རྒྱལ་སྤྱི།

ཨ་རིའི་མཐོ་རིམ་ཁྲིམས་ཁང་ཞིག་གིས་ཨ་རིའི་ནང་མཐོ་སློབ་འགྲིམ་བཞིན་པའི་རྒྱ་ནག་གི་སློབ་མ་གསུམ་ལ་ལོ་ ༦ ནས་ ༡༣ བར་གྱི་བཙོན་འཇུག་ཁྲིམས་ཐག་བཅད་འདུག་་་

ཏུར་ཀི་སྤྱི་མཐུན་རྒྱལ་ཁབ་ཀྱི་རྒྱལ་ས་ཨན་ཀ་རའི་ནང་འགལ་རྫས་བཀལ་གཏོར་བཏང་སྟེ་དམག་མི་དང་སེར་མི་ ༨༩ ཤི་རྨས་ཡོད་འདུག་་་

ཐའེ་ཝན་གྱི་སྲིད་འཛིན་གསར་པ་ལྕམ་ཚའེ་ཡེན་ཝིན་གྱིས་ཤར་ནུབ་རྒྱལ་ཁབ་ཚང་མས་ཞི་བདེ་རྩ་བར་བཟུང་སྟེ་རྒྱ་ནག་གི་ལྷོ་རྒྱུད་མཚོ་ཁུལ་རྩོད་གླེང་འདུམ་འགྲིག་ཡོང་ཐབས་བྱེད་དགོས་སྐོར་བརྗོད་འདུག་་་

ཨུ་རུ་སུ་དང་སི་རི་ཡའི་མཉམ་འབྲེལ་དམག་དཔུང་གིས་འཇིགས་སྐུལ་དྲག་སྤྱོད་པའི་ས་ཚིགས་ཤིག་ལ་འཐབ་རྒོལ་བྱས་ཏེ་དྲག་སྤྱོད་པ་མང་པོ་ཤི་རྨས་ཐེབས་པའི་ཁྲོད་སྐྱབས་བཅོལ་བའང་མང་པོ་ཚུད་ཡོད་འདུག་་་

ལྷོ་ཤར་ཨེ་ཤ་ཡའི་ལྷན་ཚོགས་ཨ་རིར་འཚོགས་བཞིན་ཡོད་པའི་སྟེང་རྒྱ་ནག་གིས་ཁྱིམ་མཚེས་རྒྱལ་ཁབ་ཆུང་ཁག་ལ་ཐུབ་ཚོད་གཏོང་བཞིན་པ་མཚམས་འཇོག་དགོས་པའི་རྣམ་འགྱུར་བསྟན་ཡོད་འདུག་་་

ཡུ་རོབ་གླིང་གི་ངར་ལྕགས་བཟོ་ལས་ཐོན་སྐྱེད་ཁག་གིས་རྒྱ་ནག་གི་ངར་ལྕགས་མང་པོ་ནང་འདྲེན་བྱས་པར་བརྟེན་ཏེ། ཡུ་རོབ་གླིང་གི་བཟོ་ལས་ཐོན་སྐྱེད་ལ་ཉམ་ཉེས་ཆེན་པོ་བྱུང་སྟེ་ལས་ཤོར་བ་མང་པོས་ངོ་རྒོལ་བྱེད་བཞིན་ཡོད་འདུག་་་

ཐའེ་ཝན་ས་ཡོམ་ཁྲོད་རྡིབ་སྐྱོན་བྱུང་སྟེ་མི་མང་པོ་འདས་སུ་རྐྱེན་བཏང་བའི་ཝེ་ཀན་ཅིན་ལུང་ཁང་རྩེག་ཆེན་མོའི་སྤྱིན་བདག་གིས་མིང་ཐེངས་གསུམ་ལ་བརྗེས་འདུག་ཟེར།་་་

རྒྱ་དཀར་ནག་གཉིས་ཀྱི་མཐའ་སྲུང་དམག་དཔུང་མཉམ་འབྲེལ་དམག་སྦྱོང་དེ་ཕྱོགས་གཉིས་ཀྱི་འབྲེལ་ལམ་ཡར་རྒྱས་དང་དུས་ཡུན་རིང་བོའི་མཐའ་མཚམས་རྩོད་གླེང་གི་རྙོག་འཛིང་འགྲིག་ཡོང་ཐབས་ཡིན་ཟེར།་་་