རྙིང་མའི་དབུ་འཛིན་ཁྲི་ཐོག་ལྔ་པ།

དེ་རིང་སྔ་དྲོ་རྙིང་མའི་སྤྱི་འཐུས་སློབ་དཔོན་བསོད་ནམས་བསྟན་འཕེལ་ལགས་དང་རྒྱ་རི་བུ་ཕྲུག་ལགས་རྣམ་གཉིས་ཀྱིས་གནས་ཚུལ་ཁོ་སྤྲོད་བྱས་དོན་ལྟར་ན། སྔ་འགྱུར་རྙིང་མའི་དབུ་འཛིན་ཁྲི་ཐོག་བཞི་པ་སྐྱབས་རྗེ་སྨིན་གླིང་ཁྲི་ཆེན་རིན་པོ་ཆེ་མཆོག་དགོངས་པ་གཞན་དོན་དུ་གཤེགས་ཏེ། ད་བར་གནས་དུས་ཀྱི་རྐྱེན་པས་དབུ་འཛིན་གསར་པ་ཐུགས་གཏན་འཁེལ་བ་བྱུང་མེད།

ཉེ་སྔོན་སྔ་འགྱུར་རྙིང་མའི་སྨོན་ལམ་ཆེན་མོ་ཐེངས་ ༢༡ སྐབས། གནས་མཆོག་རྡོ་རྗེ་གནད་དུ་རྙིང་མའི་དགོན་སྡེ་ཆེ་ཁག་གི་བླ་ཆེན་ཁག་དང་བླ་ཆེན་ཁག་གི་སྐུ་ཚབ། རྙིང་མའི་སྤྱི་འཐུས། སྨོན་ལམ་གྱི་འགན་འཛིན་ལྷན་ཚོགས་བཅས་ལྷན་འཛོམས་ཐོག་བཀའ་བསྡུར་ཐག་གཅོད་གནང་བར་རྙིང་མའི་བླ་ཆེན་སྐྱབས་རྗེ་བྱ་བྲལ་རིན་པོ་ཆེ་མཆོག་དང་། སྐྱབས་རྗེ་འཁྲུལ་ཞིག་རིན་པོ་ཆེ་མཆོག སྐྱབས་རྗེ་རྡོ་གྲུབ་ཆེན་རིན་པོ་ཆེ་མཆོག སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་རྣམ་བཞི་རིམ་པས་སྙན་སེང་ཞུ་རྒྱུ་གནང་བ་ལྟར། དང་པོ་སྐྱབས་རྗེ་བྱ་བྲལ་རིན་པོ་ཆེ་མཆོག་ལ་གསོལ་འདེབས་སྙན་གསེང་ཞུས་ཀྱང་ཞལ་བཞེས་མ་ཐོབ་པ་དང་། གཉིས་པ་སྐྱབས་རྗེ་འཁྲུལ་ཞིག་རིན་པོ་ཆེ་མཆོག་ལ་གསོལ་འདེབས་ཞུས་པར་ཞལ་བཞེས་ལེགས་པར་ཐོབ་སོང་།  

རྙིང་མའི་དབུ་འཛིན་ཁྲི་ཐོག་ལྔ་པ་སྐྱབས་རྗེ་འཁྲུལ་ཞིག་རིན་པོ་ཆེ་མཆོག་གིས་ཞལ་བཞེས་ལེགས་ཐོབ་ཀྱི་བཀའ་དྲིན་སྤྱི་བསྩལ་བྱུང་བ་ལྟར། སྤྱི་ནོར་༧གོང་ས་མཆོག་དང་རང་གཞུང་ཆོས་རིག་ལས་ཁུངས་བཅས་ལ་སྙན་གསེང་ཡིག་ཆུང་ཕུལ་ཟིན་སྟབས། སྐྱབས་རྗེ་འཁྲུལ་ཞིག་རིན་པོ་ཆེ་མཆོག་རྙིང་མའི་དབུ་འཛིན་ཁྲི་ཐོག་ལྔ་བའི་མཚན་བཞེས་གནང་བར་བཀའ་དྲིན་བླ་མེད་ཆེ་ཞུ་རྒྱུ་ཡིན། ཞེས་བཀོད་འདུག

བསྐྱར་བཅོས།: ༢༠༡༧/༠༢/༡༦

Leave a Reply

18 thoughts on “རྙིང་མའི་དབུ་འཛིན་ཁྲི་ཐོག་ལྔ་པ།

  1. ཆོས་དབྱིངས།

    ད་རེས་སྔ་འགྱུར་སྨོན་ལམ་ཆེན་མོ་ཐེངས་ཉེར་གཅིག་ ༢༡ པའི་སྐབས་སྔ་འགྱུར་རྙིང་མའི་བླ་ཆེན་ཁག་དང་། བླ་ཆེན་ཁག་གི་སྐུ་ཚབ། སྨོན་ལམ་ཆེན་མོའི་འགན་འཛིན་ལྷན་ཚོགས་བཅས་ཀྱིས་གྲོས་བསྡུར་ཐོག་རྙིང་མིའི་དབུ་འཛིན་བསྐོ་བཞག་བྱེད་སྟངས་ལ་རྗེས་སུ་ཡི་རིང་ཡོད། ལྷག་པར་ཆེས་ཐོག་མར་༸སྐྱབས་རྗེ་བྱ་བྲལ་རིན་པོ་མཆོག་ལ་སྙ་ཞུ་ཕུལ་གནང་བཛད་པ་དེ་སྔ་འགྱུར་རྙིང་མའི་ལོ་རྒྱུས་ཀྱི་ཐོག་མདུན་སྐྱོད་དང་སྔོན་ཐོན་གྱི་རྣམ་པ་གསར་བ་ཞིག་ཆགས་ཡོད། གདུང་བརྒྱུད་དང་སྤྲུལ་སྐུའི་ལམ་ལུགས་གཅིག་པུའི་སྟེང་ནས་མཐའ་གཅིག་ཏུ་བསྟན་པ་འཛིན་སྐྱོང་བྱེད་པའི་རྗེས་ལུས་དང་ཆོས་མིན་གྱི་སྤྱོད་པ་ལས་བརྒལ་ཐུབ་པ་དང་། བསླབ་པ་དང་སློབ་གཉེར་གྱི་གོ་རིམ་ལྟར་མང་པོའི་ནས་ནས་མདུན་དུ་ཐོན་པའི་སྐྱེས་བུ་ཁྱད་པར་ཅན་རྣམས་བསྟན་པའི་བདག་པོ་རུ་མངའ་གསོལ་བ་ནི་སོར་བྱང་སྔགས་གསུམ་གྱི་གཞུང་ལུགས་དང་མཐུན་ཞིང་། ན་ལེནྜའི་མཁན་རབས་དང་དགའ་ལྡན་གསེར་ཁྲིའི་གོ་རིམ་བཞིན་བསྔགས་པའི་འོས་སུ་གྱུར་པ་འོ།

  2. ཆོས་དབྱིངས།

    ༸སྐྱབས་རྗེ་འཁྲུལ་ཞིག་རིན་པོ་ཆེ་མཆོག་སྔ་འགྱུར་རྙིང་མིའི་དབུ་འཛིན་ཁྲི་ཐོག་ལྔ་པར་ཕེབས་པར་མཚམས་འདྲི་དང་བཀྲ་ཤིས་བདེ་ལེགས་ཞུ། ཞུ།