དེ་རིང་རེས་གཟའ་མིག་དམར་ཉིན་གྱི་ཞོགས་པར་ལྷོ་བྱང་ཀོ་རི་ཡ་གཉིས་ཀྱི་ནུབ་ཕྱོགས་མཚོ་གླིང་མཐའ་མཚམས་ཁུལ་དུ་མཐའ་སྲུང་དམག་མིས་བར་འཁྲུག་འཛིང་བྱུང་སྟེ་བྱང་ཁོ་རེའི་དམག་མི་ ༡ བསད་ཡོད་པ་དང་། དམག་མི་ ༣ ལ་རྨས་སྐྱོན་ཕོགས་ཡོད་པ་རེད།
ཕྱི་ཚེས་ ༡༠ ཉིན་གྱི་ཞོགས་པར་བྱང་ཀོ་རི་ཡའི་མཐའ་སྲུང་དམག་གྲུ་ཞིག་ནུབ་ཕྱོགས་མཚོ་གླིང་མཐའ་ཐིག་བརྒལ་ཏེ་ལྷོ་ཀོ་རི་ཡའི་མངའ་ཁོངས་སུ་སིམ་འཛུལ་བྱས་ཡོད་པ་དང་། ལྷོ་ཀོ་རི་ཡའི་ཕྱོགས་ནས་ཐེངས་འགར་ཉེན་བརྡ་བཏང་ཡང་། བྱང་ཀོ་རི་ཡའི་དམག་གྲུས་ཡ་ལན་མ་སྤྲད་པར་སྤྱི་ལེ་ ༢ ཙམ་གྱི་མཚོ་ཁུལ་ལ་སིམ་འཛུམ་བྱས་པར་བརྟེན་མཚོ་ཐོག་དམག་གྲུ་གཉིས་བར་འཁྲུག་འཛིང་བྱུང་སྟེ། བྱང་ཀོ་རི་ཡའི་དམག་མི་ ༡ བསད་ཡོད་པ་དང་། དམག་མི་ ༣ ལ་རྨས་སྐྱོན་ཕོག་ཡོད་པ་རེད།
ལྷོ་ཀོོ་རི་ཡའི་དཔོན་རིགས་ཤིག་གིས་ལྷོ་ཀོ་རི་ཡའི་མཉམ་འབྲེལ་གསར་ཁང་དུ་བརྗོད་དོན། ལྷོ་ཀོ་རི་ཡའི་མཚོ་འགག་མྱུལ་ཞིབ་དམག་གྲུ་ཞིག་ལྷོ་ཀོ་རི་ཡའི་ཕྱོགས་ནས་ཉེན་བརྡ་བཏང་བར་མ་ལྟོས་པར། ད་ནངས་ཞོགས་པར་མཚོ་ཁུལ་མཐའ་ཐིག་བརྒལ་ཏེ་ལྷོ་ཀོ་རི་ཡའི་མངའ་ཁུལ་དུ་ཚུར་རྒོལ་བྱས་པར་བརྟེན། དམག་གྲུ་གཉིས་ཀྱིས་སྒྱོགས་འདེད་འཕེན་རེས་ཀྱིས་འཁྲུག་འཛིང་བྱུང་ཡོད་པ་དང་། བྱང་ཀོ་རི་ཡའི་དམག་གྲུར་གཏོར་སྐྱོན་ཕོག་རྗེས་ཕྱིར་འཐེན་བྱས་ཡོད་ལུགས་དང་། མཚོ་ཁུལ་དེར་ཡོད་པའི་ལྷོ་ཀོ་རི་ཡའི་ཉ་འཛིན་མཚོ་གྲུ་ ༩ ཡོད་པ་ད་ལྟ་བདེ་འཇགས་མཚོ་ཁུལ་དུ་གནས་སྤོར་བྱས་ཡོད་ཚུལ་བརྗོད་ཡོད་པ་རེད།
མཚོ་གླིང་བྱང་ཐིག་ NLL དེ་ནི་ ༡༩༥༣ ལོར་ལྷོ་ཀོ་རི་ཡའི་དམག་འཐབ་མཇུག་སྒྲིལ་རྗེས་ཨ་རི་དང་མཉམ་འབྲེལ་ཞི་བདེ་དཔུང་ཁག་མཉམ་འབྲེལ་ཐོག་གཏན་འབེབས་གནང་བ་ཞིག་ཡིན་པ་དང་། བྱང་ཀོ་རི་ཡས་མཐའ་མཚམས་མཚོ་ཐིག་དེར་ངོས་ལེན་གནང་གིན་མེད་པ་ཞིག་ཡིན་འདུག
དེ་བཞིན་ཟླ་སྔོན་མའི་ནང་ལྷོ་ཀོ་རི་ཡའི་མཚོ་དམག་གིས་བྱང་ཀོ་རི་ཡའི་མྱུལ་ཞིབ་དམག་གྲུ་ཉིན་གཅིག་ལ་ཐེངས་བཅུར་མཐའ་མཚམས་མཚོ་ཐིག་བརྒལ་ཏེ་ཟིང་ཆ་བསླངས་ཡོད་ཚུལ་འགྲེལ་བརྗོད་བྱས་ཡོད་པར་མ་ཟད། མཚོ་ཐིག་བརྒལ་བའི་སིམ་འཛུལ་གྱི་བྱ་སྤྱོད་ཅི་རིགས་ལ་རྒོལ་ལན་སློག་རྒྱུ་ཡིན་པའི་ཉེན་བརྡའང་བཏང་ཡོད་པ་རེད།
ལོ་བཅུའི་ཡར་སྔོན་དུའང་ལྷོ་བྱང་ཀོ་རི་ཡ་གཉིས་ཀྱི་བར་མཚོ་གླིང་མཐའ་མཚམས་ཁུལ་དེར་དམག་འཁྲུག་བྱུང་མྱོང་ཡོད་པ་རེད། དེའི་ཁྲོད་ ༡༩༩༩ ལོའི་དམག་འཐབ་སྐབས་བྱང་ཀོ་རི་ཡའི་དམག་གྲུ་གཅིག་རྩ་གཏོར་དང་། ཕྱོགས་གཉིས་ཀྱི་དམག་གྲུ་རེ་འགར་གནོད་སྐྱོན་ཕོག་མྱོང་ཡོད་པ་རེད། ༢༠༠༢ ལོར་ལྷོ་བྱང་མཐའ་མཚམས་ཁུལ་གཉིས་སུ་ཡང་བསྐྱར་དམག་འཐབ་བྱུང་སྟེ། ལྷོ་ཀོ་རི་ཡའི་དམག་དཔོན་ ༤ དང་བྱང་ཀོ་རི་ཡའི་དམག་མི་ ༣༠ ལྷག་ཆུ་ཚོད་སྐར་མ་ ༢༠ ནང་རྐྱེན་འདས་སུ་བཏང་ཡོད་པ་རེད།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
གཅིག་ལ་རྒྱ་ནག་གིས་རྒྱབ་སྐྱོར་ཡོད།
གཅིག་ལ་ཨ་རིག་གིས་རྒྱ་སྐྱོར་ཡོད།
དམག་རྒྱོབ་ཡ་ངའི་ལྟད་མོ་ཞིག་བལྟ་འོང་།
དངོས་གནས་ཧུ་ཐུག་དུས་དཀའ་མོ་ཡིན། ད་དམག་ཞིག་རྒྱོབ་དང་།
རྒྱལ་ཁབ་སྟོབས་ཆེ་ཆུང་གང་ཞིག་ཡིན་ནའང་། དམག་འཁྲུག་ནི་མཐའ་གཅིག་ཏུ་སྡུག་བསྔལ་ཞིག་ཡིན་ལ། མ་ཟད་དེའི་མཐར་འབྲས་ཡང་སྡུག་བསྔལ་ཞིག་ཡིན། དེས་ན་དམག་འཁྲུག་ཆེ་ཆུང་གང་ཞིག་བྱུང་ན་མྱུར་དུ་དེ་མེད་ཐབས་དང་། ཕྱོགས་གཉིས་ལ་ཞི་བདེ་འོངས་ཐབས་འབད་དགོས། གལ་སྲིད་དངོས་སུ་ཕར་ཐོགས་ཐུབ་པའི་ནུས་པ་མེད་ན་སྨོན་ལམ་ཡག་པོ་རེ་དང་། གསོལ་འདེབས་ཤུགས་དྲགས་རེ་བྱེད་རྒྱུ་གལ་ཆེ།
ཞི་བདེ་མི་དགོས་ན་དམག་རྒྱོབ་ཡ།
ཨོ་ད་འདི། ཉིན་གུང་རྒྱ་ཡིག་དྲ་རྒྱ་ནས་ཨ་ཧྭ་མ་ཞིག་བཀླགས་པ་དེ་འགྲིག་ག
ཨོ་རེད་རེད། གསར་འགྱུར་འདིའི་ཚན་པ་གསུམ་པའི་ཡིག་ཕྲེང་དང་པོའི་འགོ་ནས་”ལྷོ་ཀོ་རི་ཡའི་མཚོ་འགག་མྱུལ་ཞིབ་དམག་གྲུ་ཞིག་ལྷོ་ཀོ་རི་ཡའི་ཕྱོགས་ནས་ཉེན་བརྡ་བཏང་བར་མ་ལྟོས་པར། “ཞེས་པ་འདི་བྱང་ཀོ་རི་ཡའི་མཚོ་འགག་མྱུལ་ཞིབ་ཅེས་པ་ཡིན་ནམ་སྙམ་པས་དཔྱད་བཅོས་གནང་རོགས།