ཉིན་འདི་འགར་མདོ་སྨད་རྨ་ཆུའི་རྩྭ་ཐང་དུ་གེ་སར་རྟ་རྒྱུག་འགྲན་ཚོཊ་ཆེན་མོ་ཟེར་བ་ཞིག་ཚོགས་ཡོད་ཅིང་། རྒྱ་གཞུང་གིས་དེ་ཁུལ་དུ་དམ་དྲག་ཧ་ཅང་ཆེན་པོ་བྱེད་ཀྱི་ཡོད་པ་མ་ཟད། བསྒྲགས་ཡིག་ཅིག་བཀྲམས་ཡོད་པའི་ནང་ཆབ་སྲིད་བྱ་འགུལ་དང་རང་བསྲེགས་བྱ་སྤྱོད་སོགས་སྤེལ་མི་ཆོག་ཚུལ་བཀོད།
ཟླ་འདིའི་ཕྱི་ཚེས་ ༡༣ ཉིན་མདོ་སྨད་རྨ་ཆུའི་རྩྭ་ཐང་དུ་༼སྐབས་དྲུག་པའི་གེ་སར་རྟ་རྒྱུཊ་འགྲན་བསྡུར་ཆེན་མོ།༽ཞེས་པ་ཞིག་མགོ་འཛུཊ་བྱས་ཡོད་འདུག་ཅིང་། ཐེངས་འདིའི་འགྲན་བསྡུར་ནང་སྨི་ ༡༠༠༠ དང་། སྨི་ ༢༠༠༠ ། སྨི་ ༣༠༠༠ བཅས་མགྱོགས་ཚད་འགྲན་བསྡུར་དང་། སྨི་ ༥༠༠༠ དང་། སྨི་ ༡༠༠༠༠ ཅན་གྱི་ཤུགས་ཚད་འགྲན་བསྡུར་བཅས་རིགས་ལྔ་ཡོད་འདུག
སྨི་གཅིག་ཁྲི་ཅན་གྱི་ཨང་དང་པོར་རྨ་ཁུག་རྟ་མཆོག་གསེར་གྱི་བུམ་པའི་རྟགས་མ་དང་རྒྱ་སྒོར་འབུམ་གཅིག་ཡོད་འདུག་ལ། ཨང་གཉིས་པར་དངུལ་གྱི་རྟགས་མ་དང་རྒྱ་སྒོར་ཁྲི་ལྔ། ཨང་གསུམ་པར་ཟངས་ཀྱི་རྟགས་མ་དང་རྒྱ་སྒོར་ཁྲི་བཞི་བཅས་ཡོད་འདུག
རྒྱ་ནག་གིས་འདིའི་སྐོར་གྱི་གནས་ཚུལ་སྤེལ་བའི་ནང་། ཐེངས་འདིའི་འགྲན་བསྡུར་ནང་སི་ཁྲོན། བོད་ལྗོངས། ཞིན་ཅིང་བཅས་ཀྱི་འགྲན་ཞུགས་པ་ ༨༠༠ ཙམ་ཡོད་པ་དང་། ལྟད་མོ་བ་མདོ་དབུས་ཁམས་གསུམ་དང་རྒྱ་ནག དེ་བཞིན་ཕྱི་རྒྱལ་ཁག་བཅས་ནས་ཁྱོན་མི་ཆིག་འབུམ་ ༡༠༠༠༠༠ ལྷག་འདུ་འཛོམས་བྱུང་ཡོད་ཚུལ་བརྗོད་འདུག
གོང་གི་གནས་ཚུལ་སྐོར་མདོ་སྨད་སྤྱི་འཐུས་སྒྲོལ་དཀར་སྐྱབས་ལགས་སུ་བཅར་འདྲི་ཞུས་པ་ལྟར་ན། ཐེངས་འདིའི་རྟ་རྒྱུག་འགྲན་བསྡུར་སྐབས། བོད་ཀྱི་གཡག་དང་ལུག འབྲོག་ཁྱི་བཅས་ཀྱི་འགྲེམས་སྟོན་དང་རིག་གནས་གླེང་སྟེགས་སོགས་ཀྱང་ཡོད་པ་དང་། གོ་སྐབས་འདི་དང་བསྟུན་ཏེ་བོད་རིཊ་ཤེས་ཡོན་ཅན་སྐོར་ཞིག་གིས། བོད་པ་ནང་ཁུལ་དུ་འཁྲུག་འཛིང་ཤོར་བ་དང་། རྐུན་ཇག་བྱེད་པ་སོགས་ཀྱི་ཐོག་མང་ཚོཊ་ལ་གོ་རྟོཊ་སྤེལ་ཏེ། མནའ་སྐྱེལ་དམ་འཇོག་གི་ལས་འགུལ་ཞིག་ཀྱང་སྤེལ་གྱིན་ཡོད་ཚུལ་བརྗོད་བྱུང་།
རྒྱ་གཞུང་གིས་རྟ་རྒྱུག་འགྲན་ཡུལ་དུ་དམ་དྲག་ཧ་ཅང་ཆེན་པོ་བྱེད་ཀྱི་ཡོད་འདུག་ལ། ཉེ་ལམ་རྨ་ཆུ་རྫོང་སྲིད་གཞུང་གིས་དམག་ ༥༠༠༠ ལྷག་རྟ་རྒྱུག་བྱེད་ཡུལ་དུ་འགྲེམས་འཇོག་གིས་ཉིན་མཚན་གཉིས་ཀར་ལྟ་རྟོག་བྱེད་ཀྱི་ཡོད་འདུག
ཐེངས་འདིའི་རྟ་རྒྱུག་འགྲན་བསྡུར་སྟེང་རྨ་ཆུ་རྫོང་སྲིད་གཞུང་གིས་ཆེད་དུ་༼ ཀྲུང་གོའི་ཤམ་བྷ་ལ་ནང་བཞིན་ལྟ་ན་སྡུག་པའི་ཀན་ལྷོའི་རྨ་ཆུའི་སྐབས་དྲུག་པའི་གེ་སར་རྟ་རྒྱུག་འགྲན་ཚོཊ་ཆེན་མོའི་ལྟད་མོ་བའི་བསྲུང་བྱ། ༽ཞེས་པའི་དོན་ཚན་ ༡༡ ཅན་གྱི་བསྒྲགས་ཡིག་ཅིག་བཀྲམས་ཡོད་པའི་ནང་།
“ ༡༽རང་ཤུཊ་ཀྱིས་གཤིབ་རའི་སྒྲིག་ལམ་བརྩི་ཞིང་ཉེན་རྟོག་པས་བདེ་བཤེར་བྱེད་པར་མཐུན་སྦྱོར་བྱེད་རྒྱུ་དང་། ཉེན་རྟོག་པ་དང་བྱ་བྱེད་པས་བཀོད་སྒྲིག་ལྟར་དུ་ལྟད་མོ་བལྟ་དགོས།
༢ ༽ལྟད་མོར་ལྟ་སྐབས་བརྩི་འཇོག་ཡོད་དགོས་པ་མ་ཟད། འཁྲབ་སྟོན་པ་དང་ལུས་རྩལ་པ། ཤན་འབྱེད་པ་སོགས་ལ་དམའ་འབེབས་དང་འཛིང་རེས་རྡུང་རེས་སོགས་བྱེད་མི་ཆོག ལྟད་མོ་བ་རྣམས་ལའང་བྱ་སྤྱོད་མི་ལེགས་པ་དང་སྐད་ཆ་མི་ལེགས་པ་སྨྲོས་མི་ཆོག
༣ ༽ རང་ཤུགས་ཀྱིས་ཐུན་མོང་གི་སྒྲིག་ལམ་བརྩི་ཞིང་སྤྱི་རྫས་ལ་གཏོར་བརླག་བྱེད་མི་ཆོག ཁོར་ཡུག་གི་གཙང་སྦྲ་ལའང་དོ་སྣང་བྱ་དགོས། འཁྲབ་སྟོན་དོ་ར་དང་གཤིབ་ར་སོགས་ལ་གད་སྙིགས་རང་དགར་འདོར་བའམ་གཞན་ལ་གནོད་པའི་བྱ་སྤྱོད་ངན་པ་སྤེལ་མི་ཆོག
༤ ༽ རྟ་རྒྱུག་ལ་གནོད་པའི་བྱ་སྤྱོད་གཏན་ནས་སྤེལ་མི་ཆོག ལན་ཀན་གྱི་སྟེང་འགོ་བའམ་རྐུབ་སྟེཊ་ལ་རྡོག་བརྫིས་བྱེད་པ། ཤོག་སྦག་འཕེན་པ་སོགས་བྱེད་མི་ཆོག གཤིབ་ལམ་དང་འབྲེལ་བའི་གནས་གང་དུའང་འགྲོ་འོང་བྱེད་མི་ཆོག མི་མང་འཚོཊ་ཏེ་གཤིབ་རའི་འགྲོ་ལམ་འགོག་པའམ་བཙན་གྱིས་གཤིབ་རའི་ནང་དུ་འགྲོ་མི་ཆོག
༥ ༽ ལུས་རྩལ་པ་དང་ལྟད་མོ་བ་གང་ཡིན་ཡང་ཆོག་མཆན་མ་ཐོབ་པར་ཆབ་སྲིད་དང་རིགས་རྒྱུད། ཆོས་ལུཊ་དང་ཚོང་ལས་སོགས་ཀྱི་ཁྱད་ཆོས་ལྡན་པའི་འགེལ་བྱང་དང་བསྒྲགས་ཡིག་སོགས་གང་ཡང་འཁྱེར་མི་ཆོག ཆོག་མཆན་མེད་པའི་དྲིལ་སྒྲོག་དངོས་རྫས་གཞན་དག་ཀྱང་འཁྱེར་མི་ཆོག
༦ ༽ཤོག་སྦག་དང་རླངས་སྣུམ་སོགས་འབར་སླ་བ་དང་འགད་སླ་བའི་དངོས་པོ་ཉེན་ཁ་ཅན་དང་། བོའུ་རྫུན་དང་མདའ་གཞུ། གློ་གྲི། ལྕགས་མགོར་སོགས་བཀག་སྡོམ་དངོས་རྫས། བཙན་དུག་སོགས་རྫས་འགྱུར་དངོས་རྫས་ཉེན་ཁ་ཅན་གང་ཡིན་ཡང་ཚང་མ་འཁྱེར་ཆོག་གི་མེད་པ་མ་ཟད། གཞན་ལ་གནོད་ཉེན་ཡོད་པའི་འགད་རྫས་གཞན་དག་ཀྱང་གཤིབ་རའི་ནང་འཁྱེར་མི་ཆོག་ཅེས་འཁོད་འདུག
༧ ༽འཕྲུལ་རྟ་དང་སྒེར་སྤྱོད་འཁོར་ལོའི་རིཊ་རྫོང་མཁར་གྱི་གཞུང་ལམ་གཙོ་བོར་འོང་མི་ཆོག བགྲོད་ཆོག་དཔང་འཛིན་མེད་པའི་འཕྲུལ་སྒུལ་འཁོར་ལོ་ཡང་གཤིབ་ཁུལ་དུ་འོང་མི་ཆོག འཕྲུལ་སྒུལ་འཁོར་ལོ་བླང་བྱ་ལྟར་གཏན་འཁེལ་བྱས་པའི་གནས་སུ་འཇོག་པ་ལས་རང་འདོད་ཀྱིས་འཇོག་མི་ཆོག་ལ་བཀག་སྡོམ་ས་ཁུལ་དུའང་འགྲོ་མི་ཆོག
༨ ༽འགྲན་ཞུགས་ལུས་རྩལ་པ་དང་ལྟད་མོ་བ་གང་ཡིན་ཡང་། ཁོར་ཡུག་གི་གཙང་སྦྲ་རང་ཤུགས་ཀྱིས་སྲུང་དགོས། རྫོང་མཁར་ཉེ་འཁོར་གྱི་གཞུང་ལམ་འགྲམ་ངོགས་སམ་སྲང་ལམ་ནས་རླུང་རྟ་གཙུབ་མི་ཆོག རླུང་རྟ་གཙུབ་ན་རྟ་རྒྱུག་ཚོགས་ཆེན་གྱི་རྩ་འཛུགས་ཨུ་ཡོན་ཁང་གིས་གཏན་འཁེལ་བྱས་པའི་གནས་སུ་གཙུབ་ཆོག
༩ ༽དོན་རྐྱེན་སློང་བ་དང་རྡུང་རེས་བྱེད་པ། འཇིགས་སྐུལ་དང་དམའ་འབེབས་བྱེད་པ་སོགས་ཀྱི་བྱ་སྤྱོད་སྤེལ་མི་ཆོག་ལ། རྒྱལ་དང་སྡུག་གི་རྣམ་པ་ཅི་ཡང་སྤེལ་མི་ཆོག
༡༠ ༽ཁྲོམ་སྐོར་དང་རྔམ་སྟོན། གྱོད་འདུག རང་རྨས། རང་ཤི། རང་སྲེག དེ་བཞིན། རྡུང་། བཅོམ། འཕྲོག སྲེག་སོགས་ཁྲིམས་འགལ་བྱ་སྤྱོད་སྤེལ་མི་ཆོག
༡༡ ༽ ཐག་བཅད་དང་འགལ་བའི་ལྟད་མོ་བ་ལ་གནས་ཚུལ་ལྟར་ཕྱིར་རང་གནས་སུ་ལོག་དགོས་པའི་བསླབ་བྱ་གཏོང་པ་དང་། གནས་ཚུལ་ཅུང་ཚབས་ཆེན་ཡིན་ཚེ་བཀག་ཉར་བྱེད་རྒྱུ་ཡིན། ནག་ཉེས་ལ་ཐུག་ཚེ་ཁྲིམས་ལྟར་འགན་འདེད་རྒྱུ་ཡིན། ཐག་བཅད་དང་འགལ་བའི་འགྲན་ཞུཊ་ལུས་རྩལ་པ་ལ་གནས་ཚུལ་ལྟར་ཞུགས་དབང་མེད་པར་བཟོ་བའམ་གྲུབ་འབྲས་མེད་པར་གཏོང་རྒྱུ་ཡིན་པ་མ་ཟད། གཤིབ་ར་ནས་བགྲད་དེ་རྨ་ཆུ་ནས་རང་གནས་སུ་ལོག་དགོས་པའི་བསླབ་བྱ་གཏོང་རྒྱུ་ཡིན་བཅས་ཡིན་འདུག
གསར་འགོད་པ། དཔལ་ལྡན།
དུས་བབ་གསརའགོད་ལགས། (གེ་སར་རྟ་རྒྱུག་) ཞེས་པའི་གི་མིང་འདི་ཡོངས་སུ་གྲགས་ཟིན་པའི་མིང་རེད་་་དེ་་སྐུང་གི་མ་འདུག
རང་སྲེག་བྱ་སྤྱོད་སྤེལ་ཆོག་ཀྱང་། །
རང་སྲེག་བྱ་སྤྱོད་མ་སྤེལ་རོགས། །
དགྲ་ལ་གནོད་ཚབ་དཔོག་དཀའ་ཡང་། །
གཉེན་ལ་བཟོད་བསྲན་དཀའ་བ་འདུག །
སེངྒེ་ལགས་གཡག་ལུག་འགྲན་བསྡུར་བྱས་པ་རྒོད་བྲོ་རྒྱུ་ཅི་ཞིག་ཡོད། དེ་ནི་བོད་ཀྱི་ཐུན་མིན་བརྩེ་རིགས་ཞིག་མ་རེད་དམ། གང་མཐར་སྤུན་ཟླ་ས་ཡ་དུ་མ་ཞིག་རྒྱ་འོག་དུ་གནས་ཡོད་པའི་ལས་ཀ་ལེགས་ལེགས་ཉེས་ཐམས་ཅད་ལ་སྙོན་མེད་སྙོན་འཛུགས་བྱས་རུང་དགོས་པ་དེ་ཙམ་མ་མཐོང་། གོང་གི་བསྒྲིགས་གཞི་དོན་ཚན་བཅུ་གཅིག་དེའི་ནང་མ་འོས་པར་གང་ཡང་མཐོང་མ་སོང་། ས་ཆ་གང་དུ་ཡང་བསྒྲིགས་ཁྲིམས་ནི་དགོས་ངེས་ཞིག་རེད། དེར་རྟེན་ཆན་བུ་འདེབ་མཁན་རྣམས་ནས་ཀྱང་དོན་དགོས་ལ་དཔྱད་པ་མང་ཙམ་དང་དྲང་བདེན་ལམ་ནས་ཆན་བུ་རེ་འདེབ་ན་དགོས་པ་ཆེ་བར་སྙམས།།
བོད་པ་ཚོ་སེམས་ཤུགས་མ་ཆགས་པར་རྒྱ་དམར་འུ་ཐུགས་ཀྱི་གནས་སྟངས་སུ་འཚོ་བཞིན་པར་ལྟོས་དང་། ཧ ཧ ཧ ཅི་ཞིག་གི་སྟོབས་ཆེན་རྒྱལ་ཁབ།
( འདི་བཙན་བྱོལ་ཚང་གི་སྡུག་གཏམ་རེད )
ཀན་སུའུ་ཞིང་ཆེན་ཀན་ལྷོ་ཁུལ་རྨ་ཆུ་རྫོང་གིས་སྐབས་དྲུག་པའི་གེ་སར་གླིང་གི་རྟ་རྒྱུགས་རྒྱལ་འཇོག་འགྲན་ཚོགས་བསྡུས་ཏེ། ས་ཁུལ་སོ་སོའི་བལྟད་མོ་བ་ཁྲི་གཉིས་ལྷག་འཛོམས་པ་ཁྱབ་བསྒྲགས་བྱས་ཡོད་ཀྱང་། གནས་སྟངས་དེར་བོད་མིའི་སྤྱི་ཚོགས་ཁྲོད་སྐབས་འདི་འདྲ་ཞིག་ལ་རྟ་རྒྱུག་འགྲན་ཚོགས་བསྡུ་བ་འོས་འཚམ་མིན་པའི་འདོད་ཚུལ་གླེང་མཁན་དང་། རྣམ་འགྱུར་སྟོན་མཁན་ཡང་ཧ་ཅང་མང་བོ་ཡོང་བཞིན་པར། དཔེར་ན་བོད་ནང་གི་དྲ་ལམ་ཁག་དུ་བོད་མི་ཚོས་བསམ་ཚུལ་གླེང་ཕྱོགས་འཁོད་འདུག་པ་དེ་ཡང་གཅིག་གིས། རྨ་རྫོང་རྟ་གཤིབ་བྱས་ནས་དགའ་སྤྲོ་བྱ། རྔ་རྫོང་མེ་མཆོད་བྱས་ནས་བདེན་མཐའ་བསྙེག མི་རིཊ་གཅིག་ལ་འདི་འདྲའི་ལས་དབང་གཉིས་ཞེས་དང་། ད་དུང་གཞན་ཞིག་གིས། རྨ་ཆུ་ནས་ཤོག་སྦག་སྒོར་ཁྲི་༣༠་ལྷག་བཀད་པའི་རྟ་རྒྱུགས་སྟོན་མོ་དེས། བོད་མི་ལྔ་བཅུ་ལྷག་གིས་རང་ལུས་མེ་ལ་སྒྲོན་པར་གདུང་བསམ་མཉམ་བསྐྱེད་བྱས་ཨི་རེད། ཡང་གཞན་དུ་བོད་མི་ས་ཡ་དྲུག་དང་རིགས་གཞུང་སོགས་ཆེད་དུ།གངས་ཅན་བོད་མི་མང་པོས་ལུས་སྲོག་བཏང་ཀྱང་། རྨ་ཆུའི་བོད་མིའི་སེམས་ལ་རྨ་ཁ་ཙམ་མི་འདུག་ཞེས་བ་སོགས་འཁོད་འདུག།
སྤྱིར་བཏང་ཉེ་བའི་ལོ་ཤས་གོང་བོད་ཁུལ་གྱི་ས་གནས་གང་ས་གང་དུ་རྟ་རྒྱུག་འགྲན་རྩོད་བྱེད་པའི་རླབས་ཤིག་འཕྱུར་ཡོད་པ་༢༠༠༨ བོད་མིའི་ཞི་རྒོལ་རྗེས་རྒྱ་ནག་གིས་མི་ཉུང་བ་བཀག་བསྡོམས་བྱས་ཡོད། འོན་ཀྱང་དེང་སང་བསྐྱར་དུ་བོད་ནང་གི་ས་གནས་གང་སར་སྔ་ཕྱིར་རྟ་ རྒྱུག་འགྲན་ཚོགས་རེ་ཚོགས་དང་འཚོགས་ཀྱིན་ཡོད་པར་རྒྱབ་ལྗོངས་གསལ་བོ་མེད་ཐོག་རྒྱ་ནག་གཞུང་ཕྱོགས་ནས་ཀྱང་ཆབ་སྲིད་ཀྱི་དགོས་མཁོར་བེད་སྤྱོད་ཆེད་བཀག་བསྡོམས་སོགས་གང་ཡང་མེད་པར་ད་དུང་མཐུན་འགྱུར་རྒྱབ་སྐྱོར་བྱེད་བཞིན་པ་བོད་མི་དོ་སྣང་ཅན་ཚོས་བཤད་བཞིན་པ་རེད།
( འདི་བོད་ནང་དུ་སྤེལ་བའི་རྒྱ་ནག་གཞུང་འབྲེལ་གྱི་གསར་འགྱུར་ཞིག་རེད། )
གེ་སར་རྟ་རྒྱུག་ཚོགས་ཆེན་ཀན་ལྷོའི་རྨ་ཆུ་རུ་སྤེལ་བ།
ཟླ8པའི་ཚེས13ཉིན་གྱི་སྔ་དྲོར། ཚོན་མདོག་སྣ་དགུའི་ཀན་ལྷོའི་ཤམ་བྷ་ལའམ་རྨ་ཆུའི་སྐབས་དྲུག་པའི་གེ་སར་རྟ་རྒྱུག་ཚོགས་ཆེན་དེ་རྨ་ཆུའི་རྩྭ་ཐང་གེ་སར་རྟ་རྒྱུག་ལྟེ་གནས་སུ་སྤེལ་རྒྱུ་རེད། རྒྱུས་ལོན་པ་ལྟར་ན། ཐེངས་འདིའི་འགྲན་སྡུར་སྟེང་སྨི1000དང་སྨི2000། སྨི3000བཅས་ཀྱི་མགྱོགས་འགྲན་ཡོད་པ་མ་ཟད། སྨི5000དང་སྨི་ཁྲི་གཅིག་ཅན་གྱི་ཤུགས་འགྲན་རྣམ་གྲངས་ལྔ་ཡོད་པ་དང་། ཞིན་ཅང་དང་བོད་ལྗོངས། སི་ཁྲོན་སོགས་ཞིང་ཆེན་དང་ལྗོངས་གཞན་གྱི་མི་བརྒྱད་བརྒྱ་ཡང་འགྲན་སྡུར་སྟེང་ཞུགས་ཡོད།
སྨི1000དང་སྨི2000། སྨི3000བཅས་མགྱོགས་འགྲན་རྣམ་གྲངས་གསུམ་དུ་ཆ་སྙོམས་ཀྱིས་ཨང་རིམ་དགུ་རུ་བགར་ཡོད་པ་དང་། རྣམ་གྲངས་རེའི་ཨང་དང་པོར་སྒོར་ཁྲི་གསུམ་དང་། ཨང་གཉིས་པར་སྒོར་ཁྲི་གཉིས། ཨང་གསུམ་པར་སྒོར་ཁྲི་གཅིག་བཅས་ཀྱི་བྱ་དགའ་གནང་རྒྱུ་ཡིན་པ་མ་ཟད་སོ་སོར“རྨ་ཁུག་རྟ་མཆོག་བུམ་པའི”གསེར་རྟའི་བུམ་པ་དང་། དངུལ་རྟའི་བུམ་པ། ཟངས་རྟའི་བུམ་པ། དཔང་རྟགས་སོགས་གནང་རྒྱུ་ཡིན་པ་དང་། ཨང་བཞི་བ་ནས་ཨང་དགུ་བའི་བར“རྨ་ཁུག་རྟ་མཆོག་བུམ་པའི”དྲན་རྟེན་བུམ་པ་དང་དཔང་རྟགས་གནང་རྒྱུ་རེད།
སྨི5000ཅན་གྱི་མགྱོགས་རྩལ་འགྲན་སྡུར་སྟེང་། ཨང་དང་པོ་ཐོབ་མཁན་ལ་སྒོར་ཁྲི་དྲུག་དང་། ཨང་གཉིས་པ་ཐོབ་མཁན་སྒོར་ཁྲི་བཞི། ཨང་གསུམ་པ་ཐོབ་མཁན་ལ་སྒོར་ཁྲི་གསུམ། ཨང་བཞི་བར་སྒོར་ཁྲི་གཉིས། ཨང་ལྔ་བར་སྒོར་ཁྲི་གཅིག དེ་ལས་ཨང་དང་པོ་དང་གཉིས་པ། གསུམ་པ་བཅས་ལ“རྨ་ཁུག་རྟ་མཆོག་བུམ་པའི”གསེར་རྟའི་བུམ་པ་དང་། དངུལ་རྟའི་བུམ་པ། ཟངས་རྟའི་བུམ་པ། དེ་མིན་དཔང་རྟགས་སོགས་གནང་རྒྱུ་ཡིན་པ་དང་། ཨང་བཞི་བ་ནས་ཨང་དགུ་བར“རྨ་ཁུག་རྟ་མཆོག་བུམ་པའི”དྲན་རྟེན་བུམ་པ་དང་དཔང་རྟགས་གནང་རྒྱུ་རེད།
སྨི་ཁྲི་གཅིག་ཅན་གྱི་མགྱོགས་རྩལ་འགྲན་སྡུར་སྟེང་། ཨང་དང་པོ་ཐོབ་མཁན་ལ་སྒོར་འབུམ་གཅིག་དང་། ཨང་གཉིས་པར་སྒོར་ཁྲི་ལྔ། ཨང་གསུམ་པར་སྒོར་ཁྲི་བཞི། ཨང་བཞི་བར་སྒོར་ཁྲི་གསུམ། ཨང་ལྔ་བར་སྒོར་ཁྲི་གཉིས་སྟེར་རྒྱུ་ཡིན་པ་དང་། དེ་ལས་ཨང་དང་པོ་དང་གཉིས་པ། གསུམ་པ་བཅས་ལ“རྨ་ཁུག་རྟ་མཆོག་བུམ་པའི”གསེར་རྟའི་བུམ་པ་དང་། དངུལ་རྟའི་བུམ་པ། ཟངས་རྟའི་བུམ་པ། དེ་མིན་དཔང་རྟགས་སོགས་གནང་རྒྱུ་ཡིན་པ་དང་། ཨང་བཞི་བ་ནས་ཨང་དགུ་བའི་བར“རྨ་ཁུག་རྟ་མཆོག་བུམ་པའི”དྲན་རྟེན་བུམ་པ་དང་དཔང་རྟགས་གནང་རྒྱུ་རེད།
འགྲན་བསྡུར་བྱེད་པའི་མཚུངས་སུ། ཚོང་གཉེར་དང་། བཟའ་བཏུང་། རྨ་ཆུའི་སྐབས་དང་པོའི་རྨ་ཁུག་འབྲོག་ཁྱི་འགྲེམ་སྟོན་དང་རིག་གནས་གླེང་སྟེགས། ཆིན་རྒྱལ་རབས་ཀྱི་རྫ་བཟོས་དམག་རྟ་དང་རྨ་ཁུག་རྟ་མཆོག་ཞིབ་འཇུག་བརྗོད་དོན་གླེང་སྟེགས། ཚོང་འགུག་དངུལ་འདྲེན་ལས་གཞི་མཚམས་སྦྱོར་སོགས་བྱ་འགུལ་མང་པོ་སྤེལ་རྒྱུ་ཡིན་ལ། འདི་ནི་གཞི་རྒྱ་ཆེ་ཞིང་ཚད་རིམ་མཐོ་བ། ནང་དོན་ཕུན་སུམ་ཚོགས་པ་ཞིག་ཡིན་པས་སྐབས་དྲུག་པའི་གེ་སར་རྟ་རྒྱུག་ཚོགས་ཆེན་གྱི་གཟི་འོད་ཅིག་ཏུ་འགྱུར་ངེས།
ཨང་ཐོབ་དགའ་རྟགས་ཀྱི་སྒོར་གྲངས་ནོར་འདུག་ལ། དེ་ལས་ཀྱང་བགད་ཆོར་བ་ཞིག་ནི། ༼ བོད་ཀྱི་གཡག་དང་ལུག འབྲོག་ཁྱི་བཅས་ཀྱི་རྒྱུག་འགྲན་ཡང་ཡོད་པ་དང་།༽ཞེས་པ་འདི་རེད། གསར་འགོད་པས་ཐུགས་ཉམས་ཅུང་ཟད་འཇོག་རོགས།