དེ་རིང་ནས་བཟུང་ཉིན་གྲངས་ ༩ རིང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་དང་སྲིད་སྐྱོང་མཆོག་གི་དབུས་གནད་ཡོད་མི་སྣར་མཇལ་འཕྲད་གནང་སྟེ་བོད་མིའི་ས་ཆའི་དཀའ་ངལ་དང་འབྲེལ་བའི་བདེ་སྡུག་སྐོར་ཞུ་རྒྱུ་ཡིན་འདུག
དེ་རིང་ཕྱི་ཚེས་ ༩ ནས་ཉིན་དགུ་ཙམ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་ཧི་མ་ཅལ་མངའ་སྡེའི་ནང་གཞུང་འབྲེལ་ཕྱོགས་ཕེབས་གནང་བཞིན་ཡོད་པ་ལྟར། དེ་རིང་ཞོགས་པའི་ཆུ་ཚོད་བརྒྱད་པའི་ཐོག་ཧི་མ་ཅཱལ་མངའ་སྡེའི་རྒྱལ་ས་སིམ་ལར་ཕེབས་འབྱོར་བྱུང་འདུག་ལ། ཉིན་རྒྱབ་སིམ་ལ་སློབ་གྲྭའི་ནང་འཚམས་གཟིགས་གནང་སྟེ་དགེ་སློབ་ཡོངས་ལ་བཀའ་སློབ་གསུང་བཤད་གནང་གི་ཡོད་འདུག། སང་ཉིན་ཁ་འཐོར་བོད་མིའི་གཞིས་ཆགས་སུ་འཚམས་གཟིགས་སོགས་གནང་རྒྱུ་ཡིན་འདུག
དེ་བཞིན་ཕྱི་ཚེས་ ༡༡ ཉིན་རྒྱབ་ས་གནས་བོད་རིགས་མི་མང་ལ་གསུང་བཤད་དང་། ཕྱི་ཚེས་ ༡༢ ཉིན་ཧི་མ་ཅཱལ་མངའ་སྡེའི་སྲིད་སྐྱོང་སྐུ་ཞབས་ཤི་ཝ་པྲ་ཏ་པ་ཤུ་ཀལ་(Shiv Pratap Shukla)་མཆོག་དང་། མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སུ་ཁ་ཝིན་དར་སིངྷ་སུཀ་ཁུ་(Sukhvinder Singh Sukhu ) མཆོག་རྣམ་གཉིས་ཀྱི་དབུས་གནད་ཡོད་མི་སྣ་ཁག་ཅིག་དང་མཇལ་འཕྲད་གནང་སྟེ། མངའ་སྡེའི་ནང་གི་བོད་མིའི་ས་ཆའི་དཀའ་ངལ་དང་འབྲེལ་བའི་བདེ་སྡུ
སྲིད་སྐྱོང་མཆོག་གི་ཡུ་རོབ་རྒྱལ་ཁབ་འཇར་མན་དང་ཌན་མག ནོར་ཝེ། དབྱིན་ཡུལ་བཅས་ཀྱི་ནང་ཉིན་གྲངས་ ༡༩ རིང་ཡུལ་ལུང་དེ་དག་གི་སྲིད་བློན་ཟུར་པ་དང་གྲོས་ཚོགས་འཐུས་མི། རོགས་ཚོགས་ཀྱི་གནད་ཡོད་མི་སྣ་བཅས་ལ་མཇལ་མོལ་གནང་ཡོད་པ་་དང་། དེ་བཞིན་གཙུག་ལག་སློབ་ཆེན་ཁག་ཅིག་དང་ས་གནས་བོད་རིགས་མི་མང་བཅས་ལ་ཐུག་འཕྲད་གནང་སྟེ་གསུང་བཤད་གནང་བ་སོགས་ཁ་སང་ཕྱི་ཚེས་ ༨ ཉིན་ཡུ་རོབ་ཀྱི་རྒྱལ་ཁབ་བཞི་ཡི་གཞུང་འབྲེལ་ཕྱོགས་ཕེབས་ལེགས་པར་གྲུབ་ཡོད་འདུག
གསར་འགོད་པ། བྱམས་པ་ཚེ་རིང་།
