ཁྱེད་རང་གིས་བོད་ཡིག་མ་སྤྱོང་རོགས
བོད་ཡིག་གིས་ཁྱེད་རང་རྗེས་ལུས་སུ་གཏོང་ངེས་ཡིན
བོད་ཡིག་གིས་ཁྱེད་རང་ལ་ཁ་ལག་མི་རེག
བོད་ཡིག་གིས་ཁྱེད་རང་ལ་གོ་ས་མི་སྤྲོད
བོད་ཡིག་གིས་ཁྱེད་རང་ཕྱུག་བདག་བཟོ་མི་ཐུབ
བོད་ཡིག་གིས་ཁྱེད་རང་དབུལ་བོ་ལས་མི་སྐྱོབས
བོད་ཡིག་གིས་ཁྱེད་རང་ལ་རང་དབང་མི་སྟེར
བོད་ཡིག་གིས་ཁྱེད་རང་ལ་བདེ་སྐྱིད་མི་སྦྱིན
གལ་ཏེ། ཁྱེད་རང་བོད་པ་ཞིག་དངོས་ནས་ཡིན་ན་བོད་ཡིག་མེད་མི་རུང་
ཁྱེད་རང་བོད་མི་གཙང་མ་ཞིག་བྱེད་འདོད་ན་བོད་སྐད་གཙང་མ་ཞིག་ཤེས་དགོས
ཁྱེད་རང་བོད་མི་ཞིག་ཡིན་པ་དྲན་གྱི་ཡོད་ན་བོད་ཡིག་ལས་རྩ་ཆེ་བ་མེད
ཁྱེད་རང་བོད་མི་རིགས་ལ་དངོས་ནས་སེམས་འཁུར་ཡོད་མཁན་ཞིག་ཡིན་ན
བོད་སྐད། བོད་ཡིག བོད་དོན། བོད་མི། མིང་ཚིག་འདི་དག་ནི
ཁྱེད་རང་གི་དུས་རྒྱུན་དུ་ཁ་ནས་གླེང་ཤེས་པ་ཙམ་གྱིས
དུས་བརྟན་དུ་བོད་མི་ཞིག་ཡིན་པ་ར་སྤྲོད་བྱེད་མི་ཐུབ
བོད་སྐད་མི་ཤེས་པའི་བོད་པ་ནི མི་རིགས་གཞན་ཞིག་ཡིན
བོད་དོན་གླེང་མཁན་ཡིན་ན་བོད་མི་ཡིན་དགོས་དོན་མེད
དེ་ཡང་ཁེ་ཕན་ཞིག་དང་འབྲེལ་བ་ཡོད་པས་རེད་ཟེར་ན་ཆོག
བོད་སྐད་མི་ཤེས་པའི་དུས་དེ་ནས་བཟུང་དེ
ཁྱེད་རང་བོད་ཀྱི་མི་རིགས་ཀྱི་སེམས་གཤིས་དང་རྩ་བྲལ་སོང་ཟིན
བོད་ཡིག་མི་ཤེས་པའི་ཉིན་མོ་དེ་ནས་བཟུང་དེ
ཁྱེད་རང་བོད་ཀྱི་རིག་གཞུང་དང་དཔག་ཚད་སྟོང་ཕྲག་ལས་གྱེས་ཡོད
རུས་རྒྱུད་འདྲེས་པའི་ཉིན་མོ་དེ་ནས་བཟུང་
ཁྱེད་རང་བོད་ཀྱི་རིགས་རྒྱུད་ལ་ལྷད་ཞུགས་པའི་མི་ངན་སྡར་མ་དེ་གྱུར་ཡོད
ཁྱེད་རང་གིས་ཁྱེད་རང་ངོ་མ་ཤེས་པའི་ཉིན་ནས
ཁྱེད་རང་མི་ལུས་ཐོབ་པའི་བྲན་གཡོག་ཞིག་ལས་གང་ཡང་མིན
དེ་ཡང་རྒྱུ་དོན་ཁོ་ནའི་འཚོ་བའི་མི་སེམས་བྲལ་བའི་བེམ་པོ་བཞིན
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
སྤུན་ཟླ་ཚོ། བོད་པས་བོད་ཡིག་གི་རིན་གོང་ཤེས་ཀྱི་ཡོད་དམ།
བོད་པས་བོད་ཡིག་གི་ལྟ་སྟངས་གོང་འཐོར་ཕྱིན་ཡོད་དམ།
བོད་པས་བོད་ཡིག་རང་གི་ཚེ་སྲོག་ལས་ཀྱང་གཙུག་ཆེར་འཛིན་སྲིད་དམ།
བོད་པས་བོད་ཡིག་མེད་པའི་ཁོར་ཡུག་ཞིག་ལས་རིང་དུ་གྱེས་སྲིད་དམ།
བོད་པས་བོད་ཡིག་ལ་བཅིངས་པའི་མདུན་པ་བརྟན་པོ་ཡིན་ནམ་ཅི།
བོད་སེམས་ཡོད་མཁན་ཞིག་ལ། ཆ་རྐྱེན་གང་ཞིག་ཚང་དགོས་ཀྱི་ཡོད་དམ།
བོད་མི་ཞིག་བྱེད་པ་ལ། དགོས་པའི་དོན་དངོས་རེ་གང་ལ་ཐུག་ཡོད་དམ།
སྤྱིར་དྲ་ངོས་འདིར་མཆན་བུ་འདེབས་མཁན་གྱི་ཁྲོད་ཁ་སྐད་བསྲེ་མཁན་གྱི་སྡེ་གཅིག་དང་། ཡིག་ནོར་འབྲི་མཁན་གྱི་སྡེ་གཅིག་བཅས་ཡོང་གིན་འདུག་པས་དྲ་གྲོགས་ཁྱོད་ཀྱང་དེ་གཉིས་ཀྱི་ར་བའི་ནང་ཚུད་ཀྱིན་ཡོད་སྟབས། དེ་ལས་ནམ་ཡང་ཐར་ཐབས་བྱེད་དགོས། ངས་མིས་མི་སྐད་མ་ཤོད་ཅེས་ཟེར་གྱིན་མེད། ཉེ་དུས་རོང་པོ་བློ་བཟང་སྙན་གྲགས་ལགས་ཀྱི་ཆེད་རྩོམ་དེ་བཀླགས་ཡོད་ངེས་རེད། ཁོང་གིས་ཀྱང་ཁ་སྐད་དང་ཡིག་ནོར། ཕྲད་ནོར། ཐོབ་ཐང་གོ་ལོག་ཏུ་སྤྱོད་མཁན་གྱི་སྐྱོན་ཆ་མི་ཉུང་བ་ཞིག་ལ་ཐུགས་སྣང་དགོས་སྐོར་གསུངས་འདུག ཤ་ཁྲག་རུས་གསུམ་དང་ཁོང་གི་སྐུ་མགྲོན་ཚོས་ཀྱང་དེའི་ཐོག་ཐུགས་སྣང་གནང་རོགས།
བོད་ཡིག་ལ་གཅེས་ན། བོད་མི་ཞིག་ཡིན་ན། བོད་སེམས་ཤིག་ཡོད་ན། གནད་དོན་འདི་རིགས་ནམ་ཡང་མ་བརྗེད་རོགས།།
ཀ་ཁ་ག་ང་དགོས་པ་ཆུང་ཡང་རུང་།།
བོད་སྐད་བཤད་ན་གཙང་མ་དག་མ་ཞིག།
བོད་རྒྱ་འདྲེས་མའི་ཚིག་སྦྱོར་འཐར་འཐོར་དེ།།
གཙན་གྱིས་བཙུར་ནས་དགོས་པ་མེད་གི་སྙམ།།
ཨ་རོ་ད་དུང་བཤད་རྒྱུ་ཞིག་བརྗེད་སོང་ཟིག རྒན་མོ་ལ་ཨ་ཁུ་དགེ་མཐོང་གིས་སྒར་ནས་བསྐུར་ནི་རེད་ཅེས་ལབ་རོགས། ཞི་མོ་ལ་སྐལ་སྟེར་དགོས་རེད་དཱ།
དམར་ཕྱོགས་པའི་གཞི་བདག་རང་རེད་འདུག བོད་ཀྱིས་བོད་ཡིག་མི་སྦྱོང་ན་སུ་ཞིག་གིས་བོད་ཡིག་སྦྱོངས་དགོས་ནི་རེད།
རྩེ་མོ་ཡིན། ཁྱེད་ཀྱི་ཁྱིམ་ལ་མ་ཡོང་ནས་ཟླ་ཁ་ཤས་འགོར་སོང་ང་། དེའི་ཕྱིར་སྐོར་རྒྱག་གི་ཡོང་ནི་ཡིན། ལུག་ཤ་གཅིག་དང་གཡག་ཤ་གཅིག་ཡོད། ཨི་ཟུར་ནས་ཉིན་མ་སྐམ་ནས་ག་ལེ་ཟོ་ལོ།
བོད་ཤ་ཕྲག་ལགས།
དེ་རིང་འདིར་དུད་ཆ༹ང་རེ་རེའི་ནང་དུ་མྱུལ་རྕི༹ས་ཡོད།
ཁྱེད་ཀྱི་སྒྲུང་གཏམ་ཕྱེད་ཀ་ལས་ཀློག་ཐུབ་མ་སོང་གཞན་དག་ཆ༹ང་མ་ཀློག་ཡིན།བོད་ཡིག་གི་ཆེད་དུ་ཆུ་ཆོ༹ད་འདི་འདྲ་ཞིག་གཏོང་ཐུབ་པ་ལ་སྨོན་ཡོད།གཞན་བཀྲ་ཤིས་བདེ་ལེགས་ཡོད་ཡ།
ཉན་གི་ཡིན་མི་ཟེར་བར་ནན་གི་ཡིན་ཟེར་ན་འབོ་ར་ཨམ་ཆོག་གི་སྐད་ཆ་འདྲ་ཞིག་མི་འདུག་གེ ཧཧཧཧ
བྲག་འགོ་ལགས་ལ་ནན་གི་ཡིན་དོ།།
ལགས་སོ།
བཙན་བྱོལ་བ་ཁྱེད་ཀྱིས་བོད་ཡིག་མ་སྦྱོང་དང་།
བོད་སྐད་ཀྱི་ལྗིད་ཚད་ཇེ་ཡངས་རེད།
བོད་ཡིག་གི་རྒྱུ་ཆ་ཇེ་ཞན་རེད།
དེ་ལྟར་མདུན་བསྐྱོད་ཤོགས་དང་།
བོད་ཡིག་ནི་བོད་ཀྱི་བླ་སྲོག་ཡིན
བོད་ཡིག་ནི་བོད་ཀྱི་མཚོན་དོན་ཡིན
བོད་ཡིག་ནི་བོད་ཀྱི་ཁྱད་ཆོས་ཡིན
བོད་ཡིག་ནི་བོད་ཀྱི་རྩ་དོན་ཡིན
བོད་ཡིག་ནི་བོད་ཀྱི་སྙིང་ནོར་ཡིན
བོད་ཡིག་ནི་བོད་ཀྱི་རེ་ས་ཡིན
བོད་ཡིག་ནི་བོད་ཀྱི་སྐྱབས་གནས་ཡིན
བོད་ཡིག་ནི་བོད་ཀྱི་ཕ་མ་ཡིན
བོད་ཡིག་ནི་བོད་ཀྱི་རྒྱུ་ནོར་ཡིན
བོད་ཡིག་ནི་བོད་ཀྱི་རྒྱལ་ཁ་ཡིན
བོད་ཡིག་ནི་བོད་ཀྱི་ལ་རྒྱ་ཡིན
བོད་ཡིག་ནི་བོད་ཀྱི་ཆབ་སྲིད་ཡིན
བོད་ཡིག་ནི་བོད་ཀྱི་དཔལ་འབྱོར་ཡིན
བོད་ཡིག་ནི་བོད་ཀྱི་ཤེས་རིག་ཡིན
བོད་ཡིག་ནི་བོད་ཀྱི་ཁ་ཡིན
བོད་ཡིག་ནི་བོད་ཀྱི་མིག་ཡིན
བོད་ཡིག་ནི་བོད་ཀྱི་རྣ་བ་ཡིན
བོད་ཡིག་ནི་བོད་ཀྱི་ལག་པ་ཡིན
བོད་ཡིག་ནི་བོད་ཀྱི་ལུས་པོ་ཡིན
བོད་ཡིག་ནི་བོད་ཀྱི་ཡོད་ཚད་ཡིན