ཨོ་གླིང་ལྷོ་མ་ནས། བཀྲ་ཤིས་རྒྱ་མཚོས །
རྒྱ་ནག་གིས་བོད་བཙན་བཟུང་བྱས་ནས་མི་ལོ་ལྔ་བཅུའི་རིང་འདིར་བོད་མི་རིགས་འདིའི་རིག་གཞུང་མ་ལག་དང་བཅས་བ་རྩ་མེད་དུ་འགྲོ་བཞིན་ཡོད་ལ་ང་ཚོའི་ངོས་ནས་ཀྱང་རང་གི་སྐད་ཡིག་འདི་བདག་པོ་རྒྱག་ཐུབ་ཀྱིན་མེད་པའི་སྣང་ཚུལ་ཡོངས་བཞིན་ཡོད། ད་དུང་ང་ཚོའི་ཕྱོགས་ནས་ཁ་ཡར་གྲགས་ལ་རྒྱ་ནག་གིས་བོད་ཀྱི་རིག་གཞུང་རྩ་མེད་བཟོ་བཞིན་འདུག་ཅེས་རྒྱལ་སྤྱིའི་སྟེང་ལ་སྒྲོག་བཞིན་པ་མ་ཡིན་ནམ། དེ་འདྲའི་རང་གི་མི་རིགས་དང་རིག་གཞུང་ལ་གཅེས་སྐྱོང་དང་བདག་འཛིན་བྱེད་འདོད་ཡོད་ན་གཞུང་ངོས་ནས་ཀྱང་ཤེས་ཡོན་སྲིད་ཇུས་འདི་དམིགས་བསལ་གྱིས་ཡར་རྒྱས་གོང་འཕེལ་དུ་གཏོང་དགོས་བར་སེམས ། རྒྱ་ནག་གིས་བོད་མི་རིགས་དང་རིག་གཞུང་ཐོག་ལ་འཛིན་པའི་སྲིད་ཇུས་ངན་པ་དེ་དངོས་ཡོད་གནས་ཚུལ་ཡིན་པའི་ཁར་དེང་སྐབས་བཙན་བྱོལ་སྤྱི་ཚོགས་ནང་དུ་ཡང་བོད་ཀྱི་སྐད་ཡིག་འདི་བེད་མེད་ལྟ་བུར་འགྱུར་བཞིན་ཡོད། དེ་ནི་རྒྱ་ནག་གི་སྲིད་ཇུས་ལ་རམ་འདེགས་ལྟ་བུ་ཞིག་ཆགས་ཡོད།
དཔེར་ན་ཉེ་སྔོན་ཐེངས་གཉིས་བའི་བཙན་བྱོལ་ནང་གི་མི་འབོར་ཞིབ་བཤེར་འདི་གལ་ཆེན་དོན་ཆེན་ཡིན་པའི་བརྒྱུད་རིམ་མང་བོ་ཞིག་གི་ཁྲོད་ནས་འགེངས་ཤོག་དེའི་ངོས་སུ་བཙན་བྱོལ་གཞུང་གི་ལས་རྟགས་ཙམ་ཕར་ཟད་བོད་ཡིག་རྐང་གཅིག་ཀྱང་མེད་པས་བཙན་བྱོལ་གཞུང་གི་སྐད་ཡིག་དེ་དབྱིན་ཡིག་མིན་ནམ་སྙམ་པའི་ཚོར་བ་ཞིག་ངང་གིས་སླེབས། འགེངས་ཤོག་འདི་བཟོ་དུས་རྒྱ་ནག་གི་འདྲེ་ལག་བརྐྱངས་བ་མིན་ཚོད་རེད་ལ། ང་ཚོ་རང་དབང་གི་ལུང་བར་ཡོད་པས་རང་གི་སྐད་ཡིག་འདི་རང་དབང་གི་སྒོ་ནས་བེད་སྤྱོད་གཏོང་མ་ཆོག་པ་ཡང་ག་ལ་ཡིན། འདི་ནི་རང་མགོར་རང་གིས་གཞུས་བའི་དཔེ་ལྟར་ལས་སུ་ཞིག་གིས་ང་ཚོ་ལ་དབྱིན་ཡིག་བེད་སྤྱོད་ཐོངས་ཞེས་བཙན་བཀའ་བཏང་མེད་པར་སེམས། ང་ཚོ་ཕྱི་སྡོད་བོད་རིགས་ཡིན་པ་ལས་ཕྱི་རྒྱལ་གྱི་མི་རིགས་ག་ལ་ཡིན། དེར་བརྟེན་བཙན་བྱོལ་ནང་གི་བོད་རིགས་བརྒྱ་ཆའི་ ༨༠ ཙམ་གྱིས་བོད་ཡིག་མི་ཤེས་ན་གནས་ཚུལ་ཁ་ཁ་རེད་མ་གཏོགས་འདི་ལྟ་བུའི་བཙན་བྱོལ་བོད་མི་ཡོངས་རྫོགས་ལ་ཁྱབ་ཐུབ་པའི་འགེངས་ཤོག་ཅིག་དབྱིན་ཡིག་གི་ལམ་ནས་བྲིས་ན་ཧ་ཅང་ཐབས་སྐྱོ་བའི་གནས་སུ་གྱུར་འདུག གལ་ཏེ་འགེངས་ཤོག་འདི་བོད་ཡིག་གི་ལམ་ནས་བྲིས་ཡོད་ཚེ་གཞོན་སྐྱེས་ཚོ་ལ་མ་འོངས་བར་འདི་འདྲའི་འགེངས་ཤོག་གི་རིགས་བོད་ཡིག་གི་ལམ་ནས་རྒྱོང་བའི་ལམ་སྟོན་ཡག་པོ་ཞིག་གནང་བ་མ་རེད་དམ ། དེ་འདྲ་མ་ཡིན་པར་མི་དམངས་ཀྱི་མགོ་ཁྲིད་མཁན་ཞིག་གི་ངོས་ནས་འདི་ལྟར་མུ་མཐུད་དུ་ཕྱིན་ན་ང་ཚོའི་སྐད་ཡིག་འདི་དགོས་མཁོ་མི་འདུག་སྙམ།
ང་ཚོས་དུས་རྒྱུན་དུ་བོད་མི་རིགས་འདིའི་ངོ་བོ་གནས་རྒྱུར་སྐད་ཡིག་དང་རིག་གཞུང་ལ་རག་ལས་ཡོད་ཅེས་མ་ཎི་བཞིན་བགྲང་གི་ཡོད་མོད། འོན་ཀྱང་བློ་ཕམ་པ་ཞིག་ལ་དེ་ལས་ལྡོག་ཏེ་དེང་སྐབས་བོད་ཀྱི་སྐད་ཡིག་འདིའི་ཚེ་སྲོག་གི་ཉག་ཕྲ་བའི་ཐོག་ལ་རང་ཉིད་ཀྱིས་འདི་ལྟར་སྣང་མེད་དུ་བཏང་ན་ནམ་ཞིག་བོད་མི་རིགས་དང་རིག་གཞུང་སྔ་ལམ་དུ་བཞུད་རྒྱུ་ལས་ལམ་གཞན་མེད་པར་འདོད། དེར་བརྟེན་མ་འོངས་བར་གཞུང་དང་གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་གང་ཡིན་རུང་སོ་སོའི་སྤྱི་ཚོགས་འདིའི་ནང་དུ་ལས་འགུལ་ཆེ་ཕྲ་གང་སྤེལ་རུང་རང་གི་སྐད་ཡིག་གི་ལམ་ནས་འབད་བརྩོན་བྱེད་རྒྱུ་ཧ་ཅང་གལ་འགངས་ཆེ་བར་མཐོང་།།
ཡ་གྲོགས་པོ་ལྷན་རྒྱས་ལགས། ང་རང་བོད་ནང་གི་ཧི་གཟུགས་ཟིན་བྲིས་ཀྱི་ཀློག་མཁན་ཞིག་ཡིན་ལ། དེའི་ནང་དུ་རྩོམ་པ་པོ་སྐད་གྲགས་ཅན༼འབྲོང་ཕྲུག༽ཅེས་པ་ཞིག་འདུག བཤད་སྟངས་ལ་ལྟོས་ན་གོང་གི་འབྲོང་ཕྲུག་འདི་འབྲོང་ཕྲུག་དེ་མ་རེད། དེ་བས། གཞན་མིང་མ་བཀོལ་རོགས་ཞེས་ཞུ་རྒྱུ་ཡིན་ལ། གལ་སྲིད་དེ་ལྟར་སོང་བ་ཡིན་ན། ཉེན་ཁ་གཉིས་འདུག
༡ ནང་འཁྲུག་གི་སྔ་ལྟོས།
༢ བོད་ནང་གི་མིར་གནོད་པ་ཐེབས་གཞི།
ལྷ་ཆབ་སྦྱིན་པ་དང་བློ་བཟང་རབ་དགའ་གཉིས་ཀྱི་བཤད་པ་གནས་ལུགས་འདུག འོན་ཀྱང་འབྲེལ་ཡོད་སྡེ་ཁག་གིས་དེ་ལ་གསལ་བཤད་ཞིག་བྱེད་དགོས་པར་སྙམ། གང་ཡིན་ཟེར་ན་མི་མང་ནང་དུ་བསམ་ཚུལ་མང་པོ་ཐོན་གྱིན་འདུག གཞུང་འདི་དམངས་ཀྱི་གཞུང་ཡིན་པས་དམངས་ལ་གསལ་བཤད་ཞིག་བྱེད་ན་ལེགས་པར་སྙམ།
ནོར་བཅོས།
བེད་སྤྱོད་བྱེད་འདོད་
མ་རེད་མ་རེད།
ང་ཚོ་ཚང་མས་བོད་སྤྱོད་འདོད་ཀྱིན་ཡོད་པ་རེད། ཡིན་ནའང་། སྤྱོད་སྒོ་ཉུང་སོང་བའི་རྐེྱན་གྱིས་གནད་དོན་འདི་ལྷག་པ་རེད།
གཅིག་འདི་རེད།
གཉིས་པ། བོད་སྐད་ཡིག་འདི་དུས་རབས་ཉི་ཤུ་ཙམ་ནས་བཟུང་ང་ཚོས་སྲིད་བཤད་སྤྱད་དང་ཟས་བཟའ་སྦྱད་ཉན་པ་རེད་མ་གཏོགས། འུ་ཚང་གི་མེས་པོ་ཚེ་རིང་ལ་ཆོས་འདོན་སྤྱད་ཅིག་ལས་ཅི་ཡང་ཉན་ནི་མ་རེད།
དེ་བས་འདི་ལྟར་ལྷག་པ་རེད།
རྗེས་ཕྱོགས་བོད་མི་ཡོད་ཚད་ཀྱིས་བོད་ཡིག་གི་སྤྱོད་སྒོ་མང་དུ་གཏོང་རྒྱུ་ངའི་རེ་བ་ཡིན།
དྲ་གྲོགས་ཚོ་ལགས
ངས་འདི་ནས་བོད་གཞུང་ལ་སྐྱོན་རྒྱག་གི་མེད་ལ་དུས་ནམ་ཡང་རང་གཞུང་ལ་སྐྱོན་འཛུགས་བྱེད་ཀྱང་མི་རུང་།
འོན་ཀྱང་ངས་བོད་གཞུང་གི་ངོས་ནས་འདི་ལྟར་བོད་ཀྱི་སྐད་ཡི་སྣང་མེད་དུ་བཞག་ན་གཞན་ལ་ཅི་ལྟར་བཤད།
བོད་སྤྱི་ལ་སྐད་ཡིག་འདི་དགོས་མཁོ་མེད་ན་ང་ཚོ་མི་ཁ་ཤས་ལ་དམིགས་་བསལ་གྱི་མཁོ་རྒྱུ་མེད།
འོ་ད་མུ་མཐུད་ནས་དབྱིན་ཡིག་བེད་སྤྱོད་གཏོང་རོགས་་གཏང་།
ང་ཚོ་ལ་བོད་ཡིག་དགོས་དོན་མི་འདུག།
འདི་ལྟར་བཤད་ན་ཁྱོད་ཚོའི་འདོད་ཐོག་ལ་རྟ་རྒྱུག་གི་ཡོད་ཀྱི་རེད །
འེ་རེད།
ཤ་ཚ་བའི་ཚིག་ལ་སྙན་པོ་མེད། ཅེས་པ་འདི་དེང་སྐབས་བེད་སྤྱོད་མང་ཙམ་བཏང་ན་ཡག་ས་རེད། གཏམ་དཔེ་འདི་ལ་རང་གི་གོ་སྐབས་རག་འདུག བོད་གཞུང་ལ་སྐྱོན་རྒྱག་མཁན་བཀྲ་རྒྱམ་ལ་སྦྱར་ནའང་འགྲིག་གི་འདུག དེ་བཞིན་དུ་བློ་རབ་དང་། ལྷ་ཆབ་གཉིས་ཀར་སྦྱར་ནའང་འགྲིག་གི་འདུག
གོང་གི་བློ་བཟང་རབ་དགའི་བསམ་ཚུལ་དེར་རྒྱབ་སྐྱོར་ཡོད། དངོས་གནས་མི་ལྷག་བསམ་རྣམ་དག་ཅིག་རེད། ང་ཚོ་ལ་འདི་འདྲའི་རྒྱལ་ཞེན་པ་དགོས་ཡོད། ད་སྐབས་བོད་ནང་ལོག་ན་ཡི་གེ་རྐང་གཅིག་མི་ཤེས་མཁན་ཚོས་རང་སྲོག་བློས་བཏང་ནས་སུ་ལ་རྒྱབ་སྐྱོར་བྱེད་ཀྱིན་ཡོད་པ་རེད། གཞུང་འདི་བཟང་རུང་ངན་རུང་རང་གི་རྒྱལ་ཁབ་རབ་རེད། མི་ཁ་ཤས་ཀྱིས་ཟོས་ཟོས་པ་དང་འཐུང་འཐུང་བའི་རྗེས་ལ་ཁ་ཕྱིར་འཁོར་ནས་རང་གི་གཞུང་ལ་ཁ་གཏོང་གི་འདུག འདི་ནི་ཆེས་ཐབས་སྐྱོ་བ་ཞིག་རེད། རང་རེའི་གཞུང་ཞབས་པའི་ནང་ན་བོད་ཡིག་ཡག་པོ་མི་ཤེས་མཁན་ཡོད་པ་བདེན་པ་རེད། ཡིན་ནའང༌། གཞུང་འདི་ཐོག་མར་འཛུགས་དུས་བོད་ཀྱི་དམག་མི་དང་ཚོང་བ། མི་ཚེ་གང་བོར་རྒྱལ་ཁམས་འགྲིམ་མཁན་སོགས་འདུས་ཏེ་གྲུབ་པ་ཞིག་ཡིན་དུས། དབྱིན་ཡིག་ལ་བརྟེན་ཏེ་རྒྱ་གར་བ་དང་མཉམ་འབྲེལ་མ་བྱས་པར་ཡོང་ཐབས་མེད་པར་ཆགས་པ་རེད། རྗེས་སུ་རང་རེའི་མི་རབས་གོང་མ་དག་འཚར་ལོངས་བྱུང་སྐབས། རྒྱ་གར་མཐོ་སྐབས་བརྒྱུད་དགོས་དུས་བོད་ཡིག་སྦྱོང་ཁོམ་ཡོད་དམ། དེ་དག་ཕྱིར་སླེབས་དུས་དབྱིན་ཡིག་གཙོ་བོར་འཛིན་དགོས་པ་ཆགས་པ་རེད། གང་ལྟར་ངའི་འགྲེལ་བཤད་འདི་བདེན་མིན་བསམ་བློ་གཏོང་དགོས་པ་ལས། མཐའ་གཅིག་ཡིན་པའི་མ་ཁྱབ། གང་ལྟར་རང་གི་གཞུང་ལ་ཁ་གཏོང་བ་ནི་ཆེས་ཐ་ཤལ་གྱི་བྱེད་ལས་རེད།
བོད་གཞུང་ཤེས་རིག་ལས་ཁུངས་ཀྱི་ཤེས་ཡོན་སྲིད་ཇུས་ཅི་འདྲ་ཞིག་ཡིན་པ་མི་ཤེས། ཡིན་ནའང་བཙན་བྱོལ་གཞུང་དུ་བོད་ཡིག་གི་འགེངས་ཤོག་ཙམ་ཡང་མཐོང་དཀའ་བ་གཙོ་བོ་མ་ཡུམ་བོད་ཁྱིམ་སློབ་གྲྭའི་བྱེད་ལས་རེད། བོད་གཞུང་ལས་ཁུངས་ཁག་གི་ལས་བྱེད་ཕལ་ཆེར་བུ་ཁྱིམ་ནས་ཀ་ངོ་ཡིག་ངོ་ཙམ་ཆོད་རྗེས་བརྩོན་པ་ཡོད་ཚད་དབྱིན་ཡིག་སྒང་ལ་གཏོང་དགོས་པའི་རྒྱ་གར་མཐོ་སློབ་བརྒྱུད་ནས་ཡོང་བ་ཡིན་སྟབས། ཁོང་ཚོས་བོད་ཡིག་བཀོལ་འདོད་ཀྱང་བཀོལ་མི་ཤེས་པ་རེད། སློབ་གྲྭའི་འཛིན་ཁང་དང་དགེ་ལས་ཁང་སོགས་ལ་བོད་ཡིག་གི་སྒོ་བྱང་ཙམ་ཡང་མེད་པའི་གཞུང་ཞིག་གིས་གཞུང་འབྲེལ་སྐད་ཡིག་བོད་ཡིག་བྱེད་འདོད་པ་རྨི་ལམ་མ་རེད་དམ། ཡོད་ཚད་ལ་བསམ་གདོང་རིན་པོ་ཆེ་དངོས་སུ་ཕེབས་ནས་འདི་ཁོགས་ཞོགས། ཕ་གི་བསྒྱུར་ཞོགས་ཟེར་དགོས་པ་ཡིན་ན་ཡོང་ཡས་ཡོད་པ་མ་རེད། དེ་བས་ང་ཚོ་སོ་སོ་ལ་དབང་བའི་ལས་ཀ་ལ་བོད་ཡིག་བེད་སྤྱོད་བྱེད་ཅི་ཐུབ་ལྟ།
དྲ་གྲོགས་ཚོས་གཞུང་འབྲེལ་སྐད་ཡིག་བསྐོར་བསམ་ཚུལ་གླེང་བཞིན་པ་དང་།་ཡང་ན་སུ་ཞིག་ལ་ངན་སྨོད་དང་སྨད་ར།་དེ་མིན་རང་གཞུང་གི་གཞུང་འབྲེལ་ཡི་གེ་བོད་ཡིག་ཁོ་ནར་དགོས་རྒྱུའི་བསམ་ཚུལ་ཡིན་ས་རེད།་་་་་་་ལྷན་རྒྱས་ནས་ཁ་སྟོང་པའི་ལྕེས་ཡུག་ཡུག་ཟེར་བ་ལྟར་མ་གནང་ན་ལེགས།་ངས་བལྟས་ན་ད་ཆ་འདིར་བསམ་ཚུལ་སྤེལ་མཁན་ཁྲོད་ནས་བོད་གཞུང་བསྟན་སྲིད་ཞབས་ཞུ་ཉི་མ་གཅིག་ཀྱང་ཞུ་མ་ཉུང་མཁན་མང་པོ་འདུག་་་་་་་་་ད་དུང་གཞུང་གིས་གཅིག་གཅིག་་་་་་་་་་་་་གཉིས་གཉིས་ཟེར་བ་སོགས་ཁ་ནས་མཐོན་ཚད་ཀྱི་ངན་སྨོད་དང་གདང་འཛིན་བྱེད་པ་ནི་རང་ཕོར་ན་རང་སྐྱག་བཏང་ཟེར་བ་ལྟར་གཉིས་སུ་མ་མཆིས།་བཙམ་བྱོལ་གཞུང་དེ་ལོ་མང་སྔོན་ནས་རིམ་པས་ཡར་རྒྱས་ཕྱིན་བཞག་པ་ལས་ཧོབ་ཏེ་ཚགས་ཚུད་དགོས་ཟེར་བ་སྨྱོ་རྟགས་རེད།་འཇོན་པོ་རྒོད་པོ་ཡོད་ན་བསམ་ཚུལ་སྤེལ་མཁན་ལག་ལེན་ལག་ལྟར་བྱེད་དང་།་རྟ་ཕོ་ལ་རྒྱུག་ས་ཡོད་ན་བྱང་ཐང་སྟོང་པ་རེད།་དེ་མིན་འགན་ཁུར་གང་ཡང་མེད་པའི་ཁ་ངན་ཚིག་ངན་དྲ་གྲོགས་ཚོའི་མདུན་དུ་མ་བཤམས་ན་བཟང་།
བཀྲ་ཤིས་རྒྱ་མཚོ་ལགས་སུ་རྒྱབ་སྐྱོར་ཡོད་པ་མ་ཟད་ཁ་སྣོན་ཞིག་ཡོད་པ་ནི་ང་ལ་ཡང་འགེངས་ཤོག་དེ་རེག་བྱུང་། ངས་འགེངས་ཤོག་དེར་བོད་དབྱིན་གཉིས་བེད་སྤྱོད་བཏང་བ་ཡིན། ང་བོད་ནས་གསར་དུ་ཨ་རིར་ཡོང་བའི་ཨ་རིའི་གཏན་སྡོད་མི་ཞིག་ཡིན་ཕྱིར་རྒྱལ་གཅེས་མ་ལག་དེབ་བཟོ་དགོས་ཀྱིན་འདུག དེར་བརྟེན་ཉིན་མགའི་རྗེས་སུ་རྒྱལ་གཅེས་མ་ལག་དེབ་བཟོ་ཆེད་འགེངས་ཤོག་ཞིག་འབྱོར་བྱུང་། དེ་ཡང་དབྱིན་ཡིག་རེད་འོན་ཀྱང་དེའི་འགྲེལ་བཤད་ཆ་ཚང་བོད་ཡིག་རེད། དེ་ནི་རྒྱ་དནར་གུང་ཁྲན་ཏང་གིས་བོད་དུ་འཛིན་པའི་སྲིན་ཇུས་དེ་དམིགས་ཡུལ་ཐ་དད་པའི་སྒོ་ནས་བྱུང་བ་ཞིག་རེད་བསམ། འདི་ལྟ་བའི་བྱ་སྤྱོད་ཡོངས་ལ་ང་ཚོ་བོད་མི་དམངས་ཡོངས་ཀྱིས་ཐུགས་ཁུར་གནང་རོགས། གང་ལྟར་ང་ལ་དུང་ཡང་བོད་ཡིག་གི་འགེངས་ཤོག་ཞིག་རེག་མ་བྱུང་། ངས་ལྟོས་ན་འགེངས་ཤོག་འདིའི་བཟོ་བཀོད་འགན་འཛིན་སུ་ཡིན་ན་དེས་ལས་ཀའི་ནོར་འཕྲུལ་ལ་དགོངས་དག་ཞུ་རྒྱུ་དང་དེ་ལ་གསལ་བཤད་གནང་ན་འོས་པར་ལེགས།
བཀྲ་ཤིས་རྒྱ་མཚོ་ལགས་ཀྱི་བསམ་ཚུལ་འདི་ལ་དགའ་བསུ་ཡོད། ང་ཚོའི་ས་གནས་ལ་བདུན་ཕྲག་སྔོན་མའི་ནང་བཀྲམས་སོང་། ང་རང་ཡང་བློ་ཕམ་དང་བཅས་ཀླད་པའི་ནང་དྲི་རྟགས་མང་བོ་ཞིག་འཁོར་བཅུག་སོང་། རང་གི་སྐད་ཡིག་འདི་ལ་རང་གི་མི་གྲངས་ཞིབ་བཤེར་བྱེད་པའི་ནུས་བ་ཞིག་ཀྱང་མེད་སོང་བ་རེད་དམ། གཞུང་གིས་སྔ་གཞུག་བར་གསུམ་དུ་སྐད་ཡིག་སྲུང་སྐྱོབས་ཅེས་ཀི་འདེབས་བཞིན་པ་འདི་ཕྱི་རྒྱལ་གྱི་རོགས་ཚོགས་འགའ་བ་སློངས་མོ་རྒྱགས་བྱེད་མ་གཏོགས་དོན་དུ་ལག་ལེན་ལ་བསྟར་འདོད་མེད་སོང་བ་རེད་དམ། ཡང་ན་གཞུང་གི་འཛིན་སྐྱོང་འོག་ན་དབང་ཆེན་འགས་བོད་ཡིག་འདི་ནམ་ཡང་རྒྱང་ཕུད་དུ་གཏོང་རྩིས་བྱེད་བཞིན་པ་རེད།
གཞུང་འབྲེལ་སྐད་ཡིག་དབྱིན་ཡིག་རེད།
སྐད་ཆ་དངོས་ནས་དྲང་མོ་ཞིག་བལྟས་དེ་བཤད་པ་ཡིན་ན། བོད་གཞུང་ནས་བོད་མི་མང་ལ་བཀྲམ་རྒྱུའི་ཡིག་ཆ་ཞིག་ཡིན་པས་ཐད་ནས་བོད་ཀྱི་སྐད་ཡིག་སྟེང་དུ་མེད་པ་དེ་ནི་དངོས་ནས་ཐབས་སྐྱོ་བོ་ཞིག་རེད་འདུག་ལ་བོད་གཞུང་གིས་རང་གི་སྐད་ཡིག་ལ་འགན་མ་བླངས་པ་ཞིག་རེད་ཅེས་བཤད་ན་མ་འགྲིག་པ་མེད། འོན་ཀྱང་། རྒྱ་གར་དབུས་གཞུང་ལ་སྤྲོད་དགོས་པ་ཞིག་ཡིན་དུས། དེ་ཡང་བོད་ཡིག་གིས་འགྲིག་ཐབས་མེད་པ་ལྟར་དེ་ལ་དབྱིན་ཡིག་དགོས་ཀྱི་ཡོད་དུས་དབྱིན་བོད་གཉིས་ཀྱི་སྟེང་དུ་མ་བཟོས་པ་དེ་ཡང་གཞུང་གིས་ནོར་འཁྲུལ་དུ་དྲངས་ན་དངོས་ནས་མ་ཆོག་པ་མི་འདུག གང་ལྟར། བོད་གཞུང་གིས་དུས་རྟག་དུ་བོད་ཡིག་ཉམས་པ་སོར་ཆུད་དང་མི་ཉམས་གོང་འཕེལ་གསུང་བཞིན་དེ་ཡང་ལག་ལེན་མ་གནང་བས་རྟགས་ཤིག་རེད་འདུག་ཟེར་ནས་བཤད་ཀྱང་མ་འགྲིག་པ་མི་འདུག དངོས་ནས་བཤད་ན་འདི་འདྲ་ལ་དམིགས་གསལ་གྱིས་བོད་གཞུང་གིས་འགན་བཞེས་དེ་ཡིག་སྒྱུར་སྡེ་ཚན་དམིགས་གསལ་བ་ཞིག་བཙུགས་ན་ཡག་པོ་རེད།
བོད་ཡིག་ནང་འབྲི་དགོས་ན་འགེངས་ཤོག་ཙམ་གྱིས་ག་ལ་འགྲིག ཁོང་ཚོས་འགེངས་ཤོག་འདི་དག་རྗེས་མ་དེབ་གཟུགས་སུ་འགོད་དགོས་པ་རེད། དེ་དུས་ཀྱང་དབྱིན་ཡིག་གི་ནང་མ་གཏོགས་བོད་ཡིག་ནང་འབྲི་ཐུབ་གི་མ་རེད། འདི་རྒྱུ་རྐྱེན་གཙོ་བོ་དེ་ཡིན་རྒྱུ་རེད་སྙམ། གསར་འགོད་གསལ་བསྒྲགས་ཤིག་ཀྱང་དུས་ཚོད་ཐུང་ཐུང་ཞིག་གི་ནང་བོད་ཡིག་གི་ནང་དུ་འཕབ་པར་དཀའ་ངལ་ཡོད་ས་ཞིག་ནས་དེབ་འདི་འདྲ་ཞིག་བོད་ཡིག་ནང་འབྲི་རྒྱུ་ནི་དཀའ་ངལ་གང་འདྲ་ཞིག་ཡིན་མིན་ཚོད་དཔག་ཐུབ་དགོས་པ་ཞིག་རེད། གང་ལྟར། བསམ་ཚུལ་འདི་དག་གལ་ཆེན་པོ་རེད།
རེད་རེད། དངོས་གནས་རེད། སྐབས་དེར་ངས་ཐོ་འགོད་བྱེད་དུས་བསམ་འཆར་འདི་བཞིན་བཏོན་པ་ཡིན།
ཡིན་ནའང་། ཐོ་ལེན་མཁན་ཚོར་བཤད་མ་བཤད་མི་འདུག་ཁོང་ཚོས་ཅང་ཤེས་ཀྱིན་མི་འདུག
དེའི་རྗེས་ནས་ངས་ཞིབ་འཇུག་བྱས་དུས་ཐོ་འདི་རྒྱ་གར་གཞུང་ལ་སྤྲོད་དགོས་པའི་སྐད་ཆ་ཞིག་འདུག དེ་འདྲ་ཡིན་སྟབས། དབྱིན་ཡིག་གིས་འབྲི་དགོས་རབས་ཤིག་བཤད་ཀྱིན་འདུག ངས་སྐབས་དེར་འོ་ན་བོད་དབྱིན་གཉིས་ཤན་སྦྱར་བྱས་ནས་བྲིས་ན་མི་ཆོག་གམ་ཞེས་ངའི་རོགས་པ་ཚོར་རྩད་རྒྱབ་པ་ཡིན། སྐབས་དེར་ཁོང་ཚོས་ཀྱང་ལྐུག་པར་གྱུར་ནས་ཟམ་གདོང་ཚང་ལ་སྐད་ཆ་འདྲི་གི་རྒྱུགས་ཟེར།
དངོས་ཡོད་གནས་ཚུལ་རེད། གཞུང་འབྲེལ་གྱི་ལས་གཞི་འདི་འདྲ་ཆེན་པོ་ཞིག་ལ་བོད་ཡིག་ཚིག་གཅིག་ཀྱང་མེད་པ་བློ་ཕམ་གྱི་རང་བཞིན་རེད། བལ་ཡུལ་ནས་མི་ཚང་ཞིག་གིས་འགེངས་ཤོག་སྟེང་བོད་ཡིག་མེད་པ་ལ་བརྟེན་ནས་ཐོ་འགོད་བྱེད་རྒྱུ་མིན་ཞེས་ཕྱིར་འཐེན་བྱས་པའི་གནས་ཚུལ་ཡང་བྱུང་འདུག ད་འདི་ཕལ་ཆེར་འབུམ་རམས་པ་དཀོན་བརྩོན་གྱིས་བོད་ཡིག་མཁྱེན་གྱི་མེད་ཙང་ཡིན་རྒྱུ་རེད།