གསར་སྙིང་།

དེ་རིང་སྔ་དྲོར་ཨ་རུ་ནཱ་ཅལ་མངའ་སྡེའི་ཡུལ་སྐོར་སྤྲོ་འཆམ་བློན་ཆེན་པདྨ་མཁའ་འགྲོ་མཆོག་མངའ་སྡེའི་སྤྱི་ཁྱབ་བློན་ཆེན་དུ་བདམས་འཐོན་བྱུང་བའི་ལས་འཁུར་དམ་འབུལ་ཞུས་ཡོད་འདུག་་་

རྒྱ་གར་གྱི་ཚོང་པ་གསེར་གྱི་སྟོད་གོས་ཅན་ཌཱ་ཐཱ་ཧྥུ་གྷེ་ཟེར་བར་མི་མང་པོས་རུབ་བརྡུང་བྱས་ཏེ་དམར་གསོད་བཏང་ཡོད་འདུག་་་

པཎ་ཆེན་རྒྱལ་མཚན་ནོར་བུ་ལགས་ཀྱིས་གཞིས་ཀ་རྩེ་རུ་དུས་འཁོར་དབང་ཆེན་གནང་རྒྱུ་ཡིན་པས་མི་མང་པོ་ཡོང་དགོས་པའི་བཀའ་བཏང་ཡོད་འདུག་་་

བཞུགས་སྒར་དྷ་རམ་ས་ལར་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ཉེར་བརྒྱད་དབུ་འཛུགས་གནང་འདུག་་་

ཉེ་སྔོན་རྒྱ་གཞུང་གིས་མཁན་པོ་དཀར་ཚེ་ལགས་ཀློད་གྲོལ་བཏང་ཡོད་ཀྱང་མུ་མཐུད་ལྟ་རྟོག་བྱས་ཏེ་ཡུལ་ཤུལ་ཁུལ་ཐོག་གི་ཉེ་འབྲེལ་ཞིག་གི་ནང་སྡོད་དུ་བཅུག་ཡོད་འདུག་་་

ཟླ་འདིའི་ཚེས་ ༡༣ དང་ ༡༤ བཅས་ཉིན་གཉིས་རིང་༧གོང་ས་མཆོག་མཚོ་པདྨར་ཆིབས་བསྒྱུར་བསྐྱངས་ཏེ་མི་མང་ལ་གསུང་བཤད་དང་བྱང་གཏེར་རིག་འཛིན་གདུང་སྒྲུབ་ཀྱི་བཀའ་དབང་བསྩལ་ཡོད་འདུག་་་

ད་ལོའི་༧གོང་ས་མཆོག་གི་འཁྲུངས་སྐར་ལ་ཨོ་སོ་ཁྲོ་ལེ་ཡའི་མཁར་རྫོང་གསར་པར་དུས་སྟོན་ཚོགས་པ་དང་བསྟུན་ཏེ་མདོ་སྨད་པ་སྐོར་ཞིག་གིས་སྲོལ་རྒྱུན་དར་སྤེལ་ཆེད་མདའ་རྩེད་འགྲན་བསྡུར་ཞིག་ཀྱང་གནང་ཡོད་འདུག་་་

མདང་དགོང་ཧྥ་རན་སིའི་རྒྱལ་ཡོངས་དུས་ཆེན་གྱི་སྤྲོ་ཚོགས་གྲོལ་རྗེས་ནི་སི་གྲོང་ཁྱེར་གྱི་མི་ཚོགས་ནང་སྐྱེལ་འདྲེན་རླངས་འཁོར་ཞིག་གང་བྱུང་དུ་བཏང་སྟེ་ཉུང་མཐར་མི་གྲངས་ ༨༠ རྐྱེན་ལམ་དུ་བཏང་ཡོད་འདུག་་་