ཁ་སང་རྒྱ་ནག་གི་སྲིད་འཛིན་ཞི་ཅིན་ཕིན་གྱིས་ཕྱི་རྒྱལ་གྱི་སློབ་མ་ཚོར་རྒྱ་ནག་ལ་མང་གཙོའི་ལམ་ལུཊ་འཚམ་པོ་མེད་སྐོར་བརྗོད་འདུག
ཁ་སང་ཕྱི་ཚེས་ ༢ ཉིན་རྒྱ་ནག་གི་སྲིད་འཛིན་ཞི་ཅིན་ཕིན་གྱིས་སྦེལ་ཇམ་གྱི་གྲོང་ཁྱེར་བྷུར་ཇེའི་ (Bruges) དུ་ཡོད་པའི་ཡུ་རོབ་མཐོ་སློབ་ཀྱི་སློབ་མ་ཚོར་གཏམ་བཤད་སྤེལ་སྐབས། དེ་སྔོན་རྒྱ་ནག་ནང་ཆབ་སྲིད་ཚོགས་པ་མང་པོ་ཡོད་པའི་མང་གཙོ་ལག་བསྟར་བྱས་ཀྱང་གྲུབ་འབྲས་མ་བྱུང་སྟབས། རྗེས་སུ་དམར་པོའི་ལམ་ལུགས་ལག་བསྟར་བྱས་པ་ཡིན་སྐོར་བརྗོད་འདུག
ཞི་ཅིན་ཕིན་གྱིས་སློབ་མ་ཚོར། “ང་ཚོས་རྒྱལ་ཁབ་གཞན་གྱི་ཆབ་སྲིད་དང་དཔལ་འབྱོར་ལམ་ལུགས་ལ་ལད་ཟློས་བྱས་ཏེ་བཅོས་བསྒྱུར་གཏོང་གི་མེད། རྒྱུ་མཚན་ནི་ལམ་ལུགས་དེ་དག་ང་ཚོར་འཚམ་པོ་མེད་སྟབས། ལག་བསྟར་བྱེད་ཀྱི་མེད། རྒྱ་ནག་གིས་རིག་གཞུང་དང་ལོ་རྒྱུས། གནས་སྟངས་སོགས་ལ་ཞིབ་འཇུག་བྱས་ཏེ་རང་དང་འཚམ་པའི་ལམ་ལུགས་ཤིག་ལག་བསྟར་བྱེད་བཞིན་ཡོད། ”ཅེས་བརྗོད་འདུག
མང་ཚོཊ་ལ་གཏམ་བཤད་སྤེལ་སྐབས་ཁོས། ༡༩༡༡ ལོར་སུང་ཀྲུང་ཧྲན་གྱིས་ལོ་སྟོང་ཕྲག་མང་པོའི་ལོ་རྒྱུས་ཡོད་པའི་མི་གཅིག་རྒྱལ་པོའི་རིང་ལུགས་གཏོར་བཅོམ་བཏང་སྟེ། རྒྱ་ནག་ནང་ཆབ་སྲིད་ལམ་ལུགས་གསར་པ་ཞིག་གསར་གཏོད་བྱས་ཡོད་པ་དང་། རྒྱལ་ལྡན་མང་གཙོ་དང་ཆབ་སྲིད་ཚོགས་པ་མང་པོ་ཡོད་པའི་གྲོས་ཚོགས་དང་། སྲིད་འཛིན་ལམ་ལུགས་སོགས་ལག་བསྟར་བྱས་ཀྱང་དོན་འབྲས་བྱུང་མེད་སྟབས། སྤྱི་ཚོགས་རིང་ལུགས་ཀྱི་བསམ་པའི་དཔལ་ཡོན་དོན་འཁྱོལ་བྱས་པ་ཡིན་སྐོར་བརྗོད་འདུག
ཁོས་མུ་མཐུད་དུ་ “ ང་ཚོས་སྤྱི་ཚོགས་རིང་ལུགས་ཀྱི་བསམ་པའི་དཔལ་ཡོན་དར་སྤེལ་བཏང་བ་དང་མཉམ་དུ་ཚབས་ཆེའི་ནོར་འཁྲུལ་མང་པོ་ཤོར་ཡོད། རྒྱ་ནག་དམར་ཤོག་ཚོགས་པ་གསར་འཛུགས་བྱེད་མཁན་མའོ་ཙེ་ཏུང་གིས་རིག་གནས་གསར་བརྗེ་ཆེན་མོ་སྤེལ་ཏེ་ཉེས་མེད་མི་སེར་ས་ཡ་མང་པོ་དམར་གསོད་བཏང་ཡོད། ཏིང་ཞོ་ཕིན་གྱིས་བཅོས་བསྒྱུར་སྒོ་འབྱེད་ལག་བསྟར་བྱས་ཏེ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དར་སྤེལ་དང་འབྲེལ་དཔལ་འབྱོར་དང་ཆབ་སྲིད་ཐོག་གུ་ཡངས་སྤྲད་པ་དང་། རྒྱ་ནག་མི་རིགས་ཀྱི་བསམ་བློའི་འཁྱེར་སོ་དང་། ཆབ་སྲིད་རིག་གཞུང་དང་འཚམ་པའི་ལམ་ལུགས་གསར་གཏོད་ཀྱིས་དེང་རབས་རྒྱལ་ཁབ་ཅིག་བསྐྲུན་ཡོད། ” ཅེས་བརྗོད་འདུག
གནད་དོན་དབྱེ་ཞིབ་པ་ཚོས། ཞི་ཅིན་ཕིན་ཡུ་རོབ་རྒྱལ་ཁབ་ཁག་ནང་གཟིགས་སྐོར་བྱེད་སྐབས། རྒྱ་ནག་ལ་མང་གཙོ་འཚམ་པོ་མེད་པར། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དཔལ་འབྱོར་ལམ་ལུགས་རྒྱུན་འཁྱོངས་བྱས་ཏེ། ཡར་ཐོན་ཅན་གྱི་རྒྱལ་ཁབ་ཅིག་ཏུ་འགྱུར་རྒྱུའི་ཁྱབ་བསྒྲགས་བྱས་ཡོད་སྟབས། མ་འོངས་པར་རྒྱ་ནག་ནང་ཆབ་སྲིད་བཅོས་བསྒྱུར་ཡོང་ཁག་པོ་ཆགས་རྒྱུ་ཡིན་སྐོར་བརྗོད་འདུག
འདི་ལོའི་ཕྱི་ཟླ་ ༣ ཚེས་ ༢༢ ནས་ ༢༥ བར་ཞི་ཅིན་ཕིན་གྱིས་སྣེ་འཁྲིད་པའི་རྒྱ་ནག་གི་འབྱོར་ལྡན་ཚོང་པ་ ༢༠༠ ཧོ་ལན་ཌིར་གཟིགས་སྐོར་དུ་ཕྱིན་སྟེ། ཡུལ་དེའི་རྒྱལ་པོར་མཇལ་འཕྲད་དང་རྒྱལ་སྤྱིའི་རྡུལ་ཕྲན་བདེ་འཇགས་ཚོཊ་འདུར་མཉམ་ཞུཊ་བཅས་གནང་བ་དང་། ཚེས་ ༢༦ དང་ ༢༧ ཉིན་གཉིས་རིང་ཧྥ་རན་སིར་སྲིད་འཛིན་དང་མཇལ་ཏེ་ཡུ་སྒོར་ཐེར་འབུམ་ ༡༤།༥ ཚོང་ལས་དང་། འགྲུལ་སྐྱེལ་གནམ་གྲུ་ ༡༥༠ ཉོ་རྒྱུའི་གྲོས་ཆོད་བཞག་འདུག ཚེས་ ༢༨ དང་ ༢༩ ཉིན་གཉིས་རིང་འཇར་མན་སྲིད་འཛིན་ལྕམ་ཨན་རྗི་ལྰ་མཇལ་འཕྲད་དང་ཨ་སྒོར་ཐེར་འབུམ་ ༢༤།༧ གྱི་ཚོང་དོན་གྲོས་ཆོད་བཞག་ཡོད་ལ། ཚེས་ ༣༡ ནས་ཟླ་ ༤ ཚེས་ ༢ བར་སྦེལ་ཇམ་དུ་རྒྱལ་པོ་དང་། གྲོས་ཚོགས་གོང་འོག་གི་ཚོགས་གཙོ་བཅས་ལ་ཐུག་འཕྲད་ཀྱིས་ཚོང་དོན་གྲོས་ཆོད་ཁག་ཅིག་བཞག་ཡོད།
གསར་འགོད་པ། དོན་གྲུབ།
གསར་འགྱུར་འདི་ནི་དུས་བབ་ཚང་གི་རྒྱ་ནག་རང་གི་གསར་འགྱུར་འདྲ་བོ་ཞིག་བཀོད་འདུག། སྲིད་འཛིན་ཞིའི་མཛད་རྗེས་གཙོ་འདོན་རང་གནང་འདུག
འོ་ཡ་ད་བྱས་ན་ཕག་རྒན་འདི་ཡང་སོ་སོར་རྐུབ་སྟེགས་ཐོབ་རྗེས་མི་མང་གི་བདེ་སྡུག་དང་ཕ་རྒན་གྱི་ལོ་རྒྱུས་ལ་བསམ་གཞིག་བྱེད་མཁན་མིན་པ་ཐག་ཆོད་འདུག །ད་ཡིན་ན་རྒྱ་གར་མི་སེར་དང་ཕྱི་གླིང་མི་སེར་བྱས་ན་ཡག་ཤོས་རེད་ཤག་་་་