དམངས་གཙོ་ཡར་ཐོན་ཚོགས་པའི་ལས་ཐོག་སྲིད་འཛིན་གཞོན་པ་དང་ཕྱི་ལོ་ ༢༠༢༤ ལོའི་སྲིད་འཛིན་གྱི་འོས་མི་ལེ་ཆིན་ཏི་མཆོག་གིས་ཐའེ་ཝན་རྒྱལ་ཡོངས་འོས་བསྡུའི་ཁྲོད་མི་མང་གིས་དམངས་གཙོ་དང་རྒྱ་ནག་གཉིས་ལས་གཅིག་འདེམས་དགོས་སྐོར་བརྗོད་འདུག་་་

རྒྱ་ནག་གཞུང་གིས་རྒྱ་ནག་གི་རྩེད་རིགས་ཐད་གཏོང་བྱེད་ས་དུ་ཡུ་ཡི་སྤྱི་ཁྱབ་འགན་འཛིན་ཁྲན་ཧྲོ་ཇི་ཁྲི་འདུ་གྲོང་ཁྱེར་ནས་འཛིན་བཟུང་བཙན་ཁྲིད་བྱས་ཡོད་འདུག ་་་

རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱིས་རྒྱ་ནག་གཞུང་གིས་ཁ་ཆེའི་མཆོད་ཁང་གཏོར་བཤིག་དང་སྒོ་རྒྱག་བཅུག་པ། དེ་བཞིན་མཆོད་ཁང་གི་བཟོ་བཀོད་བརྗེ་སྒྱུར་གཏོང་གི་ཡོད་པར་སྐྱོན་བརྗོད་བྱས་ཡོད་འདུག་་་

བོད་དཀར་མཛེས་ཁུལ་གྱི་ཁུལ་དཔོན་ཀྲེང་ཐིན་ཆང་ཟེར་བས་ཁྲིམས་འགལ་ཐོག་ཁྲིམས་ཆད་ལག་བསྟར་གྱི་ལས་དོན་ལ་མཐུན་སྦྱོར་བྱས་པའི་ཉེས་མིང་འོག་ཆབ་སྲིད་ཀྱི་གོ་གནས་ནས་ཕབ་ཡོད་འདུག་་་

ཕྱི་ཟླ་ ༡༢ ཚེས ༡༢ ཉིན་༧གོང་ས་རྒྱལ་བ་རིན་པོ་ཆེ་མཆོག་གིས་སྒང་ཐོག་དཔལ་འབྱོར་རྩེད་ཐང་དུ་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་གསུང་ཆོས་སྩལ་རྒྱུ་ཡིན་འདུག་་་

དེ་རིང་སྔ་དྲོ་བཞུགས་སྒར་རྒྱལ་བའི་ཕོ་བྲང་དུ་༧གོང་ས་རྒྱལ་བ་རིན་པོ་ཆེ་མཆོག་གིས། ཡུ་རོབ་གྲོས་ཚོགས་ཀྱི་སྲིད་འཛིན་ཟུར་བ་འབུམ་རམས་པ་ཧན་སི་གྷར་ཊི་པོ་ཊི་རེན་ལགས་སུ་མཇལ་ཁ་དང་བཀའ་སློབ་བསྩལ་འདུག་་་

དེ་རིང་ཕྱི་ཚེས་ ༢༠ ནས་བདུན་ཕྲག་གཅིག་རིང་བོད་མིའི་སྒྲིག་འཛུགས་ཕྱི་འབྲེལ་ལས་ཁུངས་ཀྱི་གོ་སྒྲིག་འོག་བོད་དོན་ཞུ་གཏུགས་ཀྱི་པར་རིས་འགྲེམ་སྟོན་ཞིག་གནང་གི་འདུག ་་་