བོད་རིགས་བུ་མོ་གཉིས་ཀྱིས་ཨ་ཧྥི་རི་ཁའི་ནང་བསྐྱལ་བའི་དཀའ་སྡུག་གི་ལོ་ཟླ།

ང་ལའང་དངོས་སྒྲུང་སྙན་པོ་གཉིས་བཤད་ཡ་ཡོད། སྤྱི་ལོ་༢༠༡༢་ལོར་ལྡི་ལི་ནས་བོད་སྒར་བསམ་ཡས་གླིང་གི་ཕྱི་རྒྱལ་ལ་གཏོང་མཁན་བོད་པ་ཞིག་གིས་ཕོ་གསར་མོ་གསར་ ༡༡གི་ལག་ནས་ཧིན་སྒོར་འབུམ་ ༧་རེ་བླངས་ཏེ་ཡུ་རོབ་ལ་བསྐྱེལ་རྒྱུ་ཁས་ལེན་བྱས་ཡོད་པ་དང་། དངུལ་འབུམ་ ༢ རེ་སྔ་འདོན་གྱིས་ལམ་ཁྲིད་ལ་སྤྲད་ཡོད་པ་དང་ལྷག་མ་དངུལ་འབུམ་༡༠ རེ་ལྡི་ལི་དང་རྡ་རམ་ས་ལའི་ཕྱོགས་གཉིས་ཀས་ཡིད་ཆས་ཡོད་ས་ཞིག་ཏུ་བཅོལ་ཏེ། ཕར་ཡོ་རོལ་ལུང་པར་བསླེབས་རྗེས་གཞི་ནས་ལམ་ཁྲིད་པར་སྤྲོད་རྒྱུ་བྱས་འདུག མི་དེ་དག་གི་ཁྲོད་དུ་ཕ་ཡུལ་ཨ་མདོ་ནས་ཡིན་པའི་བུ་མོ་མངལ་ཆགས་ཏེ་ཟླ་བ་ ༤ ་ཡིན་པའི་སྦྲུམ་མ་ཞིག་ཡོད་པ་མ་ཟད་ཁོ་མོའི་དགའ་རོགས་ཀྱང་ཡོད་འདུག རྒྱ་གར་ནས་གནམ་གྲུ་བརྒྱུད་ཐེ་ལན་ཀྲིའི་རྒྱལ་ས་བྷན་ཀོག་ཏུ་འབྱོར་ནས་ཟླ་ ༥ལྷག་ཡོ་རོབ་ལུང་པར་འགྲོ་སྟབས་མ་འགྲིག་པར་ལྷག་སྐབས། བུ་མོ་དེར་ཕྲུ་གུ་བཙས་འདུག ཕྲུ་གུ་བཙས་བདུན་ཕྲག་གཅིག་ལས་མ་ཕྱིན་པར་ལམ་ཁྲིད་པས་བློ་བུར་དུ་ཚང་མ་འགྲོ་དགོས་རབས་བཤད་པའི་དབང་གིས་ཕྲུ་གུ་དམར་འབྱར་མ་བུ་གཉིས་བྷན་ཀོག་སྨན་ཁང་ཞིག་ནས་བཞག་སྟེ་གཞན་མི་ ༡༠ དེ་མི་འགྲོ་ཐབས་མེད་བྱུང་འདུག མ་སྨད་གཉིས་སྨན་ཁང་ནས་ཟླ་༤ ཙམ་རིང་བསྡད་ཀྱང་སོ་སོའི་དགའ་རོགས་ཀྱི་ཕྱོགས་དང་ལམ་ཁྲིད་པའི་ཕྱོགས་གཉིས་ཀ་ནས་བདག་པོ་རྒྱག་མཁན་གཅིག་ཀྱང་མ་བྱུང་སྟབས་དཀའ་སྡུག་མང་པོ་མྱངས་ཡོད་པ་དང་། མཐའ་མ་ཐེ་ལན་ཀྲའི་ཆོས་ཚོགས་ཤིག་གི་རོགས་རམ་འོག་ཕྱི་རྒྱ་གར་ནང་བསྐྱལ་ཡོད་འདུག འདི་དངོས་སྒྲུང་དང་པོ་དེ་ཡིན།
དངོས་སྒྲུང་གཉིས་པ་ནི་སྤྱི་ལོ་ ༢༠༡༣ལོར་ཡུ་རོབ་ནང་ཁྲིད་མཁན་མགོ་བ་གཙོ་བོ་རྒྱ་རིགས་ཡིན་པ་ཞིག་གི་འོག་ཏུ་བོད་པ་དང་བལ་བོ། རྒྱ་གར་བ་སོགས་མི་འཚོལ་མཁན་མང་པོ་ཞིག་ཡོད་པ་དང་། རྡ་རམ་ས་ལ་དང་རྡི་ལི་སོགས་ཀྱི་བོད་མི་ཚོས་ཕྱི་རྒྱལ་དུ་འགྲོ་མཁན་མི་འཚོལ་བཞིན་ཡོད་པ་དང་མི་གཅིག་རེ་ལ་ཧིན་སྒོར་འབུམ་ ༡༠ རེ་སྤྲོད་དགོས་ཀྱི་ཡོད་འདུག ཐེངས་ཤིག་ཁོ་རང་ཚོས་མི་མང་པོ་ཞིག་ཨ་ཧྥེ་རི་ཀའི་ནང་བརྒྱུད་དེ་ཡོ་རོབ་ཏུ་ཁྲིད་རྩིས་བྱས་ཡོད་ཀྱང་ལམ་ལྷུང་མ་བྱུང་བར་ཨ་ཧྥེ་རི་ཀའི་ནང་ནས་ཟླ་བ་ལོ་གཅིག་ལྷག་ལ་སྡོད་དགོས་བྱུང་འདུག སྤྱི་ལོ ༢༠༠༦ ལོ་ཙམ་ནས་སུད་སིའི་ནང་ཕྱིན་པའི་ཕོ་གསར་ཞིག་གིས་རྒྱ་གར་ནང་ཡོད་པའི་སོ་སོའི་དགའ་རོགས་བཟའ་ཚང་གི་ངོ་བོའི་ཐོག་ནས་ཚུར་འཐེན་པའི་ཐབས་ཤེས་མང་པོ་བྱས་ཀྱང་འཐེན་མ་ཐུབ་པར་ལྷག་ཡོད་པ་མཐའ་མ་དེར་དངུལ་འབུམ་ ༡༠ སྤྲད་དེ་ལམ་ཁྲིད་དེའི་ལག་འོག་ནས་ཚུར་སུད་སིའི་ནང་འཐེན་པའི་ཐབས་ཤེས་བྱས་འདུག
ཁོ་རང་ཚོ་རྒྱ་གར་ནས་འཐོན་ཏེ་ཨ་ཧྥེ་རི་ཁའི་ནང་ལོ་གཅིག་ལྷག་ལ་ཁྲིད་མ་ཐུབ་པར་ལྷག་ཡོད་སྟབས་ལམ་ཁྲིད་པ་དང་ཁོ་རང་ཚོའི་བར་འཁྲུག་འཛིང་ཤོར་ཏེ་མི་ཁ་ཤས་ཕྱིར་རྒྱ་གར་ནང་ལོག་ཡོད་འདུག ཁོ་ཚོར་ཨ་ཧྥེ་རི་ཀའི་ནང་གི་མི་རིགས་ནག་པོ་ཚོས་བརྙས་བཅོས་ཉེས་རྡུང་མང་པོ་བཏང་ཡོད་པ་དང་། ཟ་མ་མ་རེག་པ་དང་ན་ཚ་འདྲ་མིན་བྱུང་བ་སོགས་ཀྱི་དཀའ་ངལ་ཡང་མང་པོ་འཕྲད་ཡོད་འདུག ཐོག་མ་ཁོ་རང་ཚོ་རྒྱ་གར་ནས་ཡོང་སྐབས་མི་ག་ཚོད་ཡོད་མེད་ཧ་ག་མ་སོང་ཡང་ཟླ་ལོ་གཅིག་དང་ཟླ་བ་བདུན་གྱི་རྗེས་ལ་ཨེ་ཊ་ལིའི་ནང་འབྱོར་སྐབས་མི་ ༤ ་ལས་མེད་པ་དང་། དེ་དག་སུད་སིའི་ནང་གི་ཕ་སར་དེའི་དགའ་རོགས་རྡ་རམ་ས་ལ་ནས་ཡིན་པའི་ཁམས་ཕྱོགས་ཀྱི་བུ་མོ་ཞིག་ཡོད་པ་དེར་ཨ་ཧྥེ་རི་ཀའི་ནང་མི་གཞན་གྱིས་བཙན་གཡེམ་ཐེབས་ཏེ་མི་རིགས་ནག་པོའི་ཕྲུ་གུ་ནག་རིལ་རིལ་ཞིག་སྐྱེས་ཀྱང་ཡོད་འདུག ཡིན་ནའང་ཕོ་གསར་དེས་སོ་སོའི་དགའ་རོགས་ལ་སྙིང་རྗེས་མཐོང་སྟེ་ཨེ་ཊ་ལི་ནས་ཚུར་སུད་སིའི་ནང་འཐེན་ཏེ་ད་ལྟ་མི་རིགས་ནག་པོའི་ཕྲུ་གུ་དེ་དང་ཁོ་རང་གསུམ་མཉམ་དུ་བསྡད་ཡོད་པ་རེད།
འདི་གཉིས་ང་རང་གིས་དངོས་སུ་མཐོང་མཐོས་བྱུང་བའི་གནས་ཚུལ་ཞིག་ཡིན།

སྡེ་དགེ་ཚོགས་པ་ལ་བཀའ་དྲིན་ཆེ་ཞུ་རྒྱུ་དང་། དེ་བཞིན་ཨ་ཧྥི་རི་ཀའི་དོན་གཅོད་ལ་ཧ་ཅང་སྙིང་ན་སོང་། དེ་རིང་མཆན་འདི་ཚོ་ཡང་ཡག་པོ་འདུག་ལ། སྤྱི་ཚོགས་དྲྭ་འབུ་ཡང་དཀོན་ཙམ་གདའ།
མ་གཞི་སྤྱི་ཚོགས་དྲྭ་འབུ་དག་གིས་ནི་གནས་ཚུལ་བཟང་པོ་དག་མཐོང་མི་སྲིད་པས་ཡིན་སྲིད།

ད་རེས་ཀྱི་གནས་ཚུལ་གལ་ཆེན་འདི་ལ་མཆན་བུ་འདེབས་མཁན་དག་གི་དགོངས་ཚུལ་ཡང་གལ་ཆེན་པོ་རྐྱང་རེད་འདུག ལྷག་པར་དུ་རྣམ་རྒྱལ་ཚེ་རིང་ལགས་ཀྱི་ཚོར་ཤུགས་ཆེན་པོས་གསུངས་པའི་བཀའ་མོལ་གནང་དོན་ཁག་ལ་རྒྱབ་སྐྱོར་བརྒྱ་ཆའི་བརྒྱ་ཡོད་དོ།།

དེང་གི་སྐད་འཕྲིན་ནང་དུ་མགོ་བདེ་བོ་ཚོས་བྱེད་སྟངས་སྤྱོད་སྟངས་དེ་ཧ་ཅང་ཉེན་ཁ་ཚ་བོ་ཞིག་ཆགས་འདུག ལས་དོན་ཡག་པོ་སྒྲུབ་པ་ཡང་ཡོད་པ་རེད། བོད་ནང་གི་ནད་པ་ཉམ་ཐག་ལ་ཞལ་འདེབས་སློང་བ་སོགས་ལས་དོན་གལ་ཆེན་པོ་མང་པོ་ཞིག་བསྒྲུབ་ཡོད་ཀྱང་། བཙན་བྱོལ་ནང་གི་མགོ་བདེ་བོ་གཡོ་སྒྱུ་ཅན་རེ་ཟུང་གིས་སྐད་འཕྲིན་ནང་ལ་སྐད་ཆ་བཤད་སྟངས་དང་བྱ་བ་བྱེད་སྟངས་མཐོང་ན་ངོ་མ་ཉེན་ཁ་ཞིག་མཐོང་གི་འདུག

ད་རེས་སྡེ་དགེ་ཚོགས་པས་སྐད་གྲགས་ཆེན་པོ་བཞག་གནང་སོང་། ཁ་ཙམ་མིན་པར་སྤྱི་ཚོགས་ཞབས་ཞུ་དངོས་སུ་ལག་ལེན་འཁྱལ་མཁན་སྡེ་དགེ་ཚོགས་པ་དང་གནས་ཚུལ་གལ་ཆེན་གྱི་གཏམ་བཟང་དེ་ཁྱབ་བསྒྲགས་གནང་མཁན་བོད་ཀྱི་དུས་བབ་གཉིས་ཀར་ཐུགས་རྗེ་ཆེ་ཞུ། འདི་དང་འབྲེལ་ནས་བསམ་ཚུལ་ཟེར་ན་འདྲ་དོགས་པ་ཟེར་ན་འདྲ་སྐད་ཆ་ཁ་ཤས་ཤིག་མི་ཞུ་རང་ཞུ་ཐུག་སོང་།
ཐོག་མ་དེ་ལ་དོགས་འདྲི་ཁ་ཤས་འདུག དཀོན་མཆོག་བསྟན་འཛིན་ཁོང་ཕར་ལྷོ་ཨ་ཧྥི་རི་ཁའི་ནང་ཕེབས་སྐབས་དེ་རང་ལ་བུ་མོ་གཉིས་ཚུར་འཐེན་མ་ཐུབ་པར་ལོ་གཅིག་ལྷག་རིང་ཕར་ཕྱོགས་ཀྱི་དཀའ་ངལ་འོག་ནས་ལྷག་དགོས་དོན་ག་རེ་ཡིན་ནམ། གཅིག་བྱས་ན་ཡིག་ཆ་བཟོ་བ་དང་སྐྱབས་བཅོལ་ག་བ་འགྲོ་ཡུལ་སོགས་ཐབས་ཤེས་འཚོལ་ཞིབ་བྱེད་པ་སོགས་ལ་དཀའ་ངལ་ཡོད་སྲིད་པ་ཞིག་རེད། འདི་ལ་རྒྱུ་མཚན་གཞན་མེད་པར་ང་རང་གིས་ཤེས་འདོད་ཙམ་ཡིན།
གཉིས་པ་དེ་གོང་གི་གནས་ཚུལ་དང་བུ་མོ་དེ་གཉིས་ཀྱི་པར་དང་མིང་སོགས་གསལ་བོ་མི་འདུག ཁོ་རང་གཉིས་ལ་མགོ་སྐོར་གཏོང་མཁན་སྐལ་བཟང་རྒྱལ་མཚོ་ཟེར་བའི་མི་ངན་དེ་ཁོ་རང་སྒེར་གྱི་ལོ་རྒྱུས་དང་གནས་ཚུལ་གསལ་བོ་ཞིག་མི་འདུག བུ་མོ་གཉིས་ལ་མཚོན་ན་གཅིག་བྱས་ན་པར་དང་མིང་ཕྱི་ལོག་ལ་ཁྱབ་བསྒྲགས་བྱས་ན་མི་འགྲིག་པ་མང་པོ་ཞིག་ཡོད་སྲིད་ཀྱང་། མིའི་ནག་འཚོང་རྒྱག་མཁན་དང་། ལྷག་པར་དུ་བོད་པ་རང་གི་སྤྱི་ཚོགས་ནང་གི་མི་ཉམས་ཆུང་དེ་འདྲ་ལ་མགོ་གཡོག་མགོ་སྐོར་གཏོང་མཁན་ཐ་ཤལ་དེ་རིགས་ངེས་པར་དུ་སྤྱི་ཚོགས་ནང་ཁྱབ་བསྒྲགས་བྱེད་དགོས་པ་རེད། ད་རེས་ཀྱི་གནས་ཚུལ་འདི་གཅིག་པོ་མ་རེད་ལྡི་ལི་མ་ཅེང་ཊེ་ལ་དང་རྡ་རམ་ས་ལ་སོགས་སུ་ལས་ཀ་འདི་རིགས་བྱས་ཏེ་མིའི་ལག་ནས་དངུལ་འབུམ་བཅུ་བཅོ་ལྔ་བླངས་ཏེ་མགོ་སྐོར་གཏོང་མཁན་སྡུག་པོ་ཧ་ལས་པ་མྱོང་མཁན་ཧ་ཅང་མང་པོ་འདུག འདི་དག་གིས་མི་ཚོང་རྒྱག་གི་ཡོད་པ་ཡིན་དུས་རྒྱལ་སྤྱི་དང་རྒྱལ་ཁབ་སོ་སོའི་ཁྲིམས་ལ་འགལ་ཡོད་པ་མ་ཟད། བོད་པ་རང་གི་སྤྱི་ཚོགས་ནང་ལ་མཚོན་ན་ཡང་ཁྲམ་པ་མགོ་སྐོར་གཏོང་མཁན་གྱི་མི་ངན་དང་། རང་གི་བཙན་བྱོལ་སྤྱི་ཚོགས་ཆུང་ཆུང་འདིའི་ནང་གི་མི་ཚོས་ལག་ནས་དངུལ་བླངས་ཏེ་གཞན་ལ་འཚོང་མཁན་དེ་ཆགས་ཡོད་པ་རེད། འདི་དག་སྤྱི་ཚོགས་ཐོག་ཁྱབ་བསྒྲགས་བྱས་ཏེ་ཚང་མས་མཐའ་གཅིག་ཏུ་ངོ་རྒོལ་རྒྱག་དགོས་པ་རེད།
བསམ་ཚུལ་གལ་ཆེ་ཤོས་ཤིག་ཞུ་རྒྱུ་ཡོད་པ་དེ། བཙན་བྱོལ་བོད་གཞུང་གི་ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་ཁང་གིས་(ང་ཚོའི་དོན་གཅོད་ཡོད་ས་དང་། བུ་མོ་གཉིས་ཡོད་སའི་ས་ཆ་གཉིས་ཧ་ཅང་ཁ་ཐག་རིང་པོ་རེད། ང་ཚོའི་ནུས་པས་སྙོབ་ཀྱི་མི་འདུག)ཞེས་ཁ་ཡ་མ་བྱས་པར་བཞག་པ་དེ་ཧ་ཅང་ཐབས་སྐྱོ་བོ་རེད། སྡེ་དགེ་ཚོགས་གཙོའི་ངོས་ནས་(དངོས་འབྲེལ་ཡུལ་དུས་དང་། གནད་དོན་གཞན་གྱིས་རྐྱེན་པས་གཞུང་འབྲེལ་ལག་པ་འཆིང་མ་བདེ་བ་ཡོད་སྲིད་པ་རེད།) ཅེས་བརྗོད་འདུག་པ་འདི་རྩ་བའི་བོད་པའི་བཟང་སྤྱོད་ཅིག་ཡིན་སྲིད་པ་རེད། ཡང་ན་ཚར་ཟིན་པའི་གནས་ཚུལ་ཞིག་བསྐྱར་གླེང་བྱས་ན་ཕན་ཐོག་མི་འདུག་དགོངས་ཀྱི་ཡོད་པ་རེད། ངན་པ་དེར་ཐད་ཀར་མཛུབ་མོ་བཙུགས་ཏེ་འཐེར་འདོན་མ་བྱས་ན་ཁོ་རང་ཚོའི་མགོ་བདེ་དྲན་འཁྲུལ་གྱི་བཤད་སྟངས་སྤྱོད་སྟངས་དེ་དག་ལམ་ལྷུང་ཡོང་གི་ཡོད་པ་དང་རྒྱ་ཆེའི་མང་ཚོགས་ལ་མགོ་སྐོར་གཏོང་ཐུབ་ཀྱི་ཡོད་སྣང་ཤར་ད་དུང་མ་འོངས་པར་ཡང་དེ་རིགས་ལ་ཁ་ཡ་མི་བྱེད་པར་ཁ་ཡར་དཀྱོག་མར་དཀྱོག་བྱས་ཏེ་ངན་པ་སྐྱག་ལངས་ལ་ཤོར་རྒྱུའི་ཉེན་ཁ་ཡོད་པ་རེད།
ང་ཚོས་བསམ་བློ་ཞིབ་ཚགས་བཏང་ན་འདི་ལ་ཧ་མ་གོ་རྒྱུ་དང་མགོ་ཉོག་པོ་ཆགས་ས་གང་ཡང་ཡོད་པ་མ་རེད། ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་དེ་ལྷོ་ཨ་ཧྥི་རི་ཁའི་རྒྱལ་ཁབ་ཡོངས་ལ་ཁྱབ་ཀྱི་ཡོད། ལྷོ་ཨ་ཧྥི་རི་ཁ་ཕྱོགས་ཀྱི་རྒྱལ་ཁབ་ཆེ་ཆུང་ཚང་མ་དོན་གཅོད་དེ་ག་རང་གི་འོག་ཏུ་ཚུད་དགོས་ཞེས་བཙན་བྱོལ་བོད་གཞུང་གིས་གསུང་གི་ཡོད་པ་རེད། ད་རེས་ཀྱི་གནས་ཚུལ་འདི་གལ་ཆུང་དོན་ཆུང་ལ་མཐོང་སྟེ་སྣང་མེད་བཏང་བ་རེད་དམ། ཡང་ན་དངོས་གནས་དྲང་གནས་ཐབས་ཤེས་མེད་པ་དང་བརླག་མ་འཁེལ་བ་རེད། འདིའི་ནང་དུ་རྒྱུ་མཚན་གཞན་པ་ཆབ་སྲིད་ཀྱི་དཀའ་ངལ་སོགས་ཡར་མར་གང་ལ་ཡང་ཁ་གཡོར་ས་ཡོད་པ་མ་རེད། དེ་གསལ་བོ་གསལ་རྐྱང་རེད། ང་ཚོའི་དོན་གཅོད་ཁག་ཚང་མ་བདེ་དོན་དང་ཐེབས་རྩ། ཆོས་རིག་འཛིན་སྐྱོང་དེ་འདྲའི་མིང་ཐོག་ནས་དེབ་སྐྱེལ་བྱས་ཡོད་པའི་སྒྲིག་འཛུགས་རྐྱང་རྐྱང་རེད། སྲོག་གཉེན་ལ་ཐུག་ཡོད་པའི་མི་གཅིག་གི་དཀའ་ངལ་ཡང་སེལ་མི་ཐུབ་ན། དེ་ལས་ལྷག་གི་གལ་གནད་ཆེ་བའི་ལས་དོན་ཅི་ཞིག་སྒྲུབ་ཐུབ་ཀྱི་ཡོད་དམ། ཡང་ན་འདི་ལས་ཆུང་ཚགས་ཀྱི་ལས་ཀ་ཙག་ཙིག་ཅི་ཞིག་མ་མགོ་འཐོམ་ནས་བསྡད་ཡོད་པ་རེད་དམ། འདི་དངོས་གནས་དྲང་གནས་གསལ་བོ་བཟོ་དགོས་པ་ཞིག་རེད། ལོ་ལྟར་བཙན་བྱོལ་བོད་གཞུང་གི་འགྲོ་སོང་ཆེ་ཤོས་ཕྱི་རྒྱལ་སྐུ་ཚབ་དོན་གཅོད་ཁག་ཆགས་ཀྱི་ཡོད་པ་ང་ཚོས་གསལ་བོར་མཐོང་གི་ཡོད་པ་རེད། འདི་ཕྱི་རྒྱལ་ཁག་གི་ཛ་ཐང་གིས་རྐྱེན་པས་ཡིན་ནའང་དེ་ལ་འབབ་པའི་ལས་དོན་ཞིག་སྒྲུབ་ཐུབ་དགོས་པ་རེད་ལ། ལྷག་དོན་དུ་ད་རེས་ཀྱི་གནས་ཚུལ་འདི་ལྟ་བུའི་ཛ་དྲག་བྱུང་སྐབས་དོན་གཅོད་ལས་ཁང་གིས་མི་སྙོབ་ན་མིང་ཆེན་པོ་ཞིག་དང་འགྲོ་སོང་ཆེན་པོ་ཞིག་བཏང་པའི་དགོས་པ་ག་རེ་ཡོད་རེད། འདི་སེམས་ཚོར་ཆེན་པོའི་ཐོག་ནས་ཞུ་འདོད་བྱུང་སོང་།

ད་རེས་སྡེ་དགེ་སྐད་འཕྲིན་ཚོགས་པས་ལས་དོན་འགྲུབ་འབྲས་ལྡན་པ་གནང་འདུག ཐུགས་རྗེ་ཆེ། སྤྱིར་བཏང་དེང་སྐབས་སྐད་འཕྲིན་ཚོགས་པ་འདྲ་མིན་བཟོས་ཏེ་ཆོལ་ཁ་ཆོས་ལུགས་དང་། ལུང་ཚན་ཕན་ཚུན་དཀྲུག་ཤིང་གི་ལས་ཀ་མང་པོ་བྱེད་ཀྱིན་འདུག དེ་ཚོ་ཁྱོན་ནས་ཡག་པོ་མ་རེད། ཚོགས་པ་དེ་དག་བཟོ་མཁན་དང་། དེ་དག་ནང་སྐད་ཆ་ཤོད་མཁན་མང་ཆེ་བས་ཤ་ཚ་ཡོད་མདོག་མདོག་གིས་མཐར་གཏུགས་ན་དངོས་ཤུགས་བརྒྱུད་གསུམ་གང་རུང་ཞིག་བརྒྱུད་ནས་རང་གི་དམིགས་ཡུལ་ཞིག་གམ་ཡང་ན་རང་དོན་ཞིག་སྒྲུབ་བཞིན་འདུག
མི་ཡག་པོ་སྤྱིར་བར་བསམ་བློ་གཏོང་ཐུབ་མཁན། སློབ་སྦྱོང་དང་བསམ་བློ་ཡག་པོ་ཡོད་མཁན་དེ་ཚོས་སྐད་ཆ་མང་པོ་ཤོད་ཀྱི་མི་འདུག ག་ལེར་ཚོགས་པའི་ནང་ནས་འཐོན་འགྲོ་བཞིན་འདུག ཡིན་ནའང་མི་ཁ་ཤས་ཀྱིས་རང་གི་ལུང་ཚན་དང་རང་གི་ཕྱོགས་གཏོགས་ལ་ཤ་ཚ་ཞེན་ཁོག་ཆེན་པོ་ཡོད་མདོག་མདོག་གི་སྐད་ཆ་མང་པོ་བཤད་དེ། སོ་སོས་ད་བར་བོད་སྤྱི་བར་ག་རེ་བྱས་པ་དང་རང་གི་ལུང་ཚན་ལ་ག་རེ་སྒྲུབ་ཡོད་མེད་ལ་མ་ལྟ་བར། ཁ ཆེན་པོ་ལྡང་ནས་ཅིག་ཅིག་བྱེད་དགོས་པ་རེད་མིག་མིག་བཟོ་དགོས་པ་རེད་ཟེར་ནས་འཆར་གཞི་དང་བསམ་ཚུལ་མང་པོ་ཤོད་ཀྱི་འདུག འདི་དག་གྲས་ཁྱོན་ནས་ཡག་པོ་མ་རེད། བོད་སྤྱི་བར་ཕན་ཐོགས་ཏུལ་འབྲུ་ཙམ་མེད་པ་མ་ཟད་རང་གི་ལུང་པ་དང་རང་གི་ལུང་ཚན་སོགས་ལའང་ཕུགས་ལ་ཕན་ལས་གནོད་ཆེན་པོ་ཞིག་བསྐྱེལ་བཞིན་ཡོད་པ་རེད། སྐད་འཕྲིན་ཚོགས་པ་རེ་ཟུང་ནང་མི་མང་པོས་ཡར་བཤད་མར་བཤད་བྱས་ཏེ། རང་གི་ལུང་ཚན་དང་ཕྱོགས་གཏོགས་ཚོས་ག་རེ་བྱེད་དགོས་མིན་དང་། ཆོལ་ཁ་གཞན་དང་ལུང་ཚན་གཞན་གྱི་སྐོར་ལ་རྣམ་འགྱུར་འཛིན་སྟངས་དང་བྱ་བ་བྱེད་ཕྱོགས། ཐ་ན་ཁོ་ཚོ་དང་ལས་ཀ་ག་རེ་བྱེད་དགོས་དང་མི་དགོས། ཐ་ན་ལས་ཁུངས་དང་གཞུང་འབྲེལ་མ་ཡིན་པའི་ཚོགས་པ་དེ་འདྲའི་སྐོར་ལ་སྐད་ཆ་སྣ་ཚོགས་བཤད་དེ། བསམ་བློ་ཆེ་སར་གཏོང་མི་ཐུབ་པར་ཕར་ཕྱོགས་ནས་བཤད་སྟངས་ལས་སྟངས་ཆུང་ཆུང་ཞིག་འགྲིག་མ་འགྲིག་དང་སོ་སོའི་སྣང་བར་འགྲོ་མ་འགྲོ་ཙམ་གྱི་གནས་སྐབས་ཀྱི་དོན་དག་ཆུང་ཆུང་ཞིག་ལ་ལྟོས་ཏེ། དེ་ལ་སྡུག་ཅག་ག་རེ་བྱེད་དགོས་མིན་དང་གནོན་ཤུགས་ག་རེ་སྤྲོད་དགོས་མིན་སོགས་ཀྱི་སྐོར་ལ་སྐད་ཆ་བཤད་དེ་འཆར་གཞི་སྒྲིག་མཁན་དེ་འདྲ་ཡང་ཐོས་སོང་། འདི་དག་རྩ་བ་ཉིད་ནས་ཡག་པོ་མ་རེད། སྤྱིར་བཏང་སྐད་འཕྲིན་ནང་ན་ལས་ཀ་ཡག་པོ་བྱེད་མཁན་དེ་འདྲ་ཡོད་རེད། དཔེར་ན་ད་རེས་ཀྱི་སྡེ་དགེ་ཚོགས་པའི་ལས་དོན་ལྟ་བུ་རེད། ཡིན་ནའང་ལས་ཀ་སྡུག་ཅག་བྱེད་མཁན་དང་སྐད་ཆ་སྤྱིར་བར་གནོད་པ་དེ་འདྲ་ཤོད་མཁན་ཚོ་དངོས་གནས་དྲང་གནས་ཡག་པོ་མ་རེད་ཞུ་གི་ཡོད།
ང་རང་ལ་མཚོན་ན་སོ་སོ་མདོ་སྟོད་ཀྱི་མི་ཞིག་ཡིན། ཚོགས་པ་དེ་འདྲ་ཁ་ཤས་ནང་ཉམས་མྱོང་དེ་འདྲ་དངོས་སུ་མཐོང་ཐོས་བྱུང་སྟེ་ཉམས་མྱོང་བསགས་པའི་དབང་གིས་ཞུ་གི་ཡདོ། ཆོལ་ཁ་གཞན་པའི་ནང་དུའང་དེ་འདྲ་ཡོད་པ་གོ་ཐོས་བྱུང་སོང་། ཚོགས་པ་སྐྱིད་སྡུག་གཞན་དང་མི་སྒེར་དེ་འདྲའི་སྐོར་ལ་སྐད་ཆ་འདྲ་མིན་བཤད་དེ་སྤྱི་ཚོགས་གཏོར་ཤིག་གི་སྐད་ཆ་མང་པོ་ཤོད་མཁན་འདུག དེང་སྐབས་སྐད་འཕྲིན་ཚོགས་པ་ཟེར་བ་དེའི་ནང་དུ་མི་བརྒྱ་དང་གཉིས་བརྒྱ་ཡོད་པ་རེད། བོད་ཕྱི་ནང་གཉིས་ནས་ཡོད་པ་རེད། ཚོགས་མི་མང་ཆེ་བའི་མིང་དང་ས་གནས་སོགས་དངོས་གནས་དེ་གང་ཡིན་ག་བ་ནས་ཡིན་ཤེས་ཀྱི་ཡོད་པ་མ་རེད། ཆབ་སྲིད་འཁྲབ་མཁན་དང་མི་མགོ་བདེ་བོ་དེ་འདྲས་གོ་སྐབས་བཟུང་སྟེ་སྐད་ཆ་འདྲ་མིན་བཤད་པ་དེ་དག་ཕྱི་ལོག་ལ་ཁྱབ་ནས་འགྲོ་བཞིན་ཡོད་པ་རེད། ལྷག་པར་དུ་བོད་ནང་དང་རང་གི་ཕྱོགས་གཏོགས་དང་འབྲེལ་བ་མེད་མཁན་དེ་འདྲས་གོ་ཐོས་བྱུང་བ་ཡིན་ན། སྤྱི་ཚོགས་ནང་དཀྲོག་གཏམ་ཆེན་པོ་ཆགས་ཏེ་བོད་སྤྱི་ཚོགས་ལ་དཀྲུག་ཤིང་སློང་རྐྱེན་ཆགས་ཀྱི་ཡོད་པ་རེད། ང་རང་ལ་མཚོན་ན་སོ་སོ་དང་འབྲེལ་བ་ཡོད་པའི་ཚོགས་པ་དེ་འདྲའི་ནང་དུའང་སྐད་ཆ་འདྲ་མིན་ཤོད་ཀྱི་ཡོད་པ་ཐོས་སོང་ལ། སོ་སོ་དང་འབྲེལ་བ་མེད་པའི་ལུང་ཚན་ཕྱོགས་ཁག་དེ་འདྲའི་ཚོགས་པའི་ནང་དུའང་ཧ་ལམ་མི་ནོར་ནས་ཚོགས་པའི་ནང་བཅུག་པ་མིན་འགྲོ། གང་ལྟར་ཉི་མ་ཁ་ཤས་ལ་ཚོགས་པ་དེ་འདྲའི་ནང་མི་གཞན་གྱིས་བཅུགས་ནས་སྐད་ཆ་སྣ་ཚོགས་ཤོད་་བཞིན་ཡོད་པར་ཉན་རྒྱུ་བྱུང་སོང་། ཁྱོན་ནས་ཡག་པོ་མི་འདུག ཚོགས་པ་ཁ་ཤས་ནང་གི་སྐད་ཆ་ཤོད་སྟངས་དང་ལས་ཀ་བྱེད་སྟངས་དེ་ཧ་ཅང་ཐབས་སྐྱོ་བོ་རེད། མི་རེ་ཟུང་གིས་ཤ་ཚ་སེམས་ཤུགས་ཡོད་མདོག་མདོག་གིས་བསམ་ཚུལ་འདྲི་མིན་བཤད་པ་དེ་དག་ཉེན་ཁ་ཆེན་པོ་ཞིག་མཐོང་སོང་། ཞིབ་ཚགས་མོར་བལྟས་ཡོང་ན། སྐད་འཕྲིན་ཚོགས་པ་དེ་འདྲའི་ནང་བསམ་ཚུལ་སྣ་ཚོགས་བཤད་དེ་འཆར་གཞི་འདྲ་མིན་བཟོ་མཁན་མང་ཆེ་བ་སློབ་སྦྱོང་དང་བསམ་བློ་མེད་མཁན་མགོ་བདེ་བོ་དེ་འདྲ་རྐྱང་རྐྱང་རེད། ཡིན་ནའང་ཁོ་རང་ཚོས་བཤད་སྟངས་བྱེད་སྟངས་ཀྱི་ཐོག་ནས་མི་གཞན་པ་མགོ་སྐོར་ཐབས་ལ་ཁོ་རང་ཚོ་ཧ་ཅང་དྲང་མོ་ཡིན་མདོག་སྟོན་གྱིན་འདུག འདི་ང་རང་གིས་སྔོན་མ་ནས་བཤད་དགོས་བསམ་བསྡད་ཡོད་པའི་སྐད་ཆ་ཞིག་ཡིན། ཡིན་ནའང་ངས་ད་རེས་སྡེ་དགེ་ཚོགས་པ་དེ་འདྲ་ཞིག་རེད་རྩ་བ་ཉིད་ནས་ཞུ་གི་མེད། གསན་ཕྱོགས་ནོར་ན་ཡག་པོ་མི་འདུག ཁྱོད་རང་ཚོས་ཁ་ཡོད་ལག་ཡོད་ཀྱི་ལས་ཀ་གལ་ཆེན་པོ་ཞེ་དྲག་གནང་འདུག་སྔགས་བརྗོད་ཡོད། གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་ཡིན་ན་རེད། ཁ་སང་དེ་རིང་གི་སྐད་འཕྲིན་ཚོགས་པ་དྲ་རྒྱའི་ནང་གི་ཚོགས་པ་དེ་འདྲ་ཡིན་ན་རེད་མིག་དཔེ་ལྟ་འོས་པ་ཞིག་དང་། ཕན་ཚུན་ལ་སྐུལ་མ་བྱས་ཏེ་འདི་ལྟ་བུའི་ལས་དོན་བཟང་པོ་བསྒྲུབ་རྒྱུའི་ཕྱོགས་ལ་ནུས་པ་དང་སྣེ་འཁྲིད་བྱེད་ཐུབ་པའི་བྱ་བ་ཞིག་རེད། མཐའ་དོན་སླར་ཡང་ང་རང་གིས་ལག་པ་གཉིས་ཐལ་མོ་སྦྱར་ནས་ཞུ་རྒྱུ་ཞིག་ལ། སྐད་འཕྲིན་ཚགོས་པ་དེ་འདྲས་སྤྱི་བའི་ལས་དོན་ཡག་པོ་བསྒྲུབ་རྒྱུ་དང་། ལྷག་པར་དུ་ཆབ་སྲིད་པ་དང་མི་མགོ་བདེ་བོ་དེ་ཚོས་སྐད་འཕྲིན་ཚོགས་པའི་ནང་སྤྱི་སྒེར་གཉིས་ཀར་མི་ཕན་པའི་སྐད་ཆ་དང་འཆར་གཞི་དེ་འདྲ་མ་བསྒྲིག་རོགས་ཟེར་ནས་འབོད་སྐུལ་ཞུ་བཞིན་ཡོད། ཐུགས་རྗེ་གཟིགས།་༢༠༡༥།༣།༠༡

བོད་ཀྱི་དུས་བབ་གསར་ཁང་གི་རྩོམ་སྒྲིག་པ་དོན་གྲུབ་བཀྲ་ཤིས་མཆོག་ལ་ཐུགས་རྗེ་ཆེ་ཞུ་བཞིན་ཡོད། བཙན་བྱོལ་སྤྱི་ཚོགས་ནང་ན་མང་ཤོས་དེ་གསར་འགོད་པ་ཡིན་ཟེར་མཁན་དེ་ཚོ་དང་ཅིག་ཅིག་གསར་ཁང་མིག་མིག་གསར་ཁང་ཟེར་བ་དེ་དག་རེད། ཡིན་ནའང་སྤྱི་ཚོགས་ནང་གི་གནད་དོན་གལ་ཆེན་པོ་དག་མཐོང་གི་ཡོད་པ་མ་རེད། བོད་ཀྱི་དུས་བབ་ཀྱིས་ག་དུས་ཡིན་ནའང་འཇིགས་ཞུམ་བྲལ་བ་དང་ངོ་ཁྱད་ངོ་མེད་གང་ཡང་མི་བྱེད་པར་བཙན་བྱོལ་སྤྱི་ཚོགས་ཆུང་ཆུང་དེའི་མགོ་བོད་གཞུང་བཀའ་ཤག་ལས་ཁུང་དང་གཤམ་འོག་ས་གནས་ཁག་གི་སློབ་གྲྭ་དང་དགོན་སྡེ། མཐའ་འཁོབ་སྤྱི་ཚོགས་གསེང་གི་གནས་ཚུལ་དག་བཅས་སྔོག་འདོན་བྱས་ཏེ་གསར་འགོད་པ་ཚོས་དཀའ་ལས་བརྒྱབ་ནས་ཞིབ་འཇུག་རྩད་གཅོད་དང་བཅར་འདྲི་སོགས་བྱས་ནས་སྤྱི་ཚོགས་དང་མི་མང་གི་མིག་ལ་བསྟར་ཡོང་བ་འདི་ཧ་ཅང་བྱ་བཞག་རླབས་ཆེན་རེད། བོད་པའི་རྩ་དོན་བསྒྲུབ་པ་ཟེར་ན་འདྲ་སྤྱི་ཚོགས་སྣེ་འཁྲིད་ལམ་སྟོན་དང་ཞབས་ཞུ་ཟེར་ནའང་འདི་རེད། ད་རེས་ཀྱི་གནས་ཚུལ་འདི་ཡང་ཧ་ཅང་གལ་ཆེན་པོ་མིག་དཔེ་ལྟ་འོས་པ། ཁ་ཡོད་ལག་ཡོད་ཀྱི་ལས་དོན་རྩ་ཆེན་པོ་ཞིག་སྒྲུབ་ཡོད་ཡིན་ནའང་ད་བར་ལོ་གཅིག་ལྷག་འགྲོ་བཞིན་ཡོད་ཀྱང་བདག་པོ་རྒྱག་མཁན་བྱུང་ཡོད་པ་མ་རེད། ང་ཚོའི་གསར་ཁང་དང་གསར་འགོད་པ་གསར་འགྱུར་གྱི་དགོས་དོན་ཉིང་དགོས་དེ་གནས་ཚུལ་འདི་རིགས་རེད་ལ་ང་ཚོའི་སྤྱི་ཚོགས་ནང་གི་ཚོགས་པ་སྐྱིད་སྡུག་མང་པོ་ཞིག་ཡོད་ཀྱང་འབུར་དུ་ཐོན་པ་དང་སྐད་གྲགས་ཆེན་པོ་མེད་པར་ཁུ་སིམ་སིམ་མིའི་ཚེ་སྲོག་སྐྱོབ་པའི་ལས་དོན་དང་འབྲེལ་བ་ཡོད་པ་དང་སྤྱི་ཚོགས་མགོ་རྔ་ཚང་མས་དམིགས་དཔེ་དང་སློབ་སྦྱོང་བྱེད་དགོས་པའི་ཕྱག་ལས་རླབས་ཆེན་པོ་འདི་འདྲ་སྒྲུབ་དང་སྒྲུབ་མཁན་དེ་ཚོགས་པ་སྐྱིད་སྡུག་མིང་དོན་མཚོངས་པ་དེ་རེད་བསམ་གྱི་འདུག མཐའ་མ་སླར་ཡང་ སྡེ་དགེ་རྒྱལ་ཡོངས་ཚོགས་པ་དང་ཚོགས་པའི་ཚོགས་གཙོ་དྲི་མེད་རྒྱལ་མཚན། ལྷོ་ཨ་ཧྥི་རི་ཀའི་ནང་ཕེབས་མཁན་དཀོན་མཆོག་བསྟན་འཛིན། དེ་བཞིན་བོད་ཀྱི་དུས་བབ་རྩོམ་སྒྲིག་པ་དོན་གྲུབ་བཀྲ་ཤིས་མཆོག་དང་གསར་འགོད་པ་པད་མ་མཚོ་འབྲེལ་ཡོད་ཚང་མ་ལ་སྙིང་ཐག་པ་ནས་ཐུགས་རྗེ་ཆེ་ཞུ།

དེ་སྔོན་ནས་གནས་ཚུལ་འདི་རབ་རུབ་ཅིག་བརྒྱུད་ལམ་ཁག་ཅིག་ཏུ་ཐོན་སོང་ཡང་། གལ་ཆེ་བའི་གནད་དོན་མང་པོ་ཞིག་ཤེས་རྟོགས་ཐུབ་མ་སོང་ཡང་། ད་རེས་བོད་ཀྱི་དུས་བབ་གསར་ཁང་གིས་ཧ་ཅང་གསལ་ཞིང་རྒྱས་པ། དོན་གནད་འབུར་དུ་ཐོན་པ་ཞིག་བྲིས་འདུག་པས་རྩོམ་སྒྲིག་པ་མཆོག་གི་གཙོས་གསར་འགོད་པ་པདྨ་མཚོ་ལགས་དང་། སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་ཚོགས་གཙོ་འཆམ་ར་དྲི་མེད་མཆོག་གིས་གཙོས་བུ་མོ་དེ་གཉིས་འཆི་ཡུལ་ནས་བསྐྱབས་མཁན་ཚང་མར་སྙིང་ཐག་པ་ནས་བཀའ་དྲིན་ཆེ་ཞུ། དེང་སང་བོད་པའི་སྤྱི་ཚོགས་ནང་གཞུང་སྒེར་གྱི་ཚོགས་པ་མང་ཡང་འདི་ལྟ་བུའི་བྱ་བ་ལེགས་པོ་བསྒྲུབ་ཐུབ་མཁན་དང་བསྒྲུབ་འདོད་ཡོད་མཁན་ཧ་ཅང་ཉུང་བས། གོང་བརྗོད་གསར་ཁང་དང་ཚོགས་པ་གཉིས་ལ་རྗེས་སུ་ཡི་རང་དང་། མ་འོངས་པར་ཡང་ང་ཚོའི་སྤྱི་ཚོགས་འདིའི་ནང་སྤྱི་ཕན་གྱི་ཕྱག་ལས་མང་ཙམ་གནང་ཐུབ་པའི་རེ་སྐུལ་ཞུ།

སྡེ་དགེ་ཚོགས་པ་ཐུགས་རྗེ་ཆེ་་་་་་་་་་་་་་་་་་་་་་་་་་་་བོད་ཀྱི་དུས་བབ་ཐུགས་རྗེ་ཆེ།

(སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་)ཟེར་བ་ཞིག་སྔོན་ཆད་ཨམ་ཅོག་གིས་གོ་ཡང་མ་བྱོང་བ་ཞིག་རེད། ཡིན་ནའང་ད་རེས་ལས་དོན་གལ་ཆེན་པོ་ཞིག་བསྒྲུབས་གནང་འདུག ཁ་ཙམ་མིན་པའི་ཐུགས་རྗེ་ཆེ་ཞུ་འདོད་བྱུང་སོང་། བོད་མིའི་སྤྱི་ཚོགས་ནང་ཚོགས་པ་སྒྲིག་འཛུགས་མང་པོ་ཞིག་ཡོད་ཀྱང་ཞལ་འདེབས་སློང་བ་དང་ཆབ་སྲིད་ལས་འགུལ་སྤེལ་བ་སོགས་སྤྱི་ཚོགས་ནང་སྐད་གྲགས་ཆེན་པོ་ཆགས་ཡོད་ཀྱང་ལས་དོན་གྲུབ་འབྲས་ལྡན་པ་ཞིག་བསྒྲུབ་མཁན་ཧ་ཅང་ཁག་པོ་ཡོད་རེད

རྒྱལ་སྤྱིའི་ཉེན་རྟོག་ལས་ཁུངས་ལ་སྙན་གསེང་མ་ཞུས་པ་དེ་ཁྲིམས་འགལ་གྱི་བྱ་སྤྱོད་ཅིག་རེད། མི་ངན་དེ་འདྲ་ལྡི་ལིར་ཁེངས་བསྡད་ཡོད། དེ་ཚོ་འཛིན་བཟུང་མི་བྱེད་པར་བཞག་པའི་འཇུག་འབྲས་ཚབས་ཆེན་རེད། བོད་པ་མ་ཡིན་པའི་བལ་བོ་མང་པོས་བོད་པའི་མིང་ཐོག་ནས་ཕྱི་རྒྱལ་ཡུལ་གྲུ་མང་པོའི་ནང་བོད་པའི་མིང་ཐོག་ནས་སྐྱབས་བཅོལ་ཞུས་ནས་རྐུ་འཕྲོག་བཅོམ་གསུམ་བྱ་ངན་བརྩམས་ཏེ་བོད་པར་མིང་ཆད་བཟོ་བཞིན་པ་གཞུང་སྒེར་ཚོགས་པ་སུ་གང་གིས་ཡ་བྱེད་ཀྱི་མེད་མོད། འདིའི་འཇུག་འབྲས་དང་གནས་ཚུལ་ཅི་ཡོང་ལ་བསམ་གཞིག་གནང་དགོས་པ་ཞིག་རེད།