དེ་རིང་ཕྱི་ཚེས་༨ ཉིན་གྱི་ཞོཊ་པར་ངྷ་སའི་འབྲེལ་བ་ལས་ཁུངས་ཀྱི་ལས་བྱེད་དང་། ཕ་ཡུལ་ཁམས་ཡུལ་ཤུལ་ནས་ཡིན་པའི་སྐུ་ཞབས་མཁྱེན་རབ་ཉི་མ་ལཊ་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༥ ཉིན་ཏེ་ལྷག་དཀར་གྱི་ཉིན་གྱི་དགོང་དྲོའི་ཆུ་ཚོད་ ༦ པ་ཙམ་ལ། ཁམས་ཡུལ་ཤུལ་ཁུལ་ས་གནས་ཉེན་རྟོག་པས་ད་ལྟ་རང་ལོ་ ༤༠ ཙམ་ཡིན་པའི་ཡུལ་ཤུལ་ཁུལ་གྱི་བོད་རིཊ་བུད་མེད་ཚོང་པ་བསོད་ཡག་ཞུ་བ་ཞིག ཁུལ་དེའི་གཡག་ཐང་ཆེན་འབོད་པའི་ས་གནས་སུ་གློ་བུར་འཛིན་བཟུང་བཙན་ཁྲིད་བྱས་ཡོད་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། བོད་རིཊ་བུད་མེད་ཚོང་བ་བསོད་ཡག་ལཊ་ནི། ཁམས་ཡུལ་ཁུལ་དུ་སྐད་གྲཊ་ཆེ་བའི་ཚོང་པ་རྣམ་སྲས་ལྷ་སྐྱབས་ཀྱི་བུ་མོ་ཡིན་པ་དང་། ཁོ་མོ་ནི་ནམ་རྒྱུན་དུ་བོད་དོན་ལ་སེམས་ཁུར་ཡོད་མཁན་དང་། ༸གོང་ས་མཆོག་གི་སྐུའི་བླ་གཟའ་ཉིན་དཀར་ཕྱོཊ་ཀྱི་ལས་འགུལ་ཅི་ཐུབ་སྤེལ་མཁན་ཞིག་ཡིན་འདུག ཉེ་ལམ་ནས་ཡུལ་ཤུལ་ཁུལ་གཡག་ཐང་ཆེན་དུ་གཟི་དང་བྱུ་རུ། དབྱར་རྩྭ་དགུན་འབུ་བཅས་ཀྱི་ཚོང་རྒྱག་མཁན་བོད་མི་སྐོར་ཞིག་གིས། ༸གོང་ས་མཆོག་གི་སྐུའི་བླ་གཟའ་ཉིན་བོད་ཆས་གྱོན་རྒྱུའི་ཐག་གཅོད་བྱུང་ཡོད་ཀྱང་། བདུན་ཕྲག་དེའི་རེས་གཟའ་ལྷག་པ་ཉིན་བོད་མི་ཁག་ཅིག་ཁྲོམ་གཞུང་དུ་བོད་ཆས་མ་གྱོན་པར་འགྲོ་སྐབས། ཚོང་པ་བསོད་ཡག་ལཊ་ཀྱིས་མི་དེ་ཚོར་བོད་ཆས་གྱོན་དགོས་པའི་ནན་སྐུལ་བྱས་སྟབས། ཉིན་དེའི་མཚན་མོར་གར་ཡོང་མི་ཤེས་པའི་ཉེན་རྟོག་པ་སྐོར་ཞིག་གིས་གཡག་ཐང་ཆེན་དུ་ཁོ་མོ་གློ་བུར་དུ་འཛིན་བཟུང་བཙན་ཁྲིད་བྱས་ཡོད་འདུག
གདུང་སེམས་མཉམ་བསྐྱེད་ཡོད། ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་འོག་ཏུ་འདི་ལས་མེད་པས། ད་ཅི་བྱ་དགོས་པ་རེད།