སྐུའི་གཅེན་པོ་རྒྱལ་ལོ་དོན་གྲུབ་ལགས་སུ་བཅར་འདྲི།
ཨེ་ཤ་ཡའི་བདུན་རེ་གསར་དེབ།
རྒྱལ་ལོ་དོན་གྲུབ་ལགས་ཀྱིས་བརྗོད་དོན་ཏཱ་ལའི་བླ་མའི་སྔར་ནས་བོད་རང་བཙན་དོར་ཏེ་ཞི་བདེ་དབུ་མའི་ལམ་དུ་བསྐྱོད་རྒྱུའི་གསལ་བསྒྲགས་བསྐྱངས་ཡོད། ཡིན་ན་ཡང༌། པེ་ཅིང་གི་མི་ཁ་ཤས་ཀྱིས་༡༩༧༩ ལོར་ཏིང་ཞོ་ཕིང་དང་ཁོ་རང་ཐུག་འཕྲད་སྐབས་བྱུང་བའི་སྤྱི་མོས་ཀྱི་དགོངས་གཞི་དེ་ལ་རྒྱབ་འགལ་བྱེད་ཀྱི་ཡོད་པ་རེད། ཏཱ་ལའི་བླ་མ་ནི་བོད་རྒྱ་མི་རིགས་གཉིས་བར་གྱི་འགལ་ཟླ་སེལ་ཐུབ་མཁན་གྱི་བོད་མི་གཅིག་པུ་ཡིན་ལ། མི་ཁ་ཤས་ཀྱིས་ཏཱ་ལའི་བླ་མ་སྐུ་གཤེགས་ཚེ་བོད་ཀྱི་གནད་དོན་སེལ་འགྲོ་བར་འདོད་ཀྱི་ཡོད་པ་རེད། ཡིན་ན་ཡང་སྐབས་དེར་གྲོས་མོལ་བྱེད་མཁན་གྱི་མིའང་མེད་འགྲོ་གི་རེད།
ཏཱ་ལའི་བླ་མའི་གཅེན་པོ་གཉིས་པ་རྒྱལ་ལོ་དོན་གྲུབ་ནི་རྒྱ་གར་ཀ་ལོན་སྦུག་ཏུ་བཞུགས་ཡོད་ན་ཡང་དུས་རྒྱུན་རྒྱ་གར་དང་ཧོང་ཀང་དབར་འགྲོ་བསྐྱོད་བྱེད་ཀྱི་ཡོད། ཐེངས་དང་པོར་ཁོང་དང་ལྷན་ཧོང་ཀོང་ཏོན་ལོ་བན་དུས་རབས་ཐང་ཆེན་ཟ་ཁང་དུ་ཐུག་འཕྲད་གནང་རྒྱུའི་དུས་ཆད་བཟོས་བ་དང༌། ཁོ་རང་ས་ཐག་རིང་པོ་ཞིག་ཏུ་བསྡད་ཡོད་པས་ཕལ་ཆེར་སྐར་མ་བཅུའི་རྗེས་ལུས་ཐེབས་རྒྱུ་ཡིན་ཚུལ་བརྗོད་སོང༌། ཡིན་ན་ཡང་ཐུག་འཕྲད་སྐབས་ཁོ་རང་སྐར་མ་ལྔའི་སྔོན་དུ་སླེབས་སོང༌། གཞན་ཡང་ཞོགས་པའི་ཆུ་ཚོད་བཅུའི་སྟེང་ཀྲུང་ཧན་ཤར་ཕྱོགས་མགྲོན་ཁང་དུ་བཅར་འདྲི་བྱ་རྒྱུའི་དུས་ཆད་བཟོས་བས་ཁོ་རང་སྐར་མ་བཅུའི་སྔོན་དུ་སླེབས་ཏེ་མགྲོན་ཁང་གི་ཚོམས་ཆེན་དུ་ཚགས་པར་ཀློག་བཞིན་འདུག བོད་པའི་རྒན་པོ་འདིས་ད་དུང་ཡང་ཡིད་ཆེས་དང་ཁ་དན་ཚིག་ལ་གནས་བའི་རང་གཤིས་་དེ་རྒྱུན་འཛིན་བྱས་འདུག བོད་རྒྱ་འབྲེལ་བའི་ལོ་རྒྱུས་ཀྱི་འགན་ཁུར་ལྕི་མོ་དེས་ཁོང་གི་སྐེད་པ་སྒུར་ཏུ་བཅུག་ཡོད་ལ། དབུ་སྐྲ་དཀར་པོར་གྱུར་ཡོད་པ་དེས་བོད་ཀྱི་གནད་དོན་སེལ་ཆེད་འགྲོ་འོང་བྱེད་པའི་སྙིང་རྗེ་མེད་པའི་ལོ་ཟླ་མཚོན་ལ་བཞིན་རིས་སུ་བོད་མི་དམངས་ཆེད་དཀའ་ལས་བསྐྱོན་པའི་རི་མོ་བརྐོས་འདུག ཡིན་ན་ཡང༌། དགུང་ལོ་བརྒྱད་ཅུ་ལ་ཕེབས་ཟིན་པའི་རྒྱལ་ལོ་དོན་གྲུབ་ནི་ད་དུང་སྐུའི་གཟི་མདངས་རྒྱས་ཤིང་ཡིད་ཆེས་ཀྱིས་ཁེངས་འདུག
ཏཱ་ལའི་བླ་མ་ཕྱིར་རྒྱ་ནག་ཏུ་ཕེབས་རྒྱུའི་གནད་དོན་དེ་སེལ་ཆེད། ༡༩༧༩ ལོ་ནས་བཟུང་ཏིང་ཞོ་ཕིང་གི་གདན་ཞུ་ལྟར་པེ་ཅིང་དུ་བོད་ཀྱི་གནད་དོན་ཐག་གཅོད་ཀྱི་གྲོས་མོལ་གནང་སྟེ་ད་ལྟའི་བར་ལོ་ངོ་༢༨ ཕྱིན། ལོ་ངོ་༢༨ རིང་རྒྱལ་་ལོ་དོན་གྲུབ་ཀྱིས་དུས་རྒྱུན་པེ་ཅིང་དང་རྡ་རམ་ས་ལའི་དབར་གྱི་བཀའ་ལན་དང་གནས་ཚུལ་ཕར་གཏོང་ཚུར་བསྐྱལ་བྱས་པ་རེད། ཡིན་ན་ཡང༌། རྒྱ་ནག་གི་བསྒྱུར་བཅོས་སྒོ་འབྱེད་ཀྱི་སྤྱི་ཁྱབ་ཇུས་བཀོད་་པ་ཏིང་ཞོ་ཕིང་གིས་བོད་རྒྱ་མཉམ་གནས་དང་ཏཱ་ལའི་བླ་མ་སྔ་མོ་ནས་རྒྱལ་ནང་དུ་གདན་དྲངས་ཏེ་ཞི་མོལ་བྱ་རྒྱུའི་འདོད་ཚུལ་དེ་ལ་ད་ལྟའི་བར་ཡར་རྒྱས་ཅི་ཡང་ཕྱིན་མེད་པ་རེད། སྐད་ཆའི་མགོ་བཙུགས་མ་ཐག་རྒྱལ་ལོ་དོན་གྲུབ་ཀྱིས་བརྗོད་དོན་ནི་ཏཱ་ལའི་བླ་མ་ཕྱིར་རྒྱ་ནག་ཏུ་ཕེབས་རྒྱུའི་གནད་དོན་དེ་ཡིན་པས་ཁོ་རང་ལ་བྲེལ་བ་དང་སེམས་ཁྲལ་འདུག་ཟེར།
གཤམ་དུ་ཨེ་ཤ་ཡའི་བདུན་རེ་གསར་དེབ་ཀྱིས་ཁོང་ལ་བཅར་འདྲི་བྱས་པའི་སྐོར་མདོར་བསྡུར་ཙམ་བཀོད་ཡོད།
དྲི་བ། ཁྱེད་རང་ལོ་ངོ་ཉི་ཤུ་རིང་པེ་ཅིང་དང་རྡ་རམ་ས་ལའི་དབར་འགྲོ་བསྐྱོད་བྱེད་ཀྱི་ཡོད་པས་གཙོ་བོ་ལས་དོན་ག་རེ་སྒྲུབ་ཀྱི་ཡོད་དམ།
ལན། ངའི་ཕྱོགས་གཉིས་ལ་ཞུ་བ་བྱེད་ཀྱི་ཡོད། པེ་ཅིང་དུ་སོང་སྟེ་ཀྲུང་དབྱང་གི་འགོ་ཁྲིད་ཚོ་ལ་ཁོ་ཚོའི་རྣམ་འགྱུར་འཛིན་སྟངས་་འགྱུར་བ་གཏོང་བའི་རེ་བ་ཞུ་བ་དང༌། ཀྲུང་དབྱང་སྲིད་གཞུང་གིས་བོད་མི་མང་གི་རྩ་བའི་ཐོབ་ང་ལ་བརྩི་བཀུར་བྱ་དགོས་བ། ང་ཚོ་རང་བཙན་དགོས་ཀྱི་མེད་པར་རྒྱ་ནག་རྒྱལ་ཁབ་ཁྱིམ་ཚང་ཆེན་པོའི་ཆ་ཤས་ཤིག་བྱེད་འདོད་ཡོད། ཡིན་ན་
ཡང་ཁྱེད་ཚོས་ངེས་བར་ཏུ་ང་ཚོ་ལ་དྲང་བདེན་དང་འདྲ་མཉམ་སྤྲོད་དགོས་བ་རེད་ཅེས་བརྗོད་པ་དང༌། ཕྱིར་རྒྱ་གར་ཏུ་ལོག་སྟེ་ཁོ་ཚོ་ལ་རྒྱ་ནག་སྐམ་ས་ཆེན་མོའི་སྤུན་ཟླ་དང་ཀྲུང་དབྱང་སྲིད་གཞུང་ལ་འབྲེལ་བ་མང་ཙམ་བྱེད་དགོས་བ་དང༌། རྒྱ་ནག་ནང་ཁུལ་གྱི་གནས་ཚུལ་མང་ཙམ་རྒྱུས་ལོན་བྱ་དགོས་བའི་རེ་བ་ཞུས་བ་ཡིན། ང་ཚོ་ཕྱི་རྒྱལ་ན་ཡོད་པའི་བོད་རིགས་སྤུན་ཟླ་མང་ཆེ་བའི་རྒྱ་ནག་སྐམ་ས་ཆེན་མོའི་གནས་ཚུལ་ཤེས་ཀྱི་མེད་པ་དང༌། གནས་ཚུལ་མ་རྟོགས་ཚེ་འབྲེལ་བ་བྱེད་རྒྱུ་ཁག་པོ་ཡིན་པ་རེད།
དྲི་བ། ཁྱེད་ལྟར་ན་བོད་ཀྱི་གནད་དོན་སེལ་རྒྱུའྀ་རྨང་གཞི་ནི་ཅི་ཞིག་ཡིན་ནམ།
ལན། ངའི་ཏིང་ཞོ་ཕིང་གིས་མདུན་ལ་བལྟ་དགོས་བའི་བཤད་ཚུལ་དེར་བརྩི་བཀུར་བྱེད་ཀྱི་ཡོད། ཏཱ་ལའི་བླ་མའི་བསམ་བློའི་ལྟེ་བ་ནི་མིག་རྒྱང་རིང་བའི་ཐབས་ལམ་ཆེད་ཡིན་ལ། མིག་རྒྱང་རིང་བའི་ཐབས་ལམ་ཆེད་རྒྱ་མི་རིགས་དང་ཞི་མཐུན་མཉམ་གནས་ཡོང་བར་དགོངས་ཀྱི་ཡོད། འདས་སོང་བའི་མི་ལོ་ཉེར་བརྒྱད་རིང་ངའི་ཏིང་ཞོ་ཕིང་གི་རེ་ཞུ་ལྟར་ཏཱ་ལའི་བླ་མ་དང་
ཀྲུང་དབྱང་བར་འབྲེལ་བ་བྱས་པ་དང༌། སྐབས་རེ་འགལ་ཟླ་མང་པོ་ཞིག་བྱུང་ཡོད་པ་དེ་ནི་བོད་པ་ཚོས་རྒྱ་མི་རིགས་ས་ཁུལ་གྱི་གནས་ཚུལ་མ་ཤེས་པ་་དང་ཀྲུང་དབྱང་སྲིད་གཞུང་གིས་ཏཱ་ལའི་བླ་མ་དང་ཁོང་གི་ཉེ་འཁོར་གྱི་མི་སྣའི་བསམ་ཚུལ་མ་ཤེས་པས་གནད་དོན་ཐག་གཅོད་ཀྱི་ཐབས་ལམ་མ་རྙེད་པར་ད་ལྟའི་བར་ལྷག་པ་རེད།
དྲི་བ། ཁྱེད་ཀྱིས་ཏིང་ཞོ་ཕིང་ལ་བག་ཆགས་ཇི་འདྲ་ཞིག་ཡོད་དམ།
ལན། སྐུ་ཞབས་ཏིང་ཞོ་ཕིང་ནི་གཟི་བརྗིད་ལྡན་པའི་འགོ་ཁྲིད་ཞིག་རེད་ལ། བསམ་ཕོད་པ་དང་སྒྲུབ་ཕོད་པ་མིག་རྒྱང་རིང་པ་ཅན་ཞིག་རེད། ང་ནི་རྒྱ་གར་ཏུ་བཙན་བྱོལ་ལ་སོང་བའི་མི་སྣའི་ཁྲོད་གུང་ཁྲན་ཏང་ལ་ངོ་རྒོལ་བྱེད་མཁན་མི་སྣ་གཙོ་བོ་ཞིག་ཡིན་པ་རེད། ཏིང་ཞོ་ཕིང་གིས་ཚུར་ང་ལ་འབྲེལ་བ་བྱས་པ་ཡིན་པས་ཁོ་རང་མི་ཁོག་རྒྱ་ཅན་ཞིག་དང་མིག་རྒྱང་རིང་པ་ཅན་ཞིག་ཡིན་པ་ཤེས་ཐུབ།
དྲི་བ། ད་ལྟ་ཞི་མོལ་མི་ཡོང་བའི་འགག་རྩ་གང་ལ་ཐུག་ཡོད་དམ།
ལན། ན་ནིང་ཕྱི་ཟླ་ལྔ་བ་དང་དྲུག་པའི་ནང་ཀྲུང་དབྱང་གི་ལས་ཁུངས་མང་པོ་ཞིག་གིས་ཏཱ་ལའི་བླ་མས་ཁ་བྲལ་དང་རང་བཙན།
ངོ་ལོག་བྱེད་ཀྱི་ཡོད་པ་རེད་བཅས་སྐྱོན་བརྗོད་བྱས་པ་རེད། ངའི་བསམ་པར་དེ་ནི་འགྱུར་བ་ཆེན་པོ་ཞིག་རེད་ལ། ཏིང་ཞོ་ཕིང་དང་ཧུའུ་ཡོན་པང༌། ཀྲོའོ་ཙེ་དབྱང༌། ཅང་ཙེ་མིན་སོགས་ཁོ་ཚོའི་སྐབས་ཏིང་ཞོ་ཕིང་གི་ལམ་ཕྱོགས་་དེ་ལ་འགྱུར་བ་བཏང་མེད།
དྲི་བ། དེ་རིང་གི་ཀྲུང་དབྱང་སྲིད་གཞུང་གིས་ཏཱ་ལའི་བླ་མ་ལ་བཟུང་བའི་སྲིད་ཇུས་དང་ཁོར་ཡུག་དེ་སྔོན་མ་ཏིང་ཞོ་ཕིང་གི་སྐབས་དང་བསྡུར་ན་ཅི་འདྲ་ཡིན་ནམ།
ལན། རྦད་དེ་ཕྱི་བསྣུར་བརྒྱབ་ཡོད་པ་རེད། ཏཱ་ལའི་བླ་མ་ལ་མཚན་སྨད་བྱས་པའི་འཇུག་འབྲས་ནི་བོད་རིགས་ཁྲོད་ང་ཚོའི་ཅིའི་ཕྱིར་ད་དུང་དབུ་མའི་ལམ་རྒྱུན་འཁྱོངས་བྱེད་ཀྱི་ཡོད་པ་རེད་དམ་བཅས་ངོ་རྒོལ་གྱི་སྐད་ཆ་བཤད་མཁན་ཁ་ཤས་སླེབས་པ་དང༌། ཁ་ཤས་ཀྱིས་ང་ལ་རྟག་པར་ཅིའི་ཕྱིར་དབུ་མའི་ལམ་དུ་འགྲོ་དགོས་བ་རེད་ལམ་ཁ་གཞན་ཞིག་ཏུ་སོང་ན་མི་འགྲིག་གམ། ཅིའི་ཕྱིར་གུང་ཁྲན་ཏང་གི་རྗེས་སུ་འབྲངས་དགོས་བ་རེད་བཅས་ལེ་བདའ་བྱེད་པ་དང༌། ཁ་པར་མང་པོ་ཞིག་གི་ལམ་ནས་ཁྱེད་རང་ལྐུགས་སོང་པ་རེད་དེ་ནི་མགོ་བསྐོར་གཏོང་གི་ཡོད་པ་རེད་བཅས་བརྗོད་མཁན་ཡང་བྱུང༌།
དྲི་བ། ཁྱེད་ཀྱིས་བལྟས་ན་ཏཱ་ལའི་བླ་མའི་བོད་རང་བཙན་བརྩོད་ལེན་བྱེད་ཀྱི་མིན་ཟེར་བ་དེ་ནི་བདེན་པ་དང་གཏན་འཁེལ་ཡིན་ནམ།
ལན། དེ་ནི་རྦད་དེ་གཏན་འཁེལ་ཡིན་པ་རེད། ཏཱ་ལའི་བླ་མས་ཡང་དང་བསྐྱར་ཏུ་རྒྱ་ནག་ཁྱིམ་ཚང་ཆེན་པོ་འདི་དང་ཁ་བྲལ་མི་འདོད་པ་དང༌། ཁྱིམ་ཚང་ཆེན་པོ་འདིའི་ཆ་ཤས་ཤིག་བྱ་འདོད་ཡོད་ལ། བོད་ཀྱི་ལས་དོན་མང་པོ་ཞིག་རྒྱ་རིགས་དང་ཀྲུང་དབྱང་སྲིད་གཞུང་གི་རོགས་སྐྱོར་ལ་བརྟེན་དགོས་བའི་ང་ཚོ་ལ་ཁེ་ཕན་མང་པོ་ཞིག་རག་གི་རེད་བཅས་བརྗོད་ཀྱི་ཡོད། ངའི་ཁོང་གི་ཐབས་ལམ་དེ་ལ་བསྔགས་བརྗོད་བྱེད་ཀྱི་ཡོད་ལ་དབུ་མའི་ལམ་ནི་ཞི་བའི་ལམ་ཕྱོགས་ཤིག་རེད། རྒྱ་ནག་གི་འགོ་ཁྲིད་དང་ལས་བྱེད་ཁ་ཤས་ཀྱིས་ཁོ་བོད་རང་བཙན་གྱི་ལམ་ཁ་རུ་འགྲོ་ཡི་ཡོད་རེད་ཅེས་ཁ་རྡུང་གཏོང་གི་ཡོད་པ་རེད། བོད་རང་བཙན་བྱེད་ན་སུ་ལ་ཁེ་ཕན་ཡོད་དམ། ངའི་བསམ་པར་ལས་བྱེད་དེ་ཚོ་ལྐུགས་སོང་བའམ་ཡང་ན་སྨྱོས་སོང་བ་རེད། དེ་གང་ཡིན་ངའི་ཧ་གོ་ཡི་མི་འདུག
དྲི་བ། ཏཱ་ལའི་བླ་མའི་པེ་ཅིང་གི་སྲིད་ཇུས་དང་རྣམ་འགྱུར་ལ་ཐུགས་ཁུར་གནང་གི་ཡོད་དམ།
ལན། ཏཱ་ལའི་བླ་མས་སྔར་ནས་འགྱུར་བ་མེད་པར་ཐུགས་ཁུར་གནང་གི་ཡོད་པ་རེད། ཡིན་ན་ཡང་ཉེ་ཆར་ཁོ་ལ་ཁ་རྡུང་བཏང་བ་ནས་བཟུང་ངའི་ཁོ་རང་འགྱུར་བ་ཐེབས་རྒྱུ་རེད་བསམ་སྟེ་སེམས་ཁྲལ་སྐྱེས་ཀྱི་འདུག ངའི་པེ་ཅིང་གི་ལས་བྱེད་ཁ་ཤས་ལ་ཁྱེད་ཚོས་བོད་རིགས་ཚོར་ཡག་པོ་བྱེད་དགོས་པ་དང༌། ཏཱ་ལའི་བླ་མ་ཚུར་འགུག་དགོས་བ་སྟེ་ཁོང་ནི་བོད་རིགས་ཁྲོད་བོད་རྒྱ་མི་རིགས་གཉིས་དབར་གྱི་རྨ་ཁ་གསོ་ཐུབ་མཁན་གྱི་མི་སྣ་གཅིག་པུ་ཡིན་པ་རེད། རྒྱ་བོད་དབར་གྱི་རྨ་ཁ་དེ་ཏཱ་ལའི་བླས་སྨན་བཅོས་ཐུབ་པ་ལས་མི་གཞན་མེད། ཁོང་ཚོས་ཏཱ་ལའི་བླ་མ་ལ་སྐྱོན་བརྗོད་ཤུགས་ཆེ་བྱེད་ཀྱི་ཡོད་པ་དེ་ནི་ནོར་འཁྲུལ་རེད། ངས་ཏཱ་ལའི་བླ་མ་ལ་ལོ་མང་པོ་ཞུ་བ་བྱས་པ་དང་ཁོང་གི་བསམ་ཚུལ་དེ་ཡང་ང་དང་གཅིག་པ་རེད། སྐྱོན་བརྗོད་བྱེད་པ་དེས་ཚང་མས་སེམས་ལ་གུང་ཁྲན་ཏང་གི་སྲིད་ཇུས་འགྱུར་བ་ཐེབས་སོང་བ་དང༌། ངའི་བསམ་པར་ཏཱ་ལའི་བླ་མའི་དགོངས་ཚུལ་འགྱུར་བ་འགྲོ་རྒྱུ་ཡིན་པ་རེད།
དྲི་བ། ཁྱེད་ཀྱིས་གུང་ཁྲན་ཏང་གི་སྲིད་ཇུས་འགྱུར་བ་ཐེབས་རྒྱུ་ཡིན་པར་སེམས་ཁྲལ་བྱེད་ཀྱི་ཡོད་དམ།
ལན། སྲིད་ཇུས་འགྱུར་བ་ཐེབས་པར་སེམས་ཁྲལ་བྱེད་ཀྱི་མེད་པར་པེ་ཅིང་ཁ་དན་ཚིག་ལ་མི་གནས་པ་དེ་རཻད་ལ། བོད་པ་མང་པོ་ཞིག་གིས་དེ་ལྟར་བསམ་གྱི་ཡོད་པ་རེད། ཏཱ་ལའི་བླ་མ་དང་བོད་པ་ཚོའི་གཤིས་རྒྱུད་དྲང་མོ་ཡིན་པ་དང་ང་ཚོའི་ལས་སླ་བོ་བསམ་བློ་གཏོང་གི་ཡོད་པ་རེད། རྒྱལ་སྤྱིའི་གནས་སྟངས་རྙོག་འཛིང་ཆེ་བས་ཏཱ་ལའི་བླ་མ་རྒྱ་གར་ཏུ་བཞུགས་ཚེ་ཨ་རི་དང༌། ཡོ་རོབ། ཉི་ཧོང་བཅས་ཁོ་ཚོ་རང་ཉིད་ལ་འཆར་གཞི་རེ་ཡོད་པས་ཡུན་རིང་ནར་འགྱངས་བྱེད་ཚེ་བོད་རྒྱ་གཉིས་ལ་མི་ཕན་པ་རེད། དུས་ཡུན་རིང་པོ་ཞིག་ལ་ནར་འགྱངས་བྱས་པ་དང་ད་དུང་མུ་མཐུད་ནར་འགྱངས་བྱེད་ཚེ་རྒྱ་མིའི་ཁ་དཔེ་རུ་མཚན་རིང་ན་རྨི་ལམ་མང་ཟེར་བའི་དཔེ་ལྟར་དོན་དག་ཅི་ཞིག་འབྱུང་རྒྱུ་ཤེས་མི་ཐུབ་པ་རེད།
དྲི་བ། རྒྱ་ནག་གི་ཁ་དཔེ་གཞན་ཞིག་ལ་ལས་དོན་ཡག་པོ་ཡོང་བར་བསམ་བློ་མང་པོ་ཐོངས་ཟེར་བ་མིན་ནམ།
ལན། བསམ་བློ་མང་པོ་གཏོང་བའི་ཚད་ཞིག་མ་རེད། བོད་ཀྱི་གནས་སྟངས་དེ་མུ་མཐུད་ནར་འགྱངས་སུ་སོང་ཚེ་ཡག་པོ་མེད་པ་རེད། ངའི་མ་འོངས་པར་ཚབས་ཆེ་རང་བཞིན་གྱི་དོན་དག་མི་འབྱུང་བའི་རེ་བ་བྱེད་ཀྱི་ཡོད། ངའི་ཁོ་ཚོ་ལ་ཁྱེད་ཚོས་ཏཱ་ལའི་བླ་མ་སྐུ་གཤེགས་ཚེ་གནད་དོན་སེལ་སོང་བ་རེད་འདོད་ཀྱི་ཡོད་དམ། དེ་ལས་ལྡོག་ཏེ་གནད་དོན་སྔར་ལས་རྙོག་འཛིང་ཅན་དུ་འགྱུར་ངེས་བ་རེད། ཁོང་སྐུ་བཞུགས་ཚེ་ཁྱེད་ཀྱིས་ཏཱ་ལའི་བླ་མ་བཙལ་ཆོག་གིརེད། ཁོང་སྐུ་གཤེགས་རྗེས་ཁྱེད་ཀྱིས་མི་བཙལ་ཏེ་སྐད་ཆ་བཤད་མཁན་ཡང་རག་གི་མ་རེད། ཏཱ་ལའི་བླ་མ་ནི་ཁྱད་འཕགས་ཅན་གྱི་མི་སྣ་ཞིག་ཡིན་པ་འཛམ་གླིང་གིས་ཡོངས་ཁྱབ་ངོས་འཛིན་བྱེད་ཀྱི་ཡོད་པ་རེད། ངའི་བསམ་པར་མི་ཁ་ཤས་ཤིག་གིས་དཔལ་འབྱོར་ཡག་པོ་ཡོད་པ། སྒོར་མོ་ཡོད་པ། དབང་ཤུགས་ཡོད་པ། དམག་དཔུང་བཅས་ཡོད་ཚེ་སྐྲག་མི་དགོས་པར་ག་རེ་ཡིན་ན་ཡང་སྒྲུབ་ཆོག་གི་རེད་སྙམ་གྱི་ཡོད། ཡིན་ན་ཡང་དེ་ནི་ནོར་འཁྲུལ་རེད། ཏཱ་ལའི་བླ་མ་ནི་རང་ཉིད་ཀྱི་སྤུན་ཟླ་ཡིན་པ་རེད།
དྲི་བ། ཁྱེད་ཀྱིས་བསམ་པར་མི་ཁ་ཤས་ཁ་དན་ཚིག་ལ་མ་གནས་བ་ཡིན་ནམ་ཡང་ན་སྲིད་ཇུས་འགྱུར་བ་བཏང་པ་རེད་དམ།
ལན། གལ་སྲིད་སྲིད་ཇུས་འགྱུར་བ་བཏང་བ་ཡིན་ཚེ་དེ་ནི་ཚབས་ཆེན་ཞིག་རེད། ཏཱ་ལའི་བླ་མ་ཡིན་ནའང་འདྲ། ང་རང་ཡིན་ནའང་འདྲ། ང་ཚོའི་ཅིའི་ཕྱིར་གུང་ཁྲན་ཏང་དང་འབྲེལ་བ་བྱེད་ཀྱི་ཡོད་པ་རེད། དེ་ནི་༡༩༧༩ ལོ་ང་དང་ཏིང་ཞོ་ཕིང་དབར་གྱི་སྤྱི་མོས་ཀྱི་དགོངས་གཞི་དེ་རྨང་གཞི་བྱས་པ་དང༌། སྐབས་དེའི་གྲོལ་མོལ་གྱི་ནང་དོན་ལ་བརྟེན་ནས་ང་ཚོས་ཀྲུང་དབྱང་སྲིད་གཞུང་དང་འབྲེལ་བ་བྱེད་ཀྱི་ཡོད་ལ་བོད་རང་བཙན་གླེང་གི་མེད། ཡིན་ན་ཡང་ན་ནིང་ཕྱི་ཟླ་ལྔ་བ་དྲུག་པ་ནས་བཟུང་མི་ཁ་ཤས་ཤིག་གིས་ཡོད་ཚད་མགོ་རྟིང་བསློགས་ཏེ་རྨང་གཞི་མེད་པ་བཟོས་པས་ཅི་ལྟར་གྲོས་མོལ་བྱེད་དགོས་སམ། ན་ནིང་ཕྱི་ཟླ་དྲུག་པའི་ནང་ང་རང་པེ་ཅིང་དུ་ཡོད་སྐབས་ངའི་ཐབས་ཕྱོགས་གཅིག་གྱུར་པུ་ཡི་འགོ་ཁྲིད་ཞིག་ལ་ཁྱེད་ཚོས་འདི་ལྟར་སྔོན་མ་ཏིང་ཞོ་ཕིང་གི་སྤྱི་མོས་ཀྱི་དགོངས་གཞི་དེ་མགོ་རྟིང་བསློགས་པ་ཡིན་ནམ་ཅེས་དྲིས་བར། ཁོང་གིས་ངའི་ཁྱེད་དང་ཏིང་ཞོ་ཕིང་གི་དབར་སྐད་ཆ་ཅི་ཞིག་བཤད་པ་ཧ་གོ་མ་སོང་ཅེས་བརྗོད། ངའི་ཁོ་ལ་ཁྱེད་ཚོས་འདི་ལྟར་བྱས་ན་འགྲིག་གི་ཡོད་མ་རེད། ཏཱ་ལའི་བླ་མ་ལ་ངོ་རྒོལ་དང་སྐྱོན་བརྗོད་བྱེད་ན་བོད་པ་ཚོ་ཁོང་ཁྲོ་ལངས་བཞིན་ཡོད་ནའང་བཤད་ཐུབ་ཀྱི་ཡོད་པ་མ་རེད། སྤྱིར་བཏང་ཁོ་ཚོའི་སེམས་པ་སྡུག་གི་ཡོད་རེད་ཅེས་བརྗོད་པ་ཡིན།
དྲི་བ། ཁྱེད་རང་ལ་ད་དུང་གདེང་ཚོད་ཡོད་དམ།
ལན། གདེང་ཚོད་མེད་ན་ང་ཞང་ཀང་དུ་ཡོང་གི་མ་རེད་ལ་ང་ཁྱེད་ཚོར་ཐུག་གི་ཡང་མ་རེད། དེར་བརྟེན་ངའི་ད་དུང་ལྟད་མོ་བལྟས་བསྡད་ན་མི་འགྲིག་ལ། ངའི་སེམས་ནང་ལས་དོན་འདི་ཉར་ཡོད་པ་ནི་མ་འོངས་བར་རྙོག་དྲ་མི་ཡོང་བའི་ཆེད་ཡིན། ངས་རྙོག་དྲ་མང་པོ་ཞིག་མཐོང་མྱོང་བ་དང་གལ་སྲིད་གུང་ཁྲན་ཏང་གིས་བསམ་བློ་གཏོང་སྟངས་འགྱུར་བ་མ་གཏོང་ཚེ་ཡག་པོ་ཞིག་མི་ཡོང་བ་རེད། ངའི་ད་དུང་ཁོ་ཚོ་ལ་ཞུ་བ་བྱེད་དེ་ཁོ་ཚོ་བསྐྱར་ཏུ་ཏིང་ཞོ་ཕིང་གི་ལམ་ཁ་དེར་ཡོང་བ་དང༌། ཏཱ་ལའི་བླ་མ་ཕྱིར་གདན་དྲངས་བ་ལས་ཕྱི་ལོགས་ནས་མི་གཞན་གྱིས་བེད་སྤྱོད་མི་གཏོང་བའི་རེ་བ་རྒྱག་གི་ཡོད།
