མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཤར་པ་ཚོ་བོད་མི་རེད་དམ།

བོད། ཤ་ཁྲག་རུས་གསུམ།
༢༠༡༠/༠༥/༣༠
Share on FacebookShare on TwitterShare on EmailShare on Whatsapp

ང་དང་གྲོགས་པོ་རྡོ་རྗེ་གཉིས་ཀྱིས་ཁོ་རང་གི་ནང་དུ་གློག་བརྙན་ལ་བལྟས་དེ་བསྡད་ཡོད། སྐབས་དེར་ང་རང་གི་ལག་ཁྱེར་ཁ་པར་གྱི་སྒྲ་གྲགས་སོང་། ངས་ཁ་པར་ནང་གི་མིང་ལ་གཅིག་བལྟས་དུས། ངའི་གྲོགས་པོ་བློ་བཟང་རེད།

ཁོང་གིས་ང་རང་ལ་ཁྱེད་རང་དོ་ནུབ་ངའི་ལྷན་དུ་ཤར་པ་ཚོས་སྟོན་པའི་འཁྲུངས་སྐར་སྲུང་བརྩི་བྱེད་སར་འགྲོ་འདོད་ཡོད་དམ། ཡོད་ན་ཤོག་དང་། ང་རང་དེར་འགྲོ་རྩིས་ཡོད། ཕྱི་དྲོ་ཆུ་ཚོད་དྲུག་པའི་རྒྱབ་དུ་རླངས་འཁོར་འབབ་ཚིགས་སུ་ཐུག་ཆོག

ཕྱི་དྲོ་གྲོགས་པོ་རྡོ་རྗེ་ནས་ང་རང་ཁོ་རང་གི་ལས་ཀའི་རླངས་འཁོར་གྱི་ནང་དུ་བསྐྱལ་ནས་རླངས་འཁོར་འབབ་ཚིགས་སུ་འབྱོར་དུས་སུ། གྲོགས་པོ་བློ་བཟང་བོད་པའི་བུད་མེད་ཅིག་དང་རྒྱ་གར་བུད་མེད་གཅིག་བཅས་མོག་མོག་ཟ་ཁང་ཞིག་གི་ནང་དུ་བསྡད་འདུག

དེ་ནས་ཅུང་མ་འགོར་བར་ང་ཚོའི་འཁྲིས་སུ་བོད་ལྭ་གྱོན་པའི་བུད་མེད་མཛེས་མ་མང་བོ་ཞིག་སླེབས་སོང་། ཕར་བལྟས་ཚོད་ཀྱིས་བོད་ཀྱི་བུད་མེད་ཤ་སྟག་འདི་རུ་འཛོམས་སོང་སྙམ་པའི་སྣང་བ་འགོག་མེད་དུ་སྟེར་གྱི་འདུག ཁོང་ཚོས་འཁྲིས་སུ་བཅར་ནས་སྐད་ཆ་དྲིས་དུས་སུ། ཁོང་ཚོ་ཡང་སྟོན་པའི་འཁྲུངས་སྐར་བརྩི་སྲུང་བྱེད་སར་འགྲོ་མཁན་རེད་འདུག ཡིན་ཡང་། བོད་སྐད་ཤེས་མཁན་གཅིག་ཀྱང་མི་འདུག

ང་ཚོ་བུད་མེད་གཉིས་དང་བཅས་མི་བཞིའི་གླ་བྱེད་རླངས་འཁོར་ཞིག་གླས་དེ་ཚོགས་ཁང་ཡོད་སར་ཕྱིན་པ་ཡིན། ཚོགས་ཁང་དེ་ཡི་འགྲམ་དུ་སླེབས་དུས་སུ་སྔ་ས་ནས་དེ་རུ་བོད་ལྭ་གྱོན་པའི་བུད་མེད་མང་བོ་ཞིག་འཛོམ་འདུག་ལ། མཉམ་དུ་ཕོ་གསར་ཡང་བོད་པའི་ངོ་གདོང་འཁུར་བ་མི་ཉུང་བ་མང་བོ་ཞིག་འཛོམ་འདུག

ང་ཚོ་ཚོགས་ཁང་དུ་འཛུལ་བ་ལ། ཤས་ཀར་ལྔ་བཅུ་རེ་སྤྲོད་དགོས་ཀྱི་འདུག་ལ། ང་རང་གི་འཛིན་བྱང་གྲོགས་པོ་བློ་བཟང་གིས་སྤྱིན་བདག་བྱས་སོང་། ཚོགས་ཁང་ནང་དུ་ཡར་འཛུལ་དུས་སུ། སྒོ་འགྲམ་དུ་བུད་མེད་བོད་ལྭ་གྱོན་པའི་མཛེས་མ་མི་ཉུང་བ་ཞིག་གིས་ལག་དུ་ནང་བའི་དར་ཆ་ཆུང་ཆུང་རེ་ཡི་སྟེང་དུ་ཤོག་བུའི་བཟོས་པའི་མེ་ཏོག་ཡོད་པ་རེར་མི་རེ་ཡི་བྲང་ཁར་འདོག་བཞིན་འདུག་པ་མ་ཟད། ལག་ཟུང་ཐལ་མོ་སྤྱར་ནས་བཀྲ་ཤིས་བདེ་ལེགས་ཞུ་བཞིན་འདུག

ཚོགས་ཁང་ནང་གི་གར་སྟེགས་སྟེང་དུ་སྟོན་པའི་སྐུ་བརྙན་ཞིག་གི་མདུན་དུ་མངར་ཆུ་དང་མངར་ཟས། ཤིང་ཏོག་གི་རིགས་མི་ཉུང་བ་ཞིག་གཤམ་འདུག་པ་མ་ཟད། ཁ་བཏགས་ཀྱང་གཏན་ནས་མི་ཉུང་བ་ཞིག་འདུག་པ་མ་ཟད། མཆོད་མེ་རྐང་བུ་ཆེན་པོ་གསུམ་ཡང་འདུག ཚོགས་ཁང་དེ་རུ་འབྱོར་བའི་མི་གྲངས་ཀྱང་ཕལ་ཆེར་མི་ཉིས་བརྒྱ་ལས་བརྒལ་འདུག མང་ཤོས་ནི་བུད་མེད་རེད། དེ་ཡི་ཁྲོད་དུ་བོད་པ་ང་དང་བློ་བཟང་། བལ་ཡུལ་ནས་འབྱོར་བའི་བུད་མེད་པདྨ་དང་ཚེ་རིང་། ཅུང་ཙམ་རྗེས་སུ་བློ་བཟང་དོན་འགྲུབ་འབྱོར་བ་བཅས་མི་ལྔ་མ་གཏོགས་མེད།

ཁོང་ཚོས་སྐུ་མགྲོན་དེ་དག་ལ་བོད་ཇ་གྲ་སྒྲིག་བྱས་འདུག མི་རེ་ལ་བོད་ཇ་འདྲེན་མཁན་དེ་དག་ཡང་བུད་མེད་སྙིང་རྗེ་བོ་བོད་ལྭ་གྱོན་པ་ཤ་སྟག་རེད་འདུག་ན་ཡང་། བོད་སྐད་ཤེས་མཁན་མི་འདུག དེ་ནས་ཁོང་ཚོས་སྟོན་པའི་འཁྲུངས་སྐར་འགོ་འཛུགས་བྱས་སོང་། ཐོག་མར་ཁོང་ཚོས་ཡོལ་མོའི་ཚོགས་པའི་མིང་ཐོག་ནས་མི་རེ་ལ་འཚམས་འདྲི་དང་བཀའ་དྲིན་ཆེད་ཞུ་དང་ཤོག་བྱང་རེ་དང་ཤོག་བཟོས་མེ་ཏོག་རེ་བཅས་སྤྲད་སོང་། སྐུ་མགྲོན་ཁ་ཤས་ཤིག་གདན་འདྲེན་བྱས་འདུག་ལ། དེ་དག་ཡང་བལ་ཡུལ་གཞུང་གི་ལས་བྱེད་ཁག་གཅིག་ཡིན་འདུག

མི་སྐྱ་ཁ་ཤས་ཤིག་གིས་གཟན་གཅིག་བུ་གོན་ནས་སྐྱབས་འགྲོ་ནས་འགོ་བཟུང་དེ་ལྟུང་གཤེགས་དང་བཅས་བོད་སྐད་སྟེང་ནས་འདོན་འགོ་བཙུགས་སོང་། གཤམ་དུ་མི་མང་ལ་ཇ་འདྲེན་པ་ཟས་སྣ་འདྲེན་པ་བཅས་ཀྱི་འགོ་བརྩམས་སོང་། མི་སྐྱ་དེ་དག་གིས་ཞལ་འདོན་ཆུ་ཚོད་གཅིག་ཙམ་རིང་བཏོན་རྗེས་སུ། ཁོང་ཚོས་ཕོ་མོ་གཉིས་ཀ་འགྲོག་ནས་སྐོར་བྲོའི་འགོ་བཙུགས་སོང་། སྐོར་གཞས་ཀྱང་བོད་སྐད་ཚིག་འདྲེས་ཡོད་པ་དང་། དམིགས་བསལ་གྱིས་སྟོད་པའི་སྐོར་བྲོའི་ཞིག་འཁྲབ་ཀྱི་ཡོད་པ་ལྟ་བུའི་ངང་ཚུལ་ཞིག་ལས་གཞན་སྣང་བ་གང་ཡང་སྟེར་གྱི་མི་འདུག ཡིན་ཡང་། ཁོང་ཚོས་བོད་སྐད་བཤད་ཀྱི་མི་འདུག བོད་ལྭ་གྱོན་པའི་ངང་ཚུལ་དེ་མཐོང་དུས་སུ་དངོས་ནས་བོད་མི་སྐོར་ཞིག་འདི་རུ་འཛོམས་པའི་སྣང་བ་ལས་གཞན་གང་མི་སྟེར།

ཁ་ལག་ཚང་མ་ཤ་མེད་རེད་ལ། ཚོགས་ཤིག་ཀྱང་བཀྲམ་སོང་། མི་རེ་ལ་འགྱོག་ཤོག་ཁུག་མ་གཅིག་རེ་སྤྲད། འཐུང་ཆུ་མངར་མོ་དཀར་དམར་སེར་གསུམ་གྱིས་སྒྲོག་རྩེ་ཚང་མ་བཀང་འདུག སྟོན་པའི་འཁྲུངས་སྐར་གྱི་དུས་ཡུན་ནི་ཕྱི་དྲོ་ཆུ་ཚོད་དྲུག་དང་ཕྱེད་ཀ་ནས་མཚན་དཀྱིལ་ཆུ་ཚོད་གཉིས་པ་བར་དུ་རེད། ཟླ་ཚེས་ནི་༢༩།༥།༡༠རེད། ཚེས་གྲངས་དེ་ལྟར་བྱེད་དོན་ནི་ཚང་མའི་གུང་གསེང་ལ་བསྟུན་འདུག

ཁོང་ཚོས་སྟོན་པའི་འཁྲུངས་སྐར་འདི་འགོ་ཉིས་སྟོང་དྲུག་ནས་བཙུགས་འདུག ཚོད་དཔག་བྱས་པ་ཡིན་ན། ས་ཁུལ་འདིར་ལས་ཀའི་ཆེད་དུ་འབྱོར་བའི་ཤར་བའི་མི་གྲངས་ནི་བཞི་བརྒྱ་ནས་ལྔ་བརྒྱའི་བར་ཡིན་རབས་འདུག ཡིན་ཡང་། ཁོང་ཚོས་ནང་བ་ཡིན་པར་ཁས་ལེན་བྱེད་ཀྱི་ཡོད་ན་ཡང་། ལོ་རྒྱུས་ཀྱི་སྟེང་ནས་བོད་མི་ཡིན་པ་གཏན་ནས་ཤེས་ཀྱི་མེད་པ་རེད་དམ། ཡང་ན། ཁོང་ཚོ་བོད་མི་མ་རེད།

འབྲེལ་ཡོད་གསར་འགྱུར།

ཨ་རིའི་གྲོས་ཚོགས་གོང་མའི་འཐུས་མི་ལྕམ་སྐུ་ཇེག་ཁི་རོ་སན་མཆོག་གིས་བོད་མཐོ་སྒང་གི་ཁོར་ཡུག་ལ་གནོད་སྐྱོན་བཟོ་ཉེན་ཡོད་པར་ཞིབ་འཇུག་དགོས་པའི་ཁྲིམས་འཆར་བཏོན། བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༧།༡༧
Mobile App

བོད་མཐོ་སྒང་གི་ཁོར་ཡུག་ལ་གནོད་སྐྱོན་བཟོ་ཉེན་ཡོད་པར་ཞིབ་འཇུག་དགོས་པའི་ཁྲིམས་འཆར་བཏོན།

ཆུ་ཚོད་ ༣ སྔོན་ལ།
པེ་ཅིང་གྲོང་ཁྱེར་འབྲིང་རིམ་མི་དམངས་ཁྲིམས་ཁང་དུ་ཝུའུ་ཡེན་ཅེ་ལ་ཞིབ་བཤེར་བྱེད་བཞིན་པ། Lianhe Zaobao གསར་ཁང་གིས་པར།
Mobile App

བོད་རང་སྐྱོང་ལྗོངས་ཟེར་བའི་དམར་ཤོག་དྲུང་ཆེ་ཟུར་པ་ཝུའུ་ཡེན་ཅེ་ལ་ལོ་གཉིས་ཕར་འགྱངས་ཀྱི་སྲོག་ཁྲིམས་བཅད།  

ཆུ་ཚོད་ ༧ སྔོན་ལ།
༧སྐྱབས་རྗེ་དྭགས་པོ་རིན་པོ་ཆེ་མཆོག་ལ་ཧྥ་རན་སིའི་གཟེངས་རྟགས་ཐོབ། སྐུ་པར་བོད་ཀྱི་དུས་བབ་གསར་ཁང་གིས་བསྒྲིགས། ༢༠༢༥།༧།༡༦
Mobile App

༧སྐྱབས་རྗེ་དྭགས་པོ་རིན་པོ་ཆེ་མཆོག་ལ་ཧྥ་རན་སིའི་གཟེངས་རྟགས་ཐོབ།

༢༠༢༥/༠༧/༡༦
༸གོང་ས་མཆོག གསར་འགྱུར།

ཨ་རིའི་གྲོས་ཚོགས་གོང་མས་འཁྲུངས་སྐར་ཉིན་མོ་དེ་བྱམས་བརྩེའི་ཉིན་མོར་སྲུང་གཙི་ཞུ་རྒྱུ་སྤྱི་མོས་གཏན་འབེབས་གནང་།

༢༠༢༥/༠༧/༡༦
Sikkim BJP MP Dorjee Tshering Lepcha Reiterates Demand to Rename India-China Border as Indo-Tibetan Border
Mobile App

རྒྱ་གར་དབུས་གཞུང་གིས་འཕགས་བོད་ས་མཚམས་ཞེས་པའི་མིང་བེད་སྤྱོད་གནང་དགོས་པའི་འབོད་སྐུལ་གནང་།

༢༠༢༥/༠༧/༡༥
སྲིད་སྐྱོང་མཆོག་གིས་ཨོ་གླིང་གནས་མཁར་གསར་ས་གནས་བོད་མི་རྣམས་ལ་གསུང་བཤད་གནང་། ༢༠༢༥།༠༧།༡༣ སྲིད་སྐྱོང་གི་ངོ་དེབ་ཀྱི་པར།
Mobile App

༧སྐུའི་ཡང་སྲིད་ཕེབས་ཕྱོགས་ཐོག་ཨོ་གླིང་གཞུང་གི་ལངས་ཕྱོགས་གསལ་བོ་དགོས་པའི་རེ་སྐུལ་གནང་།

༢༠༢༥/༠༧/༡༥

མཆན། 10

  1. wisdom says:
    ལོ་ 15 སྔོན།

    ང་ད་ལོ་ནེ་པལ་ལ་ཕྱིན་པ་ཡིན། སྐབས་དེ་དུས་ཤར་པ་ཁ་ཤས་དང་མཉམ་དུ་གོ་བསྡུར་བྱས་རྒྱུ་བྱུང་། ཁོ་ཚོས་བཤད་རྒྱུར་ང་ཚོ་བོད་པ་ཡིན་ད་ཡིན་བོད་ཤར་ཕྱོགས་ནས་ཡོང་བའི་རྒྱུ་མཚན་གྱིས་ཤར་པ་ཞེས་མིང་ཐོག་པ་རེད་ཅེས་ཟེར། ད་དུང་ང་བྰེལ་འཇམ་གཞུང་ཚབ་ཁང་དུ་ཕྱིན་པ་ཡིན། གཞུང་ཚབ་ཁང་གི་གཡས་ཕྱོགས་སུ་ཤར་པའི་རི་འཛེགས་རུ་ཁག་ཅིག་གིས་རུ་སྒྲིག་བྱེད་བཞིན་པ་མཐོང་དུས་ལྟ་རུ་ཕྱིན་པ་ཡིན། ཁོང་ཚོས་བཤད་རྒྱུར། ང་ཚོ་བོད་སྡེ་དགེ་ཕྱོགས་ནས་བསླེབས་ཤིང་ཨོ་རྒྱན་ཆེན་པོ་ལྷག་པར་དུ་འབྲེལ་བ་དང་དད་པ་ཡོད་ཚུལ་བྰེལ་འཇམ་གྱི་མི་བུ་ཞིག་ལ་ངོ་སྤྲོད་བྱེད་ཀྱིན་འདུག།།

    Reply
  2. lhachapjinpa says:
    ལོ་ 15 སྔོན།

    ཤར་བ་བོད་པ་ལོས་ཡིན།

    Reply
  3. chokri nyima says:
    ལོ་ 15 སྔོན།

    ཤར་པ་བོད་པ་རེད་ད། ཡིན་པ་མ་ཟད་ཕ་ཡུལ་གཅིག་པ་རེད་ད།ཧ་ཧ་ཧ

    Reply
  4. chentsasopa says:
    ལོ་ 15 སྔོན།

    ཁ་བ་ནག་པོ་དང་ཁྲི་གཡུང་དྲུང་རྣམ་གཉིས་ཀྱིས་གསུངས་པ་ལ་མངོན་པར་བསྟོད་དོ།།

    Reply
  5. shedup says:
    ལོ་ 15 སྔོན།

    ཤར་པ་མི་རིགས་འདི་བོད་རིགས་ཡིན་ན་ཡང་ད་ཡོད་འཆོ་ཁ་གསུམ་པོ་གང་རུང་ཅིག་ཡིན་པར་གསུང་ན་ལོ་རྒྱུས་ཁ་གསལ་མེད་པའི་འཐེན་འཁྱེར་ཅིག་དང་། བོད་རིགས་ཡིན་ན་ངེས་པར་ཏུ་བོད་ཁོངས་ནང་ཡོད་དགོས་པ་མཐོང་མ་སོང་།

    Reply
  6. triyungdrung says:
    ལོ་ 15 སྔོན།

    དྲ་གྲོགས་ལགས།
    བཀའ་ལན་ཡོད་ན་ཕྲན་གྱི་ཟིན་བྲིས་སུ་ཕེབས་གནང་རོགས་ཞུ།

    Reply
  7. triyungdrung says:
    ལོ་ 15 སྔོན།

    བལ་ཡུལ་གྱི་རྒྱལ་ཁབ་ནང་དུ་འདི་འདྲ འི་མི་རིགས་མང་པོ་ཡོད་པ་རེད། དཔེར་ན། དོལ་པོ་དང་། གློ་བོ། སྙེ་ཤང་། མུ་ཁུམ། འུམ་གློ། ནུབ་རི། ཙུམ། ཡོལ་མོ། སེ་རིབ། ད་དུང་འདིར་མིང་མ་བགྲངས་པ་དུ་མ་ཞིག་ཡོད་པ་རྣམས་དོན་ཐོག་ཏུ་དེ་རྣམས་གནའ་སྔ་མོ་ནས་བོད་མི་ཡིན་པས་མ་ཚད་ཁོ ང་ཚོའི་ལོ་རྒྱུས་སུའང་བོད་དང་ཆོས ་སྲིད་གཉིས་ཙམ་གྱིས་མི་ཚད་པར་མི་ རྒྱུད་ཀྱི་འབྲེལ་བ་ཡོད་རབས་གསལ། ད་ལྟའང་དེ་ཚོ་ད་དུང་རོང་པ་ཆ་ཚ ང་དུ་མ་འགྱུར་བར་གདན་ས་ཁག་དང་ཆོས ་བརྒྱུད་རིས་མེད་ཀྱི་དགོན་སྡེ་རྣ མས་སུ་གྲྭ་བཙུན་དང་སློབ་གྲྭ་ཁག་ཏུ་ སློབ་ཕྲུག་དུ་མ་ཡོད། འོན་ཀྱང་། ང་རང་ཚོ་བོད་མིའི་ངོས་ནས་སྐབས་འགར ་དེ་ཚོར་ལྟ་སྟངས་ལོགས་ཁར་བྱེད་པས ། ཁོང་རྣམ་པས་ཀྱང་རང་བཞིན་གྱིས་ང་ཚོ ་བོད་པ་མིན་ཟེར་མཁན་ཡང་མང་དུ་འགྲོ་ བཞིན་འདུག
    ལྷག་པར་ རང་གཞུང་ནས་གདན་ས་ཁག་ཏུ་སོ ག་པོ་དང་བྷུ་རི་ཡད། དེ་བཞིན་ཁལ་མི་ཁིའི་མི་རིགས་སམ་གྲྭ་ བཙུན་རྣམས་ལ་སློབ་ཡོན་གནང་བ་ཇི་ བཞིན། མི་རིགས་དེ་དག་གི་གྲྭ་བཙུན་རྣམས་ ལའང་སློབ་ཡོན་བསྩལ་ ན་མ་འོངས་པར་མུ་ མཐུད་ནས་འདི་དག་གི་སེམས་པར་ཡང་རང ་ཉིད་བོད་རིགས་དང་འབྲེལ་བ་ཇེ་དམ་ དུ་འགྲོ་བའི་ཡིད་ཆེས་བདག་ལ་ཡོད། དེའི་སྐོར་སྔོན་མ་ཞིག་ལ་བེ་རི་འཇིག ས་མེད་ཀྱིས་གྲོས་ཚོགས་སུ་བཤད་པ འང་དྲན་གྱི་འདུག

    གཞན་ ནི་དེ་ཚོ་བོད་རིགས་གཙང་མ་ཡིན ་མིན་སྐད་ཆ་མེད་ཀྱང་། རིམ་པས་རང་རིགས་དང་འབྲེལ་བ་ཇེ་འགྱང ས་སུ་ཕྱིན་ན་ནམ་ཞིག་ཁོ་ཚོ་ཡང་ལོ གས་ཀ་ཞིག་ཡིན་རབས་ཚོར་ཉེན་ཡོད། ཕྱི་རྒྱལ་ན་སྐད་གྲགས་ཆེ་བའི་བླ་མ ་བཟོད་པ་རིན་པོ་ཆེ་ཟེར་བ་དེའང་ཤར ་པའི་མི་རིགས་ཤིག་རེད། སྨན་རིའི་དཔོན་སློབ་རིན་པོ་ཆེ་མཆོ ག་ཀྱང་དོལ་པོའི་མི་རིགས་ཤིག་རེད ། དེ་བཞིན་ཆོས་བརྒྱུད་གཞན་རྣམས་ལའང ་དེ་འདྲ་མང་པོ་འདུག དཔེར་ན་ས་སྐྱའི་ངོར་ཞབས་དྲུང་དག་ ཀྱང་གློ་བོ་ནས་རེད། འོན་་ཀྱང་། ང་ཚོ་དང་ཁོ་ཚོའི་འབྲེལ་བ་དེ་ཇེ་འ གྱངས་སུ་ཕྱིན་ན། ནམ་ཞིག་མི་འདྲ་བ་ཡིན་མདོག་གི་གནས ་སུ་སྡོད་ཉེན་ཡོད། ཤར་པ་དེ་ཚོ་ལ་རང་སྐད་ཅིག་ཀྱང་འདུ ག་མོད། མ་རྩ་དེ་བོད་སྐད་རང་རེད་འདུག

    བདག་ གི་གྲོགས་པོ་ཆོས་འཁོར་ཚང་དགེ་བཤེས་ཉི་མ་འོད་ཟེར་ཡང་ དོལ་པོ་ནས་ཡིན་པས། ཁོང་གིས་ནམ་རྒྱུན་རྩེད་མོ་དང་སྦྲ གས་ནས་ང་བོད་རིགས་ཡིན། བོད་པ་མ་ཡིན། བལ་པོ་ཡིན། ཟེར་གྱི་འདུག དེ་ལ་ངས་གོ་རྒྱུ་མི་འདུག་ལབ་མྱོང ་ཡང་། ཁོ་རང་རྒྱལ་ཁབ་དེའི་མི་ཁོངས་ཡིན་ པས། དེ་ལྟར་འདོད་ཀྱིན་འདུག

    ངས་ ད་དུང་ཡང་ཁོང་གིས་སེམས་ན་བོད་ རིགས་དང་འབྲེལ་བ་ཡོད་རབས་ཀྱི་ཚོར ་སྣང་ཞིག་ལྷག་ཡོད་པར་མཐོང་བས་ཤར་ པ་སོགས་ལ་དེ་ལྟར་ཡོད་ངེས་རེད་བསམ ་གྱིན་ཡོད།

    གཞན་ ནི་ཤར་པའི་མི་རིགས་ཀྱི་ལོ་རྒྱུ ས་ཤིག་ཏུ་ཁོང་རྣམས་ཁམས་མེ་ཉག་ན ས་གྲོལ་རབས་ཀྱང་ཡིག་ཐོག་ཏུ་འདུག་ པས། བོད་མི་ཡིན་མིན་ལ་ལོ་རྒྱུས་ཀྱིས་ ཀྱང་གསལ་འདུག་མོད། ད་ནི་མི་རིགས་དེ་དག་བལ་ཁོངས་སུ་ཡོད་པས། ཅུང་ཟད་འགྱུར་བ་འགྲོ་བཞིན་ཡོད་ངེ ས་རེད།

    Reply
  8. kawakarpo says:
    ལོ་ 15 སྔོན།

    ང་ཚོས་ཀྱང་སྟོན་པའི་འཁྲུངས་སྐར་འདི་སྲུང་རྩི་རྒྱ་ཆེན་པོ་རེ་ཐུབ་ན་ཤིན་ཏུ་ལེགས། དེ་ཡང་སྙུང་གནས་སྲུང་བ་ཙམ་མ་ཡིན་པར་འཁྲུངས་སྐར་རང་གི་ངོ་བོའི་སྟེང་ནས་སྲུང་རྩི་བྱེད་དགོས་ཀྱི་འདུག་ཅིང་། འཁྲུངས་སྐར་གྱི་སྔ་ནུབ་ཏུ་རང་གི་གཉེན་ཉེ་གྲོགས་པོ་ལས་རོགས་སོགས་ལ་འཁྲུངས་སྐར་ཤོག་བྱང་དང་འཁྲུངས་སྐར་ལེགས་སྐྱེས་འབུལ་བ། ཉི་མ་དེར་མི་ཕན་ཚུན་ཐུག་དུས་ཀྱང་སྟོན་པའི་འཁྲུངས་སྐར་ལ་བཀྲ་ཤིས་བདེ་ལེགས་ཞེས་པའི་ཤིས་ཚིག་ཀྱང་བརྗོད་དགོས་ཀྱི་འདུག

    Reply
  9. kawakarpo says:
    ལོ་ 15 སྔོན།

    ལུང་པ་དེར་
    མི་རིགས་ཚོས་

    Reply
  10. kawakarpo says:
    ལོ་ 15 སྔོན།

    ཤར་པ་ཚོ་ནི་བོད་པ་འཁྲུལ་མེད་ཡིན་པ་མ་ཟད་བོད་ཤར་ཕྱོགས་ཨ་མདོ་དང་མི་ཉག་ས་ཁུལ་ནས་སོག་རྒྱལ་ཇིང་གར་གྱི་དམག་འཁྲུག་ལ་བྱོལ་ཆེད་དུ་ས་ཆ་གཅིག་ནས་གཅིག་ཏུ་གནས་སྤོ་བྱས་ཏེ་མཐའ་མར་ད་ལྟའི་བལ་ཡུལ་གྱི་ཁོངས་སུ་ཡོད་པའི་ཤར་ཁུམ་བུ་སྟོད་སྨད་བར་གསུམ་གྱི་ལུང་པ་དེ་འབྱོར་བ་ཞིག་ཡིན་ཞེས་ཤར་པའི་མཁས་དབང་བླ་མ་ཐུབ་བསྟན་མཆོག་གིས་ཁོ་བོར་དངོས་སུ་གསུངས་མྱོང་ལ་ཁོང་གིས་བྲིས་པའི་ཤར་པའི་མི་རིགས་ཀྱི་ལོ་རྒྱུས་ནང་དུ་ཡང་དེ་བཞིན་བྲིས་འདུག ཁོ་ཚོར་ཤར་པ་ཟེར་དོན་ཡང་བོད་ཤར་ཕྱོགས་ནས་ཡོང་བས་ས་གནས་དེར་སྔ་མོ་ནས་གཞིས་ཆགས་ནས་བསྡད་ཡོད་པའི་མི་རིགས་ཚོར་ཁོ་ཚོར་དེ་ལྟར་དུ་བཏགས་པ་ཡིན་ཞེས་རྗོད་བཞིན་འདུག རིམ་བཞིན་ཨ་མདོའི་སྐད་དང་ཆ་ལུགས་འགྱུར་ནས་བལ་བོད་ས་མཚམས་སུ་གནས་སྡོད་སྟོད་པའི་སྐད་དང་ཆ་ལུགས་དར་ཁྱབ་ཆེ་རུ་ཕྱིན་འདུག ཤར་སྐད་ནང་དུ་ཨམ་སྐད་རེ་ཟུང་ད་དུང་ཡང་གནས་ཡོད་པ་ཡང་བདག་གིས་དངོས་སུ་ཐོས་མྱོང་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese