དེ་རིང་རྒྱ་གར་དུས་བབ་གསར་ཁང་གིས་ནོ་སྦེལ་གཟེངས་རྟགས་ཚོགས་ཆུང་ལ། འདི་ལོའི་ཞི་བདེ་གཟེངས་རྟགས་ཀྱི་འོས་མི་འདེམས་སྒྲུག་གི་སྐོར་ལ་སྐད་ཆ་དྲིས་པའི་གནས་ཚུལ་ཞིག་བཀོད་ཡོད་འདུག་ལ། གནས་ཚུལ་ནང་ཞི་བདེ་གཟེངས་རྟགས་ཚོགས་ཆུང་གིས་ཐོག་མའི་འོས་གཞིའི་ནང་མི་སྒེར་བ་ ༢༠༩ དང་ཚོགས་སྡེ་ ༥༠ བཅས་ཁྱོན་ ༢༥༩ བྱུང་ཡོད་པ་ལས། ད་ཆར་འོས་མི་ ༡༠ བདམས་ཐོན་གྱིས་ཟླ་རྗེས་མའི་ཚེས་ ༡༡ ཉིན་མཐའ་མའི་ཐག་གཅོད་ཕྱིར་བསྒྲགས་བྱ་རྒྱུ་ཡིན་འདུག
ནོ་སྦེལ་གཟེངས་རྟགས་ཚོགས་ཆུང་གི་འགན་འཛིན་གྷེ་ཡར་ (Geir Lundestad) གྱིས་འོས་མི་འདེམས་སྒྲུག་གི་གནས་སྟངས་ཐད། “ང་ཚོས་འདི་ལོའི་རྟགས་མ་སུ་ལ་ཐོབ་མིན་གྱི་མཐའ་མའི་ཐག་གཅོད་ལ་བསླེབ་ཡོད། ངས་ད་ཆར་མཐའ་མའི་འོས་མིར་བསླེབས་མཁན་དག་གི་མཚན་བརྗོད་ཆོག་གི་མེད་ཀྱང་། དེའི་ཐད་ད་སྔ་ཚོགས་འདུ་རིམ་པ་གསུམ་ཚོགས་ཟིན་པ་དང་། འབྱུང་འགྱུར་ཐེངས་གཉིས་འཚོགས་གཏན་འཁེལ་བའི་ཚོགས་འདུའི་ནང་མཐའ་མའི་ཐག་གཅོད་ཡོང་གི་རེད་”ཅེས་བརྗོད་འདུག
འདི་ལོའི་ཐོག་མའི་འོས་མིའི་ནང་པཱ་ཀི་སི་ཐན་གྱི་བུད་མེད་ཤེས་ཡོན་རྩོད་ལེན་པ་བུ་མོ་མཱ་ལཱ་ལཱ་ (Malala) དང་འབར་མའི་བཅོས་བསྒྱུར་བ་སྲིད་འཛིན་ཐེན་སེན་ (Thein Sein)། ཨ་རིའི་སྲིད་འཛིན་ཟུར་པ་བྷེལ་ཁཱི་ལེན་ཊོན་ (Bill Clinton) བཅས་ཡོད་ཅིང་། འོས་མི་མང་ཤོས་ཨང་དང་པོ་ཨ་རི་དང་། གཉིས་པ་རྒྱ་གར་ཆགས་ཡོད་པ་དང་མི་ ༡༢ འོས་མིའི་ཁོངས་སུ་ཚུད་ཡོད་འདུག
གསར་འགོད་པ། བནྡེ་སྐྱབས།
ཧ་ཧ་འབར་མ་ལ་ཁག་པོ་སྙིང་རྗེ་།།།
མི་གྲངས་བཅུ་གཉིས་དེ་སུ་དང་སུ་ཡིན་གསར་བོ་གོ་ན་གསུངས་རོགས