ཁ་སང་ཕྱི་ཚེས་ ༣༠ ཉིན་ཨ་རུ་ཎ་ཅཱལ་མངའ་སྡེའི་ཕྱི་འབྲེལ་བློན་ཆེན་ཨེ་ཨ་མེ་ཌི་(E Ahamed) ཡིས་རྒྱ་གར་གྲོས་ཚོགས་གོང་མར་སྙན་ཞུ་ཞིག་ཕུལ་ཏེ། རྒྱ་ནག་གིས་རྒྱ་དཀར་ནག་གི་རྒྱལ་མཚམས་ལ་རྡོག་རོལ་བཏང་སྟེ། ཨ་རུ་ཎ་ཅཱལ་མངའ་སྡེ་ནི་བོད་ཀྱི་ལྷོ་ངོས་ས་ཁུལ་ཡིན་སྐོད་བཤད་དེ། རྒྱ་གར་བྱང་ཤར་ཁུལ་གྱི་སའི་རྒྱ་ཁྱོན་སྤྱི་ལེ་གྲུ་བཞི་མ་ཁྲི་དགུ་ ༩༠༠༠༠ ཙམ་རྒྱ་ཁོངས་ཡིན་པར་རྩོད་གླེང་གིས་ཧམ་བཟུང་བྱ་འཆར་ཡོད་སྐོར་བརྗོད་ཡོད་འདུག
འབྱུང་འགྱུར་ཕྱི་ཟླ་ ༩ ཚེས་ ༢ ཉིན་རྒྱ་ནག་གི་རྒྱལ་སྲུང་བློན་ཆེན་ལཱེང་ཀུང་ལའེ་(Liang Guanglie) རྒྱ་གར་དུ་ཡོང་རྒྱུ་ཡིན་པ་དང་། ཆབ་སྲིད་དཔྱད་བརྗོད་པ་ཚོས་སྐབས་དེར་རྒྱ་དཀར་ནག་གི་ས་མཚམས་སྐོར་ལ་གྲོས་མོལ་ཡོང་རྒྱུར་རེ་བ་བྱེད་ཀྱི་ཡོད་འདུག རྒྱ་གར་རྒྱལ་སྲུང་ལས་ཁུངས་ཀྱིས་ལོ་བདུན་གྱི་རྗེས་སུ་ཐེངས་དང་པོར་རྒྱ་ནག་གི་རྒྱལ་སྲུང་བློན་ཆེན་རྒྱ་གར་དུ་ཡོང་གི་ཡོད་པ་དང་། སྐབས་དེར་ཕྱོགས་གཉིས་ཀྱི་ཕྱི་འབྲེལ་དང་བདེ་སྲུང་སྲ་བརྟན་གཏོང་ཕྱོགས་ཐད་གྲོས་བསྡུར་བྱ་འཆར་ཡོད་སྐོར་བརྗོད་འདུག
རྒྱ་དཀར་ནག་གི་ས་མཚམས་ཐད་ཕྱོགས་གཉིས་བར་ཐེངས་མང་གྲོས་བསྡུར་དང་ཆིངས་ཡིག་སོགས་བཞག་ཡོད་ཀྱང་། ༢༠༡༠ ལོར་ཀཱ་ཤི་མར་གྱི་དམག་དཔོན་ཇཱ་སི་ཝལ་(B S Jaswal) རྒྱ་ནག་ཏུ་བསྐྱོད་རྒྱུར་རྒྱ་ནག་གིས་ཐོངས་མཆན་མ་སྤྲད་སྟབས། ཕྱོགས་གཉིས་པར་གྱི་མཐའ་མཚམས་རྩོད་གླེང་གི་གནས་བབས་ཇེ་སྡུག་ཏུ་ཕྱིན་ཡོད་ལ། དེ་ནི་རྒྱ་ནག་གིས་ཨ་རུ་ཎ་ཅཱལ་ཙམ་དུ་མ་ཟད་ཀ་ཤི་མར་ཡང་རྒྱ་ཁོངས་ཡིན་ཚུལ་གྱིས་དམག་དཔོན་ཁོང་ལ་ཐོངས་མཆན་མ་སྤྲད་པ་ཞིག་ཡིན་འདུག
གསར་འགོད་པ། བནྡེ་སྐྱབས།
སྐུ་ཞབས་བནྡེ་སྐྱབས་ལགས།
ཕལ་ཆེར་ཁྱེད་ཀྱིས་དབུ་མ་ཚོད་པ་ཡིན་ཤས་ཆེ། གང་ལགས་ཤེ་ན། སྤྱིར་སྟངས་མངའ་སྡེ་སོ་སོར་སྤྱི་ཁྱབ་བློན་ཆེན་རེ་དང་དེ་འོག་བློན་པོ་ཁག་ཡོད་པ་རྣམ་གསལ་རེད། ཡིན་ནའང་མངའ་སྡེ་ཞིག་གི་ནང་ཕྱི་འབྲེལ་བློན་ཆེན་ཞེས་པའི་གོ་གནས་ཤིག་གཏན་ནས་ཡོད་མི་ཆོག་པ་དང་། གལ་ཏེ་ཕྱི་འབྲེལ་བློན་ཆེན་ཡོད་པའི་དབང་དུ་བཏང་ན་དེ་ནི་རྒྱལ་ཁབ་གཞན་ཞིག་ཏུ་ངོས་འཛིན་ཤུགས་ཀྱི་ཡོང་བ་ཡིན། དཔེར་ན་མངའ་སྡེ་སོ་སོའི་རྒྱལ་ཁབ་གཞན་ཞིག་ལ་ཚོང་གི་འབྲེལ་ལམ་ཞུ་དགོས་ཚེ། ཐོག་མར་མངའ་སྡེ་སོ་སོའི་སྤྱི་ཁྱབ་བློན་ཆེན་ནམ་ནང་སྲིད་བློན་ཆེན་བརྒྱུད་འབྲེལ་ཡོད་རྒྱལ་ཁབ་ཀྱི་ལས་ཁུངས་སུ་སྙན་ཞུ་འབུལ་རྒྱུ་དང་དེའི་ཕྱི་འབྲེལ་ལས་ཁུངས་ལ་ཞུས་ནས་རྒྱལ་ཁབ་གཞན་གང་ཡང་རུང་བ་དང་ལྷན་དུ་འབྲེལ་ལམ་བྱེད་དགོས་པ་ལས་ཁ་ཐུག་འབྲེལ་བ་བྱེད་ས་ལམ་ཞིག་ད་ལྟའི་རྒྱ་གར་དམངས་གཙོའི་གཞུང་གི་སྲིད་ཇུས་ལ་མེད་པ་རེད།
འབྲོང་བུ་སོག་ཚ་ལགས་ཀྱིས་བསམ་ཚུལ་བརྗོད་པར་དགའ་བསུ་ཡོད།
འོན་ཏེ། མངའ་སྡེ་ལ་བློན་ཆེན་ཡོད་མི་ཆོག་པའི་གཞུང་འཛིན་ལམ་ལུགས་ཤིག་གང་དུ་གསལ་ཡོད། ལྷག་པར་དུ་རྒྱ་གར་ལ་མཚོན་ན་མངའ་སྡེ་་གཞུང་དང་། མངའ་སྡེ་གྲོས་ཚོགས། དེ་བཞིན་ལྷན་ཁང་སོགས་ཡོད་ལ། ལྷན་ཁང་སོ་སོར་བློན་ཆེན་རེ་རེ་ཡོད། དབུས་གཞུང་ལ་སྲིད་བློན་ཡོད་ལ། མངའ་སྡེ་གཞུང་ལ་སྤྱི་ཁྱབ་བློན་ཆེན་ (Chief Minister) ཡོད། སྤྱི་ཁྱབ་བློན་བློན་ཆེན་འོག་གི་ལྷན་ཁང་སོ་སོའི་ནང་བློན་ཆེན་རེ་ཡོད། གོང་གི་དེར་ཁ་གསལ་བོའི་སྒོ་ནས་མངའ་སྡེའི་ཕྱི་འབྲེལ་བློན་ཆེན་ཞེས་བྲིས་ཡོད་པ་དེ་དབྱིན་ཡིག་ནང་ state Minister of external affairs ཞེས་བརྗོད་ཀྱི་ཡོད་པ་རེད།
་་་་་་ རྒས་པོ་ནེའེ་རུས་ཁྱིམ་མཚེས་རྒྱལ་ཁབ་ཞིག་ཡིན་པའི་ཆ་ནས་བོད་རྒྱ་ནག་གི་ཆ་ཤས་རེད་ཞེས་དང་བླངས་ཀྱིས་དཔང་པོ་རྫུན་མ་ཞིག་ཐོན་པ་རེད། ད་ཆ་རའི་འུར་རྡོ་ར་ལ་ཕོགས་པ་རེད་ལ། བོད་རྒྱ་ནག་གི་ཆ་ཤས་ཡིན་ན་དབྱིན་ཇིས་རྒྱ་གར་དབང་བསྒྱུར་སྐབས་བོད་སྡེ་པ་གཞུང་གིས་མེ་མདའ་དབྱིན་ཇི་ཁ་དུམ་ཉོས་རིན་ལ་མོན་རྟ་དབང་སྤྲད་པའི་བོད་ཡུལ་གྱི་ས་ཆ་དེ་ཚོ་རྒྱ་ནག་གི་ཆ་ཤས་ཡིན་པ་ཁོ་རང་གིས་གཙོས་པའི་རྒྱ་གར་གཙོ་འཛིན་ཚང་མས་བསྒྲུབས་ཚར་བ་རེད། ད་བྱེད་རྒྱུ་ཞེ་དྲག་མེད་པ་རེད། ཡང་གཅིག་མིན་ན་བོད་འདི་རྒྱ་དཀར་ནག་གཉིས་ཀྱི་བར་གནས་པའི་རང་བཙན་གཙང་མའི་ཁྱིམ་མཚེས་རྒྱལ་ཁབ་ཞིག་ཡིན་པ་ངོས་ལེན་བྱེད་དགོས་པ་དེ་རེད། དེ་མིན་ལམ་ཁ་གཞན་ཅི་ཡང་ལྷག་མེད་པ་རེད་དོ། ་་་་་་་་་
ཞེས་པའི་གསེར་འབྲུག་སྡེ་ལྔའི་མཆན་འདི་ལ་གཟིགས་དང་། ལོ་རྒྱུས་ལ་རྒྱུས་མངའ་དང་བཅས་དྲངས་འདུག་པའི་མཆན་བུ། འདི་འདྲ་ལ་བློ་གསར་གཞོན་སྐྱེས་ཚོས་མིག་དཔེ་ཡར་ལྟ་བྱེད་དགོས་འདུག ཆབ་སྲིད་ལ་བསྒྱུར་བ་འགྲོ་བར་ཆོས་ཉིད་ཡིནད་ཀྱང་ལོ་རྒྱུས་ལ་འོལ་ཚོད་དང་། འཁྱོག་བཤད་ནམ་ཡང་བྱེད་མི་ཉན།
མོན་ཡུལ་སོགས་ལ་གནས་པའི་ནང་པ་བོད་རིགས་ཚོ་བོད་མི་རེད་ལ། མོན་སོགས་ཡུལ་འཐོར་རྣམས་ཀྱང་བོད་ཀྱི་རེད། བོད་རང་གིས་ཁོངས་སུ་འཛིན་མི་ཐུབ་ན་རྒྱ་དཀར་ནག་སུས་འཁྱེར་ན་ཡང་འཁྱེར། འོནད་དེར་གནས་མི་རིགས་དེ་ཚོར་བྱམས་སྐྱོང་དགོས་པ་ལས། གདུག་རྩུབ་ནམ་ཡང་ཕོག་མི་རིགས་སོ། །
ང་ཚོས་རང་བཙན་ལེན་འདོད་ཡོད་ན། བོད་བསྟན་དར་སའི་ས་འབྲེལ་ཡོངས་རྫོགས་གཅིག་ཏུ་སྒྲིལ་ཐུབ་ན། བོད་བསྟན་སྐུ་ཚེ་ཡུན་དུ་བརྟན་པ་ལ་ཕན་ཡང་སྲིད། འོནད་ཀྱང་། ང་ནི་དུས་ད་ལྟའི་འཆར་ལམ་དབུ་པ་པ་མོས་མཁན་ཞིག་ཡིན་ལགས། །
རྒས་པོ་ནེའེ་རུས་ཁྱིམ་མཚེས་རྒྱལ་ཁབ་ཞིག་ཡིན་པའི་ཆ་ནས་བོད་རྒྱ་ནག་གི་ཆ་ཤས་རེད་ཞེས་དང་བླངས་ཀྱིས་དཔང་པོ་རྫུན་མ་ཞིག་ཐོན་པ་རེད། ད་ཆ་རའི་འུར་རྡོ་ར་ལ་ཕོགས་པ་རེད་ལ། བོད་རྒྱ་ནག་གི་ཆ་ཤས་ཡིན་ན་དབྱིན་ཇིས་རྒྱ་གར་དབང་བསྒྱུར་སྐབས་བོད་སྡེ་པ་གཞུང་གིས་མེ་མདའ་དབྱིན་ཇི་ཁ་དུམ་ཉོས་རིན་ལ་མོན་རྟ་དབང་སྤྲད་པའི་བོད་ཡུལ་གྱི་ས་ཆ་དེ་ཚོ་རྒྱ་ནག་གི་ཆ་ཤས་ཡིན་པ་ཁོ་རང་གིས་གཙོས་པའི་རྒྱ་གར་གཙོ་འཛིན་ཚང་མས་བསྒྲུབས་ཚར་བ་རེད། ད་བྱེད་རྒྱུ་ཞེ་དྲག་མེད་པ་རེད། ཡང་གཅིག་མིན་ན་བོད་འདི་རྒྱ་དཀར་ནག་གཉིས་ཀྱི་བར་གནས་པའི་རང་བཙན་གཙང་མའི་ཁྱིམ་མཚེས་རྒྱལ་ཁབ་ཞིག་ཡིན་པ་ངོས་ལེན་བྱེད་དགོས་པ་དེ་རེད། དེ་མིན་ལམ་ཁ་གཞན་ཅི་ཡང་ལྷག་མེད་པ་རེད་དོ།
ཨ་རོགས་གསར་འགོད་པ་བནྡེ་སྐྱབས་ལགས། གསར་འགྱུར་གྱི་ཁ་བྱང་འདི་འདྲ་བྲིས་ན་ཡག་པོ་མེད། ཅིའི་ཕྱིར་ན། ཁྱེད་ཀྱིས་འདི་བྲིས་པའི་ཉེར་ལེན་ལ་བརྟེན་ནས་རྒྱ་གར་གྱི་གསང་བའི་ལས་བྱེད་རྗེས་ལ་ཉིན་འདེད་མཚན་བྱས་ཡོད་ངེས།
བོད་གཞུང་གིས་ཀྱང་ཚིག་འདྲ་འདྲ་ལ་ཤིན་ཏུ་གཟབ་ཀྱི་ཡོད། སེམས་མ་བདེ་བ་རང་ཡིན།
གདོན་མའི་ལོ་རབས་ནས་བོད་ཀྱི་ས་ཁོངས་རེད་དོ།།
རྒྱ་གར་ནས་མོན་དང་གློ་པ་་་་་་་་་་འབྲས་ལྗོངས་དང་ལ་དྭགས།་་་་་་་་བལ་ཡལ་ནས་ཡོལ་མོ་དང་ཤར་པ་་་་་་་་་གཉེན་ཤངས་དང་རྟ་དམག(རྟ་མང་)སོགས་བོད་ཡུལ་དང་དེར་གནས་པའི་མི་རིགས་རྣམས་བོད་རིགས་ཡིན་པ་མཁྱེན་དགོས་་་་་་་་
འདི་དངོས་གནས་བདེན་པ་རེད། མོན་རིགས་ས་ཆ་ཚང་མ་བོད་ཀྱི་ཡིན་པ་ལས། རྒྱ་གར་དང་རྒྱ་ནག་གཉིས་ཀའི་མ་རེད། ཨ་རུ་ཎ་ཅཱལ་བོད་ཀྱི་རེད། མོན་ཡུལ་འདི་བོད་གཅིག་པུའི་རེད་ལགས། ཧ་ཧ། ཧི་ཧི། ཧོ་ཧོ།
གསར་འགོད་པ་བནྡེ་སྐྱབས་ལགས།
ད་ལྟ་རྒྱ་གར་རྒྱལ་ཁབ་ཀྱི་ཡ་གྱལ་ཨ་རུ་ཎ་ཅལ་ཞེས་པ་དེ་རྒྱ་གར་གྱི་མངའ་སྡེ་ཞིག་ཡིན་པ་ལས་རང་བཙན་ཅན་གྱི་རྒྱལ་ཁབ་ཞིག་མིན་སྟབས། ཨ་རུ་ཎ་ཅལ་མངའ་སྡེའི་ཕྱི་འབྲེལ་བློན་ཆེན་ E. Ahamad ཞེས་བརྗོད་ན་ཨ་རུ་ཎ་ཅལ་དེ་རྒྱལ་ཁབ་ཞིག་དང་དེའི་ཕྱི་འབྲེལ་བློན་ཆེན་ཞེས་རྒྱ་གར་རྒྱལ་ཁབ་ཀྱི་མངའ་ཁོངས་སུ་མ་ཡིན་པ་ཞིག་ཤུགས་ཀྱིས་བསྟན་པས། དེ་ལྟ་བུའི་གོ་ལོག་རིགས་མི་འབྱུང་བའི་ཕྱིར་སྒྱུར་བཅོས་དང་སླད་ཕྱིན་ཟབ་ནན་དགོས་གལ་དུ་མཐོང་བས་ཡིད་འཇགས་གྱིས།
བློན་ཆེན་དེས་ལོ་རྒྱུས་ཀྱི་དོན་དངོས་ཤིག་བཤད་འདུག བཙན་བྱོལ་བོད་ཀྱི་ལས་སྣེ་མགོ་འདོགས་རིང་ལུགས་པ་དེ་ཚོས་ལོ་རྒྱུས་ཀྱི་བདེན་དོན་ཡོད་པའི་གནས་ཚུལ་འདི་འདྲ་བཤད་ཐུབ་རྒྱུ་ཕར་ཟད། དེ་ལས་ལྡོག་སྟེ་མགོ་འདོགས་རང་བཞིན་གྱི་བརྟུལ་ཞུགས་བཟུང་ནས་བོད་འདི་ནག་ཁུང་ཞིག་ལ་འདེད་ཀྱིན་ཡོད་རེད།