ཐའེ་ཝན་གྱི་སྲིད་འཛིན་མཱ་ཡོན་ཅིག་གིས་༧གོང་ས་མཆོག་ཐའེ་ཝན་ནང་གདན་འདྲེན་ཞུ་རྒྱུར་ངོས་ལེན་གནང་འདུག
ཕྱི་ཚེས་ ༢༦ ཉིན་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། ཐའེ་ཝན་ཀོ་ཞོན་ས་ཁུལ་གྱི་མགོ་གཙོ་ཁྲང་ཅུའུ་དང་ཀོའོ་ཕིིན་གཙོས། ཡོོན་ལིན། ཅཱ་ཡིས་སོགས་རྫོང་རིམ་པའི་དཔོན་རིགས་ཁག་ཅིག་གཙོས་པའི་དྲག་རླུང་གི་གནོད་འཚེ་ཐེབས་པའི་ཡུལ་གྲུའི་མི་མང་གིས། སྲིད་འཛིན་མཱ་ཡོན་ཅིག་ལ་གལ་སྲིད་ཐེངས་འདིའི་གནོད་འཚེ་ཐེབས་ཡུལ་གྱི་ས་ཁུལ་དུ་༧གོང་ས་ཏཱ་ལའི་བླ་མ་མཆོག་གདན་ཞུ་གནང་ཐུབ་པ་ཡིན་ན། ས་དེའི་མི་མང་གི་སྡུག་བསྔལསེལ་ཐུབ་པ་་དང་བཟང་ཕྱོགས་ཀྱི་འཚོ་སྟངས་ལ་སྐུལ་སློང་བྱ་ཐུབ་པ་མ་ཟད། གནོད་འཚེ་ཐེབས་ཡུལ་གྱི་གྱོང་གུད་སླར་གསོ་ལའང་ཕན་ནུས་ཆེན་པོ་འབྱུང་རྒྱུ་ཡིན་པའི་རེ་སྐུལ་དང་། ༧གོང་ས་མཆོག་ཐའེ་ཝན་གྱི་རང་བྱུང་གནོད་འཚེ་ཐེབས་ཡུལ་གྱི་ས་ཁུལ་དུ་གདན་ཞུ་གནང་སྟེ་དེར་ཡོད་ས་གནས་མི་མང་དང་རྐྱེན་ལམ་དུ་ཕྱིན་པ་དེ་དག་གི་ཆེད་བསྔོ་སྨོན་གསོལ་འདེབས་གནང་རྒྱུའི་རེ་འདུན་སྲིད་འཛིན་མཱ་ཡོན་ཅིག་ལ་ཞུས་ཡོད་འདུག་ལ། ཕྱི་ཚེས་ ༢༧ ཉིན་ཐའེ་ཝན་གྱི་སྲིད་འཛིན་མཱ་ཡོན་ཅིག་གིས་གནོད་འཚེ་ཕོག་པའི་ལོང་ཧྭ་སློབ་གྲྭའི་ནང་འཚམས་གཟིགས་སྐབས། དེར་ཡོད་མི་མང་ལ་༧གོང་ས་ཏཱ་ལའི་བླ་མ་མཆོག་ཐའེ་ཝན་དུ་ཕེབས་ཏེ་དྲག་རླུང་གི་གནོད་འཚེ་ཕོག་པའི་མི་མང་དང་རྐྱེན་འདས་སུ་གྱུར་བ་རྣམས་ཀྱི་ཆེད་བསྔོ་བ་སྨོན་ལམ་གནང་རྒྱུར་ཁོ་རང་མོས་མཐུན་ཡོད། ཅེས་དེར་ཡོད་མི་མང་ལ་འགྲེལ་བརྗོད་གནང་ཡོད་པ་རེད།
གནས་ཚུལ་འདིའི་ཐད་སྐུ་སྒེར་ཡིག་ཚང་ནས་བརྗོད་དོན། ད་ལྟའི་ཆར་༧གོང་ས་མཆོག་ལ་དྭགས་ཁུལ་དུ་བཞུགས་ཤིང་། དེར་ཡོད་བོད་རིགས་གཙོས་ཧི་མ་ལ་ཡའི་རི་རྒྱུད་ཀྱི་མི་རིགས་རྣམས་ལ་གསུང་ཆོས་ཀྱི་མཛད་འཕྲིན་སྐྱོང་བཞིན་ཡོད་པ་དང་། སྐབས་དེ་དག་ཏུ་ཁོང་གིས་རང་བྱུང་གནོད་འཚེ་ཁྲོད་རྐྱེན་ལམ་དུ་ཕྱིན་པ་དག་གི་ཆེད་དུ་བསྔོ་སྨོན་ཞུས་ཡོད་པ་རེད། གལ་སྲིད། ཐའེ་ཝན་ལ་ཕེབས་དགོས་པ་ཡིན་ནའང་ཟླ་འདིའི་ཕྱི་ཚེས་ ༣༡ ནས་འཆར་ཟླའི་ཚེས་གསུམ་བར་༧གོང་ས་མཆོག་ཆིབས་བསྒྱུར་གནང་ཐུབ་པའི་རེ་བ་ཡོད། ཅེས་བཤད་ཡོད་པ་རེད
ཨ་རོགས་བོད་མི་ཚོ་འཛམ་གླིང་བསྟན་པ་ཡོངས་རྫོགས་ཀྱི་བདག་པོ་ཁོངཐེ་ཝེན་ལ་བས་རྒྱུར་གནང་དེ་ང་ཚོ་གངས་ཅན་པ་རྣམས་ཀྱི་བདེན་པའི་རྒྱལ་ཁ་ཞིག་ཅི་ལ་མིན
གསར་འགྱུར་སྙན་མོ་ཞིག་རེད། གོ་རྟོགས་ཡོད་པའི་མི་རིགས་ཤིག་ཡིན་ན་འཇིག་རྟེན་གྱི་འོད་ཟེར་མཐོང་ནི་རེད། འོད་ཟེར་དེ་ལས་བདེ་སྐྱིད་ཀྱི་སྣང་བ་ལོངས་སྤྱོད་གནང་ཐུབ་ནི་རེད། ངའི་བླ་མ་ལགས། འགྲོ་བ་ཀུན་གྱི་སྤྱི་གཙིག་གི་ནོར་བུ། གདོན་སེམས་ཞི་བར་བཏུལ་བའི་བྱམས་བརྩེའི་ནུས་པ། འཇིག་རྟེན་དཀར་ངོགས་སུ་སྒྱུར་བའི་ཉི་མའི་དོ་ཟླ་ཡིན།
གནས་སྐབས་རིང་རྒྱ་ནག་གིས་འདི་ལ་ལན་གང་འདྲ་ཞིག་རྒྱག་དགོས་མ་ཤེས་པར་འཐོམ་བསྡད་འདུག་ཅེས་ནེའུ་ཡོག་དུས་བབ་སྟེང་བཀོད་འདུག
དེའི་རྒྱུ་མཚན་གཙོ་བོ་ནི་རྒྱ་ནག་གིས་སྐད་རྒྱག་ས་དེ་མ་ཡོན་ཇིག་ཡིན་པའི་རྐྱེན་གྱིས་ཡིན་པ་འདྲ། ཁོ་སྲིད་འཛིན་ལ་བསླེབས་པ་ནས་བཟུང་རྒྱ་ནག་དང་ཐའེ་ཝན་གྱི་འབྲེལ་བ་ཅུང་ཡག་ཏུ་ཕྱིན་ཡོད་མོད། གློ་བུར་དུ་མ་ཡོང་ཇིག་གིས་མི་དམངས་ཀྱི་གནོན་ཤུགས་འོག་ནས་༧གོང་ས་མཆོག་ཐའེ་ཝན་དུ་ཕེབས་ཆོག་ཚུལ་བཤད་སྐབས། པེ་ཅིན་གྱིས་གློ་བུར་ཐོད་རྒྱག་ལ་ལན་འདེབས་གང་འདྲ་ཞིག་བྱ་དགོས་མིན་མ་ཤེས་པར་ལུས་འདུག་ཟེར། ཕལ་ཆེར་སང་ཉིན་པེ་ཅིན་གྱིས་ཁ་གྲག་སྲིད་པ་རེད།
ཐེ་ཝན་གྱི་སྲིད་འཛིན་མ་ཡིང་ཇུས་སྔོན་མ་༸ གོང་ས་མཆོག་དང་། བོད་གཞུང་ལ་སྣང་ཆུང་གི་ལྟ་བ་ཞིག་བཟུང་ཡོད་ཀྱང་ད་ཆ་རྐྱེན་ངན་གྲོགས་སུ་ཤར་ནས་ཁས་ལེན་མ་བྱེད་ཀ་མེད་ཐུགས་པ་རེད།
དོན་མར་བསམ་གཞིགས་ཡག་པོ་ཞིག་བྱས་ཚེ་བོད་མིའི་བླ་ན་མ་མཆིས་པའི་དབུ་འཁྲིད་༸ གོང་ས་མཆོག་གདན་ཞུ་གནང་ན་ཐེ་ཝན་གཞུང་དང་། མི་དམངས་ལ་འང་ཕན་ཐོགས་ཧ་ཅང་ཆེན་པོ་ཡོད་པ་བཤད་མ་དགོས་པ་ཞིག་རེད།
ཡང་ཧུའི་ཅུན་ཐོ་དང་ཁོའི་ཨབ་ཕྲུག་ཚོ་ཚ་བ་འཕར་བཞིན་པའི་སྒང་ཡིན་རྒྱུ་རེད།
རྒྱ་ནག་གཞུང་གིས་ཅི་ཟེར་གྱིན་ཡོད་མེད་གོ་སོང་ངམ། ཞིན་ཧྭ་གསར་ཁང་གིས་ངོ་རྒོལ་གྱི་བསྒྲགས་གཏམ་ཞིག་སྤེལ་ཡོད་ཚོད་ཡིན།
ད་འདི་རྒྱལ་ཁ་ཞིག་རེད། མ་ཡིང་ཇུ་ཁོ་སྔ་ལོ་བོད་མིར་དཀའ་ངལ་ཆེ་བའི་སྐབས་སུ་སྲིད་འཛིན་དུ་འཁོད་ནས་བཟུང་རྒྱ་དམར་ལ་འབྲེལ་བ་ཟབ་འཛུགས་བྱས་ཏེ། ༸གོང་ས་མཆོག་དང་བོད་གཞུང་ལ་སྣང་ཆུང་མང་པོ་བྱས་སོང་། ད་རེས་རང་བྱུང་གི་གནོད་འཚེ་དེ་བོད་མིར་རྐྱེན་ངན་གྲོགས་ཤར་ལྟ་བུར་གྱུར་ཏེ། ༸གོང་ས་མཆོག་གདན་ཞུ་བྱ་རྒྱུར་ངོས་ལེན་མ་བྱེད་ཀ་མེད་བྱུང་བ་རེད། སྐབས་རེ་རང་བྱུང་གནོད་འཚེས་ཕྱོགས་ཁ་ཤས་ལ་གནོད་ཀྱང་ཁ་ཤས་ལ་ཕན་གྱི་འདུག་ཀ
མ་ཡིང་ཇུ་ཁོས་གནོད་འགོག་མྱུར་སྐྱོབས་ཀྱི་ལས་ཀ་ཡག་པོ་བྱེད་མ་ཐུབ་ཙང་མང་ཚོགས་ཀྱིས་སྐྱོན་བརྗོད་ཤུགས་ཆེན་བྱེད་བཞིན་ཡོད་པ་རེད། དེའི་ཐོག་ཀའོ་ཞུང་མངའ་ཁུལ་གྱི་སྲིད་དོན་པ་སྤྱི་དང་དམིགས་བསལ་ཁ་གཏད་ཚོགས་པའི་གནད་ཡོད་མི་སྣ་ཚོས་༸གོང་ས་མཆོག་ཐུགས་སྨོན་གནང་བར་གདན་ཞུ་དགོས་ཟེར་བས། མ་ཡིང་ཇུ་ཁོས་ཁས་མ་བླངས་ཚེ་ཁོ་རང་གི་ཕུགས་ལམ་ལ་སྐྱོན་ཆེན་པོ་བྱེད་རྒྱུ་ཡིན་པ་གཏན་འཁེལ་རེད།
སྲིད་དོན་པ་འདི་རིགས་མང་པོ་ཞིག་དངོས་གནས་འཁྲབ་སྟོན་པ་རང་རེད། གཅིག་བྱས་ན་ཁོས་༸གོང་ས་མཆོག་ལ་མཇལ་འཕྲད་ཀྱང་ཞུ་སྲིད།