ཟླ་འདིའི་ཟླ་མཇུག་ཏུ་ཨོ་སི་ཊོ་ལི་ཡའི་རྒྱལ་ས་སིག་ནེ་རུ་རྒྱལ་སྤྱིའི་བོད་རྒྱའི་འབྲེལ་ལམ་སྐོར་གྱི་མཁས་པའི་བགྲོ་གླེང་ཤིག་འཚོཊ་རྒྱུ་རེད།
ཨོ་སི་ཊོ་ལི་ཡའི་ནིའུ་སའོ་ཏི་ཝེལ་སི་གྲོང་ཁྱེར་དུ་རྟེན་གཞི་བྱས་པའི་བོད་རྒྱ་མཛའ་འབྲེལ་ཚོགས་པ་དང་། བོད་རྒྱ་མི་རིཊ་འབྲེལ་ལམ་སྐོར་གྱི་རྒྱལ་སྤྱིའི་ཤེས་ཡོན་བསྟི་གནས་ཁང་གཉིས་ཐུན་མོང་གི་གོ་སྒྲིག་འོག ཟླ་འདིའི་ཕྱི་ཚེས་ ༢༩ ནས་ ༣༠ ཉིན་བར་དུས་ཡུན་ཉིན་གཉིས་རིང་། ཨོ་སི་ཊོ་ལི་ཡའི་རྒྱལ་ས་སིག་ནེ་རུ་བོད་རྒྱའི་འབྲེལ་ལམ་སྐོར་གྱི་རྒྱལ་སྤྱིའི་མཁས་པའི་བགྲོ་གླེང་ལྷན་ཚོགས་ (The International Sino-Tibet Dialogue) ཤིག་སྐོང་ཚོཊ་གནང་རྒྱུ་ཡིན་འདུག
ཐེངས་འདིའི་རྒྱལ་སྤྱིའི་རང་བཞིན་ལྡན་པའི་བོད་རྒྱའི་ཚོཊ་ཆེན་དེར་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་གཙོས། བྱང་ཨ་རི་དང་ཡུ་རོབ། རྒྱ་གར། ཉི་ཧོང། ཐེ་ལན་ཌི། ཐེ་ཝན། ཧོང་ཀོང་། ནེའུ་ཛི་ལན་ཌི་སོགས་ཨེ་ཤ་ཡའི་ཞི་བདེ་རྒྱ་མཚོའི་མངའ་ཁུལ་དུ་རྒྱ་རིགས་མཁས་པ་དང་། ཆབ་སྲིད་པ། ཕྱི་སྡོད་རྒྱ་རིཊ་ཚོགས་པ་ཁག་གི་མགོ་ཁྲིད། གཞུང་འབྲེལ་མིན་པའི་ཚོཊ་པ་ཁག་གི་རྒྱ་རིགས་ཚོགས་པའི་སྐུ་ཚབ་བཅས་མཉམ་ཞུགས་གནང་རྒྱུ་ཡིན་འདུག
བགྲོ་གླེང་གི་བརྗོད་གཞི་གཙོ་བོ་ནི་བོད་རྒྱ་མི་རིགས་གཉིས་བར་ཆོས་དང་ཆབ་སྲིད། བྱུང་རབས་ལོ་རྒྱུས། སྤྱི་ཚོགས་སོགས་ཀྱིས་མི་རིགས་གཉིས་ཀྱི་འབྲེལ་ལམ་ཐོག་ཤུགས་རྐྱེན་ཇི་འདྲ་ཐེབས་ཡོད་མེད་དང་། འདས་པའི་ལོ་ངོ་བཅུ་ཕྲག་འགའི་ནང་བོད་རྒྱའི་དཀའ་རྙོག་གི་རྒྱུ་རྐྱེན་ཐོག་བགྲོ་གླེང་གནང་རྒྱུ་ཡིན་འདུག
གསར་འགོད་པ། དཔལ་ལྡན།
