ཉེ་ཆར་རྒྱ་དམར་དཔོན་རྒྱུད་ཚོགས་པའི་སྐུ་སྲས་གསུམ་ལ་ཞིབ་བཤེར་བྱ་རྩིས་ཡོད་འདུག
ཟླ་འདིའི་ཕྱི་ཚེས་ ༢ ཉིན་ཧོང་ཀོང་མཱེན་པའོ་གསར་ཤོག་གིས། རྒྱ་གཞུང་དབུས་རྩ་འཛུགས་ཞིབ་བཤེར་སྡེ་ཁག་གི་སྐད་ཆ་ལུང་འདྲེན་གྱིས་གནས་ཚུལ་སྤེལ་དོན། པའོ་ཞི་ལའེ་ཡི་གནད་དོན་དང་འབྲེལ་བ་ཡོད་པའི་ཐོག་ནས། རྒྱ་གཞུང་དམར་ཤོག་དཔོན་རྒྱུད་ཚོགས་པའི་སྐུ་སྲས་ལིག་ཡོན་དང་ཝང་ཅོན། པའོ་ཞི་ཁྲིན་གསུམ་ལ་ཞིབ་བཤེར་བྱ་རྩིས་ཡོད་པ་དང་། དེ་བཞིན། ལིག་ཡོན་དང་པའོ་ཞི་ལའེ་གཉིས་ནི་ལིན་ཅི་ཧྭ་ཡི་ཤོག་ཁག་ཁྲོད་འཛུལ་ཞུགས་བྱས་ཡོད་འདུག
ལིག་ཡོན་ནི་རྒྱ་གཞུང་གི་སྲིད་འཛིན་ཟུར་བ་འདས་པོ་ལིག་ཧྲའོ་ཆིའི་བུ་ཡིན་ལ། ད་ལྟ་རྒྱ་གཞུང་བཅིངས་འགྲོལ་དམག་གི་སྤྱིའི་རྒྱབ་སྣོན་རམ་འདེགས་སྡེ་ཁག་གི་ཆབ་སྲིད་འཐུས་མི་དང་དམག་སྤྱི་ཡིན་འདུག
ཝང་ཅོན་ནི་རྒྱ་གཞུང་གི་སྲིད་འཛིན་གཞོན་པ་ཟུར་པ་འདས་པོ་ཝང་ཞིས་ཀྱི་བུ་དང་། རྒྱ་ནག་བརྡ་འཕྲིན་བཟོ་ཚོང་མཐུན་ཚོགས་ཀྱི་ལས་འཛིན་ལྷན་ཚོགས་ཀྱི་མགོ་གཙོ་ཟུར་བ་ཡིན་པ་རེད།
པའོ་ཞི་ཁྲིན་ནི་རྒྱ་གཞུང་དབུས་བློ་འདོན་མཐུན་ཚོགས་ཀྱི་འགན་འཛིན་གཞོན་པ་ཟུར་བ་འདས་པོ་པའོ་ཡིས་པའོ་ཡི་བུ་དང་། ཉེ་སྔོན་བཀག་ཉར་འོག་ཚུད་པའི་པའོ་ཞི་ལའེ་ཡི་ནུ་བོ་ཡིན་ལ། ད་ལྟ་རྒྱ་གཞུང་དབུལ་སྐྱོར་མཐུན་ཚོགས་ཀྱི་ཚོགས་གཙོ་གཞོན་པའི་འགན་ཁུར་ཡོད་འདུག ཁོ་ནི་པའོ་ཁྱིམ་རྒྱུད་ཀྱི་སྲིད་འབྱོར་རིག་གསུམ་ཐད་ཀྱི་འབྲེལ་མཐུད་པ་གཙོ་བོ་ཆགས་ཡོད་པ་མ་ཟད། དེ་སྔོན་པེ་ཅིན་གྲོང་ཁྱེར་དམར་ཤོག་དྲུང་ཆེ་ལིན་ཅི་ཧྭ་སོགས་མཉམ་འབྲེལ་ཐོག་ཧྲན་ཞི་དཔུང་ཁག་ཟེར་བ་ཞིག་ཀྱང་ཟུར་འཛུགས་བྱས་ཡོད་འདུག
ཉེ་སྔོན་རྒྱ་གཞུང་གིས་པའོ་ཞིས་ལའེ་ཡི་ནག་ཉེས་ཕྱིར་བསྒྲགས་སྐབས། གྱོད་གཞི་གཞན་དང་འབྲེལ་བ་ཡོད་པའི་གལ་ཆེའི་ཁུངས་སྣེ་རྙེད་ཡོད་སྐོར་བརྗོད་ཡོད།
གསར་འགོད་པ། ཚེ་རིང་རྒྱལ།
དམར་ཤོག་སྐུ་སྲས་གསུམ་ལ་ཞིབ་བཤེར་གྱིས། །
དམར་ཤོག་སྡིག་སྲས་གསུམ་ལ་ངོ་འཕྲོད་ཤོག །
ཧ་ཧ་ཕ་ངན་མ་རབས་གསུམ་པོ་ཡི། །
ཧི་ཧི་སྡིག་ཕྲུག་བཙོན་ནང་བཅུག་པར་ཤོག །