མཁན་པོ་བསོད་ནམས་བསྟན་འཕེལ་ལགས་དང་པདྨ་འབྱུང་གནས་ལགས་རྣམ་གཉིས་ནས་ལོ་གཉིས་དང་ཕྱེད་རེར་སྐབས་བཅུ་དྲུག་པའི་བོད་མི་མང་སྤྱི་འཐུས་ཀྱི་ཚོགས་གཙོའི་ལས་འཁུར་ཞུ་རྒྱུ་ཡིན་འདུག
དེ་རིང་ཕྱི་དྲོར་དབུས་འོས་བསྡུ་ལས་ཁང་གི་གཙོ་སྐྱོང་འོག་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར། གསར་དུ་བདམས་པའི་ངོ་བཅར་སྤྱི་འཐུས་ ༤༤ ནས་སྐབས་བཅུ་དྲུག་པའི་བོད་མི་མང་སྤྱི་འཐུས་ཚོགས་གཙོ་དང་ཚོགས་གཞོན་འོས་འདེམས་གནང་ཡོད་པ་ལྟར། སྔོན་འགྲོའི་འོས་བསྡུའི་སྐབས་པདྨ་འབྱུང་གནས་ལགས་ལ་འོས་གྲངས་ ༢༡ དང། མཁན་པོ་བསོད་ནམས་བསྟན་འཕེལ་ལགས་ལ་འོས་གྲངས་ ༢༡། ཨ་ཅཱརྱ་ཡེ་ཤེས་ཕུན་ཚོགས་ལགས་ལ་འོས་གྲངས་ ༢ བཅས་ཐོབ་ཡོད་པ་དང་། དངོས་གཞིའི་སྐབས་མཁན་པོ་བསོད་ནམས་བསྟན་འཕེལ་ལགས་དང་པདྨ་འབྱུང་གནས་ལགས་རྣམ་གཉིས་ལ་འོས་གྲངས་ ༢༢ རེ་ཐོབ་སྟེ་གཅིག་མཚུངས་ཆགས་ཡོད་སྟབས། ཁོང་རྣམ་པ་གཉིས་ཀྱི་ནང་མོལ་ཐག་གཅོད་ལྟར་དངོས་གཞིའི་འོས་ཐེངས་གཉིས་པ་བླུགས་དུས་བསྐྱར་དུ་འོས་གྲངས་ ༢༢ རེ་ཐོབ་ཡོད་པ་རེད།
བཙན་བྱོལ་བོད་མིའི་བཅའ་ཁྲིམས་ནང་གསལ་མེད་ཀྱང་དེ་སྔོན་འགྲོ་ལུགས་ཡོད་པ་ལྟར་མཁན་པོ་བསོད་ནམས་བསྟན་འཕེལ་ལགས་ནས་ལོ་གཉིས་དང་ཕྱེད་རིང་ཚོགས་གཙོའི་ལས་འཁུར་ཞུ་རྒྱུ་དང་། དེའི་རྗེས་སྤྱི་འཐུས་པདྨ་འབྱུང་གནས་ལགས་ནས་ལོ་གཉིས་དང་ཕྱེད་རིང་ཚོགས་གཙོའི་ལས་འཁུར་ཞུ་རྒྱུ་ཡིན་འདུག གལ་སྲིད་སྤྱི་འཐུས་ཚོགས་གཙོ་དང་པོའི་ལས་ཡུན་རྫོགས་རྗེས་ཚོགས་གཙོ་གཉིས་པས་ལས་འཁུར་མ་ཞུས་པ་ཡིན་ན། སྐབས་བཅུ་དྲུག་པའི་བོད་མི་མང་སྤྱི་འཐུས་ཚོགས་གཙོ་ཡང་བསྐྱར་གསར་དུ་འདེམས་དགོས་ཀྱི་ཡོད་པ་རེད།
སྐབས་བཅུ་དྲུག་པའི་བོད་མི་མང་སྤྱི་འཐུས་ཚོགས་གཞོན་གྱི་སྔོན་འགྲོའི་འོས་བསྡུའི་ཁྲོད་ཨ་ཅཱརྱ་ཡེ་ཤེས་ཕུན་ཚོགས་ལགས་ལ་འོས་གྲངས་ ༢༥ དང་། སྒྲོལ་མ་ཚེ་རིང་ལགས་ལ་འོས་གྲངས་ ༢༢། འཇུ་ཆེན་དཀོན་མཆོག་ཆོས་སྒྲོན་ལགས་ལ་འོས་གྲངས་ ༡༧། ཐུབ་བསྟན་ལུང་རིགས་ལགས་ལ་འོས་གྲངས་ ༡༧ བཅས་ཐོབ་ཡོད་པ་དང་། ཨང་རིམ་གསུམ་པ་གཉིས་ལ་ཡང་བསྐྱར་འོས་བླུགས་རྗེས་འཇུ་ཆེན་དཀོན་མཆོག་ཆོས་སྒྲོན་ལགས་ལ་འོས་གྲངས་ ༢༡ དང་། ཐུབ་བསྟན་ལུང་རིགས་ལགས་ལ་འོས་གྲངས་ ༢༣ ཐོབ། དངོས་གཞིའི་ནང་ཨ་ཅཱརྱ་ཡེ་ཤེས་ཕུན་ཚོགས་ལགས་ལ་འོས་གྲངས་ ༣༨ དང་། སྒྲོལ་མ་ཚེ་རིང་ལགས་ལ་འོས་གྲངས་ ༤། ཐུབ་བསྟན་ལུང་རིགས་ལགས་ལ་འོས་གྲངས་ ༢ བཅས་ཐོབ་སྟེ། ཨ་ཅཱརྱ་ཡེ་ཤེས་ཕུན་ཚོགས་ལགས་སྐབས་བཅུ་དྲུག་པའི་བོད་མི་མང་སྤྱི་འཐུས་ཀྱི་ཚོགས་གཞོན་དུ་མང་མོས་འོས་འདེམས་བྱུང་ཡོད་པ་རེད།
སང་ཉིན་ཞོགས་པར་གསར་དུ་བདམས་ཐོན་བྱུང་བའི་ཚོགས་གཙོ་ཚོགས་གཞོན་རྣམས་ནས་དགའ་གདོང་དང་གནས་ཆུང་གྲྭ་ཚང་། དེ་བཞིན་གཙུག་ལག་ཁང་བཅས་སུ་མཆོད་མཇལ་ཞུས་རྗེས། ཆེས་མཐོའི་ཁྲིམས་ཞིབ་ཁང་གི་སྲོང་བཙན་ཚོམས་ཆེན་ནང་ཁྲིམས་ཞིབ་པ་ཆེ་བ་བཀའ་བརྒྱུད་དོན་གྲུབ་མཆོག་གི་མདུན་དུ། སྐབས་ ༡༦ པའི་བོད་མི་མང་སྤྱི་འཐུས་ཀྱི་ཚོགས་གཙོ་དང་ཚོགས་གཞོན་གྱི་ལས་འཁུར་དམ་བཅའ་འབུལ་རྒྱུ་དང་། དེ་ནས་ཉིན་གྲངས་གསུམ་རིང་གི་གྲོས་ཚོགས་ཚོགས་དུས་དང་པོའི་ལས་རིམ་རྣམས་བསྒྲིག་རྒྱུ་ཡིན་འདུག
གསར་འགོད་པ། པདྨ་མཚོ།
༅༅། ཨ་ཅརླཡ་ཡེ་ཤེས་ཕུནག་ཚོགས་ལགས་སྤྱི་འཐུས་ཚོགས་གཞོན་དུ་བདམས་ཐོན་བྱུང་བར་བཀྲིས་བདེ་ལེགས་ཞུ།
ཚོགས་གཙོ་དང་པོ་དང་ཚོགས་གཞོན་གཉིས་ཀ་དགེ་འདུན་པ་ཡིན་པར་བརྟེན་ཐོག་མར་བཀྲིས་ཤོག།
༅༅། བླ་མ་སྐུ་ཚེ་བརྟན་པའི་བཀྲིས་ཤོག།སངས་རྒྱས་བསྟན་པ་དར་བའི་བཀྲིས་ཤོག།
སྤྱི་འཐུས་ཡ་རབས་སྲུང་བའི་བཀྲིས་ཤོག། ཁྲིམས་སྒྲིག་ལེགས་པར་སྐྱོང་བའི་བཀྲིས་ཤོག།
མི་མང་ཚེ་ཐག་རིང་བའི་བཀྲིས་ཤོག། ཆོལ་གསུམ་མཐུན་སྒྲིལ་ཡོང་བའི་བཀྲིས་ཤོག།
ཕ་སྐད་དམ་འཛིན་ཐུབ་པའི་བཀྲིས་ཤགོ།ཤེས་ཡོན་དར་ཆ་བསྒྲེང་བའི་བཀྲིས་ཤོག།
བསྐལ་བཟང་བོད་ལ་ཤར་བའི་བཀྲིས་ཤོག།འཛམ་གླིང་ཞི་བདེ་ཡོང་བའི་བཀྲིས་ཤོག།
བོད་ལ་གཞིས་བྱེས་འཛོམས་པའི་བཀྲིས་ཤོག།
མདོ་སྨད་སྤྱི་འཐུས་ཚེ་རིང་གཡུ་སྒྲོན་ལགས་ནི་དགོས་ས་ལ་ཆད། མི་དགོས་སར་ལྷག་པའི་གང་ཟག་ཅིག་ཡིན་པའི་སྔ་ལྟས་འདུག
སྤྱི་འཐུས་ཚོགས་གཙོ་སྐད་ཡིག་མི་ཤེས་མཁན་ཞིག འདེམས་མཁན་མི་སྣ་ལུང་ཚན་གྱི་ཕྱོགས་རེས་བ་ཚོས་ད་འདེམས་བཞག འཛིན་སྐྱོང་འབུམ་རམས་པ་ཞིག ཁྲིམས་བཟོ་སྐད་ཡིག་མི་ཤེས་མཁན་གྱི་བླ་རྒན་ཞིག ཨ་ལ་ལ། ལྟད་མོ་འདུག
དབྱིན་སྐད་དང་ཧིན་སྐད་རྒྱ་སྐད་སོགས་གཏན་ནས་མི་ཤེས་པའི་ཚོགས་གཙོ་མཆོག་དང་། དབྱིན་སྐད་ཧིན་སྐད་ཐར་ཐོར་ཞིག་ཤེས་ཀྱང་མགོ་བདེ་དྲན་འཕྲུལ་འགྲན་ཟླ་བྲལ་བའི་ཨ་ཅརྱ་ཡེ་ཤེས་ཕུན་ཚོགས་བཅས་ལ་ལྟ་བཟོ་མི་འདུག
དངོས་གནས་ཁྱེད་གཉིས་ཀྱིས་དགོངས་པ་ཞུས་ན་ཡག་ཤོས་རེད། བོད་མི་རིགས་མགོ་སྐོར་མ་གཏང་རོགས།
ད་མ་འོངས་པ་ཆོས་རིག་ལྷན་ཁང་གི་ཞབས་རིམ་བྱེད་སྒོ་དང་ཁ་འདོན་གསོག་སྒྲུབ་ཇི་ཡོད་རུང་སྤྱི་མཐུས་ལྷན་ཚོགས་ནས་གང་ལེགས་སྒྲུབ་ཐུབ་པའི་སྣང་བ་འདུག ཚོགས་གཙོ་བགྲེས་གཞོན་གཉིས་ནི་བླ་རྒན་མགོ་རིལ་ཆོས་པ་རེད་འདུག ཕལ་ཆེར་སྤྱི་མཐུས་ནང་ནས་བལྟ་བཟོ་ཡོད་པ་ཁོང་གཉིས་ལས་ལྷག་མེད་པ་འདྲ། ཡ་མཚན་རེད། ཚང་མར་མིང་དགོས་འདུག ལས་ཀ་བྱེད་འདོད་སུ་ལ་ཡང་མིན་འདུག
དྲ་རྒྱའི་ནང་བཞུགས་སྐྱེ་བོ་བགྲེས་གཞོན་ཡོང་ནས་གཤམ་གྱི་དྲི་བར་ལན་རེ་སྐྱོན་གནང་ཨ།
༡༽ དེ་སྔོན་སྲིད་སྐྱོང་འོས་བསྡུའི་སྐབས་སྤེན་པ་ཚེ་རིང་སྲིད་སྐྱོང་ལ་མི་འོས་པའི་རྒྱུ་མཚན་གཅིག་དེ་ཁོང་གི་དབྱིན་སྐད་འདེང་གི་མ་རེད་ཟེར་ནས་རྒྱ་བསྒྲགས་བོད་བསྒྲགས་བྱས་སོང་།
༢༽ དེ་རེས་བོད་མི་མང་སྤྱི་ཚོགས་གཙོ་བདམས་སྟང་ལ་ཐེངས་ཕྱིར་དྲན་རེ་གནང་སྟེ་དགོངས་འཆར་རེ་གསུང་དང་།
ཟུར་བོར་གནས་པའི་དགོངས་ཚུལ་རེ་ངེས་པར་དུ་གསུང་རོགས་གནང་སྤྱི་ཚོགས་གནས་བབ་ངོ་མ་དེ་ག་འདྲ་ཞིག་ཡིན་མིན་རྒྱ་ཆེའི་མི་མང་ནང་གསལ་པོ་བཟོ་དགོས་ཀྱི་འདུག
ཐེངས་འདིར་མདོ་སྨད་ཀྱི་སྤྱི་འཐུས་ཚེ་རིང་གཡུ་སྒྲོན་སྤྱི་འཐུས་དམ་འབུལ་དང་། ཚོགས་གཙོ་ཚོགས་གཞོན་འདེམས་པར་བཅར་མི་འདུག
དེང་སྐབས་མོ་རང་ཨ་རི་ན་ཡོད་པ་རེད། སྤྱི་འཐུས་ཀྱི་མིང་དགོས་མཁན་དང་། སྤྱི་འཐུས་ཀྱི་ལས་དོན་བསྒྲུབ་མི་དགོས་མཁན་དང་། མང་ཚོགས་ལ་འགན་ཁུར་མི་དགོས་མཁན་གྱི་སྤྱི་འཐུས་ཚེ་རིང་གཡུ་སྒྲོན་ལྟ་བུ་འདི་ཚོ་མེད་ན་བཟང་།
ད་དངོས་གནས་ཧང་སང་དགོས་པའི་ཡག་པོ་བྱུང་འདུག གང་ཡིན་ཟེར་ན། དབྱིན་ཇིའི་སྐད་ཡིག་དང་། རྒྱ་གར་སྐད་ཡིག་སོགས་ཕྱི་རྒྱལ་གྱི་སྐད་ཡིག་ཚིག་གཅིག་ཀྱང་མི་ཤེས་མཁན་གྱི་བླ་རྒན་ཞིག་བོད་མི་མང་སྤྱི་འཐུས་ཚོགས་གཙོ་ལ་ཕེབས་འདུག ད་དངོས་གནས་སྐྱབས་སུ་མཆི།
ད་ང་ཚོ་བོད་ལ་ལོགས་སོང་ན་ཡག་ཤོས་རེད།
སྐབས་བཅུ་དྲུག་པའི་སྤྱི་འཐུས་ཚོགས་གཙོ་པདྨ་འབྱུང་གནས་ལགས་དང་། མཁན་པོ་བསོད་ནམས་བསྟན་འཕེལ། ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་ལགས་གསུམ་ལ་བཀྲ་ཤིས་བདེ་ལེགས་ཞུ།
ད་ངོ་མ་རྟ་ལམ་བུང་བའི་བཀག་སོང། ཆོལ་ཁའི་ཞེན་ཁོག་ཅན་གྱི་སྤྱི་འཐུས་རྣམས་པར་ཐུགས་རྗེ་ཆེ།