མའོ་ཙེ་ཏུང་གི་སྐྱེས་སྐར་སྲུང་གཙི་བྱེད་རྒྱུ་ཡིན།

མ་འོ་ཡི་སྐྱེས་སྐར་ལ་ངས་འཁྲུངས་སྐར་ཞེས་མི་འབོད་ལ། ཁོར་རླབས་ཆེན་གྱི་གཙོ་འཛིན་ཞེས་དེ་བས་མི་འབོད། ཁོ་ནི་འཛམ་གླིང་ནང་ལག་དམར་བ་ནག་ཉེས་ཅན་ཆེ་ཤོས་ཞིག་ཡིན་པ་དང་ ཁོ་དང་ཁོ་འདྲ་བའི་ལག་དམར་བ་ར་ཤི་ཡ། འཇར་མ་ནི། སོགས་ལ་བྱུང་ཡོད་ཅིང་ད་ལྟ་རང་དབང་ལུང་པར་མི་འདི་ཚོ་ལ་འཛམ་གླིང་ནང་ལག་དམར་བ་མི་ས་ཡ་མང་པོ་དམར་གསོད་བྱེད་མཁན་གྱིས་བྱེད་ཏེར་ངོས་འཛིན་པ་ལས་གོང་གི་མཆན་ལྟར་ངོས་འཛིན་བྱེད་པ་མེད་ཞེས་ལབ་ཐུབ། ད་ལྟ་དམར་པོའི་སྟོབས་ཤུགས་འཛམ་གླིང་ནང་རྩ་བ་སྟོང་མེད་པ་བརྟེན་ཁོར་བསྔགས་བརྗོད་ཐོབ་པ་ལས་ནམ་ཞིག་ཁོས་མུན་ནག་གི་ལམ་དེ་སྟོང་རྗེས་གཞིགས་ནས་ཁོར་ངན་བརྗོད་བྱེད་ངེས་རེད། གལ་ཏེ་བོད་པ་ཞིག་ནས་ཁོར་བསྔགས་བརྗོད་བྱེད་ཀྱི་ཡོད་ཚེ་དེ་གོང་ས་མཆོག་གི་བཀའ་དྲིན་ལས་ཁོ་བཟའ་བ་ཉལ་བའི་གོ་སྐབས་རག་པ་སེམས་ནང་མེད་པ་གསལ་པོ་རེད། དེ་ཡིན་དུས་གཞན་པ་ཆེ་སའི་གོ་སྐབས་རག་པ་རྣམས་བརྗོད་མི་དགོས་པ་རེད། གལ་དེ་མང་གཙོའི་ལུང་པ་ནང་བོད་མི་རང་དབང་དུ་སྡོད་པ་གཅིག་གིས་ལག་དམར་བ་ལ་བསྔགས་བརྗོད་བྱས་ཚེ་དེ་ཁོས་འོག་སྡུག་སྦྱོང་མྱང་མཁན་གཅིག་གིས་ངོས་ནས་འགན་འཁུར་མེད་པ་དང་ མི་རིགས་ལ་ ལ་རྒྱ་མེད་པ་ ཧ་ལས་ཧང་སང་མི་གཅིག་ཡིན་པ་སེམས་ནང་ངོས་འཛིན་བྱེད་ཀྱི་རེད དེ་བོད་པ་ཚོའི་སེམས་ནང་ཉལ་དགོས་པ་རེད།།།། ??? བོད.???

གླང་དར་དང་བོད་དགའ་སོགས་ཀྱི་བསམ་ཚུལ་ནི་དུས་ཀྱི་འགྱུར་བ་རང་བཞིན་དང་། མི་ཐོག་མི་རབས་ཀྱི་འགྱུར་བ་རང་བཞིན་ལ་བསམ་བློ་བཏང་ནས་བཤད་ཀྱིན་མེད་པར་ཕྱོགས་རྐྱང་པའི་བསམ་ཕྱོགས་ཁོ་ན་ཙམ་དུ་ཟད།
དཔེར་ན་ནུབ་ཕྱོགས་རྒྱལ་ཁབ་དེ་ཚོ་ཡང་དེ་སྔོན་རྒྱལ་པོའི་ལམ་ལུགས་དང་བྲན་གཡོག་ལམ་ལུགས། ཚེ་གཡོག་ལམ་ལུགས་སོགས་ཧ་ཅང་གདུག་རྩུབ་རང་བཞིན་གྱི་ལམ་ལུགས་འོག་ཡོད་པ་རེད་ལ། དུས་རབས་ཉི་ཤུ་པའི་ནང་གཞི་ནས་དམངས་གཙོའི་ལམ་ལུགས་མགོ་བུས་པ་ཞིག་ཕལ་ཆེར་རེད། མ་ཟད་དམག་ཆེན་གཉིས་པའི་སྐབས་རྒྱལ་ཁབ་མང་པོར་བསམ་ཡུལ་ལས་འདས་པའི་མི་གསོད་ཁྲག་སྦྱོར་དང་། ནད་ཡམས་མུ་གེ་སོགས་ཀྱིས་དམྱལ་བ་དང་ཡི་དྭགས་ཀྱི་གྲོང་འཁྱེར་ལྟ་བུ་གྱུར་པའི་ཚེ། བོད་དེ་ཟ་རྒྱུ་རྩམ་པ་ལས་མེད་ན་ཡང་པི་ཝང་དང་སྒྲ་སྙན་སོགས་བཏང་ནས་བསྡོད་རྒྱུ་བྱུང་ཡོད་པ་རེད།
དེ་དེ་བཞིན་དབྱིན་ཇིའི་རྒྱལ་རབས་ལོ་རྒྱུས་ལ་ཅིག་གཟིགས་དང་རྒྱལ་པོའི་ལམ་ལུགས་འོག་བྲན་གཡོག་ལམ་ལུགས་དང་ཚེ་གཡོག་ལམ་ལུགས། ད་དུང་དྲང་སྙོམ་མེད་པའི་མི་སེར་རྣམས་མནར་གཅོད་ཚད་ལས་བརྒལ་བ་མྱང་དགོས་བྱུང་ཡོད་ཀྱང་། ད་དུང་དབྱིན་ཇིའི་རྒྱལ་རིགས་ལ་མི་དམངས་ཀྱིས་བརྩི་མཐོང་ག་ཚོད་ཅིག་མི་འདུག་གམ། འདིས་ག་རེ་བསྟན་རེད་ལབ་ན་རྒྱལ་རྒྱུད་ལམ་ལུགས་འོག་གདུག་རྩུབ་ཇི་ལྟར་ཆེ་ན་ཡང་དབྱིན་ཡུལ་གྱི་རྒྱལ་ཁབ་དེ་གཅིག་སྒྲིལ་བཟོ་ཐུབ་པ་མ་ཟད། རང་བཙན་གྱི་རྒྱལ་ཁབ་གཅིག་ཏུ་གནས་ཐུབ་པ་དེས་ད་ཆ་དམངས་གཙོ་དང་རང་དབང་ལྡན་པའི་རྒྱལ་ཁབ་གཅིག་གི་ཆ་རྐྱེན་ཡོད་ན་མེད་ན་གཅིག་ཡིན་པ་ངེས་ཤེས་བརྙེད་ཡོད་པ་རེད།
དེས་ན་བོད་དེ་མའོ་ཡིས་དབང་བསྒྱུར་བྱེད་ཐུབ་མེད་ན་ད་ཆ་འཛམ་གླིང་ལས་ལོགས་སུ་གནས་ཐབས་ཡོད་པ་མ་རེད་ལ། འབྲུག་རྒྱལ་ཁབ་ཆུང་ཆུང་དེ་ལ་དཔེ་ལོངས་དང་། འོན་ཀྱང་ཡ་ང་བ་དང་སེམས་སྐྱོ་དགོས་པ་ཞིག་ལ་མའོ་ཡིས་བཙན་བཟུངས་བྱས་པ་དེས་བོད་དང་བོད་མི་རིགས་འདི་ལྷུངས་ས་གཅིག་ལ་ལྷུངས་ནས་ལངས་ས་མེད་པ་ཆགས་ཚར་བ་རེད། འོན་ཀྱང་ཡ་མཚན་སྐྱེས་དགོས་པ་ཞིག་ལ་ཀླད་རྒྱ་བྱ་སྡེའི་རྐུབ་ཙམ་ལས་མེད་པའི་མི་བུ་ཡ་མ་བརླ་འདི་ཚོས་མའོ་ཡིས་དབང་བསྒྱུར་བྱས་པ་དེ་བཟང་རབས་དང་། དོན་སྙིང་སྤུ་ཙམ་ཡང་མེད་པའི་ཡུལ་བགྱར་བ་ཚོར་མིང་གྲགས་སྟོང་པ་ཙམ་དང་རྒྱབ་སྐྱོར་སྟོང་པ་ཙམ་གྱིས་འདོད་པ་ཡོངས་སུ་ཚིམས་བསྡད་པ་ནི་ཅི་འདྲའི་ཡ་མཚན་མ་རེད་པས།

འཛམ་གླིང་ནང་མི་་གསོད་ལག་དམར་ཨང་ཀི་དང་པོའི་ཁོངས་སུ་གཏོགས་པའི་ཞབས་འདྲེན་པའི་མིང་གནས་ཡོོད་པ་དེར་སྐྱེས་སྐར་དྲན་གསོ་བྱེད་པ་ནི། རྒྱ་ནག་དམར་པོའི་རིགས་ལུགས་ཀྱི་མི་མང་གི་ངོ་གདོང་ཆུ་ལ་བསྐྱུར་བ་མ་ཟད། ཤར་གླིང་མི་རིགས་ཀྱང་འཛམ་གླིང་ལོ་རྒྱུས་ཐོག་ངོ་གནོངས་དགོས་པ་བཟོས་ཡོད། མི་ངན་དེ་ཡི་སྐྱེས་སྐར་ལ་རྒྱབ་སྐྱོར་བྱེད་མི་རྣམས་ནི་མི་གསོད་ཁྲག་སྦྱོར་ལ་དགའ་བ་དང་། ཡང་ན་རང་དབང་སྤུ་ཙམ་མེད་པའི་མིའི་རིིགས་ཤ་སྟག་ཡིན་པར་འདོད།

ངས་ཀྱང་གླང་དར་མ་དང་འཆི་མེད་གཉིས་ཀྱི་བསམ་ཚུལ་ལ་རྒྱབ་སྐྱོར་ཡོད། གལ་སྲིད་མའོ་ཡིས་ཇུས་འགོད་དང་རྒྱ་ནག་གིས་བོད་ཟས་མེད་ན། ད་ལྟའི་༸གོང་ས་སྐུ་འཕྲེང་བཅུ་བཞི་པ་ཆེན་པོ་ལ་འཛམ་གླིང་ཞི་བདེའི་གཟེངས་རྟགས་གཙོས་སྲིད་ན་རིན་ཐང་དཀོན་པའི་གཟེངས་རྟགས་གང་མང་ཞིག་འབུལ་མི་སྲིད། དེ་བཞིན་ཁོང་གི་མཚན་སྙན་དང་ཞི་བདེའི་ཕྱག་ལས་དེ་ཚོའི་རྒྱུད་བོད་ཅེས་པ་དང་བོད་ཀྱི་རིག་གཞུང་ཞེས་པ་འཛམ་གླིང་མི་ཚོས་དོ་སྣང་གནང་ས་ཞིག་ཏུ་འགྱུར་རྒྱུ་ཡང་ཐེ་ཚོམས་རེད།
དཔོན་ངན་མི་གྲགས་གཞུང་འཛིན་པ་དེ་ཚོས་མི་སེར་ལ་ཐུབ་ཚོད་འདྲ་གཏོང་། ཁོ་ཚོའི་འཁོར་དང་རྩ་ལག་རྣམས་རྒྱལ་སྤྱིའི་སྒང་དུ་མི་རིགས་གཞན་གྱི་མི་སེར་དུ་གྱུར། (འདི་དག་ད་ལྟ་ཡང་ཕལ་ཆེར་གྱུར་ཟིན) བོད་སྟོད་སྨད་བར་གསུམ་དུ་ཕྱུག་དབུལ་དང་ཆོལ་ཁ་ཆོས་ལུགས་སོགས་ཀྱི་དམག་འཁྲུག་རྒྱག་བཞིན་པའི་སྒང་ཡིན་རྒྱུ་རེད།
ཡང་ན་དབྱིན་ཇི་དང་ཨ་རི་ལ་སོགས་རྒྱལ་ཁབ་གཞན་ཞིག་གིས་ཟས་ཚར་ཡོད་ན་འཇམ་ཐིང་ངེར་རེད། སྐབས་དེར་འཛམ་གླིང་སྒང་ད་ལྟ་འདྲ་བའི་བོད་ཀྱི་གནས་སྟངས་ལ་རྒྱབ་སྐྱོར་བྱེད་མཁན་མི་ཡོང་ལ། ༸གོང་ས་ཆེན་པོ་མཆོག་ལ་ད་ལྟ་འདྲ་བའི་མཚན་སྙན་ཡང་ཡོང་རྒྱུ་ཁག་པོ་རེད། རྒྱུ་མཚན་ནི། གལ་སྲིད་རྒྱབ་ཁབ་གཞན་གྱི་འོག་ཏུ་སོང་ཡོད་ན་རྒྱབ་ཁབ་དེ་དག་གིས་ད་ལྟའི་རྒྱ་ནག་ནང་བཞིན་བོད་མིའི་ཐོག་མི་གསོད་ཁྲག་སྦྱོར་གཏན་ནས་བྱེད་མི་སྲིད་ལ་བོད་པའི་རིག་གཞུང་རྩ་གཏོར་ཡང་དེ་བས་གཏོང་མི་སྲིད།

གླང་དར་མ་ལགས་ཀྱི་བཤད་སྟངས་ལ་ང་རང་མོས་མཐུན་ཡོད། ༧གོང་ས་མཆོག་གིས་ཀྱང་ང་དགུ་ལོར་རྒྱ་ནག་གིས་བོད་སར་བཙན་འཛུལ་བྱས་པ་དེ་རྐྱེན་ངན་གྲོགས་ཤར་ཆགས་ཏེ་ངོས་རང་དང་བོད་མི་མང་པོ་ཞིག་ཕྱི་ལོགས་སུ་ཡོང་སྟེ་རྒྱལ་སྤྱིའི་གནས་སྟངས་གང་ལ་གང་འཚམས་ཧ་གོ་བ་དང་བོད་མི་མང་ལའང་གོ་རྟོགས་སད་དེ་དེང་སྐབས་རྒྱལ་སྤྱིའི་སྤྱི་ཚོགས་ཀྱི་རྗེས་ཟིན་ཙམ་བྱུང་ཡོད་པ་རེད་ཅེས་གསུང་གི་ཡོད་པ་རེད། རླབས་ཅེན་གཙོ་འཛིན་མའོ་ཙེ་ཏུང་མེད་པ་ཡིན་ན་བོད་པའི་སྐུ་དྲག་མི་དྲག་དང་སྡེ་དཔོན་ཚོ་དཔོན། བླ་མ་དཔོན་པོ། ཕྱུག་བདག་རྒྱུ་ཆེན་དག་གིས་མང་ཚོགས་ལ་ཞུ་གཞོག་དང་གཉའ་སྣོན་བྱས་ཏེ་བོད་མི་རྣམས་སྡུག་བསྔལ་གྱི་འོབ་ནང་དུ་ཚུད་ཡོད་ངེས་པ་རེད།

གླང་དར་ཟེར་བས་བཤད་པར་ལྟོས་དང་། འདི་ཙམ་གྱིས་འུད་བསྟོད་མ་བྱས་ཀྱང་། ད་ལྟ་ང་ཚོ་རང་དབང་ལུང་པ་ན་ཡོད་ཕྱིར། ད་དུང་མའོ་ལ་ཞེད་སྣང་དེ་ཙམ་བྱེད་དགོས་དོན་མེད་པ་རེད། འོན་ཀྱང་རྒྱ་ནག་དམར་གཞུང་གི་ས་ནས་སྒོར་གཅིག་ཁ་ཤས་རེ་ཁྱོད་ཀྱིས་རེག་གི་ཡོད་ན། ཁྱོད་ཀྱིས་སྐད་ཆ་འདི་འདྲ་བཤད་ལོས་དགོས། མའོ་མེད་ན་ང་ཚོའི་ཕ་ཡུལ་གངས་ལྗོངས་སུ་དཔའ་བོ་བརྒྱ་དང་ཉེར་གསུམ་གྱིས་རང་ལུས་མེར་བསྲེགས་དོན་རྐྱེན་སོགས། ཐབས་སྡུག་འདི་འདྲ་ཡོང་མི་སྲིད།

ཡ་སྐྱེས་སྐར་་ཕར་ཞོག་ཡང་སྐར་ཏང་ཀྱང་དགའ་མེད་དོ་་་