ཀྲུང་གོའི་དྲིལ་བསྒྲགས་ཀྱི་ནང་དོན་དང་། དོན་དངོས་ཀྱི་གནས་ཚུལ་གཉིས་རྒྱབ་འགལ་ཡིན་སྟབས། ཨ་རིས་ལྷ་སར་དོན་གཅོད་ཁང་ཞིག་འཛུགས་རྒྱུ་ཟེར་བ་དེ། རྒྱ་ནག་གི་བུ་མོའི་འདོམས་ལ་བརྙབ་གི་ཡིན་ཟེར་བ་དང་གཅིག་མཚུངས་རེད། གང་ཡིན་ཟེར་ན། ལྷ་ས་ནི་ཆབ་སྲིད་ཀྱི་ཚོར་ཤུགས་ཆེས་རྐྱེན་པའི་ས་གནས་ཤིག་ཆགས་ཡོད་སྟབས། དེ་ལ་ཨ་རིའི་གཞུང་ཚབ་འཛུགས་རྒྱུར། ཀྲུང་གོའི་སྤོབས་པས་འདང་གི་མ་རེད་ཟེར།
ཕྱི་ཚེས་ ༡༡ ཉིན་གསར་ལམ་ཁག་ཅིག་ཏུ་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༡༠ ཉིན་ཨ་རིའི་གྲོས་ཚོགས་ཀྱིས་གྲོས་ཆོད་གསར་བ་ཞིག་གཏན་འབེབས་བྱས་པའི་ནང། རྒྱ་ནག་ཏུ་ཡོད་པའི་ཨ་རིའི་གཞུང་ཚབ་ཁང་དུ་བོད་དོན་སྐོར་གྱི་སྡེ་ཚན་ཞིག་གསར་འཛུགས་བྱ་རྒྱུ་གཏན་འབེབས་བྱས་ཡོད་པ་དང། དེ་ནི་ཨ་རི་གཞུང་ནས་བོད་རང་སྐྱོང་ལྗོངས་གཙོས་པའི་བོད་ཀྱི་ས་ཁུལ་ཁག་གི་ཆབ་སྲིད་དང་དཔལ་འབྱོར་འཕེལ་རྒྱས་ཐད་ལྟ་རྟོག་དང་རྒྱབ་སྐྱོར་བྱ་ཆེད་ཡིན་སྐོར་བརྗོད་ཡོད་པ་མ་ཟད། ཨ་རི་གཞུང་ནས་བོད་རྒྱ་གཉིས་བར་མཐུན་ལམ་གསར་འཛུགས་དང་བོད་རྒྱ་གཉིས་ཀྱི་དཀའ་རྙོག་གི་མཐུན་སྦྱོར་བ་བྱ་རྒྱུ་ཡིན་པའི་རེ་བ་བཏོན་ཡོད་པ་རེད། ལོ་སྔོན་མར་བོད་ཀྱི་རྒྱལ་ས་ལྷ་ས་རུ་གཞུང་ཚབ་ཡན་ལག་ཁང་ཞིག་གསར་འཛུགས་བྱ་རྒྱུའི་རེ་འདུན་བཏོན་པར་གྲུབ་འབྲས་བྱུང་མེད་ལ། ཐེངས་འདིའི་རེ་འདུན་དེར་ཡང་རྒྱ་ནག་གཞུང་ཕྱོགས་ནས་འགྲིག་མིན་གྱི་བརྡ་ལན་གང་ཡང་སྤྲད་མི་འདུག
པེ་ཅིན་སློབ་ཆེན་རྒྱལ་སྤྱིའི་སྲིད་བྱུས་ཞིབ་འཇུག་ལྟེ་གནས་ཀྱི་འགན་འཛིན་དང་དགེ་རྒན་ཆེན་མོ་ཀྲུའུ་ཧྤིན་གྱིས། ཨ་རིའི་གྲོས་ཚོགས་ཀྱི་བྱེད་སྟངས་འདི་ཡིས་ཨ་རི་གཞུང་གིས་བོད་ཀྱི་ཆབ་སྲིད་དང་ཕྱི་འབྲེལ་ལ་ཐེ་གཏོགས་ཀྱི་གནས་རིམ་མཐོ་རུ་ཕྱིན་པ་གསལ་བཤད་དང་། རྒྱ་ནག་གི་ནང་སྲིད་ལ་ཐེ་གཏོགས་བྱས་པའི་དཔེ་མཚོན་གསལ་བོ་ཞིག་རེད། ཨ་རིས་འགྲོ་བ་མིའི་རང་དབང་གི་རྣམ་པས་རྒོལ་ཐབས་བྱེད་པ་འདིར་མཇུག་འབྲས་བཟང་བོ་ཞིག་འབྱུང་གི་མ་རེད། བྱེད་ཐབས་འདིས་ཨོ་བྷ་མ་སྲིད་འཛིན་གྱི་ལས་གནས་སྟེང་ཕེབས་་པ་ནས་ཨ་རི་དང་རྒྱ་ནག་གཉིས་བར་གྱི་ཆེས་ཐོག་མའི་འབྲེལ་ལམ་ལ་རྒྱབ་འགལ་བྱས་ཡོད་པ་མ་ཟད། བོད་ཐོག་འཛིན་པའི་དབུས་གཞུང་གི་སྲིད་ཇུས་ལ་ཨ་རི་གཞུང་གིས་འདོད་པ་མ་ཁེངས་པའི་རྣམ་པའི་ཐོག་ནས་རྒོལ་ལན་སློག་པ་ཞིག་ཡིན་སྟབས། མ་འོངས་པར་རྒྱལ་ཁབ་གཉིས་ཀྱི་འབྲེལ་ལམ་ལ་གནོད་པ་གང་འདྲ་ཡོད་མེད་དེ་རྒྱལ་ཁབ་གཉིས་ཀྱི་སྲིད་དོན་པས་དུས་ཐོག་རྩོད་གླེང་འདུམ་སྒྲིག་དང་གནད་དོན་ཐག་གཅོད་བྱ་མིན་ལ་རག་ལས་འདུག ཅེས་བརྗོད་འདུག
གཞན་རྒྱ་ནག་གི་དེང་རབས་རྒྱལ་སྤྱིའི་འབྲེལ་ལམ་དཔྱད་ཞིབ་པ་མཱ་ཅ་ལིས་ཡིས། ཨ་རིས་མི་རྒྱུ་གཉིས་ཀྱི་ཤུགས་ལ་བརྟེན་ནས་རྒྱ་ནག་གི་དཔལ་འབྱོར་དང་ཆབ་སྲིད་ལ་ཐེ་གཏོགས་བྱ་རྒྱུའི་ཐབས་ལམ་ཞིག་དང་། མུ་མཐུད་བོད་དོན་དང་རྒྱ་ནག་གི་ནང་སྲིད་ལ་ཐེ་གཏོགས་ནུས་ཤུགས་ཆེ་རུ་གཏོང་ཆེད་རེད། དུས་རབས་སྔོན་མའི་ལོ་རབས་ ༥༠ ཡི་བོད་ཀྱི་ཟིང་འཁྲུག་སྐབས་ཨ་རིའི་གཟུགས་རིས་མངོན་པའི་ཐོག་ནས་ལག་པ་བརྐྱངས་ཡོད་པ་དང་། ལོ་རབས་ ༦༠ ནང་བཙན་བྱོལ་བོད་མི་ཁག་ཅིག་ལ་གསང་བའི་སྦྱོང་བརྡར་སྤྲད་དེ་སྐྱེད་སྲིང་བྱས་པ་རེད། དེ་བཞིན། ལོ་རབས་ ༩༠ པའི་ནང་ཡང་བསྐྱར་ཏཱ་ལའི་བླ་མ་དང་འབྲེལ་ལམ་ཇེ་ཟབ་དུ་བཏང་སྟེ། བོད་དོན་ཐད་རྒྱབ་སྐྱོར་རིམ་བཞིན་བྱས་པ་རེད། གལ་སྲིད། འདི་ལྟར་རྒྱུན་རིང་ཕྱིན་ཚེ་ཨ་རི་དང་རྒྱ་ནག་གཉིས་ཀྱི་འབྲེལ་ལམ་ལ་ལྡོག་ཕྱོགས་ཀྱི་ནུས་པ་འབྱུང་རྒྱུ་རེད། ཅེས་བརྗོད་ཡོད།
གོང་གི་གནས་ཚུལ་དེ་ཉིན་འདི་འགར་རྒྱ་ནག་གི་གཞུང་འབྲེལ་མིན་པའི་གསར་ལམ་ཁག་ཏུ་སླེབས་མ་ཐག རྒྱ་ནག་གཞུང་ཕྱོགས་ཀྱི་མི་སྣ་དང་སྲིད་དོན་པ་འགའ་རེ་ཡིས་ཨ་རིའི་གཞུང་ལ་སྐྱོན་བརྗོད་བྱེད་ཀྱིན་ཡོད་པ་དང་། གཞན་དམངས་གཙོ་དོན་གཉེར་བ་དང། རྒྱ་ནག་གཞུང་དང་ཆབ་སྲིད་ཀྱི་ལྟ་བ་མི་མཐུན་པ། དེ་བཞིན་རྒྱ་རིགས་སློབ་ཆེན་པ་ཁག་ཅིག་བཅས་ཀྱིས་གནད་དོན་དེའི་ཐད་དཔྱད་གཏམ་སྤེལ་བ་ལྟར་ན། ཀྲུང་གོའི་སྲིད་གཞུང་གིས་སྔར་ལོ་ཨ་རིའི་གཞུང་གིས་ལྷ་སར་དོན་གཅོད་ཁང་ཞིག་འཛུགས་རྒྱུའི་རེ་འདུན་ལ་ངོས་ལེན་བྱས་ཡོད་པ་མ་རེད་ལ། ཐེངས་འདིར་ཡང་འགོག་རྐྱེན་བཟོ་ཤག་རེད། ཀྲུང་གོའི་དྲིལ་བསྒྲགས་ཀྱི་ནང་དོན་དང་། དོན་དངོས་ཀྱི་གནས་ཚུལ་གཉིས་རྒྱབ་འགལ་ཡིན་སྟབས། ཨ་རིས་ལྷ་སར་དོན་གཅོད་ཁང་ཞིག་འཛུགས་རྒྱུ་ཟེར་བ་དེ། རྒྱ་ནག་གི་བུ་མོའི་འདོམས་ལ་བརྙབ་གི་ཡིན་ཟེར་བ་དང་གཅིག་མཚུངས་རེད། གང་ཡིན་ཟེར་ན། ལྷ་ས་ནི་ཆབ་སྲིད་ཀྱི་ཚོར་ཤུགས་ཆེས་རྐྱེན་པའི་ས་གནས་ཤིག་ཆགས་ཡོད་སྟབས། དེ་ལ་ཨ་རིའི་གཞུང་ཚབ་འཛུགས་རྒྱུར། ཀྲུང་གོའི་སྤོབས་པས་འདང་གི་མ་རེད། ཅེས་བརྗོད་འདུག
དྲ་གྲོགས་རྣམས་པའི་བསམ་ཚུལ་ལ་གནས་ལུགས་འདུག
འོན་ཀྱང་ཨ་རིས་ད་ལྟའི་རྒྱ་ཁོངས་སུ་ཡོད་པའི་བོད་རང་སྐྱོང་ལྗོངས་ལ་གཞུང་ཚབ་ཡན་ལག་གཅིག་འཛུགས་རྒྱུའི་འདུན་པ་བཅིངས་བ་རེད། གལ་སྲིད་ཨ་རིས་འདོད་ཚུལ་དེ་བོད་དང་ཨ་རིའི་འབྲེལ་ལམ་ལ་ཕན་པའི་དམིགས་འདུན་ཞིག་ཡིན་ན་གནས་ཚུལ་ཡག་པོ་རེད།
ངས་འདི་ལྟར་མཐོང་གི་མི་འདུག་མོད། ཨ་རི་བ་ངོས་ནས་ཁ་དང་དོན་ལ་གནས་ན་བོད་གཅིག་པོ་མིན་པ་དང་ཞིན་ཅང་དང་ནང་སོག ད་དུང་རང་སྐྱོང་ལྗོངས་ལྔ་ཡོད་པ་དེ་དག་ཚང་མའི་ནང་དུ་གཞུང་ཚབ་འཛུགས་རྒྱུ་ཡིན་ཟེར་རྒྱུ་ན་ཅི་མ་རུང་།
ཡིན་ཅིག་མིན་ཅིག་བོད་རང་སྐྱོང་ལྗོངས་གཅིག་བུའི་ནང་དུ་འཛུགས་འདོད་པ་དེའི་དམིགས་ཡུལ་ང་ཚོའི་བོད་མིའི་མཁྱེན་གསལ་རེད་པས།
མི་ཕ་རོལ་བ་ཞིག་གིས་བོད་རང་བཙན་བླངས་ནས་ཁྱོད་ཀྱི་རུམ་ལ་འཇུག་གི་མ་རེད། ཡིན་ཡང་། འདི་ནི་ཁ་སང་དེ་རིང་གི་ཨ་རྒྱ་གཉིས་ཀྱི་སྲིད་དོན་འཐབ་རྩོད་ཀྱི་ཕྱོགས་གཅིག་རེད། འདི་མངོན་སུམ་རེད། མཇུག་འབྲས་ཅི་འབྱུང་ནི་གནས་ཚུལ་གཞན་པ་རེད། དྲ་གྲོགས་མང་ཆེ་བ་ནི་གནས་ཚུལ་འདིའི་རིགས་ལ་ཐུག་སྐབས་ལམ་སེང་མཇུག་འབྲས་རྡོག་རྡོག་ཅིག་གི་སྟེང་ལ་མཆོང་འགྲོ་བའི་སྣང་ཚུལ་བྱུང་།
དྲ་གྲོགས་ཟུར་མཁར་པ་། ངོ་ཚོ་དང་ང་ཚོ་མང་པོ་ཟེར་གྱིན་ཁྱེད་རིང་ཟུར་དུ་མ་འདུག་ལྷག་བསམ་དང་སྙིང་སྟོབས་ཡོད་ན་ཁ་ཡོད་ལག་མེད་མི་བྱེད་པར་ཁ་ཡོད་ལག་ཡོད་དང་གནད་ལ་འཁེལ་པའི་ལས་འགུལ་ཞིག་ཁྱོད་ཀྱིས་སྤེལ་རོགས།།
དུས་ཚོད་འགྲོ་བཞིན་ཡོད། ཤོར་ཟིན་པའི་དུས་ཚོད་དེ་དག་ཕྱིར་ཡོང་མེད་པ་ཚང་མས་མཁྱེན་གསལ་རེད། དམིགས་གསལ་གྱིས་བོད་དོན་ལས་འགུལ་ཁག་གི་དབུ་ཁྲིད་རྣམས་པས་མཁྱེན་གསལ་རེད།
ལྷ་སར་གཞུང་ཚབ་ཡན་ལག་འཛུགས་ཐུབ་མིན་ལ་རེ་བ་བརྒྱབ་བསྡད་པ་ལས་ང་རང་ཚོའི་གནད་ལ་འཁེལ་བའི་ལས་འགུལ་གང་སྤེལ་རྒྱུ་འདུག་མིན་བསམ་གཞིགས་བྱ་རན་པའི་དུས་ལ་བབ་མི་འདུག་གམ།
དེ་མ་གོ་ན་གནད་འགག་གང་ཡང་མི་འདུག འདོམས་ཞེ་བ་དེ་ཕོ་མོའི་མཚན་མ་ལ་འཇུག་པ་རེད་། གནད་འགག་གཅིག་ནི་ཨ་རིའི་གཞུང་ཚབ་གསར་འཛུགས་ཐུབ་ན་ལེགས་པོ་རེད། ཡིན་ནའང་གནས་སྐབས་རིང་ལ་དེ་འདྲ་འབྱུང་མི་སྲིད་པ་རེད།
གསར་འགྱུར་འདིའི་ཁ་བྱང་ཡ་མཚན་ཞིག་འདུག འདོམ་ཞེས་པའི་ནང་དོན་གང་རེད། ཁ་གསལ་བཟོ་རོགས་གནང་ཞུ་རྒྻུ་ཡིན།