སྤྱིར་མི་རིགས་ལ་ཤ་ཚ་ཡོད་མཁན་ཞིག་ཡིན་ན་མི་རིགས་ཀྱི་དོན་ཏུ་སྐད་ཆ་བཤད་མགོ་བཙུགས་པ་ནས་རང་ཉིད་ཤི་རེག་བར་དུ་བཤད་དགོས་ཀྱི་ཡོད་ཀྱང་། དེ་འདྲའི་སྙིང་སྟོབས་མེད་ཀྱང་རང་གི་གང་བཤད་པ་ལ་རང་གིས་འགན་ལེན་ཐུབ་མཁན་ཞིག་ཡིན་ན། ད་གཟོད་བོད་པ་ཚང་གི་མི་རབས་རྗེས་མ་དག་གིས་དངོས་ནས་མིག་དཔེ་བལྟ་སར་དངོས་ནས་འོས་པ་རེད། དེ་མིན་ཁ་ཕོ་བསྒྲགས་པ་ལས་མཇུག་མི་སྐྱོང་བའི་མི་དེ་དག་ནི་གང་དུ་ཡོད་ཀྱང་གྱང་ཁའི་རྩ་དང་ཁྱད་པར་མེད་དུས། དེ་དག་གི་རིགས་ནི་བོད་ཕྱི་ནང་དང་རྒྱལ་ཁབ་གང་དུ་ཡོད་མེད་ལ་མ་བལྟས་པར་དེ་ཙམ་ཞིག་རེད་ཅེས་བཤད་ན་མ་འགྲིག་པ་མི་འདུག རང་རང་གིས་གང་ཞིག་བྱེད་ཐུབ་མིན་དེ་ནི་གོ་སྐབས་དང་དགོས་འཁོ་སོགས་མང་བོ་ཞིག་ལ་བརྟེན་དགོས་ཀྱི་ཡོད་ཀྱང་། རང་གིས་གང་བཤད་པ་དེ་དག་ལ་འགན་ལེན་བྱེད་རྒྱུ་དེ་ནི་རང་གིས་ཁོག་ལ་ཤར་ནས་ཁ་ནས་ཐོན་པ་ཡིན་དུས་དེའི་བདག་པོ་རང་ཉིད་བྱེད་དགོས་ཀྱི་ཡོད་པ་རེད་ལ། གལ་ཏེ། རང་ཉིད་ཀྱིས་ནོར་འཁྲུལ་རེ་བྱས་པ་ཡིན་ན། རང་གིས་མ་ཤེས་ཀྱང་མི་གཞན་གྱིས་ཤེས་དེ་གསལ་བཤད་བྱས་དེ་འོང་ན་དེ་ལ་ངོས་ལེན་བྱེད་ཐུབ་པ་ཡིན་ན་ད་གཟོད་བོད་པ་ཚང་གི་ཡར་རྒྱས་ཤིག་རེད་ཅེས་བཤད་ན་འགྲིག་པར་འདོད། འདི་ནི་ང་རང་གི་བསམ་ཚུལ་ཐུང་ཐུང་ཞིག་ཤར་མར་བྲིས་པ་ཡིན་པ་ལས། དྲ་གྲོགས་སྤུན་ཟླ་དག་ལ་འགྲན་སློང་འདོད་དང་སུན་སྣང་བཟོ་འདོད་ཀྱི་བློ་རྩ་བ་ནས་མེད་པ་ཐུགས་འཇག་འཚལ
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
བདེན་པ་ཧ་ཅང་འདུག རྗེས་མ་མུ་མཐུད་དུ་འབད་པ་བྱེད་གི་ཡིན། ཁྱེད་ཚང་ལ་ཡང་ཡང་བལྟ་གི་ཡིན
གྲོགས་ལགས། དངོས་ནས་ནོར་ཡོད་ན་དགོངས་དག་ཞུ་དགོས་མཁན་དེ་ནི་ང་རང་ཆགས་ཡོད་སྟབས། ངས་ཁྱེད་རང་ལ་དགོངས་དག་ཞུས་ན་རེད།
གྲོགས་པོ་ལགས།
དེ་ནི་གཅིག་གི་བཤད་ཕྱོགས་དང་གཅིག་གི་ཉན་ཕྱོགས་ཙམ་རེད། ཁྱོད་ཀྱིས་ཉན་ཕྱོགས་དེ་ལྟར་འཛིན་ན་ངས་དགོངས་ཞུས་བ་ཡིན།
དྲ་གྲོགས་ཟ་ལེ་རྒྱལ་ལགས། ངས་སུ་ཞིག་ལ་ཁ་བརྡུང་གཏོང་བཞིན་འདུག་ལགས། དེ་གང་དུ་འདུག ང་ལ་ཚུར་གསུང་ལན་གསལ་བོ་ཞིག་གནོང་དང་ད་གཟོད་ངས་ཅི་ལྟར་ཁ་བརྡུང་བཏང་བ་ཡིན་མིན་ཡང་ཤེས་ངེས་རེད། ངས་བསམ་ན་དྲ་གྲོགས་སྤུན་ཟླ་སུ་ལ་ཡང་ཁ་བརྡུང་བཏང་བ་ཞིག་ཡིད་ངོར་འཆར་གྱི་མི་འདུག་ན། དེ་འདྲའི་ལས་ངན་རེ་བསགས་ཡོད་ན་ངས་ངོ་མ་དགོངས་དག་ཞུ་འདོད་ཡོད།
ཉིན་འགར་ཟིན་བྲིས་སུ་ཡོང་མ་ཐུབ་པས་དགོངས་དག་ཞུ། དེ་རིང་འདིར་ཡོང་དུས་ཁྱོད་ཀྱིས་སུ་ཞིག་ལ་ཁ་བརྡུང་གཏོང་བཞིན་པ་དེ་ང་ལའང་རན་པས་འདིར་དགོངས་དག་ཞུས་བ་ཡིན། དུས་ཚོད་ཀྱི་ཁོམས་སྐབས་ནམ་ཡོད་ན་འདི་རུ་ཡོང་གི་ཡོད་ལ་རྗེས་སུའང་དེ་བཞིན་ཡིན།
ཨ་རིག་དགེ་མཐོང་ལགས། བསྟོད་བསྔགས་འདི་ང་རང་གཅིག་བུ་ལ་དབང་བ་ཞིག་གཏན་ནས་མིན། ངེད་ཅག་འདི་ན་བོད་ཡིག་གི་དྲ་ཚིགས་ལ་ཉིན་མཚན་གྱི་ཕྲག་བར་དུ་དུས་ཚོད་གང་ཡོད་ལ་ཡོང་ནས་རང་གི་མི་རིགས་ལ་ཤ་ཞེན་ཆེན་པོས་སྒོ་ནས་སྐད་ཆ་བཤད་མཁན་སྐུ་ཉིད་གཙོ་བའི་དྲ་གྲོགས་ཚང་མ་ལ་སྡུག་རུས་དང་སྙིང་སྟོབས་ཤིག་ཡོད་དུས། ངེད་ཅག་གིས་རང་རང་གིས་ཐད་ནས་གང་ཐུབ་ཐུབ་རེ་ཤུ་རེ་ལོས་བྱེད།
ཨ་རིག་གླེན་པའི་ཁོངས་སུ་གཏོགས་པའི། བོད། ཤ་ཁྲག་རུས་གསུམ་ལགས།
ཁྱེད་ནི་སྡུག་རུས་ཅན་དང་སྙིང་སྟོབས་ཅན་ཞིག་རེད། ཁྱོད་ཀྱི་གཤིས་ཀ་བཟང་བོ་དེས། ངའི་ཡིད་སེམས་རང་དབང་མེད་པར་འཕྲོག་སོང་།
མི་ཟེར་བ་ནི་ཞན་ཆ་མི་ཉུང་བ་ཞིག་ཡོད་པ་ནི་བཤད་མ་དགོས་པ་རེད། ངེད་ཅག་གི་མི་རིགས་འདི་ལ་དེ་ལས་ཀྱང་ཞན་ཆ་ཞིག་ལྷག་ཡོད་པ་ནི་བོད་ཀྱི་གཞོན་སྐྱེས་དག་ལ་རང་གི་སྐད་ཡིག་ལ་བཅིངས་པའི་འདུ་ཤེས་ཆུང་བ་དང་བོད་ཀྱི་གསོན་རྩ་དག་ལ་རང་གི་སྐད་ཡིག་གི་སྟེང་ནས་འབྲི་ཀློག་བྱེད་པའི་འདུན་པ་ཤུགས་ཆེན་མེད་པ་འདི་དག་གིས་ཐད་ཀྱི་ཞན་ཆ་གླེང་བ་ནས་འདི་དག་གི་དཀའ་ངལ་ཇི་ལྟར་སེལ་རྒྱུའི་ཐད་ཀྱི་གསུང་རེ་གནང་ན་ག་འདྲ་འདུག དེ་མིན་རྩོམ་པ་པོ་དག་གིས་རྩོམ་ཡིག་གི་ཞན་ཆ་དེ་ནི་གླེང་རྒྱའི་དུས་སྐབས་ནི་ད་དུང་སྔ་མེད་ཕྱི་མེད་ཅིག་རེད།
གངས་རིའི་གླེང་བུ་ལགས། དེ་ནི་རྩོམ་པ་པོ་དག་གི་ཞེན་ཆ་ཆེ་ཤོས་ཤིག་ཡིན་ན་ནི་ཧ་ཅང་གི་དགའ་འོས་པའི་དོན་དག་ཅིག་རེད། གཙོ་བོ་ཞན་ཆ་ཡིན་མི་འོས་པ་རེད། དེ་འདྲ་ཞིག་མ་རེད་དམ། ཧ་ཧ་ཧ
རེད་ལགས། གངས་རིང་གླིང་བུ་ལགས། ཉིད་ཀྱིས་དེ་ལྟར་གསུང་ཤེས་པ་བཞིན་དུ་འགན་ཡོད་པའི་སྐད་ཆ་རེ་ཤོད་དང་། རྩོམ་ཡིག་རེ་སྤེལ་དང་ང་རང་གིས་ཐོག་མར་ཉིད་ལ་རྒྱབ་སྐྱོར་བྱེད་ཆོག
འབྲི་མཁན་ཉུང་ཉུང་རེད།་་་་་བོད་ནང་ལ་མཚོན་ན་ཧ་ཅང་གི་མང་པོ་འདུག་་འདི་ན་དེ་ལྟར་མེད་པ་གང་ཡིན་ནམ
ང་ཚོའི་སྤྱི་ཚོགས་འདིའི་ནང་དུ་འགན་ལེན་དང་ལག་ལེན་མེད་པའི་སྐད་ཆ་རྫིག་པོ་དང་བཤད་མཁན་མང་པོ་འདུག་་་་་དེ་ནི་རྩོམ་པ་པོ་དག་གི་ཞེན་ཆ་ཆེས་ཤོས་ཤིག་རེད་བསམ་་ལྷག་པར་དུ་མི་རིགས་འདིའི་མ་འོངས་བའི་ཁ་ཕྱོགས་དང་ད་ལྟའི་བཅོས་བསྒྱུར་གྱི་ཐད་ལ་བསམ་གཞིགས་ཀྱིས་རྩོམ་ཡིག་
དྲ་གྲོགས་མདོ་ལའི་འཁྱམས་པོ་ལགས། སྙིང་ཐག་པ་ནས་ཐུགས་རྗེ་ཆེ་ལགས། ང་རྒད་པོ་རྒས་བཞིན་ཡོད་པས་ཡོད་པའི་རྟགས་མཚན་ཞིག་ཀྱང་ཡིན་ངེས་ལ། མི་རིགས་ལ་སེམས་གཏིང་ནས་དྲན་སྐུལ་དང་རང་གིས་གང་ཤེས་ང་ཚོས་ཚང་མས་བྱེད་ཀྱི་ཡོད་ན་དམིགས་གསལ་གྱི་ང་རང་གཅིག་བུར་དེ་འདྲའི་བསྟོད་བསྔགས་ཤིག་དངོས་ནས་བྱེད་དགོས་དོན་ཡོད་ནི་མ་རེད། ཡིན་ཡང་ཉིད་ཀྱིས་ང་རང་ལ་རྗེས་སུ་ཡི་རུང་གནང་བ་དེར་ཐུགས་རྗེ་ཆེ་སླར་ཡང་ཞུ།
རེད་ལགས། ལྷ་ཆབ་ལགས། འབད་བརྩོན་མུ་མཐུད་དུ་བྱེད་ཀྱི་ཡོད། རུས་སྤལ་བཞིན་རང་གིས་ཐུབ་ཚོད་ཀྱི་བཀོག་ནས་ནུར་བཞིན་ཡོད། རེ་བ་ཞིག་ཡོད་པར་བལྟས་པ་དེར་བཀའ་དྲིན་ཆེ།
རེད་ལགས། དྲ་གྲོགས་རྒན་པ་ཁ་བ་ལགས། ང་ཚོ་ཚང་མས་འགན་རེ་འཁུར་ནས་ཤུ་རེ་བྱེད་དགོས། དེ་ལྟར་དུ་ང་ཚོ་ཚང་མས་སྐུལ་ལོངས་དང་འབད་བརྩོན་བྱེད།
ཤ་ཁྲག་རུས་གསུམ་ལགས། ཁྱེད་ཀྱིས་བཤད་པ་དེ་དག་ཚར་རེ་བཀླགས་སྐབས། ངའི་ཕ་དྲིན་ཆེན་ཡིད་ལ་ཤར། ཁྱེད་ཀྱིས་སེམས་ཤུགས་དང་སྤོབས་པ། ལ་རྒྱ་དང་མདུན་བསྐྱོད་ལ་མི་སུ་ཡིས་ཀྱང་འགོག་ཐབས་བྲལ། ཁྱོད་ནི་མི་སེམས་དཀར་རང་ཚུགས་ལྡན་པ་ཞིག་ལ་ངོས་འཛིན་བྱེད་ཀྱིན་ཡོད། ཁྱེད་ལ་ངས་སེམས་བསམ་པའི་གཏིང་ནས་གུས་བཀུར་ཞུ།
བརྩོན་འགྲུས་ལྡན་པའི་རུས་སྦལ་གྱིས།།
བློ་ལྡན་རི་བོང་ཕམ་ལ་ལྟོས།།
བཀླགས་ཟིན། ཐུགས་རྗེ་ཆེ། འགན་རེ་ཁྱེར་ན་རང་གཞན་གཉིས་ཕན་ཞིག་ལོས་ཡིན།