མེར་བསྲེཊ་ཀྱི་གནས་ཚུལ་དེ་སྨྱོ་རྫས་དང་བཟའ་འཁོན་ལ་རྟེན་ནས་བྱུང་བ་མ་རེད།

ཟླ་འདིའི་ཕྱི་ཚེས་ ༢༣ ནས་བཟུང་༸གོང་ས་མཆོག་གིས་ལྷོ་ཕྱོགས་ཁུལ་གྱི་མཛད་འཕྲིན་དབུ་འཛུཊ་གནང་སྟེ། ས་གནས་ཀྱི་དཔོན་རིཊ་ལ་ཐུག་འཕྲད་གནང་ཡོད་པ་མ་ཟད། ས་གནས་ཀྱི་གསར་འགོད་པར་བོད་ནང་གི་རང་ལུས་མེར་བསྲེཊ་ཀྱི་གནས་ཚུལ་ཐད་ལན་འདེབས་གནང་ཡོད།

ཟླ་འདིའི་ཕྱི་ཚེས་ ༢༢ ཉིན་༸གོང་ས་མཆོག་བཞུགས་སྒར་ནས་ཆིབས་ཐོན་གྱིས་རྒྱ་གར་ལྷོ་ཕྱོགས་ཁུལ་དུ་ཆིབས་བསྒྱུར་བསྐྱངས་ཡོད་པ་ལྟར། ཕྱི་ཚེས་ ༢༣ ཉིན་༸གོང་ས་མཆོག་རྒྱ་གར་ལྷོ་ཕྱོགས་ཀེ་རེ་ལ་མངའ་སྡེའི་རྒྱལ་ས་ཐི་རུ་ཝ་ནན་ཐམ་པུ་རམ་ (Thiruvananthapuram) གྱི་གནམ་ཐང་དུ། ཡུལ་དེའི་ཆོས་ལུགས་འདྲ་མིན་གྱི་སྐུ་ཚབ་དང་མངའ་སྡེ་གྲོས་ཚོགས་ཀྱི་འཐུས་མི་བཅས་ཀྱིས་ཕེབས་བསུའི་ཁྲོད། བཞུགས་གནས་མགྲོན་ཁང་དུ་ཞབས་སོར་བདེ་བར་འཁོད་ཡོད་ཅིང་། སྐབས་དེར་མངའ་སྡེའི་འཕྲོད་བསྟེན་དང་བདེ་དོན་བློན་ཆེན་སྐུ་ཞབས་ཝི་ཨེས་ཤི་ཝ་ཀུ་མཱར་( Mr V. S.) མཆོག་དང་མཇལ་འཕྲད་ཀྱིས་མངའ་སྡེ་གཞུང་གིས་ཕུལ་བའི་ཕྱགས་རྟགས་འབུལ་བཞེས་དང་། ཝི་ཝེ་ཀཱ་ཨ་ནན་ཌ་ལཊ་སྐུ་འཁྲུངས་ཏེ་ལོ་ ༡༥༠ འཁོར་བའི་དུས་དྲན་སྲུང་གཙིའི་མཚོན་རྟགས་དབུ་འབྱེད་གནང་བ་དང་།  ཕྱི་ཚེས་ ༢༤ ཉིན་བཞུགས་གནས་མགྲོན་ཁང་དུ་རྒྱ་གར་གཞུང་གི་བརྙན་འཕྲིན་ཌོར་ངྷ་ཤཱན་( Doordarshan)  གྱི་གསར་འགོད་པའི་བཅར་འདྲི་དང་ལེན་བྱས་ཡོད་པ་དང་། སྐབས་དེར་༸གོང་ས་མཆོག་གིས་རྒྱ་གར་གྱི་གནའ་བོའི་ཆོས་ལུགས་ཐོག་དགོངས་ཚུལ་དང་རྒྱ་ནག་གི་སྲིད་འཛིན་གསར་བར་ལྟ་སྟངས། བོད་ནང་གི་རང་ལུས་མེར་བསྲེཊ་ཀྱི་གནས་ཚུལ། ཁོང་གི་ཡང་སྲིད་བཅས་ཀྱི་སྐོར་ནས་གསར་འགོད་པར་ལན་འདེབས་གནང་ཡོད་འདུག

སྐབས་དེར་གསར་འགོད་པས་༸གོང་ས་མཆོག་གིས་རྒྱ་ནག་གི་མགོ་ཁྲིད་གསར་པ་བསླེབས་རྗེས་བོད་ནང་བཟང་ཕྱོགས་ཀྱི་འགྱུར་བ་འགྲོ་བའི་ཐུགས་རེ་གང་ཡོད་དང་། བོད་ནང་རང་ལུས་མེར་བསྲེཊ་ཀྱི་གནས་ཚུལ་བྱུང་བཞིན་པའི་སྐོར་ནས་བཅར་འདྲི་བྱས་པའི་ལན་དུ།  ༸གོང་ས་མཆོག་གིས་རྒྱ་རིཊ་ཆོས་གྲོཊ་མང་པོས་དེ་སྔོན་རྒྱ་ནག་གི་མགོ་ཁྲིད་ཚོ་རྡོ་སྐུས་བཟོས་པ་ལྟ་བུའི་མཐོང་ཚུལ་ཡོད་པ་ལྟར། ཁོང་ཚོ་དང་བསྡུར་བ་ཡིན་ན་ད་ལྟའི་སྲིད་འཛིན་གསར་བ་ཞི་ཅིན་ཕིན་གྱི་རྣམ་འགྱུར་དང་ཀུན་སྤྱོད་བག་ཕེབས་ཡོད་པའི་ཚོར་སྣང་བྱུང་ཡོད་ཚུལ་དང་། རྒྱ་ནག་ནང་ལམ་སེང་མིན་ཡང་རིམ་གྱིས་རང་དབང་དང་ཕྱི་གསལ་ནང་གསལ་གྱི་སྤྱི་ཚོཊ་ཤིག་ཆཊ་རྒྱུའི་ཐད་ཁོང་ལ་ཡིད་ཆེས་བརྟན་པོ་ཡོད་པ་དང། དེ་འདྲའི་སྤྱི་ཚོཊ་ཤིག་བྱུང་མཚམས། བོད་ཀྱི་དཀའ་ངལ་དེ་བཞིན་ལས་སླ་བོའི་ངང་སེལ་ཐུབ་རྒྱུ་ཡིན་སྐོར་སོགས་གསུངས་ཡོད་པ་རེད།

དེ་བཞིན། རང་ལུས་མེར་བསྲེཊ་ཀྱི་གནས་ཚུལ་ཐད་༸གོང་ས་མཆོག་གིས།  “  བོད་མིས་རང་ལུས་མེར་བསྲེགས་བཏང་བའི་གནད་དོན་དེ་དག་བོད་མིས་བཟོས་པ་ཞིག་མིན། གནད་དོན་དེ་དག་ནད་ཀྱི་མཚོན་རྟཊ་ཙམ་ཡིན་པར་ངོས་རང་ནས་ངོས་འཛིན་བྱེད་བཞིན་ཡོད། དེ་སྔ་སྲིད་འཛིན་ཏིང་ཞའོ་ཕིན་གྱིས་དངོས་ཐོག་བདེན་འཚོལ་བྱེད་དགོས་སྐོར་བརྗོད་པ་དེ་གཞིར་བཞག་ཐོག  བོད་ནང་གི་དངོས་ཡོད་གནས་ཚུལ་ལ་རྒྱ་ནག་དཔོན་རིགས་ཚོས་རྒྱུ་མཚན་ཅི་ཡིན་བརྟག་དཔྱད་བྱ་རྒྱུ་ཧ་ཅང་གལ་ཆེན་པོ་ཆགས་ཡོད། དེང་སྐབས་རང་ལུས་མེར་བསྲེཊ་ཀྱི་གནས་ཚུལ་འབྱུང་བཞིན་པ་དེ་ནི་ཧ་ཅང་བློ་ཕམ་སྐྱེ་གཞི་ཞིག་ཡིན། གནས་ཚུལ་དེ་དག་ཐོས་སྐབས་ངོས་རང་མིག་ཆུ་ཤོར་གྱི་འདུག རང་ལུས་མེར་བསྲེཊ་གཏོང་མཁན་གྱི་བོད་མི་དེ་དག་སྨྱོ་རྫས་ཀྱིས་བཟི་བ་དང་། བཟའ་ཚང་གི་རྙོག་གྲ་དང་དཀའ་ངལ་དེ་འདྲ་བྱུང་ནས་རང་ལུས་མེར་བསྲེགས་བཏང་བ་ཞིག་རྩ་བ་ནས་མིན། ཁོང་ཚོ་རྒྱ་གཞུང་གི་དམ་བསྒྲགས་འོག་དུས་རྟག་ཏུ་འཇིགས་སྣང་དངངས་སྐྲག་ངང་གནས་བཞིན་ཡོད།” ཅེས་གསུངས་ཡོད་པ་མ་ཟད། སྐུའི་ཡང་སྲིད་སྐོར་ལ་དེ་སྔ་རྒྱ་ནག་ཏུ་ནང་ཆོས་དར་ཏེ་ཚེ་ཕྱི་མར་ཡིད་ཆེས་དང་། ནང་ཆོས་ཀྱི་བཀའ་ཆོས་སོགས་ཞུ་སྲོལ་ཡོད་སྟབས། སྐབས་དེའི་རྒྱ་ནག་དབང་འཛིན་པ་ཚོས་ཏཱ་ལའི་བླ་མའི་སྐུ་སྐྱེའི་ཐོག་དོ་སྣང་བྱས་པར་རྒྱུ་མཚན་ཡོད་པར་བརྩིས་ཆོག་ཀྱང་། དེང་སྐབས་གུང་ཁྲན་ཏང་གིས་ཏཱ་ལའི་བླ་མའི་སྐུ་སྐྱེས་ཐོག་ཐེ་བྱུས་བྱེད་དགོས་ཚེ། ཐོག་མར་ཁོ་ཚོས་སྐྱེ་བ་ཕྱི་མ་ཁས་ལེན་དགོས། དེ་ནས་མའོ་ཙེ་ཏུང་དང་ཏིང་ཞའོ་ཕིང་གི་ཡང་སྲིད་འཚོལ་དགོས་རྒྱུ་དེ་རྒྱུ་མཚན་ལྡན་པ་ཡིན། ཞེས་བཀའ་ལན་བསྩལ་ཡོད་འདུག

ཕྱི་ཚེས་ ༢༥ ཉིན་༸གོང་ས་མཆོག་གིས་རྒྱ་གར་ལྷོ་ཕྱོགས་ཀེ་ར་ལ་མངའ་སྡེའི་གྲོང་ཁྱེར་ཀོ་ཆིའི་ནང་ཡོད་པའི་ཡེ་ཤུའི་ལྷ་ཁང་དུ་གཟིགས་སྐོར་གནང་གྲུབ་རྗེས།  ཁུལ་དེར་ཡོད་པའི་ཨིན་ཌི་ཡ་ཝི་ཤན་བརྙན་འཕྲིན་ (Indiavision News) གྱི་གསར་འགོད་པས་དྲི་བར་ལན་འདེབས་གནང་ཡོད་པ་དང་། སྐབས་དེར་༸གོང་ས་མཆོག་གིས་ ༢༠༠༨ ལོར་བོད་ས་ཡོངས་སུ་ཞི་རྒོལ་ཆེན་མོ་བྱུང་རྗེས། རྒྱ་གཞུང་གིས་བོད་ནང་དམ་བསྒྲགས་ཤུཊ་ཆེ་རུ་བཏང་སྟེ། དེང་སྐབས་བོད་མི་ཚོ་འུ་ཐུག་ཐབས་ཟད་ཀྱིས་ལས་འགུལ་སྤེལ་དགོས་པའི་ཛ་དྲག་གི་གནས་སྟངས་ཆགས་ཡོད་པ་དང་། རྒྱ་ནག་དེ་བཞིན་འཛམ་གླིང་ནང་མི་འབོར་དང་དཔལ་འབྱོར། དམག་དོན་སོགས་ཀྱི་ཐད་ནས་སྟོབས་ཆེན་རྒྱལ་ཁབ་ཅིག་ཆགས་ཡོད་ཀྱང་། འཛམ་གླིང་ནང་བཟང་སྤྱོད་ཀྱི་ནུས་ཤུཊ་འདོན་དགོས་ཚེ་འཛམ་གླིང་མི་མང་ལ་ཡིད་ཆེས་བསླེབས་ཐུབ་པ་ཞིག་བཟོ་དགོས་པའི་བཀའ་ལན་སོགས་གནང་ཡོད་པ་མ་ཟད། ཕྱི་དྲོ་ཁུལ་དེའི་ཡེ་ཤུའི་ལྷ་ཁང་ (Malankara Orthodox Syrian Church ) གི་ལོ་བརྒྱ་འཁོར་བའི་དུས་ཆེན་གྱི་ཚོགས་མགོན་དུ་ཆིབས་བསྒྱུར་བསྐྱངས་ཡོད་པ་དང་། དེར་རྒྱ་གར་གྱི་སྲིད་འཛིན་ཟུར་པ་སྐུ་ཞབས་ཨབ་དུལ་ཀ་ལམ་( Dr Abdul Kalam )དང་། ཀེ་ར་ལ་མངའ་སྡེའི་བློན་ཆེན་སྐུ་ཞབས་ཨོ་མན་ཅན་དི (Oommen Chandy )།  གནད་ཡོད་མི་སྣ་དང་ཆོས་ལུགས་དབུ་ཁྲིད་བཅས་མི་མང་ ༡༠༠༠༠ ལྷག་འདུ་འཛོམས་བྱུང་ཡོད།  དེའི་རྗེས་༸གོང་ས་མཆོག་བོད་དོན་རྒྱབ་སྐྱོར་ཚོགས་པའི་ཚོཊ་གཙོ་སྐུ་ཞབས་སེ་ཐུ་ཊ་སི་ལགས་ཀྱིས་འགྲེམས་སྟོན་ཁང་དུ་ཆིབས་བསྒྱུར་གྱིས། བོད་དོན་དང་འབྲེལ་བའི་པར་རིས་དང་དངོས་རྫས་འགྲེམས་སྟོན་ལ་གཟིགས་སྐོར་གནང་ཡོད་འདུག  

སང་ཉིན་ཕྱི་ཚེས་ ༢༧ ཉིན་༸གོང་ས་མཆོག་གིས་ཀར་ཎ་ཊ་ཀ་མངའ་སྡེའི་གྲོང་ཁྱེར་ཏུམ་ཀུར་གཙུག་ལག་སློབ་གྲྭའི་ (Tumkur University) ཕུལ་བྱུང་གཙུག་ལག་སློབ་དཔོན་གྱི་ཕྱག་འཁྱེར་འབུལ་བཞེས་གནང་རྒྱུ་ཡིན་ཞིང་། དེ་ནི་གཙུག་ལག་སློབ་ཆེན་དེས་༸གོང་ས་མཆོག་གི་མཛད་རྗེས་ལ་བསྔགས་བརྗོད་དང་ངོས་འཛིན་ཞུས་པ་ཞིག་ཡིན་འདུག་ལ། ཐེངས་འདིའི་མཛད་འཕྲིན་སྐབས་༸གོང་ས་མཆོག་གིས་གཙུག་ལག་སློབ་གྲྭ་དེར་དེང་དུས་ཤེས་ཡོན་ལམ་ལུགས་ནང་རྣལ་འབྱོར་ཉམས་ལེན་གྱི་ཐབས་ལམ་ (International Conference on Yoga in Education) ཞེས་པའི་རྒྱལ་སྤྱིའི་ལྷན་ཚོགས་དབུ་འབྱེད་དང་། ཏུམ་ཀུར་གཙུག་ལག་སློབ་ཆེན་དང་གདན་ས་ཆེན་མོ་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་གཉིས་བར་ཤེས་ཡོན་བརྗེ་ལེན་ཐོག་གན་རྒྱ་བཅས་འཇོག་རྒྱུ་མ་ཟད། དེར་ཡོད་དགེ་སློབ་དང་མི་མང་ལ་འཛམ་གླིང་ཞི་བདེ་སྐྲུན་ཐབས་( A human approach to world peace) ཞེས་པའི་བརྗོད་གཞིའི་ཐོག་བཀའ་སློབ་གནང་རྒྱུ་ཡིན་འདུག

ཕྱི་ཚེས་ ༢༨ ཉིན་༸གོང་ས་མཆོག་མུམ་བྷེ་ (Mumbai) གྲོང་ཁྱེར་དུ་ཆིབས་བསྒྱུར་གྱིས། ཡུལ་དེའི་རྒྱལ་སྤྱིའི་སྲོག་ཆགས་སྲུང་སྐྱོབ་ཚོགས་པའི་ ( Humane Society for International) ༢༠༡༢ ལོའི་བྱམས་སྙིང་རྗེ་ཉིན་མོ་སྲུང་གཙིའི་མཛད་སྒོའི་སྐུ་མགྲོན་གཙོ་བོར་ཆིབས་བསྒྱུར་གྱིས་བཀའ་སློབ་གསུང་བཤད་སྩལ་རྗེས། ཕྱི་ཚེས་ ༢༩ ཉིན་མོན་གྷོ་གཞིས་ཆགས་སུ་ཆིབས་སྒྱུར་བསྐྱངས་རྒྱུ་ཡིན་འདུག

གསར་འགོད་པ། དོན་གོ