ད་ཆར་མང་ཚོཊ་ལྷོད་ལ་བབས་ཡོད།

ཉིན་འདི་འགར་བཀའ་ཁྲི་མཆོག་གིས་གདན་ས་སེ་ར་དང་རྒྱུད་སྨད་གྲྭ་ཚང་། ཧོན་སོར་གཞིས་ཆཊ་བཅས་སུ་གཟིཊ་སྐོར་གནང་སྟེ་བཀའ་ཤག་གི་སྲིད་བྱུས་དང་ལས་དོན་ངོ་སྤྲོད་གནང་བཞིན་ཡོད་འདུག

ཉིན་འདི་དག་རིང་དབུས་བོད་མིའི་སྒྲིག་འཛུགས་ཀྱི་བཀའ་ཁྲི་བློ་བཟང་སེང་གེ་མཆོག་གིས། རྒྱ་གར་ལྷོ་ཕྱོགས་བོད་མིའི་གཞིས་སྒར་ཁག་དང་གདན་ས་ཁག་ཏུ་གཟིགས་སྐོར་གནང་བཞིན་ཡོད་པ་ལྟར། ཕྱི་ཟླ་ ༧ ཚེས་ ༣༡ ཉིན་གྱི་སྔ་དྲོ་བཀའ་ཁྲི་བློ་བཟང་སེང་གེ་མཆོག་གིས་སེར་བྱེས་བླ་སྤྱིའི་འདུ་ཁང་དུ། སེར་ར་བྱེས་སྨད་གཉིས་ཀྱི་གྲྭ་ཚང་བླ་སྤྲུལ་དགེ་བཤེས་རྣམ་པ་དང་། དགེ་འདུན་འདུས་མང་ཡོངས་ལ་བཀའ་ཤག་གི་སྲིད་བྱུས་དང་ལས་སྡོམ་ངོ་སྤྲོད་གནང་ཡོད་འདུག  

སྐབས་དེར་བཀའ་ཁྲི་མཆོག་གིས་ལོ་གཅིག་ཙམ་གོང་༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོགས་ཀྱིས་ཐད་ཀར་བདམས་པའི་མགོ་ཁྲིད་ཚོར་རྩིས་སྤྲོད་གནང་སྐབས། བོད་རིཊ་མང་ཚོགས་ལ་སེམས་འཚབ་ཆེན་པོ་བྱུང་ཡོད་ནའང་། བོད་མི་ནང་ཁུལ་དུ་མཐུན་སྒྲིལ་རྡོག་རྩ་གཅིག་སྒྲིལ་དང་འཁུར་མཉམ་ལེན་གནང་བའི་སྟབས་ཀྱིས། ད་ཆར་གཞི་རིམ་མང་ཚོགས་རྣམས་ལྷིང་འཇགས་སུ་གནས་ཐུབ་པ་བྱུང་ཡོད་སྐོར་དང་། མང་ཚོགས་ཀྱིས་བདམས་པའི་མགོ་ཁྲིད་ཚོས་༸གོང་ས་མཆོག་གིས་གསོལ་རས་གནང་བའི་སྐུ་དབང་མཇུག་སྐྱོང་གིས་མང་གཙོ་ཡང་དག་པའི་ལམ་དུ་བསྐྱོད་བཞིན་པ་དེས། རྒྱ་ནག་གཞུང་དང་རྒྱལ་སྤྱིའི་སྟེང་བརྡ་ལན་གསལ་པོ་ཞིག་སྤྲོད་ཐུབ་ཡོད་ལུཊ་གསལ་བཤད་གནང་ཡོད་འདུག

ཉིན་དེའི་ཕྱི་དྲོར་བཀའ་ཁྲི་མཆོག་གིས་ཧོར་སོར་རབ་རྒྱས་གླིང་གཞིས་ཆགས་སུ་གཟིགས་སྐོར་དང་འབྲེལ། རྒྱུད་སྨད་གྲྭ་ཚང་དུ་བོད་རིགས་སེར་སྐྱ་མང་ཚོགས་ལ། འདས་པའི་ལོ་གཅིག་རིང་བཀའ་ཤག་གསར་པའི་ངོས་ནས་ཨ་རི་དང་ཡུ་རོབ། ཉི་ཧོང་བཅས་སུ་ཕྱོགས་བསྐྱོད་ཀྱིས་འབྲེལ་ཡོད་དཔོན་རིཊ་ཁག་ལ་མཇལ་འཕྲད་དང་། ལ་དྭགས་གཙོས་བོད་མི་འདུས་སྡོད་ཁུལ་དུ་ངོ་བསྐྱོད་ཀྱིས་མང་ཚོགས་ཀྱི་གནས་སྟངས་ལ་རྒྱུས་ལོན་གནང་བའི་གནས་ཚུལ་ངོ་སྤྲོད། མ་འོངས་པར་དབུས་བོད་མིའི་སྒྲིག་འཛུགས་ཀྱི་ལས་དོན་ལམ་ལྷོངས་ཡོང་ཆེད་གཞུང་མང་གཉིས་མཉམ་རུབ་གནང་དགོས་པའི་འབོད་སྐུལ་བཅས་ཞུས་ཡོད་འདུག དེའི་རྗེས་བཀའ་ཁྲི་མཆོག་གིས་ཧོན་སུར་རབ་རྒྱས་གླིང་དུ་རྟེན་གཞི་བྱས་པའི་འོད་སྣང་སློབ་གྲྭའི་དགེ་ལས་སློབ་ཕྲུག་ཚོར་ཤེས་ཡོན་གྱི་གལ་གནད་ཐོག་གཏམ་བཤད་སྤེལ་ཡོད་འདུག

དེ་བཞིན། ཕྱི་ཚེས་ ༡ ཉིན་བཀའ་ཁྲི་མཆོག་མེར་སོར་ས་གནས་བོད་ཀྱི་གཞོན་ནུ་ལྷན་ཚོགས་དང་མེ་སོར་རོ་ཊི་རི་ཚོགས་པའི་ (Rotary Vijayanagara Mysore) ཚོགས་འདུའི་ཐོག་མཛད་སྒོར་ཕེབས་ཏེ། ཚོགས་ཞུགས་པ་ཚོར་བོད་ནང་གི་མེར་བསྲེགས་གནད་དོན་དང་ཆོས་དང་རིག་གཞུང་། སྐད་ཡིག ཁོར་ཡིག་བཅས་ཀྱི་གནད་དོན་ཐོག་གཏམ་བཤད་དང་མཇུག་ཏུ་གསར་འགོད་པའི་དྲི་བར་ལན་འདེབས་གནང་འདུག ཚེས་ ༢ ཉིན་མོན་གྷོ་འདོད་རྒུ་གླིང་གི་གཞིས་ཆགས་སུ་གཟིགས་སྐོར་གནང་སྟེ། གཏན་སློབ་ཀྱི་སློབ་ཕྲུག་ཚོར་ཤེས་ཡོན་གྱིོ་གལ་གནད་དང་བོད་ནང་མེར་བསྲེགས་གཏོང་བཞིན་པའི་གནས་སྟངས་ཐོག་གཏམ་བཤད་གནང་ཡོད་འདུག