རང་རྒྱལ་གཞན་ཕམ་གྱི་བསམ་བློ་གཏོང་སྟངས་དེ་རྗེས་ལུས་ཀྱི་བསམ་བློ་རེད།

སྲིད་སྐྱོང་མཆོག་གིས་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ནང་དུ་བོད་ནང་གི་ཆོས་དང་རིག་གཞུང་། ཁོར་ཡུག་སོགས་ཀྱི་ཛ་དྲག་གནས་སྟངས་སྐོར་གསུང་བཤད་གནང་འདུགཁ་སང་ཕྱི་ཚེས་ ༡༥ ཉིན། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ཚོགས་གཞོན་སྐུ་ཞབས་རྗོ་རེ་ཨོ་བྷིར་ཧྥེལ་ཛིར(Jiří Oberfalzer)ལགས་ཀྱི་གདན་ཞུའི་འོག ཡུལ་དེའི་གྲོས་ཚོགས་གོང་མའི་ནང་དུ་ཕེབས་བསུའི་སྣེ་ལེན་ཞུས་ཡོད་པ་དང་། སྐབས་དེར་གྲོས་ཚོགས་འཐུས་མི་སྐུ་ཞབས་པཱ་ཝལ་ཧྥེ་སི་ཁིར་(Pavel Fischer)མཆོག་དང་། ཡུལ་དེའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་གྲོས་ཚོགས་འཐུས་མི་སྐུ་ཞབས་པཱི་རེ་མཱེ་སིལ་རཱ་བྷ་སི་(Přemysl Rabas)མཆོག་བཅས་བཅར་ཡོད་པ་དང་། སྲིད་སྐྱོང་མཆོག་ནས་བོད་མིའི་འགྲོ་བ་མིའི་ཐོབ་ཐང་དང་། བོད་ཀྱི་ཆོས་དང་རིག་གཞུང་སྐད་ཡིག་གཙོའི་བོད་ཀྱི་ཁོར་ཡུག་སོགས་ལ་རྒྱ་ནག་གཞུང་གིས་གཏོར་བཤིག་བཏང་དང་གཏོང་བཞིན་ཡོད་པའི་སྐོར་ལ་གཏམ་བཤད་གནང་ཡོད་པ་དང་། ཡུལ་དེའི་གྲོས་ཚོགས་འཐུས་མི་རྣམས་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་རྩ་ཁྲིམས་ལ་བརྩི་བཀུར་ཞུས་ཐོག་བོད་མི་རྣམས་ལ་མིང་དོན་མཚུངས་པའི་རང་སྐྱོང་གི་གནས་བབ་ངེས་པར་སྤྲོད་དགོས་པའི་རེ་འདུན་ཤུགས་ཆེན་བཏོན་ཡོད་འདུག

སྲིད་སྐྱོང་མཆོག་གིས་གྲོས་ཚོགས་གོང་མའི་ནང་གཏམ་བཤད་གནང་སྐབས། བོད་མིའི་འགྲོ་བ་མིའི་ཐོབ་ཐང་ལ་རྒྱ་ནག་གཞུང་གིས་སུན་གཙེར་དང་། དམ་དྲག། བོད་ཀྱི་ཆོས་དང་སྐད་ཡིག་ལ་དངོས་ཤུགས་བརྒྱུད་གསུམ་ནས་རྩིས་མེད་རྡོག་རོལ་དང་མཐོང་ཆུང་ཁྱད་གསོད་བྱས་དང་བྱེད་བཞིན་པར་བརྟེན། བོད་མི་རྣམས་རང་ཡུལ་དུ་གྲལ་རིམ་གཉིས་པའི་མི་སེར་གྱི་གནས་བབ་འོག་ཚུད་ཡོད་པ་དང་། ཕྱི་ལོ་ ༢༠༠༩ ནས་ད་བར་བོད་མི་ ༡༥༣ གྱིས་རང་ལུས་མེར་སྲེག་བཏང་ནས་རྒྱ་ནག་གཞུང་གི་དྲག་པོའི་དབང་སྒྱུར་བྱེད་བཞིན་པར་ཞི་རྒོལ་གནང་ཡོད་པ་དང་། ལྷག་པར་རྒྱ་ནག་གཞུང་གིས་དེང་སྐབས་གསེར་རྟ་བླ་རུང་སྒར་དང་ཡ་ཆེན་ཆོས་སྒར་སོགས་དགོན་པ་གཏོར་བཤིག་དང་། གྲྭ་བཙུན་དགོན་པ་ནས་ཕྱིར་འབུད་བཏང་ཡོད་པ་མ་ཟད། གྲྭ་བཙུན་དེ་དག་དགོན་པ་ནས་ཕྱིར་འབུད་བཏང་ཟིན་མཚམས་རྒྱལ་ཞེན་གྱི་སློབ་གསོ་ཟེར་བའི་ལས་འགུལ་སྣ་ཚོགས་འོག་བོད་མི་ཉམ་ཆུང་དེ་དག་གིས་དཀའ་སྡུག་ཚད་མེད་མྱངས་དང་མྱོང་བཞིན་པའི་སྐོར་གསུངས་འདུགཡང་སྲིད་སྐྱོང་མཆོག་གིས་བོད་ཀྱི་ཁོར་ཡུག་སྐོར་ལ་གསུངས་སྐབས། བོད་ཀྱི་ཁོར་ཡུག་ཐོག་རྒྱ་ནག་གཞུང་གིས་དོགས་ཟོན་སྤུ་ཙམ་མེད་པར་འཕྲལ་གྱི་དཔལ་འབྱོར་ཁེ་བཟང་ཁོ་ནར་དམིགས་ནས་གཏོར་བཤིག་ཚབས་ཆེན་བཏང་དང་གཏོང་བཞིན་པ་དང་།   བོད་མཐོ་སྒང་ནི་ཨེ་ཤ་ཡའི་ཆུ་མགོ་ལྟ་བུ་ཆགས་ཡོད། ཁུལ་དེའི་གཙང་པོ་ཆེ་ཁག་དྲུག་གི་འབྱུང་ཁུངས་བོད་མཐོ་སྒང་ཆགས་ཡོད་པར་བརྟེན་བོད་ཀྱི་ཁྱིམ་མཚེས་རྒྱལ་ཁབ་ཁག་གི་མི་འབོར་ཐེར་འབུམ་པོའི་འཚོ་བའི་རྟེན་གཞིར་གྱུར་ཡོད་པ་དང་། ལྷག་པར་གོ་ལའི་གནམ་གཤིས་འགྱུར་ལྡོག་དང་ས་གནས་སོ་ནམ་འདེབས་ལས་བྱེད་སྟངས་ལ་མིས་ཤུགས་རྐྱེན་སྤྲད་རྐྱེན་བོད་ས་མཐོའི་འཁྱག་རོམ་དེ་དག་མྱུར་དུ་ཞུ་བཞིན་ཡོད་པ་དང་། མཁའ་རླུང་ནག་རྫས་སོགས་ཀྱིས་གོ་ལའི་གནམ་གཤིས་ལའང་ཉེན་ཁ་ཆེན་པོ་བཟོ་བཞིན་ཡོད་སྐོར་གསུངས་པ་དང་འབྲེལ། གྲོས་ཚོགས་འཐུས་མི་རྣམས་དང་ལྷན་དུ་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་གི་གནས་བབ་རྩོད་བཞིན་པའི་གནས་སྟངས་སྐོར་བཀའ་མོལ་སོགས་བྱུང་འདུག

དེའི་རྗེས་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ཚོགས་གཞོན་སྐུ་ཞབས་རྗོ་རེ་ཨོ་བྷིར་ཧྥེལ་ཛིར་མཆོག་གིས་བོད་མི་ཚོས་བོད་རང་བཙན་མི་རྩོད་པར་དབུ་མའི་ལམ་གྱི་སྲིད་བྱུས་འོག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་དགོངས་དོན་འོག་མིང་དོན་མཚུངས་པའི་རང་སྐྱོང་གི་གནས་བབ་ཚད་ལྡན་ཞིག་རྩོད་བཞིན་པ་གསལ་འདོན་དང་། དེ་ཡང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་ཆ་རྐྱེན་འོག་གྲངས་ཉུང་མི་རིགས་ཀྱི་ས་ཁུལ་ཁག་ཏུ་རང་གི་ཐུན་མིན་སྐད་དང་ཡི་གེ ཆོས་དད་རང་དབང་སོགས་ཀྱི་ཐོབ་ཐང་ཡོད་པ་ཁ་གསལ་བཀོད་པ་སོགས་ཀྱི་སྐོར་ནས་གསུངས་ཡོད་པ་དང། དེར་ཡོད་གྲོས་ཚོགས་འཐུས་མི་རྣམ་པས་བོད་མིའི་མངོན་འདོད་ལ་རྒྱབ་སྐྱོར་གནང་ཡོད་པ་མ་ཟད། གྲོས་ཚོགས་འཐུས་མི་རྣམས་ཀྱིས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་རྩ་ཁྲིམས་ལ་བརྩི་བཀུར་ཞུས་ཐོག་བོད་མི་རྣམས་ལ་མིང་དོན་མཚུངས་པའི་རང་སྐྱོང་གི་གནས་བབ་ངེས་པར་སྤྲོད་དགོས་པའི་རེ་འདུན་ཤུགས་ཆེན་བཏོན་ཡོད་པ་དང་།   ༸གོང་ས་རྒྱལ་བ་རིན་པོ་ཆེ་མཆོག་དང་བོད་མིའི་སྒྲིག་འཛུགས་ནི་བོད་མིའི་ངོ་ཚབ་ཡིན་པར་ངོས་འཛིན་དང་བོད་རྒྱའི་གནད་དོན་སེལ་ཆེད་རྒྱ་ནག་གཞུང་གིས་༸གོང་ས་རྒྱལ་བ་རིན་པོ་ཆེ་མཆོག་དང་འབྲེལ་མོལ་ཞུ་དགོས་པའི་རེ་འདུན་བཏོན་ཡོད་པ་དང་།  གྲོས་ཚོགས་འཐུས་མི་རྣམ་པས་རྒྱ་ནག་གཞུང་གིས་འགན་ཁུར་ལྡན་པའི་ཐོག་ནས་བོད་ཀྱི་ཁོར་ཡུག་སྲུང་སྐྱོབ་དགོས་པའི་ཛ་དྲག་རེ་འདུན་ཞིག་ཀྱང་བཏོན་འདུག ལྷན་ཚོགས་ཀྱི་མཇུག་ཏུ་སྲིད་སྐྱོང་མཆོག་གིས་གྲོས་ཚོགས་འཐུས་མི་རྣམ་པ་བཞུགས་སྒར་དུ་རྟེན་གཞི་བྱས་པའི་བོད་མིའི་སྒྲིག་འཛུགས་ལ་གཟིགས་སྐོར་དུ་གདན་ཞུས་གནང་བ་ལྟར་གྲོས་ཚོགས་འཐུས་མི་རྣམ་པས་མོས་མཐུན་གནང་ཡོད་འདུགདེ་བཞིན་ཕྱི་ཚེས་ ༡༤ ཉིན་སྲིད་སྐྱོང་མཆོག་ཅེག་སྤྱི་མཐུན་རྒྱལ་ཁབ་ཀྱི་རྒྱལ་སར་ཚོགས་པའི་ཞི་བདེའི་ལྷན་ཚོགས་ཐེངས་ ༢༣ Forum 2000 ཞེས་པའི་སྟེང་མཉམ་ཞུགས་ཀྱིས་གཏམ་བཤད་གནང་ཡོད་པ་དང་། སྲིད་སྐྱོང་མཆོག་གིས་དེང་སྐབས་ཆབ་སྲིད་མགོ་འཁྲིད་ཁག་ཅིག་ཆབ་སྲིད་ཀྱི་ལས་དོན་རང་ལ་རིགས་གཅིག་རྐང་འཛིན་ལྟ་བུའི་འདུ་ཤེས་བཟུང་སྟེ། དབང་ཆར་རྔམ་སེམས་སྐྱེ་བཞིན་པར་བརྟེན་མི་མང་གིས་རང་ཉིད་ལ་བསྐུལ་བའི་ལས་འགན་རྣམས་རིམ་བཞིན་བརྗེས་ནས་དབང་ཆའི་འཐབ་རྩོད་ཀྱི་དཀའ་ངལ་འཕྲད་བཞིན་ཡོད་སྟབས།  དུས་བཀག་རྒྱས་བཅད་ཐོག་ནས་འགོ་འཁྲིད་ཀྱི་ལས་འགན་ལ་ཚོད་འཛིན་གནང་དགོས་པ་དང་། དེང་སྐབས་ཆབ་སྲིད་ཚོགས་པ་ཁག་གི་རང་གི་ཆབ་སྲིད་ཚོགས་པའི་དམིགས་ཡུལ་དང་དགོས་མཁོ། དབང་ཆ་སོགས་གཙིགས་ཆེར་འཛིན་པ་ལས་མི་མང་ཐོག་ལས་འགན་ཇི་ཡིན་སྐོར་བསམ་བློ་གཏོང་གི་མེད་པ་དང་། གང་ཟག་སྒེར་གྱི་ལས་འགན་དང་སྤྱི་མང་གི་ཤེས་ཡོན་གོ་རྟོགས་འཕེལ་རྒྱས་གཏོང་ཐབས་དགོས་པ་གལ་ཆེན་ཡིན་པ་དང་། དེ་བཞིན་དེང་དུས་ཤེས་ཡོན་ལམ་ལུགས་དེ་བཟང་སྤྱོད་གཞི་རྩར་བཟུང་བ་ཞིག་དགོས་པ་དང་། ང་ཚོ་དང་ཁོ་པ་ཚོ་ཞེས་ཕྱོགས་ཕན་ཚུན་རང་རྒྱལ་གཞན་ཕམ་གྱི་བསམ་བློ་གཏོང་སྟངས་དེ་རྗེས་ལུས་ཀྱི་བསམ་བློ་ཞིག་ཡིན་སྟབས་རང་དང་གཞན་དབར་བར་ཐག་དེ་ཇེ་ཉུང་དུ་བཏང་བ་བརྒྱུད་འཛམ་གླིང་ཞི་བདེ་ལྡན་པ་ཞིག་བསྐྲུན་ཐུབ་དགོས་སྐོར་གསུངས་འདུག

སྲིད་སྐྱོང་བློ་བཟང་སེང་གེ་མཆོག་ཟླ་འདིའི་ཕྱི་ཚེས་ ༡༠ ཉིན་ནས་རྒྱ་གར་གྱི་རྒྱལ་ས་ལྡི་ལི་གཙོའི་ཡུ་རོབ་ཁུལ་དུ་གཞུང་འབྲེལ་ཕྱོགས་ཕེབས་མགོ་འཛུགས་གནང་ཡོད་པ་དང་། སྲིད་སྐྱོང་མཆོག་གིས་ཟླ་འདིའི་ཕྱི་ཚེས་ ༢༣ བར་ཉིན་གྲངས་ ༡༣ རིང་མུ་མཐུད་ཡུ་རོབ་ཁུལ་དུ་གཟིགས་སྐོར་དང་། ཡུ་རོབ་བྷིལ་ཛིལ་(Brussels)དུ་ཡུ་རོབ་མཐུན་ཚོགས་ཀྱི་འཐུས་མི་གསར་པ་ཁག་གཅིག་མཇལ་འཕྲད་གནང་རྒྱུ་དང་། གློག་རྡུལ་འཕྲུལ་ཆས་ཀྱིས་སོ་ལྟ་བྱེད་བཞིན་པའི་དུས་རབས་ ༢༡ པའི་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས།(Human Rights in the 21st Century Digital Surveillance State)  ཞེས་པའི་བརྗོད་གཞིའི་ཐོག་བགྲོ་གླེང་གཏམ་བཤད་གནང་རྒྱུ་སོགས་ཀྱི་མཛད་འཆར་ཡོད་པ་དང་། ཁུལ་དེའི་མཛད་འཆར་ཁག་གྲུབ་མཚམས་འཇར་མན་གྱི་གྲོང་ཁྱེར་ཕེ་རེངྐ་ཕོཌ་(Frankfurt)ཏུ་(Schwarz Schilling Conference )ཞེས་པའི་ལྷན་ཚོགས་སུ་བཅར་རྒྱུ་དང་། དེ་བཞིན་ཧྥ་རན་སིར་གནས་སྡོད་བོད་མི་མང་ཚོགས་དང་གནད་ཡོད་མི་སྣ་སོགས་མཇལ་འཕྲད་གནང་རྒྱུ་བཅས་ཡིན་འདུག

 གསར་འགོད་པ། སངས་རྒྱས་དཀོན་མཆོག

བསྐྱར་བཅོས།: ༢༠༡༩/༡༠/༡༦

Leave a Reply

3 thoughts on “རང་རྒྱལ་གཞན་ཕམ་གྱི་བསམ་བློ་གཏོང་སྟངས་དེ་རྗེས་ལུས་ཀྱི་བསམ་བློ་རེད།

  1. མཐུ་སྟོབས་དབང་ཕྱུག་གཡུ་ཐོག་

    བོད་ཀྱི་དུས་བབ་ནང་སྲིད་སྐྱོང་གིས་མཛད་འཕྲིན་རྒྱས་པ་འདི་ལྟ་བུ་བཀོད་པ་དཀོན་པོ་ཞེ་དྲག་ཡིན་བསམ་པ་དང་ཆབ་གཅིག་དུ་”རང་རྒྱལ་གཞན་ཕམ་”ཞེས་པའི་འགོ་བརྗོད་དེར་དཔྱད་ཞིབ་བྱ་སྐབས་ཚོར་བ་ཁྱད་མཚར་ཞིག་དང་མཐོང་ཚུལ་མི་འདྲ་བ་ཞིག་བྱུང་།
    ལར་ནས་སྲིད་སྐྱོང་མཆོག་བོད་མི་རིགས་འཇིགས་ཆགས་སྐབས་རྩ་དོན་ཁོ་ནའི་ཆེད་ཉིན་མཚན་ལྟོས་མེད་དང་ངལ་བ་ཚད་ལས་འགལ་བའི་གལ་ཆེའི་གཞུང་འབྲེལ་གཟིགས་ཕེབས་བཞིན་ཡོད་མོད་།
    འོན་ཀྱང་ལྷ་འདྲེ་ལ་རྫུས་ཞེས་པའི་དཔེ་ལྟར་བྱུང་ནས་ ཁ་མཆུ་ཨང་ ༢༠ པ་ཟེར་དེ་སྤེན་པ་ཚེ་རིང་ལ་རྒྱལ་ཁ་སྤྲད་པ་དང་༧གོང་ས་མཆོག་གི་དབུ་འཁྲིད་འོག་མདུན་སྐྱོད་གནང་བཞིན་པའི་བཙན་བྱོལ་བོད་མིའི་སྒྲིག་འཛུགས་གཞེས་བྱེས་བོད་མི་ཡོངས་བློ་གཏད་ཡིད་མཆེས་ཞུ་ས་བཀའ་ཤག་ལྷན་རྒྱས་ཕམ་ཉེས་དང་བདེན་པ་མེད་པའི་གསལ་བསྒྲགས་རྒྱ་ཆེ་བྱས་པ་རེད་ དེར་བརྟེན་གནས་སྟངས་ཛ་དྲག་བཟོས་ཡོད་སྟབས་སྲིད་སྐྱོང་གི་གཞུང་འབྲེལ་མཚམས་གཟིགས་ཕྱི་ཤོལ་མ་གནང་ཐབས་བྲལ་བྱུང་སྟེ་ཕྱིར་རྒྱ་གར་དུ་ཕེབས་འདུག་།
    འཛམ་གླིང་རྒྱལ་སྤྱིའི་ནང་ཧབ་སྒོད་ཤོར་རྒྱུ་དང་ཧ་ལས་ཧོན་མཐོར་དགོས་པ་བཟོས་སོང་། བོད་ཀྱི་གཏམ་དཔེ་”སྨན་འབྲུག་འགྲོ་ཁའི་ཐལ་སྟོར་ལྟར་ཆགས་པ་རེད་། ཡ་མཚན་དགོས་པའི་གནད་དོན་གཞན་ཞིག་ནི་ ཁ་མཆུ་ཨང་ ༢༠ ཟེར་དེའི་ཞུ་སྦྱོར་བ་སྤེན་པ་ཚེ་རིང་མི་གཅིག་ཡིན་མོད་ཀྱང་ གསར་འགོད་པས་དྲི་ལེན་སྐབས་”ད་ཐེངས་ཆེ་མཐོའི་ཁྲིམས་ཞིབ་ཁང་གིས་ཁ་མཆུ་ཨང་ཉི་ཤུ་པའི་ཐད་བཅད་ཁྲ་བཏང་བ་ལྟར་ ང་ཚོརཁྲིམས་ཀྱི་རྒྱལ་ཁ་ཐོབ་པ་རེད་”ཞེས་པའི་མཐའ་ཉིད་དེ་ལ་བསམ་ཞིབ་དང་དེ་བཞིན་ཐོག་མཐའ་བར་གསུམ་གྱི་བྱ་སྤྱོད་ལ་ལྟས་དུས་ཁྲིམས་ཞིབ་པ་གསུམ་ཞུ་སྦྱོར་བ་སྤེན་པ་ཚེ་རིང་ལ་ཆ་ཚང་རྒྱབ་སྐྱོར་ཐོག་ཐག་གཅོད་བྱས་པ་གསལ་པོ་རྭ་སྤྲོད་ཐུབ་ཀྱི་འདུག་བ་།
    ཆེ་མཐོའི་ཁྲིམས་ཞིབ་ཁང་ལ་གུས་བརྩི་དང་ཆེ་མཐོངས་ཆེན་པོ་ཡོད་འོན་ཀྱང་མཐའ་མའི་ཐག་གཅོད་བྱ་མཁན་གང་ཟག་མི་གསུམ་རེད་། འཛམ་གླིང་གང་སར་ཁྲིམས་ཐག་རིམ་པ་མང་པོར་ཞུ་གཏུགས་ཆོག་པ་དང་ Judiciary Committee ཆེད་འཛུགས་ཀྱིས་ཐག་གཅོད་བྱ་སྲོལ་ཡོད་པ་རེད་། Judiciary Committee ག་རེ་བྱས་ནས་ཆེད་འཛུགས་དགོས་ཟེར་ན་ ཁྲིམས་དཔོན་ཇི་ཙམ་ཤེས་ཡོན་འབྱོན་ཐང་ཆེ་ཡང་མི་གང་ཟག་གཅིག་ཡིན་པ་དང་ནོར་འཕྲུལ་དང་ཕྱོགས་རིས་བྱ་སྲིད་སྟབས་གལ་པོ་ཅན་ལ་ནན་རྟེན་ཞེས་པ་ལྟར་དངོས་ཡོད་ཀྱི་གནས་སྟངས་ཡིན་སྟབས་ལམ་སྲོལ་བཟོས་པ་རེད་།
    དེ་བཞིན་ཞུ་སྦྱོར་བའི་ཁྲིམས་རྩོད་པས་གསར་འགོད་པར་རྒྱལ་ཁ་་འདི་མང་གཙོའི་རྒྱལ་ཁ་དང ཁྲིམས་ལུགས་དབང་བརྒྱུར་བའི་རྒྱལ་ཁ་ དྲང་བདེན་གྱི་རྒྱལ་ཁ་རེད་ཞེས་བརྒྲགས་གཏམ་བྱས་པ་འདིས་བཙན་བྱོལ་བོད་མིའི་སྒྲིག་འཛུགས་བཀའ་ཤག་ལྷན་སྒྱས་དང་གཞེས་བྱེས་བོད་མི་ཡོངས་ལ་མཐོངས་ཆུང་མཉས་བཅོས་དང་ནག་བསུབས་གཏོང་ཐབས་ཀྱིས་གཡོ་བྱུས་བཟོད་ཐབས་བྲལ་བ་ཞིག་རེད་ཞེས་བརྗོད་རྒྱུ་ཡིན་།།།