དེ་རིང་ཉིན་རྒྱབ་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༢༦ པ་དེ་གངས་སྐྱིད་བཀའ་ཤག་ཚོགས་ཁང་དུ་འཚོགས་རྒྱུ་ཡིན་འདུག ད་རེབ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་ཚོགས་ཞུགས་གནང་རྒྱུ་ཡིན་འདུག་ལ། ཚོགས་བཅར་བ་གསར་པ་འགའ་ཡང་ཡོད་འདུག
གསར་འགོད་པས་དྲིལ་བསྒྲགས་དྲུང་ཆེ་བཀྲ་ཤིས་ཕུན་ཚོགས་ལགས་སུ་བཅར་འདྲི་ཞུས་པར། བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༢༦ པ་དེ་ཕྱི་ཚེས་ ༥ ནས་ ༧ བཅས་ཉིན་གསུམ་རིང་ཚོགས་རྒྱུ་ཡིན་པ་དེ་དངོས་ཡོད་རེད། ཡིན་ནའང་ང་ཚོར་ཐད་ཀར་འབྲེལ་བ་ཆགས་ཀྱི་མེད་སྟབས། འདིའི་སྐོར་བཀའ་ཤག་དང་བོད་རྒྱ་ཞི་མོལ་ལས་དོན་ཚོགས་ཆུང་གི་འབྲེལ་ཡོད་ལས་བྱེད་ལ་སྐད་ཆ་དྲིས་ན་གསལ་བོ་ཡོང་གི་རེད་ཅེས་གསུངས་སོང་།
གཞན། ད་རེབ་ཚོགས་མི་ག་ཚོད་ཚོགས་ཞུགས་གནང་གི་ཡོད་མེད་དང་། ཚོགས་འདུའི་བརྗོད་གཞི་གཙོ་བོ་ག་རེ་ཡིན་མིན་སོགས་ད་སྔ་གསལ་ཁ་མ་བྱུང་སྟབས། གནས་ཚུལ་ཐོན་རིམ་བཞིན་ཇེ་གསལ་དུ་གཏོང་རྒྱུ་ཡིན།
འཇམ་གཅེས། ད་དུང་ཁ་ནང་ལ་ཐལ་བ་འདེབས་ཀྱིན་ཡོད་དམ། ཧ་ཧ་ཧ། ཁྱོད་དངོས་གནས་བོད་ཞི་མོལ་ནང་དུ་བཞག་ན་འཚམས་པ་འདུག རྒྱ་རྒན་འདི་ཚོའི་ཁ་ནང་ལ་ཐལ་བ་ཞིག་འདེབས་ཐུབ་ས་རེད། དེ་མ་གཏོགས་ད་ཅང་བྱེད་རྒྱུ་ལྷག་མི་འདུག་གཱ། ཧེ་ཧེ་ཧེ།
བློ་སྤེན་ལགས་ཀྱིས་ང་ལ་བོད་ཀྱི་ཆབ་སྲིད་སྐོར་རྒྱུས་མངའ་མི་འདུག་གསུངས་པར་ངོས་ལེན་ཡོད། ཡིན་ནའང་ངས་འདས་པའི་བྱུང་རིམ་ནང་གང་མཐོང་ཐོས་བྱུང་བ་དེ་བསྐྱར་བཤད་བྱས་པ་ཙམ་ཡིན། རྒྱ་ནག་མཁས་དབང་ཟམ་གདོང་ཚང་ལ་ཞེད་པ་ཅང་མི་ཤེས་ཏེ་རྒྱ་གཞུང་ནས་ཡ་བྱེད་མདོག་ཁག་མ་རེད།
བོད་ནས་ཚར་ལོང་བྱུང་བ་ཡིན་ན་ཁྱེད་དང་རྒྱ་གཞུང་ནས་ཁས་མི་ལེན་པ་དེ་འདྲ་ཅང་ཡིན་བཟོ་མི་འདུག
“བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ་མཆོག་དང་་་་་་ ཕྱི་དྲིལ་དྲུང་ཆེ་བཀྲ་ཤི་ཕུན་ཚོགས་ལགས། ཨ་རིའི་གྲོང་ཁྱེར་ནེའུ་ཡོག་གི་རྒྱ་རིགས་འབྲེལ་མཐུད་པ་དྲུང་འཕར་ཀུན་དགའ་བཀྲ་ཤིས་ལགས་བཅས་ཚོགས་མི་གསར་པ་བཞི་དེ་ཤིན་ཏུ་ལེགས།”
འཇམ་གཅེས་ལགས། སྐུ་ཉིད་དེ་ཙམ་ཧ་ཧ་དང་ཧོ་ཧོ། སྙིང་རྗེ་དང་ཐལ་འདེབས་སོགས་ཀྱི་ཐུགས་རྒྱལ་བཞེངས་དགོས་མ་རེད། བོད་མི་རིགས་ལ་ངོམ་རྒྱུ་ཞིག་ཡོད་པ་ནི་ཡར་རབས་ཀུན་སྤྱོད་རེད། མ་གཞི་ཁྱེད་དང་ང་ལྟ་བུ་བོད་རྒྱལ་འབྲེལ་མོལ་གྱི་སྐུ་ཚབ་བསྐོས་དགོས་པའི་དུས་སྐབས་འུ་ཐུག་དེ་བོད་གཞུང་མང་གཉིས་ལ་ནམ་ཡང་སླེབས་རྒྱུ་མ་རེད་ཞུ།
ཧ་ཧ་ཧ་ཧ་ཧ་ཧ་ཧ་་རེད་རེད་ངོ་མ་རེད། ད་དུང་བོད་རྒྱའི་འབྲེལ་མོ་ལས་དོན་ཚོགས་ཆུང་གི་ཚོགས་མིའི་གྲལ་དུ་དྲྭ་འབུ་མཁས་དབང་༼བོད་དགའ་༽དང་། ད་དུང་སྣང་རྒྱལ་ཤེར་དགེ་མིང་ཅན་དེ་ཚོ་མ་བསྐོས་པ་གང་ཡིན་ནམ། ཧ་ཧཧ་ཧ་ཧ་་་སྙིང་རྗེ་ངོ་མ་སྙིང་རྗེ། དོན་དངོས་དངོས་ཐོག་སོ་སོའི་ཁ་ཆུས་ཕོར་ཆུས་ཙམ་ལ་ཡང་རྨོངས་ནས་ཡོད་པར་མི་ཤེས་མཁན་གྱི་ལས་ངན་པ་འདི་དག་གི་ཁའི་ནང་ཐལ་བ་ཐོབས་ཤིག །
དྲ་གྲོགས་བོད་དགའི་གཏམ་ལ་ང་གད་མོ་ཤོར་གྱི་འདུག ཁྱེད་རད་བོད་པའི་ཆབ་སྲིད་གནས་སྟངས་ལ་རྒྱུས་མངའ་ཅུང་ཞན་པོ་རེད་འདུག་ཟེར་བཤད་ཆོག་ས་རེད།ཧ་ཧ་ཧ།ཀུ་རེ་ཡིན། གལ་སྲིད་བཀའ་ཁྲི་ཟུར་པ་མཁས་དབང་ཟམ་གདོང་རིན་པོ་ཆེ་མཆོག་རྒྱ་ནག་གི་ཆབ་སྲིད་ཤེས་ཀྱི་མེད་ན་ད་ང་ཚོའི་བོད་པ་ཚང་ལ་ཤེས་མཁན་སུ་ཡང་ཡོད་མ་རེད་ཟེར་ཚིག་ཐག་གཅད་ཏེ་བཤད་ཐུབ། དཔེར་ན་རྒྱ་ནག་གི་ཆབ་སྲིད་སྐོར་མཁས་པ་ཡིན་ཟེར་མཁན་དང་མི་ཚེ་ཁོ་རང་རྒྱ་མི་དང་ཁ་བྲལ་མི་མྱོང་བ་སྐུ་ངོ་རྒྱལ་ལོ་དོན་གྲུབ་མཆོག་འདས་པའི་མི་ལོ་བཞི་བཅུ་ཙམ་ཕྱི་ལོ་༢༠༠༠་ཐམ་པ་བར་བོད་རྒྱ་འབྲེལ་མོལ་སྐོར་ཐེ་ཇུས་དང་འགན་ཁུར་བྱས་ཡོད་རེད་ཡིན་ནའང་བྱས་རྗེས་དང་བག་ཆགས་རེ་གཞག་ཡོད་རེད། ད་ལྟ་ང་ཚོ་གནས་བབས་འདི་འདྲ་ཞིག་ཆགས་དགོས་པ་མཟོ་མཁན་ཚང་མ་སྐུ་ངོ་རྒྱལ་དོན་དང་སྐུ་ངོ་སྐུ་གཤེགས་འཇུ་ཆེན་གཉིས་ཀྱིས་བཟོས་པ་མ་རེད་དམ། ཁོང་གཉིས་གོ་སྐབས་ནམ་བྱུང་རྒྱ་ནག་ལ་ཕྱིན་ཏེ་རྒྱ་མི་དཔོན་རིགས་ལ་ཐུགས་འཕྲད་བྱས་ཡོད། སྐབས་དེ་དུས་ཕྱོགས་མང་པོ་ནས་རྒྱ་བོད་བར་འགྲིག་འཇགས་ཡོང་བར་གོ་སྐབས་ཆེས་ཡག་ཤོས་དེ་རེད། གང་ཡིན་ཟེར་ན་རྒྱ་ནག་གི་དཔར་འབྱོར་གནས་བབས་ད་ལྟ་ནང་བཞིན་སྟོབས་ཆེན་མེད་པ་མ་ཟད། རང་བཙན་གཙང་མ་མ་ཡིན་པར་གནད་དོན་གཞན་སྐོར་ལ་སྐད་ཆ་ག་རེ་ཡོད་ན་བཤད་ཆོག་ཟེར་ཡང་ཡང་བཤད་ཡོད་རེད་ལ་དེ་བཤད་མཁན་མི་དེ་ཏིང་ཤོ་ཕན་ཕྱི་ལོ་༡༩༩༧་བར་འཚོ་གནས་བྱས་ཡོད་རེད། ཡིན་ནའང་སྟབས་མ་ལེགས་པ་ཞིག་ལ་སྐབས་དེ་དུས་རྩ་ཆེན་གོ་སྐབས་ཚང་མ་ཁོང་རྣམ་གཉིས་ཀྱིས་འཕྲོ་བརླག་བཏང་པ་རེད། མི་ལོ་བཅུ་ལྷག་རྒྱ་བོད་འབྲེལ་མོལ་ཆད་པ་དེ་ཕྱི་ལོ་༢༠༠༢་ནས་བཀའ་ཁྲི་ཟུར་པ་མཁས་དབང་ཟམ་གདོང་རིན་པོ་མཆོག་གིས་ཐབས་བརྒྱ་ཇུས་སྟོང་འོག་རྒྱ་བོད་འབྲེལ་མོ་འགོ་འཛུགས་ཐུབ་ཙམ་བྱུང་ཡོད་ཅིང་། ཁོང་གི་ལས་ཡུན་སྐབས་སུ་ཐད་ཀར་འབྲེལ་མོལ་ཐེངས་དགུ་ཙམ་བྱས་ཡོད་པ་མ་ཟད། ད་དུང་གནད་ལ་ཁེལ་བའི་དབུ་མའི་ལམ་གྱི་དགོས་འདོན་ཡིག་ཐོགས་ལ་རྒྱ་གཞུང་ལ་བསྤྲད་ཏེ་རྒྱ་ནག་གནང་གཞུང་གིས་ལན་རྒྱག་མ་ཐུབ་པ་ལྷག་ཡོད།
མདོར་ན་ད་ལྟའི་སྐབས་སུ་རྒྱ་བོད་འབྲེལ་མོལ་སྣེ་ཁྲིད་མཁན་དེ་མཁས་དབང་ཟམ་གདོང་རིན་པོ་ཆེ་ལས་ལྷག་པ་སུ་ཡང་མེད་གང་ཡིན་ཟེར་ཁོང་ནི་༸གོང་ས་མཆོག་གི་དགོངས་པ་ཇི་བཞིན་རྟོགས་ཐུབ་མཁན་དང་དབུ་མའི་ལམ་གྱི་སྲིད་ཇུས་ལ་གཏིང་ཟབ་པའི་མཁྱེན་རྟོགས་དང་འབྲེལ་བཤད་ཆ་ཚང་ལ་དོན་སྙིང་ལྡན་པ་རྒྱག་ཐུབ་མཁན་བློ་སྤོབས་ལྡན་པའི་མི་སྣ་ཞིག་ཡིན།
ཁོང་ནི་ཆོས་སྲིད་གང་ཅི་ཐད་ང་ཚོ་བོད་མི་རིགས་ཀྱི་སྤོབས་པ་བྱེད་འོས་པའི་མི་སྣ་ཁྱད་པར་ཞིག་ཡིན། རྒྱ་ནག་གཞུང་ཡང་ཁོང་ལ་ཞེད་སྣང་སྐྱེ་ཡི་ཡོད། སྤྱི་ཟུར་བསྟན་འཛིན་མགོན་པོས་གྲོས་ཚོགས་ནང་བཤད་པའི་སྐད་ཆ་ལ་ལུང་འདྲེན་བྱེད་དགོས་བྱུང་ན་ད་ཚར་བ་རེད། བསྟན་འཛིན་མགོན་པོ་ཁོང་རང་བཙན་བྱོལ་ལ་སླེབས་ནས་གཟུང་ཪིན་པོ་ཆེ་མཆོག་ནི་དགྲ་བོ་རྒྱ་དམར་ལས་སྡུག་པ་བརྩི་མཁན་མི་ཞིག་རེད། ཁོ་རང་རིན་པོ་ཆེ་མཆོག་ལ་སྨྱོན་འཛུགས་བྱས་ཏེ་ལམ་ལྷོང་མ་བྱུང་བར་ཞབས་འདྲེན་ཐེངས་མང་ཞུ་ཚར་བ་རེད།
བོད་ནང་འཚར་ལོངས་བྱུང་བའི་མི་སྣ་སྐུ་ཚབ་ཚོགས་ཆུང་ནང་རྒྱ་ནག་ལ་ཡོང་རྒྱུའི་དེ་རྒྱ་གཞུང་གིས་ངོས་ལེན་མེད་ཟེར་ཐེངས་ལབ་ཚར་བ་རེད།
1. བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ་མཆོག
སློབ་དཔོན་ཟམ་གདོང་རིན་པོ་ཆེ་མཆོག་ལ་་ཚོགས་མི་གཞན་རྣམས་སྤྱི་མཚུངས་༼ ཚོགས་མི་ ༽ཟེར་བའི་མཚན་བཏགས་པ་འདི་དངོས་དོན་དང་ལོ་རྒྱུས། ཕྱོགས་གང་ནས་བལྟས་ཀྱང་འོས་འཚམས་ཁྱོན་ནས་རེད་མི་འདུག་པས། སྲིད་སྐྱོང་གཙོས་བཀའ་ཤག་གིས་མ་འོངས་པར་ལས་དོན་འདི་རིགས་གཟབ་གཟབ་བྱ་རོགས། འདི་ནི་བྱས་པ་དྲིན་དུ་མ་ཚོར་བ། གཟི་བརྗིད་དང་སྐུ་ཡོན་ལ་བརྩི་བཀུར་མ་བྱས་པ། བོད་མིའི་ཡ་རབས་བཟང་སྤྱོད་ལ་རྡོག་རུལ་བཏང་བར་ངོས་འཛིན་བྱས་ན་མི་འགྲིག་པ་གཏན་ནས་མེད་སྟབས། བཀའ་ཤག་སྐུ་མཁྱེན། མ་འོངས་སྲིད་སྐྱོང་སེང་བརྫིས་དེ་འདྲ་གནང་ནའང་བདེ་སྲུང་བཀའ་བློན་དང་དཔལ་འབྱོར་བཀའ་བློན་སོགས་ཀྱིས་སྟངས་འཛིན་ཅུང་ཙམ་བྱ་རོགས། དེ་བཞིན་མི་རྒན་བསམ་ཤེས་ཆོས་རིག་བཀའ་བློན་ཡང་ཡོད་པ་རེད། དེ་མིན་མི་མང་པོ་གཟུར་གནས་ཤེས་ལྡན་མང་པོ་ཞིག་བོད་ཕྱི་ནང་ཀུན་ཏུ་བློ་སེང་ལ་ཐང་ཆད་བློ་ལོག་བཞིན་པ་ཤེས་བར་གྱིས།།
རང་ལུས་བོད་མིས་བསྲེགས་སོང།། བརྒྱ་དང་ཉི་ཤུས་བསྲེགས་སོང།། འབྲེལ་མོལ་ལོ་རྒྱུས་ཅན་དེ།། རྦད་དེ་མེ་ཡིས་འཚིགས་འདྲ།།
མ་སྐུལ་དམ་བཅའ་མང་པོ།། གླིང་ལ་སྐད་གྲགས་ཆེ་ཡང།། ཕྱག་བསྟར་ལམ་ཁའི་གཞི་མདོ།། ཁ་ཕོའི་འཚིགས་རོས་ཁེངས་འདུག།
ཞི་མོལ་ལས་དོན་ཚོགས་ཆུང།། རུབ་རུབ་གནང་རྒྱུ་མང་ཡང།། གྲོས་ཚོགས་ལན་འདེབས་ཐུབ་ན།། འགྲོ་སོང་འཕྲོ་བརླག་མིན་འགྲོ།
ལྷ་བཟང་མི་བཟང་དུས་ལ།། བཟང་པོའི་ལམ་ལ་མི་འགྲོ། མཐའ་མ་ཐབས་ཤེས་ཟད་དུས།། ༸མཁས་ཆེན་གདན་འདྲེན་ཞུས་སོང།།
དམ་ཚིག་ཅན་གྱི་ཆིག་སྒྲིལ།། ལྷག་བློས་བསྐྱེད་པའི་གསར་གཏོད།། རང་མཐོང་ཅན་ལ་མེད་པ།། རྒྱ་བོད་གཉིས་ཀས་ཤེས་ཤག།
ཆེ་བ་ཆོལ་ཁའི་གྲོས་ཆོད།། ཆུང་བ་ཇ་གཏམ་ཆང་གཏམ།། ༸མཁས་ཆེན་སྐུ་ཚབ་བསྐོ་རྒྱུར།། ད་ནི་གསན་འཇོག་གནང་འདྲ།།
༸མཁས་པར་ཚོགས་མི་བཏགས་ན།། བསོད་ནམས་ཟད་རོགས་ཡིན་པས།། རྒྱུ་འབྲས་རིག་གནས་ཤེས་ན།། སློབ་སྟོན་པ་ཞེས་གསོལ་རོགས།།
བཀའ་ཤག་གྲོས་རྭར་མེད་པའི།། རྣམ་འགྱུར་ཡ་མ་བརླ་ཡིས།། བོད་དོན་འཁྱོངས་རབ་མེད་པ།། ད་ནི་དཔོན་པོས་མཁྱེན་འདྲ།།
བོད་ཀྱི་གནད་དོན་རྟོགས་པར།། ཕོ་གསར་རྫིག་ནས་ཅི་ཕན།། རྒྱ་བོད་འབྲེལ་མོལ་མཐུད་རྒྱུར།། ཁ་ཕོ་ཆེ་བས་ཅི་ཕན།།
དམ་བཅའ་ཁྲི་སྟོང་མང་པོ།། མ་འགྲུབ་མནའ་བཤགས་ཚབ་ཏུ།། མཁས་པར་སློབ་སྟོན་བྱས་ཏེ།། འབྲེལ་མོལ་ཨེ་འཁྱོངས་གཟིགས་དང།།
ང་དང་ང་ཡི་ཧམ་པས།། ཕ་རོལ་གནས་ལུགས་སྒྲིབ་ཀྱང།། གནས་ཆུང་ཆོས་རྒྱལ་ཆེན་པོས།། གདོང་གྲོགས་མཛད་འདི་སྐྱིད་པ།།
དཔོན་པོ་ཉམས་ཅན་དེ་ལ།། སྔར་བྱས་ངོ་ཙམ་འཕྲོད་ཕྱིར།། བོད་ཀྱི་མཁས་པའི་ལུགས་བཞིན།། བོད་ཀྱི་བཅད་མ་སྤྲིངས་ཡོད།།
ཐུགས་ལ་འབབ་མིན་བྱུང་ན།། ཐབས་ཤེས་གྲོས་ལ་འདྲི་རོགས།། ཐུགས་ཀྱིས་རྟོགས་མིན་བྱུང་ན།། ཨབ་ཕྲུག་ཚོ་ལ་འདྲི་རོགས།།
༢༠༡༣། ༩། ༥།། ཉིན།
ངོ་དེབ་དང་སྐད་འཕྲིན་སོགས་ལས་རླུང་པོ་བཞིན་ཡམ་ཡམ་ཞིག་གོ་བཞིན་འདུག་པ་ནི། བོད་རྒྱ་ཞི་མོལ་གྱི་གཙོ་འགན་དེ་བཀའ་ཁྲི་ཟུར་པ་མཁས་དབང་ཟམ་གདོང་རིན་པོ་ཆེ་བསྐོས་པ་རེད་ཟེར།
གལ་སྲིད་དེ་ལྟར་ཡིན་ན་བོད་རྒྱ་ཞི་མོལ་གྱི་མཇུག་འབྲས་ལ་རེ་བ་རྒྱག་ས་གང་ཡང་མེད་ཅེས་ཐག་གཅོད་ཆོག ངས་མཁས་དབང་ཟམ་གདོང་ཚང་ལ་སྐྱོན་འཛུག་གཏན་ནས་བྱེད་ཀྱིན་མེད། གནས་ལྔ་རིག་པའི་ཐོག་ནས་ཁོང་ལ་དངོས་གནས་མི་ཕྱེད་པའི་གུས་བཀུར་ཡོད།
འོན་ཀྱང་གོང་དུ་རྨེའུ་དཀོན་རྒྱམ་ལགས་ཀྱིས་གསུངས་པ་ལྟར་བོད་རྒྱ་ཞི་མོལ་གྱི་སྐུ་ཚབ་རྣམས་ལ་རྒྱ་ནག་གི་གཤིས་ཀ་དང་རྒྱ་གཞུང་གི་སྲིད་བྱུས་ལ་རྒྱུས་མངའ་ངེས་པར་ཡོད་དགོས། སྔོན་མ་གྲོས་ཚོགས་འཚོགས་དུས་ཞིག་ལ་མདོ་སྨད་སྤྱི་ཟུར་བསྟན་འཛིན་མགོན་པོས་ཟམ་གདོང་ཚང་ལ་རྒྱ་ནག་གི་ཆབ་སྲིད་ལ་རྒྱུད་མངའ་གཏན་ནས་མེད་ཚུལ་གྱི་གཏམ་བཤད་སྙིང་རྗེ་བོ་ཞིག་ཡོད། ངས་གཏམ་བཤད་དེ་ཚོར་ཡིད་ཆེས་བྱེད་ཀྱིན་ཡོད།
གཉིས་ནས་རྒྱ་གཞུང་གིས་ཟམ་གདོང་ཚང་ནི་བོད་རང་བཙན་བསྐྱར་ལོག་བྱེད་མཁན་བོད་ཀྱི་གཞོན་ནུ་ལྷན་ཚོགས་ཟེར་བ་དེ་ཐོག་མར་འགོ་འཛུག་པའི་གྲས་ཞིག་ཡིན་ཞེས་རྟག་ཏུ་ཁ་ན་ན་བར་གླེང་བཞིན་པ་ནི་ཡོངས་གྲགས་རེད། གལ་སྲིད་ཟམ་གདོང་ཚང་བོད་རྒྱ་ཞི་མོལ་གྱི་དམིགས་བསལ་སྐུ་འཚབ་བསྐོས་པ་ཡིན་ན་ད་ནི་རྒྱ་གཞུང་གིས་ཁ་གཡར་ས་དང་འཇུ་ས་ཞིག་རག་ཚར་བ་རེད། དེས་ན་བོད་རྒྱ་འབྲེལ་མོལ་ཅང་ཡོང་བ་མི་ཤེས།
འདིར་ལྷན་རྒྱས་ནས་བཏོན་པའི་སྐུ་སྒེར་དྲུང་ཆེ་རྔ་བ་ཚེ་རྒྱམ་དང་དྭགས་པོ་བསོད་ནོར་གཉིས་འགྲིག་འདུག དྭགས་པོ་བསོད་ནོར་ཉམས་མྱོང་ཡང་གང་མཚམས་ཡོད་ས་ཡོད། གལ་སྲིད་སྤྱི་འཐུས་གྲས་ནས་འདེམས་ཆོག་ཆེ་འབའ་བ་སྐལ་བཟང་རྒྱལ་མཚན་དེ་ཡག་པོ་འདུག་དྲན། ཁོང་ལ་དམིགས་བསལ་དེ་སྔོན་བོད་ནང་བཞུགས་སྐབས་ང་ཚོའི་ད་ལྟའི་འབྲེལ་མོལ་ཞུ་སའི་རྒྱ་གཞུང་གི་སྡེ་ཁག་དེ་ཚོར་ཉམས་མྱོང་ཡོད་མཁན་ཞིག་ཡིན་པ་གོ་ཐོས་བྱུང་།
བོད་རྒྱ་འབྲེལ་མོལ་ལས་དོན་ཚོགས་ཆུང་གི་ཚོགས་མི་གསར་པ་སློབ་དཔོན་ཆེན་མོ་ཟམ་གདོང་རིན་པོ་ཆེ་མཆོག་ཕེབས་འདུག་པས་དགའ་བ་འབུམ་གྱིས་བསུ་བ་ཞུ།
ད་སྐབས་༸གོང་ས་མཆོག་གི་དགོངས་གཞེད་དང་གཞུང་གི་སྲིད་ཇུས་གསར་པོ་མཁྱེན་རྟོགས་དང་འབྲེལ་བཤད་ཡང་དག་རྒྱག་ཤེས་མཁན་དང་ཐུབ་མཁན་ཁོང་ལས་ལྷག་པར་སུ་ཡང་མེད། གལ་སྲིད་གཞུང་རྒྱ་ནག་གཞུང་བློ་སྤོབས་ཀྱི་འདང་ཏེ་ངོས་ལེན་བྱེད་ན་འབྲེལ་མོལ་སྣེ་ཁྲིད་དང་དམིགས་བསལ་སྐུ་ཚབ་གཅིག་ལྕོགས་བསྐོ་གཞག་བྱེད་ན་གཟི་བརྗིད་དང་འོས་ཤིང་འཚམས་པ་མ་ཟད་ང་ཚོའི་མི་རིགས་ཀྱི་སྤོབས་པ་ཡང་རེད།
རྔ་བ་ཚེ་རྒྱམ་དང་ཟླ་བ་ཚེ་རིང་སྐུ་ཚབ་ཚོགས་མིའི་ནང་རྒྱ་གཞུང་གིས་ངོས་ལེན་བྱེད་ན་ཡག་པོ་རེད་དེ་ཡིན་འང་བོད་ནང་འཚར་ལོངས་བྱུང་བ་རྣམས་རྒྱ་གཞུང་གིས་སྔོན་ནས་ངོས་ལེན་བྱས་མེད་ལ་ད་དུང་ངོས་ལེན་བྱེད་མིན་ཐེ་ཚོམ་རེད། བོད་རྒྱ་འབྲེལ་མོལ་ཚོགས་ཆུང་ན་ཆོལ་ཁ་གསུམ་གྱི་མི་སྣ་དགོས་པའི་ངེས་པ་གང་ཡང་ཡོད་མ་རེད་ལ་དགོས་འགལ་ཡང་ཡོད་པ་མ་རེད།
ད་དུང་ཚོགས་མི་གསར་པ་བཀའ་ཟུར་བློ་སྙན་གྲགས་དང་དྲུང་འཕར་ཀུན་དགའ་བཀྲིས་སོགས་ཡོད་རབ་བཤད་ཀྱི་འདུག
ཚོགས་འདུ་ལམ་ལྷོང་ཡོང་བའི་རེ་སྨོན་ཤུགས་དྲག་ཡོད།
ལས་ཀ་གཅིག་འགོ་བཙུགས་པ་དང་། ཆོལ་ཁ་ཆོས་ལུགས་འདྲ་མཉམ་དགོས་ཚུལ་བླུན་བཤད་འདི་ཚོའི་རིགས་ཉུང་ན་མཛེས། འདི་ལྟར་ཤོད་མཁན་དྲ་བའི་འབུ་སྲིན་དག་ལ་ཟེར་གྱི་ཡོད།
འབྲས་བུ་མེད་པའི་བྱ་བ་འདི་འདྲ་ལ་གནའ་ནས་ཡིན་རྟོན་མ་བྱས། རྗེས་སུ་ཨོ་རྩལ་འགྲན་ཚོགས་ཚར་བ་དང་གྲོས་མོལ་དེ་ཡང་ཚར་བ་རེད། དེས་མྱི་མང་པོ་ཞིག་གི་མ་འོངས་ལུང་བསྟན་ལ་ལུང་བསྟན་གྱི་མཚན་ཉིད་ཚང་བ་བྱས་ཡོད་ལ་མི་མང་པོ་ཞིག་གི་བཟི་སྣང་ལ་བཟི་སྣང་གི་འཁྲུལ་སྣང་སྦྲུམ་པར་བྱས་ཡོད། ཡིད་སྐྱོ་བ་ཞིག་ལ་ས་ལ་བསྒྲིལ་ཟིན་པའི་བཟི་བོ་དེ་ཚོས་ད་དུང་དུག་ཆང་དེ་འཐུང་འདོད་བྱེད་བཞིན་འདུག ངོ་མ་ཡིད་སྐྱོ་བ་ཞིག་རེད། གནས་ཚུལ་འདི་མཐོང་དུས་ངས་རྒྱ་རྒན་ཝང་ལི་ཞུང་གི་མ་འོངས་ལུང་བསྟན་དེ་ལྷག་ཏུ་དྲན་གི
དང་པོ། བོད་རྒྱ་ཞི་མོལ་གྱི་ཚོགས་འདུ་འཚོགས་བཞིན་པའི་གནས་སྟངས་ལ་དོ་གལ་ཆེན་པོ་བརྩིས་ནས་ཚོགས་འདུའི་སྐོར་ལ་བསམ་ཞིབ་བྱེད་ཀྱིན་ཡོད།
གཉིས་པ། བོད་རྒྱ་ཞི་མོལ་གྱི་སྐུ་ཚབ་གསར་བ་སུ་སུ་ཡིན་ནམ། དེ་བས་ཀྱང་ཁོང་རྣམ་པ་རྒྱ་ནག་གི་རིག་གནས་ཀྱི་གཤིས་ཀ་དང་རྒྱ་གཞུང་གི་སྲིད་བྱུས་ལ་རྒྱུས་མངའ་རྐྱང་རྐྱང་ཨེ་ཡིན་ནམ།
གསུམ་པ། ཞི་མོལ་ཚོགས་ཆུང་གིས་ཞི་མོལ་ཚོགས་འདུའི་བརྒྱུད་རིམ་ཕྱོགས་སྡོམ་དང་ད་ལྟའི་འབབ་ཕྱོགས། ལྷག་པར་དུ་མ་འོངས་པའི་ཁ་ཕྱོགས་སོགས་ལ་དམིགས་བསལ་གྱིས་ཐབས་བྱུས་ག་རེ་འདོན་རྒྱུ་ཡིན་ནམ།
བཞི་བ། རྒྱ་གཞུང་གིས་ད་ལྟའི་བར་བོད་རྒྱ་ཞི་མོལ་ཚོགས་ཆུང་གི་བརྒྱུད་ལམ་འདི་ལ་བལྟ་སྟངས་དང་བེད་སྤྱོད་བཏང་ནས་བོད་རྒྱའི་གནད་དོན་གླེང་ཕྱོགས་ག་འདྲ་ཡིན་ནམ།
ལྔ་པ། དྲི་བ་མང་པོ་ཀློང་དུ་ཚུད་པའི་མི་ཞིག་ལ་མཚོན་ན། དྲིས་ལན་རྣམས་སུ་ཞིག་དུས་ཐོག་ཏུ་རྒྱག་རྒྱུ་ཡིན་ནམ། ནམ་ཞིག་ལ་གསལ་བོ་ཆགས་ཡོང་ངམ།
ངས་བལྟས་ན་ཐེངས་འདིར་ཆོལ་ཁ་གསུམ་ནས་སྐུ་ཚབ་གསུམ་འདེམས་གི་རེད་བསམ་གྱི་ཡོད།
1 བཀའ་བློན་ཁྲི་ཟུར་ཟམ་གདོང་རིན་པོ་ཆེ།
2 སྐུ་སྒེར་དྲུང་ཆེ་རྔ་པ་ཚེ་རྒྱམ།
3 ཨོ་སི་ཊོ་ལེ་ཡའི་སྐུ་ཚབ་དྭགས་པོ་བསོད་ནམས།
དྲ་གྲོགས་ཚོས་ཚོད་དཔག་བྱས་ན། ད་རེས་བོད་རྒྱ་འབྲེལ་མོལ་དམིགས་བསལ་སྐུ་ཚབ་ལ་སུ་དང་སུ་བསྐོ་བཞག་གནང་རྒྱུ་རེད་དམ། ང་རང་གི་ཚོད་དཔག
1. བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ་མཆོག
2. དགའ་ལྡན་ཕོ་བྲང་གི་དྲུང་ཆེ་རྔ་པ་ཚེ་རྒྱལ་མཆོག