རྒྱ་ནག་གིས་ཏང་ལ་དགའ་བའི་བོད་རིགས་འདྲེས་མའི་དམག་མི་འདེམས་སྒྲུག་གིས་ས་བབ་མཐོ་སའི་རྒྱ་དཀར་ནག་གི་ས་མཚམས་རྩོད་རྙོག་ལ་སྔར་ལྷག་གདོང་ལེན་བྱེད་རྩིས་ཡོད་པ་རེད།
རྒྱ་གར་གསང་བའི་ལས་ཁུངས་ནས་ཤེས་རྟོགས་བྱུང་བའི་གནས་ཚུལ་ལྟར་ན། ད་ལྟའི་ཆར་རྒྱ་ནག་གཞུང་གིས་བོད་རིགས་རྐྱང་པའི་བཅིངས་གྲོལ་དམག་མིའི་སྐོར་ཤོག་ཅིག་གསར་བཟོ་ཡིས། དམིགས་བསལ་གནས་བབ་ལྡན་པའི་བོད་ཀྱི་ས་མཚམས་སྲུང་སྐྱོབ་དང་ས་མཚམས་རྩོད་རྙོག་ལ་གདོང་ལེན་བྱེད་རྩིས་ཡོད་པ་དང་། བོད་རིགས་དམག་མི་བསྡུ་རུབ་ཀྱི་ལས་གཞི་དེ་འདི་ལོའི་ཕྱི་ཟླ་ ༢ ཙམ་ནས་མངའ་རིས་རྩ་མདའ་རྫོང་ཁུལ་དུ་སྤེལ་ཡོད་ཅིང་། དམག་ཞུགས་བོད་རིགས་ཕལ་ཆེ་བ་རྩ་མདའ་རྫོང་ཁུལ་དུ་བཅའ་སྡོད་བྱས་པའི་རྒྱ་རིགས་བཅིངས་གྲོལ་དམག་མི་ཟུར་བའི་བུ་ཡིན་ཞིང་ཨ་མ་བོད་པ་ཡིན་རེད། དམིགས་བསལ་བོད་རིགས་དམག་མིར་བསྡུ་རུབ་ཀྱི་ལས་གཞི་ད་ལྟའང་འགྲོ་མུས་ཡིན་པ་རེད་ལ། བོད་རིགས་དམག་མིའི་འདེམས་སྒྲུག་ནང་ཚུད་པར་ལུས་ཁམས་བདེ་ཐང་ཡིན་མིན་དང་ཡིག་རྒྱུགས་སོགས་ཞིབ་ཚགས་གཏོང་གི་ཡོད་པ་རེད།
རྒྱ་གར་གསང་བའི་ལས་ཁུངས་ཀྱི་འབྲེལ་ཡོད་ལས་བྱེད་ཅིག་གིས་བརྗོད་པ་ལྟར་ན། ཐེངས་འདིའི་བོད་རིགས་རྐྱང་པའི་བཅིངས་གྲོལ་དམག་མིའི་ནང་པ་ལགས་རྒྱ་རིགས་ཡིན་པའི་བོད་རིགས་འདེམས་སྒྲུག་བྱེད་ཀྱི་ཡོད་པ་ལས་རྒྱ་ནག་གཞུང་ལ་སྡང་ཟུག་ཡོད་མཁན་གཅིག་ཀྱང་དང་ལེན་བྱེད་ཀྱི་མེད་པ་དང་། རྒྱ་ནག་གི་དམིགས་ཡུལ་ནི་བོད་རིགས་འདྲེས་མའི་བརྒྱ་ཤོག་ནས་སྟོང་ཤོག་བར་གྱི་བཅིངས་གྲོལ་དམག་མིའི་ཤོག་ཁག་བཞི་གསར་དུ་བཟོས་ཏེ། བོད་མིའི་དང་ཞབས་དམག་མི་ཚུད་པའི་རྒྱ་གར་གྱི་དམིགས་བསལ་མདུན་མཆོང་དམག་ (SFF) མིར་ཁ་གཏད་གཅོག་རྩིས་ཡིན་པ་རེད་ལ། ཡང་གནས་ཚུལ་ནང་། འདས་ལོའི་ཕྱི་ཟླ་ ༨ པའི་ནང་བོད་རིགས་དམག་དཔོན་ཉི་མ་བསྟན་འཛིན་ལགས་ཀྱི་གཙོས་བོད་ཀྱི་དང་ཞབས་དམག་མི་ཚོས་རྒྱ་གར་གྱི་མདུན་མཆོང་དམག་མིའི་བཀོད་འདོམས་འོག རྒྱ་ནག་དམག་མི་དང་ལྷན་དུ་ལག་འཛིང་བྱས་ཏེ་བྱས་རྗེས་བཞག་ཡོད་སྐོར་སོགས་བརྗོད་འདུག
ཡང་ད་རེས་བོད་རིགས་རྐྱང་པའི་དམག་མི་འདེམས་སྒྲུག་བྱེད་དོན་ནི་བོད་ཀྱི་ས་བབ་མཐོ་ཞིང་གྲང་ངར་ཆེ་བའི་དཀའ་ངལ་འོག རྒྱ་རིགས་དམག་མི་ཚོར་སྲོག་རླུང་དང་ས་ཁམས་མ་འཕྲོད་པ། མགོ་གཡོམ་འཁོར་བ་སོགས་ཀྱི་དཀའ་ངལ་ཡོད་པས་ཡིན་པ་རེད་ལ། རྒྱ་གར་གྱི་ཤར་ཕྱོགས་དམག་ཇུས་བཀོད་འདོམས་པ་ཟུར་པ་ (Lt Gen J.R. Mukherjee) ལགས་ཀྱིས། ད་ལྟ་རྒྱ་ནག་ལ་བཅིངས་གྲོལ་དམག་མི་ས་ཡ་གཉིས་ཡོད་པའི་ཁྲོད། བོད་རིགས་དམག་མི་ ༣༠༠༠ ནས་ ༤༠༠༠ ཙམ་ལས་མེད་པས། ད་ལྟ་བོད་པའི་དམག་མི་བསྡུ་རུབ་བྱེད་བཞིན་པ་ནི་ཧ་ཅང་གནད་འགག་ཆགས་ཡོད། ཅེས་བརྗོད་ཡོད་པ་རེད།
བོད་ཀྱི་དབུས་ཁུལ་དུ་དམག་མི་གསར་པ་བསྡུ་རུབ་བྱེད་ཀྱི་ཡོད་པའི་གནད་དོན་དེ་ནི། འདི་ལོའི་ཕྱི་ཟླ་ ༡ པ་ཙམ་ནས་རྒྱ་ནག་གཞུང་གིས་ལག་བསྟར་བྱེད་བཞིན་པ་འདི་གའི་གསར་འགོད་པར་འབྲེལ་ཡོད་བོད་མི་ཞིག་གིས་འགྲེལ་བརྗོད་གནང་བྱུང་བ་དང་། སྐབས་དེར་གནས་ཚུལ་མཁོ་སྤྲོད་པས། རྒྱ་ནག་གཞུང་གིས་རྒྱ་གར་དང་དམག་འཁྲུག་རྒྱག་གི་ཡིན་ཟེར་ནས། རྒྱ་གར་དང་ས་མཚམས་སུ་འཁེལ་བའི་སྟོད་ཕྱོགས་ཀྱི་རྫོང་དང་གྲོང་ཚོ་མང་པོའི་ནང་དྲིལ་བསྒྲགས་སྤེལ་གྱི་འདུག ཅེས་བརྗོད་བྱུང་ལ། དེ་རྗེས་གསར་འགྱུར་བརྒྱུད་ལམ་ཁག་ཏུའང་དེ་འབྲེལ་གྱི་གནས་ཚུལ་རིམ་པ་བསླེབས་ཡོད།
གསར་འགོད་པ། སྐལ་བཟང་སྦྱིན་པ།
རྒྱ་གར་ཀྱིས ཡང་བོད་ལ ཤ ཚ ་མི་ཡོང
Loyalist to CCP are not pure Tibetan even if born in Tibetan family. Currently Communist Tibetan working under Chinese are worse than Chinese because they need to show their loyalty to Mao administration. If Indian resident Tibetans have to secure Indian border, it is worth to die for India instead bowing down to poisonous Communist or her loyalist. Majority of Tsamdha, Tholing, Rutthog and Purang are Ngari’s historical backbone but if we look at exile Ngari community, they have no sense of belongingness to this great Gegu Kingdom, whaaelse to others. If China is giving job, they may be happy for living which is their final resort. May be they do not experience the taste of glory of great Ngari dynasty who made immense contribution to the history of Western Tibet between 10th to 17th century. When you don’t understand the beauty of contribution made by the ancestors and the beauty of your landscape, sources of river and natural resources hidden under these external semi-desert you will not understand the real beauty and lose sense of belongingness. The mind is attracted to just external greenary and feel embarrassed seeing your ancestor land.
དུས་བབ་ཚང་མྱོ་ནས་མ་སྡོད་ཨ། འདི་ རྒྱ་དཀར་ནག་གཉིས་ཀྱི་ བོད་པ་རྩ་མེད་བཟོ་ཡ་ དམིགས་ཡུལ་རེད།