སྤེན་པ་ཚེ་རིང་མཆོག་མང་མོས་ཀྱིས་འོས་མིར་བཏོན།

མངའ་རིས་སྤྱི་མཐུན་མིང་ཐོག་ནས་ཆོལ་ཞེན་པ་དེ་དག་གིས་བྱ་སྤྱོད་ལ་ལྟོས་དང་། དྲྭ་གྲོགས་ཚོ། དངོས་གནས་ཡིད་སྐྱོ་དགོས་པ་ཤིག་རེད།
དེ་དག་ལ་རྒྱབ་ལྗོངས་གཞན་གང་ཡང་མི་འདུག རྒྱ་དམར་ལ་དགོས་པའི་ལས་དོན་ཁོ་ན་ལ་བརྩོན་བཞིན་འདུག ཨོ་ཧོ་ཧོ་་་་་་་་་་་་ད་ཡིན་
ན་འདུག

ཕྱི་ལོ ༢༠༡༤ ལོ་མགོ་ཙམ་ནས་ངའི་ཕ་ལགས་དུས་འཁོར་དབང་ཆེན་ཞུ་ཆེད་གྲོང་མཚོ་དང་ གྲོང་སྡེ། རྫོང་སོགས་སུ་མི་རྒྱུ་ཟུང་བྲེལ་གྱིས་དཀའ་ངལ་ཚད་ལས་བརྒལ་བ་ཞིག་གནང་ནས་མཐར་བལ་ཡུལ་བར་གྱི་ཕྱི་བསྐྱོད་ལག་འཁྱེར་རགས་ཙམ་བྱུང་། ང་རང་ལ་མཚོན་ན་མི་ལོ་༢༥ ཙམ་པཱ་ལགས་མ་ཐུག་པ་བརྟེན་དེ་རིང་པཱ་ལགས་པ་ཐུག་པ་མ་ཟད། ཁོང་ལ་ཡང་དཔལ་དུས་ཀྱི་ལོ་འཁོར་དབང་ཟབ་མོ་ཞིག་ཐོབ་ཀྱི་རེད་སྙམ་སྟེ་བལ་ཡུལ་དུ་པཱ་ལགས་བསུ་བར་ཆས།

ང་དང་པཱ་ལགས་བལ་ཡུལ་ནས་རྒྱ་གར་དུ་སང་འགྲོ་གནངས་འགྲོའི་སྐབས་ཤིག་དགོང་དྲོ་མཆོད་བརྟེན་གཡས་གཡོན་དུ་མི་ཚོགས་ཁྲོད་དུ་དུས་འཁོར་དབང་ཆེན་ཕྱིར་རྒྱང་བྱས་པའི་གཏམ་ངན་ལབ་བཞིན་འདུག གནས་ཚུལ་དེ་ངའི་ཐོས་འཛིན་གྱི་འབུ་ཁར་ཐོས་མ་ཐག་སྙིང་ལ་གྲི་བརྒྱ་དུས་གཅིག་ཏུ་བཙུགས་པ་ལྟར་བཟོད་དཀའ་བའི་ན་ཟུག་གིས་གནོན། ལྷག་པར་དུ་པཱ་ལགས་ལ་ཇི་ལྟར་ལབ་དགོས་མིན་དེའི་དགོང་མོ་གཉིད་ཀྱང་མི་ཤོར།

སང་ཉིན་ཞོགས་པཱ་ལགས་ང་གཉིས་ཟ་ཁང་དུ་ཞོགས་ཇ་འཐུང་དུ་བསྐྱོད་སྐབས་གསར་འགྱུར་བརྒྱུད་ལམ་དུ་དུས་འཁོར་དབང་ཆེན་ཕྱིར་རྒྱང་གནང་དགོས་པའི་དགོས་པ་རྒྱུ་མཚན་དང་བཅས་བཀའ་ཤག་གི་གསལ་བསྒྲགས་དེ་མཐོང་བས་པཱ་ལགས་ཀྱང་དགོས་པ་རྒྱུ་མཚན་དེ་དག་ཤེས་ཏེ། ང་ལ་ཡང་གལ་ཆེ་གལ་ཆུང་ཟེར་ན་དེ་འདྲ་ལ་ཟེར་ཞེས་བསླབ་བྱ་གནང་དང་སྦྲེལ་ཡིད་ཤེས་ནོར་བུའི་སྐུ་གཟུགས་གལ་འགངས་ཆེ་བའི་བཀའ་སློབ་ཡུན་རིང་ཞིག་གནང་།

པཱ་ལགས་ང་གཉིས་གྲོས་བསྡུར་ལན་མང་བྱས་ཏེ་མཐར་རྡ་སར་བསྐྱོད་དེ་༧གོང་ས་མཆོག་མཇལ་ཏེ་རྒྱ་གར་གྱི་གནས་ཆེན་ཁག་མཇལ་ནས་བོད་དུ་ཕྱི་ལོག་བྱ་རྒྱུའི་ཐག་གཅོད་གནང།

ད་ལྟ་ཕ་བུ་གཉིས་ཁ་འབྲལ་ཁར་དུས་འཁོར་དབང་ཆེན་ཕྱིར་རྒྱང་བྱ་དགོས་པའི་དངོས་ཡོད་ཀྱི་གནས་ཚུལ་རྣམས་ཐོས་སྐབས། ང་ཙམ་མ་ཟད་ཱཔཱ་ལགས་ཀྱང་ཐུགས་སེམས་མི་སྤྲོ་བ་ཆགས།

ང་དངོས་གནས་སྲིད་དོན་པ་དེ་ཚོར་ཁོང་ཁྲོ་ལངས་ཀྱི་འདུག རང་གི་ལོ་ལྔ་བཅུའི་རྐུབ་སྟེགས་ཀྱི་དོན་དུ་བོད་ནས་ངལ་བ་ཁྱད་དུ་བསད་དེ་ཡོང་མཁན་གྱི་བོད་མི་དེ་དག་དང་། རྒྱ་གར་གཙོས་པའི་ཕྱི་རྒྱལ་ཡུལ་གྲུ་ཁག་གི་དད་ལྡན་པ་རྣམས་ལ་འདི་ལོ་དུས་འཁོར་དབང་ཆེན་མེད་པ་བཟོས།
སྲིད་སྐྱོང་བློ་བཟང་སེང་གེ་ལགས། དེའི་ནག་ཉེས་ཡོངས་རྫོགས་ཁྱེད་དང་། ཁྱེད་ཀྱི་བཀའ་བློན་རྣམས་ཀྱི་འཁུར་དགོས་སོ།
(དངོས་ཡོད་གཞིར་བཞག་སྟེ་བྲིས།
གུས་པ་བཀྲིས་ནོར་བུས། བལ་ཡུལ་ནས་བྲིས།

པཱ་ལགས་ལོ་རྗེས་མ་ཁྱེད་ལ་བར་ཆད་མི་ཡོང་བ་སྨོན་ལམ་ཞུ།

བོད་དོན་བསམ་ཏེ་རྒྱ་ནག་ལ་ཁ་གཏན་གཅོག་པར་དཔུང་མི་བསྒྲིགས་པར། བོད་མི་ནང་ཕན་ཚུན་གྲོས་མཐུན་ཆིག་སྒྲིལ་ལ་གནོད་པའི་ཕྱོགས་རེས་རྐྱང་བྱེད་པ་ནི་བོད་སྤྱི་མཐུན་གྱི་བསོད་ནམས་དམན་པའི་རྟགས་རེད། བློ་བཟང་སེངྒེར་རྒྱལ་བསྐྱོར་མི་བྱེད་མཁན་ལ་ཨ་རི་དང་། ཨོ་སི་ཁྲོ་ལི་ཡ། ཡུ་རོབ། རྒྱ་གར་སོགས་སུ་འཇིགས་སྐུལ་སྣ་ཚོགས་ཡོང་བཞིན་པ་ནི་ཡིད་ཕམ་དགོས་པའི་གནས་ཤིག་ཡིན་པ་མ་ཟད། དཔལ་ལྡན་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ལ་སྟོན་པའི་ན་བཟའ་ནབ་པའི་ཤཀྱའི་དགེ་སྦྱོང་གི་གཟུགས་བརྙན་འཛིན་པ་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་དང་། མདོ་བསྟོད་སྤྱི་ཟུར་ཨོ་རྒྱན་སྟོབས་རྒྱལ་སོགས་ཀྱིས་གཞི་མེད་སྐྱོན་བརྗོད་ཚད་ལས་འདས་བ་བྱེད་པ། ཐ་ན་མདོ་སྟོད་ཆུ་སྒང་གསར་པའི་༧གོང་ས་ཐམས་ཅད་མཁྱེན་པ་མཆོག་སྐུ་ཚེ་ཡུན་དུ་བརྟན་ཆེད་བརྟན་ཞུགས་བསྟར་འབུལ་ཞུ་སྐབས་ཀྱང་མདོ་སྟོད་སྤྱི་འཐུས་རྣམས་༧རྒྱལ་བ་དོན་གྱི་བདག་པོའི་བཞུགས་སྒར་ཐེག་ཆེན་གཙུག་ལག་ཁང་དུ་མ་བཅར་བ་སོགས་ནི་བོད་སྤྱི་བའི་རྩ་དོན་ལ་གནོད་པའི་ལས་ཤ་སྟག་ལས་མ་འདས་པས། དགོངས་པ་གཏིང་ཟབ་མོ་བཞེས་རྒྱུ་གལ་ཆེན་པོ་རེད་སྙམ། བོད་རིགས་སྤུན་ཟླ་ནང་ཁུལ་གྱི་རྩོད་རྙོག་ཁོ་ནས་དབང་གིས་འཕགས་པ་སྤྱན་རིས་གཟིགས་དབང་གིས་དཔལ་དུས་ཀྱི་འཁོར་ལོའི་དབང་ཆེན་ཡང་ཕྱི་མི་བཟློག་ཀ་མེད་ཆགས་པ་ནི། སྙིག་མ་ལྔ་བཟློ་བའི་དུས་འདིར་འགྲོ་ལ་བསོད་ནམས་དམན་པ་ཁོ་ནའི་ཡིན་པ་སེམས་ལ་འཛིན་དགོས། རང་རེའི་སྤྱི་ཚོགས་ནང་གི་སྲིད་དོན་པར་ཁས་འཆེ་བའི་མི་ཁ་ཤས་ཀྱིས་དབང་དང་གོ་སྐབས་ཁོ་ནའི་ཆེད་བོད་འབངས་སེར་སྐྱ་མང་ཚོགས་སྡུག་ལ་མི་སྦྱོར་བའི་གསོལ་འདེབས་དང་བཅས།

ད་ལན་སྲིད་སྐྱོང་སྔོན་འགྲོའི་འོས་བསྡུའི་སྐབས་ཀྱི་མཁས་དབང་བློ་བཟང་སེངྒེ་ལ་ཐོབ་པའི་རྒྱལ་ཁ་དེ་ནི་བསམ་ཡུལ་ལས་འདས་པ་ཞིག་ཆགས་ཡོད་ཅིང་ཕྱི་ལོ་2011ལོའི་སྔོན་འགྲོའི་འོས་བསྡུ་དང་བསྡུར་ན་རྒྱ་ཆ་26འཕར་ཡོད། ཕྱི་ལོ་2011ལོའི་སྔོན་འགྲོའི་འོས་གྲངས་ལས་མཁས་དབང་བློ་བཟང་སེངྒེ་ལ་འོས་ཤོག་22489དང་སྐུ་ངོ་བཀྲས་མཐོང་ལ་འོས་ཤོག་12319 ཐོབ་ཡོད་པས་འདི་དང་ད་ལན་གྱི་འོས་གྲངས་བསྡུར་ན་མཁས་དབང་བློ་བཟང་སེངྒེ་ལ་བརྒྱ་ཆ26དང་འོས་གྲངས་8019འཕར་ཡོད། སྐུ་ངོ་སྤེན་པ་ཚེ་རིང་ལ་སྐུ་ངོ་བཀྲས་མཐོང་གི་སྔོན་འོས་འགྲོའི་འོས་ཐོབ་དང་བསྡུར་ན་བརྒྱ་ཆ་13མར་ཆགས་ཡོད་ཅིང་འོས་གྲངས་1586ཉུང་བ་ཆགས་ཡོད།

བློ་བཟང་དབང་རྒྱལ་གྱིས་གཉེར་བའི་དྲ་གནས་ཐོག་ཏུ་འཁོད་པ་གཞི་བཟུང་བྱེད་ན། འོས་འཕེན་ས་གནས་71ལས་མཁས་དབང་བློ་བཟང་སེངྒེ་ལ་ས་གནས་67ནས་འོས་ཐོབ། སྐུ་ངོ་སྤེན་པ་ཚེ་རིང་ལ་ས་གནས་3དང་བཀྲ་ཤིས་དབང་འདུས་ལ་ས་གནས1གཅིག་ནས་འོས་ཐོབ་ཡོད།

ཨེ་ཤེ་ཡ་རྒྱལ་ཁབ་4དང་ཡུ་རོབ་ཀྱི་རྒྱལ་ཁབ་7བྱང་ཨ་མི་རི་ཀ་ནས་རྒྱལ་ཁབ་2་ཁྱོན་འཛམ་གླིང་གི་རྒྱལ་ཁབ་13ནས་མཁས་དབང་བློ་བཟང་སེངྒེ་ལ་གྲངས་མང་གི་འོས་ཤོག་ཐོབ་ཡོད། འོན་ཀྱང་ས་གནས་ཁག་བཞི་ནས་མཁས་དབང་བློ་བཟང་སེངྒེ་ལ་འོས་ཤོག་ཐོབ་མེད། ས་གནས་བཞི་པོ་དེ་ནི། ཨ་རི་རྒྱལ་ས་ཝ་ཤིང་ཊོན་ནས་སྐུ་ངོ་སྤེན་པ་ཚེ་རིང་ལ་འོས་ཤོག་3དང་། རྒྱ་གར་གྱི་ས་གནས་ཏཱ་ར་ན་གྷ་Tara nagarནས་འོས་ཤོག10 གངས་ཅན་སྐྱིད་གཤོངས་ནས་19་མཐོ་བ་ཡོད། བཀྲ་ཤིས་དབང་འདུས་ལ་རྒྱ་གར་གྱི་ས་གནས་དྷོ་ལ་ཇིDholaji ནས་འོས་གྲངས་60མཐོ་བ་ཆགས་ཡོད། གྲངས་ཚད་འདི་ཚོ་ཧ་ཅང་ཉུང་ཉུང་ཡིན་རུང་ཆབ་སྲིད་ཐད་ནས་བཤད་ན་ས་གནས་དེ་ཚོ་ནས་འོས་ཤོག་ཤོར་བ་རང་དུ་བརྩི་དགོས་སྟབས་མཁས་དབང་བློ་བཟང་སེངྒེའི་རྒྱབ་སྐྱོར་བ་ཚོས་ཆེས་དོ་སྣང་བྱེད་དགོས་ས་ཞིག་ཡིན།

འབྱུང་འགྱུར་ས་གནས་བཞི་པོ་ནས་ངེས་པར་མཁས་དབང་བློ་བཟང་སེངྒེ་ལ་འོས་ཤོག་ཐོབ་ཐབས་དང་དེ་མིན་གྱི་ས་གནས་གཞན་ཁག་ནས་འོས་འཕར་ཐབས་ཇི་དགོས་ཐབས་བརྒྱ་ཇུས་སྟོང་གིས་ལས་དོན་སྒྲུབ་དགོས། འོས་ཤོར་ས་གནས་བཞི་པོ་ནས་འོས་ཤོག་ཤོར་བའི་གནད་དོན་ལ་ཞིབ་འཇུག་དང་འབྲེལ་ཐབས་ཇུས་གསར་པ་བཀོལ་ཏེ་འོས་ཤོག་ཐོབ་པར་བྱེད་དགོས།

མངའ་རིས་སྤྱི་མཐུན་ཚོགས་པའི་ངོས་ནས་གསལ་བསྒྲགས་གནང་བར་དགའ་བོ་བྱུང་སོང་། བོད་པའི་དཀའ་རྙོག་ནི་བོད་པ་རང་གིས་ངོས་ནས་ཐབས་ཤེས་དང་གྲོས་མོལ་རྩལ་འདོན་བྱེད་དགོས་པ་ཞིག་ལས་འཛམ་གླིང་མཉམ་འབྲེལ་རྒྱལ་ཚོགས་དང་ཨ་རི་སོགས་ལ་རེ་བ་རྐྱང་རྐྱང་བརྒྱབ་བསྡད་ཚེ་ཡོང་ཐབས་ཡོད་པ་མ་རེད། སྤྱིར་ན་རྒྱབ་སྐྱོར་ཟེར་བ་གལ་ཆེན་པོ་ཡིན་ཡང་། མདུན་ལ་ཐོན་མཁན་དེ་སོ་སོ་རང་ཉིད་ཐོན་དགོས་པ་ཡིན་དུས་བོད་རྒྱ་ཞི་མོལ་ལ་དངོས་སུ་ལག་པ་འཆང་ཐུབ་མཁན་ཞིག་ཧ་ཅང་གལ་ཆེན་པོ་འདུག

མངའ་རིས་སྲིད་སྐྱོང་འོས་མི་སྟོན་དེར་དགའ་བསུ་དང་བཅས། ཏོག་ཙམ་ཕྱི་དྲག་འདུག་གང་ཡིན་ཟེར་ན་གཏོང་རན་དུས་གསང་སྤྱོད་ཟེར་བ་ལྟ་རེད།
ད་བར་དུ་གཉིད་སྨན་ཟོས་པ་རེད་ཡང་ན་དེང་སང་སྐད་འཕྲིན་བརྒྱུད་ནས་གོ་གཏོགས་ཆེ་རུ་མཁྱེན་པ་རེད། སྤྱིར་ཡོངས་ནས་བཤད་ན་དབུས་མའི་ལམ་དེ་ལམ་ཡག་ཤོས་ཞིག་ཏུ་ངོས་འཛིན་ཆོག་ཡིན་ན་ཡང་རྒྱ་ནག་གཞུང་གིས་གྲོས་ཀྱི་འདོད་པ་མེད་ན་སྤེན་པ་ཚེ་རིང་ལ་ཐབས་ཤེས་བཟང་པོ་གང་ཡོད་དམ། ཨ་རིས་མཚོན་པའི་ཕྱི་རྒྱལ་རྒྱལ་ཁབ་མང་པོ་ཞིག་གིས་ད་ལྟའི་སྲིད་སྐྱོང་ལ་རྒྱབ་སྐྱོར་དང་གུས་བཀུར་ཆེན་པོ། དེ་ལས་སྤེན་པ་ཚེ་རིང་གིས་འཇོན་གདིང་ཚོད་གང་ཙམ་ཡོད་དམ། ད་བར་མི་ལོ་ཉི་ཤུ་རིང་ལ་ཕྱག་ལས་གནང་ཡོད་གྲུབ་འབྲས་བཟང་པོ་ཅི་ཙམ་སྟོན་ཡོད་དམ། ངས་བྱས་ན་ཆོལ་ཁ་ཡི་ནད་ཡོམ་འདི་གང་སར་མ་ཁྱབ་ན་བཟང་།