མཁྱེན་རླབས་མཚུངས་མེད་བོད་ཀྱི་དུས་བབ་གསར་ཤོག་རྩོམ་སྒྲིག་འགན་འཛིན་མཆོག་དང་ལས་བྱེད་ལྷན་དྲུང་དུ།
ཆེད་འབུལ། ཕྱི་ལོ་གསར་ཚེས་ལ་འཚམས་འདྲི་དང་དུས་བབ་གསར་ཤོག་ལོ་ངོ་བཅུ་འཁོར་བའི་དུས་དྲན་ལ་བཀྲ་ཤིས་བདེ་ལེགས་དང་ཆབས་ཅིག དེ་ནས་ང་རང་གིས་ད་བར་དུས་བབ་གསར་ཤོག་ལྟ་ཀློག་མངགས་ཉོ་བྱེད་ཡོད་པ་དེར་ཆེ་མཐོང་དང་ཐུགས་རྗེ་ཆེ་ཞུའི་ཕྱག་འཕྲིན་ཞིག་འབྱོར་ཡོད་པའི་ནང༌། ད་བར་ང་རང་གིས་དུས་བབ་གསར་ཤོག་ཀློག་ནསཉམས་མྱོང་དང་མ་འོངས་པའི་ཡར་རྒྱས་གཏོང་ཕྱོགས་སྐོར་ལ་བསམ་ཚུལ་བསམ་ཚུལ་འདོན་རྒྱུའི་གོ་སྐབས་གནང་ཡོད་པར་ཐུགས་རྗེ་ཆེ་ཞུ། ད་ཕན་བསམ་ཚུལ་སྟོང་མིན་ཙམ་ཞུ་རྒྱུར། དུས་བབ་གསར་ཤོག་ནི་བཙན་བྱོལ་བོད་མིའི་སྤྱི་ཚོགས་ནང་ཁྱབ་ཆེ་ཤོས་ཀྱི་གསར་ཤོག་ཅིག་ཡིན་པས། གསར་ཤོག་ནང་ཆོས་བརྒྱུད་རིས་མེད་ཁག་གི་སྐྱེས་ཆེན་དམ་པ་དང་བླ་ཆེན། དགེ་བཤེས་མཁས་པ་སོགས་གང་ན་སུ་བཞུགས་པའང་མི་སྣ་ངོ་སྤྲོད་ཀྱི་ལེ་ཚན་ནང་འགོད་ཐུབ་ན་གང་ལེགས་དང༌། མ་ཟད་ནང་ཆོས་ཀྱི་སྐོར་སྐྱབས་འགྲོ་དང་བདེན་པ་བཞིའི་དོན་དག་ཟླ་རེར་ཐེངས་གཅིག་གསར་ཁོག་ནང་འདོན་གནང་མཛད་ན་ཕན་ཐོགས་ཆེན་པོ་ཡོང་ངེས་ལ་གུས་མོའི་ཉམས་མྱོང་དང་ཡར་རྒྱས་ཆེད་ཞུས་པ་ཡིན་པས་དེ་དོན་དགོངས་འཇགས་ཞུ། དགེ་ལྡན་ཆོས་གླིང་ནས་བཙུན་མ་བསྟན་འཛིན་ཚེ་ལྷ་ནས༢༠༠༧ཟླ་༡་ཚེས་༡༡་ལ་ཕུལ།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
སྐྱབས་འགྲོའི་ངོ་བོ་ཧ་གོ་གི་ཡོད་པའི། ?
དེ་བཏོན་ནས་ཕན་ཐོགས་ག་རེ་འདུག ཐོག་མར་སྐྱབས་འགྲོའི་དོན་གོ་དགོས་ཀྱི་རེད་མ་གཏོགས། དོན་ཅི་ཡིན་ཧ་མ་གོ་གོང་ལག་པ་འཆིང་རུང་གི་མ་རེད། རྒྱུ་མཚན་ནི་བོད་མིའི་ནང་དུ་ལྷ་རྩོད་འདྲེ་རྩོད་ཡོད་ཙང་ནང་པ་ངོ་མ་ཞིག་རེད་ཅེས་སུས་ཀྱང་ལབ་ཐབས་མེད། དེ་བས་རྩོད་པ་དེ་དག་མཇུག་མ་གྲིལ་གོང་སྐྱབས་འགྲོར་སྐུ་ལས་མ་བསྐྱོན་རོགས།