རང་སྲེག་སྐོར་གྱི་དྲིལ་བསྒྲཊ།

༡ རང་སྲེག་གནང་དོན་ལ་འཁྱོག་བརྗོད་ཧམ་བཤད་བྱེད་པའི་ཇུས་ངན་ཕམ་ཉེས་འགྲོ་རྒྱུ་ཉག་ཅིག་རེད།

༢ ༧གོང་ས་མཆོག་གིས་རང་སྲེག་ངན་སྐུལ་བྱས་ཡོད་མེད་ཐད་ཞིབ་འཇུག་བྱ་ཆོག་པའི་སྒོ་ཆེན་ནམ་ཡང་རྒྱ་ནག་གི་ཕྱོགས་སུ་ཕྱེས་ཡོད།

༣ བོད་ཐོག་འཛིན་པའི་ཆོས་ལུགས་དང་སྐད་ཡིག་གི་སྲིད་བྱུས་གཉིས་རང་སྲེག་བྱུང་རྐྱེན་གྱི་དངོས་རྒྱུ་རེད།

༤ “བོད་རང་བཙན”་ཞེས་པའི་ཚིག་གཅིག་འཕྱར་ནས་རང་སྲེག་ངན་སྐུལ་བ་ཡོད་ཚུལ་སྒྲུབ་མི་ཐུབ།
༥ རྔ་བ་དང་རེབ་གོང། བླ་བྲང་སོགས་སུ་རང་སྲེག་གཏོང་དོན་ལ་འཁྱོག་བཤད་བྱས་ན་རྒྱ་སྒོར་ཕོན་ཆེ་སྤྲོད་རྒྱུའི་གཡོ་ཇུས་ལམ་ལྷོང་བྱུང་མེད།
༦ བོད་མིའི་རང་སྲེག་ཞི་རྒོལ་དྲག་པོར་བསྒྱུར་ཐབས་དང། རང་སྲེག་གི་མངོན་འདོན་”བོད་རང་བཙན་”ལ་བསྒྱུར་ཐབས་ཀྱིས་རྒྱ་བོད་མི་རིགས་བར་འགལ་ཟླ་སློང་རྒྱུའི་གཡོ་བྱུས་སྣ་ཚོགས་འཐེན་བཞིན་པ།
༧ རང་སྲེག་སྐོར་གསར་འགྱུར་རྫུན་བཟོ་ག་ཚོད་བྱས་ཀྱང་རྒྱལ་སྤྱིའི་སྤྱི་ཚོགས་ནང་དངོས་དོན་གསལ་རྟོགས་བྱུང་བཞིན་ཡོད།
༨ རྒྱ་རིགས་རྩོམ་པ་པོ་རང་སྲེག་གཏོང་མཁན་གྱི་ཁྱིམ་དུ་བསྐྱོད་དེ་བསྔོ་རྟེན་རྒྱ་སྒོར་༥༠༠ ཕུལ་སྟེ་བོད་མི་མང་གདུང་སེམས་མཉམ་བསྐྱེད་ཞུས་པ།
༩ རང་སྲེག་མངོན་འདོད་ལ་ཉན་འཇོག་མི་གནང་ཁར་སྒེར་གཅོད་སྲིད་གཞུང་གི་རྣམ་པ་གསལ་བའི་ཁྲིམས་མེད་ལུགས་མེད་ཀྱི་བྱ་སྤྱོད་ཁྲིམས་སུ་སྒྲོག་པ་ནི་མི་གསོད་མཁན་གྱི་ལག་དམར་གཏེ་བོ་དེ་རེད།
༡༠ རང་སྲེག་ནང་བསྟན་དང་འགལ་ཚུལ་བཤད་པ་ནི་བོད་བརྒྱུད་ནང་བསྟན་ལ་ཁྱད་གསོད་དང་དམངས་སེམས་གསོན་པོར་བསད་པ་རང་རེད།
༡༡ རང་སྲེག་གཏོང་མཁན་གྱི་ནང་མིར་འཚམས་འདྲི་ཞུས་མི་ཆོག་པ་ནི་བོད་མི་མི་གྲལ་དུ་མ་བཞག་པའི་དཔང་རྟགས་རེད།
༡༢ རང་སྲེག་དྲིལ་བསྒྲགས་རྫུན་བཟོ་བྱེད་པ་ནི་རང་སྲེག་མུ་མཐུད་དུ་འབྱུང་རྩ་དངོས་གནས་དེ་རེད།
༡༣ རང་སྲེག་འཁྱོག་བརྗོད་ཀྱིས་མཇུག་མཐར་ནུས་བ་ཐོན་པ་ནི། བོད་མི་ཚོར་ནང་ཁུལ་མཐུན་སྒྲིལ་དང་རྒྱ་ནག་གི་གཉའ་གནོན་འོག་ནས་གྲོལ་རྒྱུར་དྲན་སྐུལ་ཤུགས་དྲག་གཏོང་བ་དེ་རེད།

འབོད་སྐུལ། བཙན་བྱོལ་ན་གཞོན་ཤེས་ཡོན་པ་ཚོས་གང་མགྱོགས་ཆུ་ཚོད་ཆེད་གཏོང་གིས་རྒྱ་ནག་གི་འཁྱོག་བཤད་འདི་ཐེར་འདོན་གནང་རོགས། རང་ཁུར་ཕྲག་ཏུ་བླངས་ནས་གང་མགྱོགས་གནད་འདུས་རྣོ་ངར་ཅན་གྱི་ལན་འདེབས་བྲིས་པ་ཡིན་ན། དུས་ལྟར་ང་ཚོ་ཐུན་མོང་གིས་༼ རང་སྲེག་འཁྱོག་བརྗོད་ཀྱི་ངོ་བོ་དང་དམིགས་དོན་ཐེར་འདོན། ༽ཞེས་པའི་དཔེ་དེབ་པར་བསྐྲུན་བྱས་ཆོག་ན། དེ་དོན་ཐུགས་འཁུར་བསྐྱེད་བཞེས་ཡོང་བ་དགོངས་འཇགས་ཞུ།།

Email: loveyoutibet@gmail.com / 0091-9882533773/

རྒྱ་ཚེ་ཟད་ལས་ངན་ཁོས། ནང་ཁུལ་གྱི་ཡིག་ཆ་ཡིན་པས། ཉར་འཇོག་བྱེད་དུས་གཟབ་དགོས། ཟེར། དེ་ལས་གདོང་དམར་རྗེན་དུ་བསྟན་ནས། ནང་ཁུལ་གྱིས་རྫུན་སྒྲིག་ཡིག་ཆ་ཡིན་པས། ཉར་འཇོག་བྱེད་བྱས་ནས་རྫུན་གཟབ་གཟབ་བྱས་ནས་ཤོད་དགོས། ཞེས་ལབ་ན་ཡག་ག་མི་འདུག་གམ། རྒྱ་གཞུང་ལས་བྱེད་མི་ངན་ཀླ་ཀློ་ཚོ།

ནང་ཁུལ་གྱི་ཡིག་ཆ་ཡིན་པས། ཉར་འཇོག་བྱེད་དུས་གཟབ་དགོས།

ཞེས་པའི་ཁ་བྱང་གསལ་བསྒྲགས་དེ་གས་རྒྱ་ནག་པོ་ཁོང་ཕྱི་གསལ་ནང་གསལ་མེད་ཅིང་། བརྐྱངས་བསྐུམ་ངེས་ཅན་གྱི་གཞུང་སྲིད་ཅིག་ཡིན་པར་འཁུམས་སོ།།