རྩུབ་ནས་རུས་པ་འཐོར་ཡང་མ་རིག་ཐལ།།
ནང་ནས་ཤ་ཁྲག་སད་ཀྱང་མ་ཤེས་ཐལ།།
འཁྲིས་ནས་རང་མི་གཏུབ་ཀྱང་མ་མཐོང་ཐལ།།
འདི་འདྲ་འདི་ནི་རྒུད་པའི་སྔ་འདྲེན་རེད།།
རྒྱང་གི་བྲན་གཡོག་བྱེད་ལ་རྨི་ལམ་གཏོང་།།
རྒྱང་གི་གྲོང་ཁྱེར་འགྲིམ་ལ་རེ་བ་མང་།།
རྒྱང་གི་བུད་མེད་འགྲོག་རྒྱུར་འདོད་པ་ཆེ།།
རིགས་རུས་རྩ་མེད་གཏོང་བའི་སྔ་ལྟས་རེད།།
བརྩེ་བའི་ཞེ་འདང་མི་དགོས་སྒོར་མོ་དགོས།།
དྲིན་ཆེན་དྲིན་ལན་མི་འདོད་ངོ་གཡོག་འདོད།།
མི་ཚེ་རིན་ཐང་མི་སྙེགས་དཔལ་འབྱོར་བཙལ།།
འགྲོ་བའི་བྱམས་བརྩེ་བཤིག་པའི་ཆོ་འཕྲུལ་རེད།།
གོང་ན་སྐྲག་སའི་མི་ཞིག་མེད་ན་ཟེར།།
བར་ན་ཆགས་སའི་མི་ཞིག་མི་དགོས་ཟེར།།
གཞུག་ནས་འབོད་པའི་སྐྱེ་དམན་མི་མཁོ་ཟེར།།
དོན་ལ་འགན་འཁུར་མེད་པའི་འཁྱམས་པོ་རེད།།
བོད་ཡིག་སྤྱང་ན་རང་མགོ་མི་ཐོན་གླེང་།།
བོད་སྐད་བཤད་ནས་ཁ་ལག་མི་རེག་གླེང་།།
བོད་ལྭ་གྱོན་ན་ལུས་ལ་མི་བདེ་གླེང་།།
བོད་ཞེན་རྩ་བ་བརླག་པའི་གཡབ་མོ་རེད།།
རང་གི་ཤེས་པ་གཞན་གྱིས་མི་ཤེས་འདོད།།
གཞན་གྱི་ཤེས་པ་རང་གིས་ཁས་མི་ལེན།།
རང་གཞན་ནམ་ཡང་མཐུན་འདོད་མི་བྱེད་པ།།
རང་གཞན་མཐུན་ལམ་ཆད་པའི་སྔོན་བརྡ་རེད།།
རིགས་ཀྱི་བརྡ་དག་སེམས་ལ་མེད་སོང་ན།།
རིགས་ལ་རང་དབང་ཐོབ་ཀྱང་དོན་མེད་རེད།།
རིགས་ལ་ཞེན་རྩ་དཀར་པོ་མེད་སོང་ན།།
རིགས་པའི་རྒྱལ་བོ་ཡིན་ཡང་དགོས་མེད་རེད།།
གཅན་བཟོད་རྒྱམ་ལགས། དེ་རིང་ཡང་བསྟོད་བསྔགས་ཤིག་གནང་འདུག་པ་དེར་ངོ་གནོང་གི
རྨེ་རུ་ལགས། འུ་ཅག་ཚང་མས་རང་གི་དོན་དུ་སྐད་ཆ་རེ་བཤད་དུས་སུ། ངས་ཐོག་མར་རང་གི་བྱ་བྱེད་ལ་བརྟག་ཁུལ་བྱེད་ཀྱི་ཡོད་ལགས། རེད་དེ། སྐུ་ཉིད་ཀྱིས་དེ་ལྟར་གདེང་འཇོག་གནང་བ་དེར་དངོས་ནས་ངོ་གནོང་གི
འབའ་བ་སྐལ་བཟང་འཕྲིན་ལས་ལགས། སྐུ་ཉིད་ཀྱིས་གསུངས་པ་དེ་ཡང་གནས་ལུགས་ཤིག་མ་རེད་ཟེར་མི་ཐུབ་ཀྱང་། གནས་ལུགས་དེ་ལག་ལེན་ཐོག་འགྲོ་རྒྱུར་དངོས་ནས་དཀའ་ཁག་མང་བོ་ཡོད་པ་རེད་ལགས།
བསེ་རུ་ལགས། སྐུ་ཉིད་ཀྱིས་དུས་རྟག་དུ་ལྷག་བསམ་ལ་འགྱུར་བ་མེད་པར་ལམ་སྟོན་གནང་བ་དེར་སེམས་ཁོང་རུས་པའི་གཏིང་ནས་དགའ་བསུ་ཡོད་ལ། དགའ་བསུ་དེ་ལ་ནམ་ཡང་འགྱུར་བ་མེད་ལགས། ག་དུས་ཁོམ་པ་ཡོད་ན་དེ་དུས་ཕེབས་ནས་འདི་ལྟར་ལམ་སྟོན་གནང་རྒྱུར་རེ་བ་ཆེན་པོས་སྒོ་ནས་བལྟས་ཡོད་ལགས།
འབྲོང་བུ་ལགས། ལྷོད་སྡོད་ལ་དགའ་བའི་འུ་ཅག་གི་མི་རིགས་འདིས་གཤིས་ཀ་འདི་མཚམས་རེར་དངོས་ནས་མ་འགྲིག་ས་དངོས་ནས་མང་བོ་ཞིག་འདུག་པ་དེ་ནི་བདེན་པ་རེད་ལགས།
ཡིད་རེ་སྐྱོ་ཨང། ལྷོད་སྡོད་ལ་གོམས་པའི་ང་ཚོ་དང་གཞན་རིགས་ལ་དུངས་བའི་ང་ཚོར་འོད་སྣང་ལྡན་པའི་འགྲོ་ས་གཏན་ནས་མེད།
ལས་བྲེལ་གྱི་དབང་གིས་དྲ་ངོས་སུ་ཉིན་ཤས་བཅར་ཐུབ་མ་སོང་དགོངས་འགལ་མེད་པ་ཞུ།
རྩོམ་གྱི་ཁ་བྱང་དུ་མུད་པའི་སྒོ་མོ་ཕྱེ་སོང་ཟེར་བཀོད་འདུག་ཀྱང་།
གོ་བ་ལྟར་ན་མིད་པའི་སྒོ་མོ་ཕྱེ་སོང་ཟེར་བ་ཡིན་པ་འདྲ།
དེར་བརྟེན་ཨམ་སྐད་ཀྱི་གཤིས་ཀའི་ནང་དབྱངས་ཨི་དང་ཨུ་གཉིས་སྒྲ་གདངས་ཧ་ཅང་ཉེ་བས་དེ་ལྟར་མིད་པ་འབྲི་སར་མུད་པ་ཞེས་འབྲི་ཐལ་ཤོར་བ་མིན་ནམ་སྙམ།
དབྱངས་ཨི་དང་ཨུ་གཉིས་ལ་དྲ་གྲོགས་གཞན་ཚོས་ཀྱང་ཐུགས་སྣང་དགོས་གལ་ཆེ་བར་མཐོང་།
གཞན་གྱི་ན་མོ་མཆན་འོག་བཅུག་ན་ཡང་།
ཤ་མཆེད་ཕྲུ་གུའི་ཀླད་པའི་མ་ལག་ཏུ།།
རྩམ་པའི་དྲི་བསུང་ཡང་ཡང་ལྡུག་ཐུབ་ཚེར།།
གངས་ཅན་མར་འགྲིབ་འགྲོ་བའི་ཆ་རྐྱེད་མིན།།
དགོངས་དག་༼ཟིན་བྲིས་༽ལ་བཅོས་རོགས་གནང།
བཀླགས་པར་ཟིན་ནོ་ཤ་ཁྲག་ལགས།
ཤ་ཁྲག་བརྩོན་པ་ཆེན་པོས་ཟིན་བྲེལ་སྤེལ།
ཤ་ཁྲག་རིགས་ལ་དགའ་བའི་རིགས་ཞེན་གླེང།
ཤ་ཁྲག་རུས་པ་ས་ལ་མ་ཐོར་བར།
ཤ་ཁྲག་གསེབ་ནས་རིགས་ཀྱི་ལ་རྒྱ་གླེང།
དེ་རིང་ཨེན་ཙམ་བྲིས་འདུག་དཱ། ཧེ་ཧེ་ཧེ། ཧྲི་གི་ཡ།
རི་དྭགས་གཅན་གཟན་མང་བའི་ཁྲོད་དེ་ནས།།
བོང་བ་གསེར་གཟུགས་ཅན་ངར་བསྟོད་པ་འདི།།
དོན་གྱི་རྟོགས་པ་རན་པོ་མི་འདུག་མོད།།
སྐུ་ཉིད་འདི་རུ་ཕེབས་པ་དགའ་ནས་ཡོད།།
སྐར་ཚོགས་མང་བོ་ལྷམ་ལྷམ་འཚེར་བཞིན་ཡོད།།
བལ་བཟའ་ཁྲི་བཙུན་འཁྲུངས་སའི་ཡུལ་དེ་ནས།།
བཙན་པོའི་རྗེས་སྙེགས་བྱེད་ལ་སྤོབས་པ་ཅན།།
ལྷིང་འཇག་མཚན་མོའི་ཁྲོད་དུ་བཞུགས་དེ་སྤྲོ།།
རྒྱལ་རབས་ཁྲི་ཕྲག་ལོ་རྒྱུས་མ་ཤེས་ཀྱང་།།
ཐང་ཆེན་འགྲིམ་ལ་ཞུམ་མེད་རིགས་ཞེན་ཅན།།
ཡོན་ཆབ་སྔོན་མོ་འཐུང་བའི་བར་གསེང་དུ།།
ཏན་ཏན་ཏིག་ཏིག་གནང་བར་རེ་སྐུལ་ཡོད།།
ཤ་ཁྲག་ལགས། ཁྱོད་ཀྱིས་ཡང་སྙན་པོ་ཞིག་སྤེལ་འདུག་ཨ། ང་རྒྱུན་པར་འདིར་ཡོང་འདོད་པ་དེ་ཁྱོད་འདྲ་བར་སྒྱུར་རྩལ་ལྡན་པ་འགའ་ཤས་ཀྱིས་བཙན་འཁྲིད་བྱས་ནས་རེད།
མ་གཏོགས་ང་ལའང་ལས་ཀ་མང་པོརཡོད། ཀུ་རེ་ཡིན་་་དངོས་གནས་ལེགས་པོ་འདུག
ཤར་ཡོང་ཞིག་བྱས་ནས་བུད་སོང་ང་། ཡང་གློག་ཤི་རན་སོང་། བལ་ཡུལ་ན་བར་ཆད་མང་པོ་འདུག་ད།
ཅིས་མ་བདེན། ངོ་མ་བདེན་གི་ཡ།