབུ་འབྱེད་རབ་གནས་དང་འབྲེལ། ནུབ་གླིང་དུ་བོད་པའི་སློབ་གྲྭ་གསར་རྒྱག་གནང་བར་བསྔགས་བརྗོད་དང་། མ་འོངས་པར་བྱིས་པ་ཆོས་བོད་ཡིག་ལ་དོ་སྣང་བྱ་དགོས་པའི་གཏམ་བཤད་སྤེལ་ཡོད་འདུག

བྷེལ་ཇམ་བོད་རིཊ་ཚོགས་པའི་གོ་སྒྲིག་འོག ཚེས་ ༧ ནས་ ༩ ཉིན་བར་བྷེལ་ཇམ་སྦར་སིལ་དང་ཨན་ཁྲིར་ཕན། ལཱ་ཧོ་སི་ས་གནས་བཅས་སུ་འཁྲུངས་སྐར་སྲུང་གཙི་གནང་ཡོད་ཅིང་། མཛད་སྒོར་བོད་མིའི་སྒྲིག་འཛུཊ་བདེ་སྲུང་བཀའ་བློན་འབྲོམ་ཆུང་དངོས་གྲུབ་མཆོག་གཙོས། སྐུ་ཚབ་དོན་གཅོད་གསར་པ་དངོས་གྲུབ་རྡོ་རྗེ་ལཊ་དང་། ས་གནས་བོད་རིགས་ཚོཊ་པ། དེ་བཞིན་བོད་པ་དང་ས་གནས་ཡུལ་མི་བརྒྱ་ཕྲག་ལྷག་འདུ་འཛོམས་བྱུང་ཡོད་ལ། འཁྲུངས་སྐར་སྐབས་བདེ་སྲུང་བཀའ་བློན་དང་སྐུ་ཚབ་དོན་གཅོད་རྣམ་གཉིས་ཀྱིས་དུས་དྲན་དང་འབྲེལ་བའི་གཏམ་བཤད་དང་། ས་གནས་བོད་མི་ཚོས་གཞས་སྣ་འཁྲབ་སྟོན་དང་ཡིག་ཆ་འགྲེམས་སྤེལ། བགྲོ་གླེང་ཚོཊ་འདུ་བཅས་གནང་ཡོད་འདུག

ཚེས་ ༦ ནས་ ༧ ཉིན་བར་སུད་སི་རི་ཀོན་དགོན་དུ་འཁྲུངས་སྐར་སྲུང་གཙི་གནང་ཡོད་ཅིང་། མཛད་སྒོའི་སྐུ་མགྲོན་དུ་ཆོས་རིག་བཀའ་བློན་པདྨ་ཆོས་འབྱོར་མཆོག་གཙོས་ཡུ་རོབ་སྤྱི་འཐུས་དང་སྐུ་ཚབ་དོན་གཅོད། བླ་སྤྲུལ་དགེ་བཤེས་དང་ས་གནས་འཐུས་ཚོཊ། གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ་དང་མང་ཚོགས་བཅས་ཁྱོིན་མི་ ༣༠༠ ལྷག་འདུ་འཛོམས་བྱུང་ཡོད་འདུག སྐབས་དེར་མང་ཚོགས་ཀྱི་བོད་རྒྱལ་ཁབ་ཀྱི་རྒྱལ་གླུ་བཏང་རྗེས། དགོན་པའི་དགེ་འདུན་པ་ཚོས་རྒྱལ་བའི་ཞབས་བརྟན་གསོལ་འདེབས་དང་བདེན་ཚིག་སྨོན་ལམ་སྐྱོར་ཡོད་ཅིང་། མཇུག་ཏུ་སུད་སི་སྟོད་པ་སྐྱིད་སྡུག་གཙོས་ཚོགས་སྐྱིད་ཁག་ཅིག་གིས་གཞས་སྣ་གཟིགས་འབུལ་ཞུས་ཡོད།

ཚེས་ ༧ ནས་ ༨ ཉིན་ལྷོ་ཨ་ཧྥི་རི་ཁའི་བོད་གཞུང་སྐུ་ཚབ་དོན་གཅོད་ལས་ཁུངས་མདུན་ཐང་དུ། བོད་པ་དང་ས་གནས་མི་དམངས་བརྒྱ་ཕྲག་ལྷག་འདུ་འཛོམས་ཐོག་འཁྲུངས་སྐར་སྲུང་གཙི་གནང་ཡོད་ཅིང་། མཛད་སྒོའི་ཐོག་སྐུ་ཚབ་དོན་གཅོད་གསར་པ་མི་འགྱུར་རྡོ་རྗེ་ལགས་ཀྱིས་བཀའ་ཤག་གི་གསུང་འཕྲིན་སྒྲོགས་སྦྱང་དང་། ༸གོང་ས་མཆོག་གི་མཛད་རྣམ་ངོ་སྤྲོད་གནང་ཡོད་ལ། ལམ་རིམ་ཆོས་ཚོཊ་ཀྱི་དགེ་བཤེས་ངག་དབང་བདེ་ལེཊ་ཀྱིས། ༸རྒྱལ་བ་སྐུ་ཕྲེང་དང་པོ་ནས་བཅུ་བཞི་པའི་བར་གྱི་མཛད་རྣམ་དང་། ལྷོ་ཨ་ཧྥི་རི་ཁའི་ཡི་ཤུ་ཆོས་དཔོན་ཌི་སི་མོན་ཊུ་ཊུ་མཆོག་བཞུཊ་སྒར་ངྷ་སར་ཕེབས་པའིབརྙན་པར་གཟིགས་འབུལ་གནང་ཡོད།

ཚེས་ ༧ ཉིན་ཨོ་སི་ཊོ་ལི་ཡའི་གྲོང་ཁྱེར་སིག་ནེ་(Sydney) དང་ཀེན་བྷེར་ར། (Canberra) མེལ་བྷོན་(Melbourne) བཅས་དང་། ནེའུ་ཛི་ལན་ཌིའི་གྲོང་ཁྱེར་ཁི་རུ་སི་ཆར་ཅི་ (Christchurch)ནང་འཁྲུངས་སྐར་སྲུང་གནང་ཡོད་ལ། མཛད་སྒོར་སྐུ་ཚབ་དོན་གཙོད་དྭཊ་པོ་བསོད་ནམས་ནོར་བུ་ལཊ་དང་། པོ་ལན་ཌིའི་གཞུང་ཚབ། ཕྱི་དྲིལ་དྲུང་ཆེ་ཨ་ཏི་ཤ་བསྟན་འཛིན་ཕུན་ཚོཊ། བཀའ་ཟུར་དཔལ་འབྱོར་ཚེ་རིང་། ཨོ་སི་ཊོ་ལི་ཡའི་བོད་ཁང་དྲུང་ཆེ་དང་བླ་སྤྲུལ་དགེ་བཤེས་དང་ས་གནས་བོད་རིཊ་མི་མང་ ༤༠༠ ཙམ་འདུ་འཛོམས་ཐོག ཞབས་བརྟན་གསོལ་འདེབས་དང་བསངས་གསོལ་དར་འཛུཊ། གཞས་སྣ་འཁྲབ་སྟོན་སོགས་གནང་ཡོད་འདུག  

གསར་འགོད་པ། དཔལ་ལྡན།