རྒྱ་ནག་གཞུངགི་གནོན་ཤུགས་དང་ངོ་རྒོལ་ལ་མ་ལྟོས་པར་༧གོང་ས་མཆོག་ལ་ཕཱ་རེ་སིའི་དམིགས་བསལ་གྲོང་མིའི་མཚན་མཐོང་འབུལ་བཞེས་ཀྱི་མཛད་སྒོ་དེ་ཕྱི་ཚེས་ ༧ ཉིན་དངོས་སུ་ཚུགས་ཡོད་ལ། སྐབས་དེར་ཕཱ་རེ་སི་གྲོང་ཁྱེར་ལྗང་ཁུ་ཚོགས་པའི་འཐུས་མི་ཚོས་གྲོང་ཁྱེར་ཉེ་འཁྲིས་སུ་ཡོད་པའི་སོ་སོའི་གཞུང་ལས་ཁང་གི་སྒེའུ་ཁུང་ནས་༧གོང་ས་མཆོག་གི་སྐུ་པར་དང་རྒྱ་ནག་དམངས་གཙོ་དོན་གཉེར་བ་ཧུའུ་ཅ་ཡི་སྐུ་དཔར་འགྲེམས་སྟོན་བྱས་ཡོད་པ་མ་ཟད་། ཧྥ་རན་སིར་གནས་སྡོད་བོད་མི་དང་བོད་གཞུང་དོན་གཅོད་ཁང་གིས་དགའ་བསུའི་རྟེན་འབྲེལ་མཚོན་ལྷད་དགོང་དྲོའི་འདུ་འཛོམས་ཤིག་གོ་སྒྲིག་གནང་ཡོད།
ཕྱི་ཚེས་ ༧ ཉིན་གྱི་དགོང་དྲོ་ཆུ་ཚོད་ལྔ་བའི་སྟེང་། ཕཱ་རེ་སིའི་གྲོང་ཁྱེར་སྤྱི་ཁྱབ་པ་སྐུ་ཞབས་བྷར་ཀྲེན་ཌེལ་ནོ Bertrand Delanoë ཡིས་༧གོང་ས་མཆོག་ལ་གྲོང་ཁྱེར་ཕཱ་རེ་སིའི་དམིགས་བསལ་གྲོང་མིའི་མཚན་མཐོང་འབུལ་བཞེས་ཀྱི་མཛད་སྒོ་དེ་གྲོང་ཁྱེར་སྲིད་གཞུང་ཚོམས་ཁང་ནང་དངོས་སུ་གཙོ་སྐྱོང་གནང་ཡོད་ལ། སྐབས་དེར་ཁོང་གིས་ ༼ གྲོང་ཁྱེར་ཕཱ་རེ་སིའི་དམིགས་བསལ་གྲོང་མིའི་མཐོང་མཚན་ནི་འཛམ་གླིང་འདིའི་སྒང་ཞི་བདེ་དང་། མཛའ་མཐུན། མཉམ་གནས་བཅས་ལ་འབད་བརྩོན་གནང་མཁན་ཚོར་འབུལ་སྲོལ་ཡོད་པ་ལྟར། ཕྱི་ལོ་ ༢༠༠༨ ལོའི་དམིགས་
བསལ་གྲོང་མིའི་མཚན་མཐོང་དེ་བོད་མིའི་དབུ་ཁྲིད་ཏཱ་ལའི་བླ་མ་སྐུ་ཕྲེང་བཅུ་བཞི་པ་བསྟན་འཛིན་རྒྱ་མཚོ་མཆོག་ལ་སྤྱི་མོས་ལྟར་འབུལ་གཏན་ཁེལ་ཚར་ཡོད། དེ་ནི་ཁོང་གིས་འཛམ་གླིང་ཞི་བདེ་དང་། དམིགས་བསལ་བོད་རྒྱའི་གནད་དོན་དེ་འཚེ་བ་མེད་པ་དང་། ཞི་བདེ། མཉམ་གནས་། གཉིས་ཕན་བཅས་ལ་གཞི་བཅོལ་ནས་འབད་བརྩོན་གནང་བར་དམིགས་པ་ཞིག་ཡིན་ ༽ ཞེས་འགྲེལ་བརྗོད་གནང་ཡོད་ལ། དེ་བཞིན་༧གོང་ས་མཆོག་གིས་མཚན་མཐོང་འབུལ་བཞེས་སྐབས་གསུངས་དོན་ ༼ ངོས་རང་བོད་མི་དཀྱུས་མ་ཞིག་ཡིན་པའི་ཆ་ནས། དེ་རིང་གྲོང་ཁྱེར་འདིར་དམིགས་བསལ་གྲོང་ཁྱེར་ཕཱ་རེ་སིའི་གྲོང་མིའི་མཚན་མཐོང་ཐོབ་པར་དགའ་བོ་བྱེདབཞིན་ཡོད། ད་ལྟ་ད་དུང་ངས་དྲན་གསོས་པ་ཞིག་ལ། ཕྱི་ལོ་བརྒྱད་ཅུ་གྱ་དགུ་ལོར་ངོས་རང་ལ་ནོ་སྦེལ་ཞི་བདེའི་གཟེངས་རྟགས་ཐོབ་སྐབས་ངོས་རང་གཅིག་པུ་མ་ཡིན་པར། བོད་ནང་གི་བོད་མི་ཚང་མར་དགའ་སྤྲོ་འཕེལ་ཡོད་པ་མ་ཟད། རྒྱ་མི་མང་པོ་ཞིག་ལའང་རང་བཞིན་གྱིས་སྤྲོ་པ་འཕེལ་འདུག ཁོང་ཚོས་ང་ལ་རྗེས་སུ་ཡིག་འབྲེལ་གྱི་ལམ་ནས་དགའ་བསུ་གནང་སོང་། དེ་རིང་འདིར་ངས་འདི་ལྟའི་ཆེ་མཐོང་ཞིག་དང་ལེན་བྱེད་པ་ནི་རྒྱལ་སྤྱི་དང་བོད་ཀྱི་མ་འོངས་པར་ཁ་ཕྱོགས་པ་ཞིག་ཡིན་ལ། དམིགས་བསལ་བོད་ནང་གི་བོད་མི་དང་རྒྱ་རིགས་ཚོར་ཁ་ཕྱོགས་པ་ཞིག་ཡིན་ ༽ ཞེས་གསུངས་ཡོད།
འདས་ལོ་ཕྱི་ཟླ་ ༣ པའི་ནང་གྲོང་ཁྱེར་འདིའི་འཐུས་མི་ཚོས་སྤྱི་མོས་ཐོག་༧གོང་ས་མཆོག་ལ་མཚན་མཐོང་འདི་བཞིན་འབུལ་བར་གཏན་འཁེལ་སྐབས། ཧྥ་རན་སིར་གནས་སྡོད་རྒྱ་ནག་གཞུང་ཚབ་ཀྱི་ངོས་ནས་གྲོང་ཁྱེར་ཕཱ་རེ་སིའི་འཐུས་མི་ཚང་མར་ངོ་རྒོལ་གྱི་འཕྲིན་ཡིག་རེ་བཏང་ཡོད་པ་མ་ཟད། གཟའ་འཁོར་སྔོན་མའི་ནང་རྒྱ་ནག་གཞུང་གི་མགྲིན་ཚབ་པས་བོད་ཀྱི་གནད་དོན་ཐད་ཧྥ་རན་སི་མུ་མཐུད་ནས་ནོར་འཁྲུལ་གྱི་ལམ་དུ་མི་འགྲོ་བའི་འབོད་སྐུལ་ཞུས་ཡོད།
ཡུ་རོབ་གསར་འགོད་པ། ཟླ་བ་ཚེ་རིང་།
བཀའ་ཁྲི་མཆོག་དགོངས་པ་ཞུས་ཀྱང་༧གོང་ས་མཆོག་གིས་དགོངས་པ་མ་གནང་པའི་གནས་ཚུལ་ཞིག་གང་གསར་སྤེལ་འདུག་ཀྱང་དུས་བབ་ནང་མ་ཐོན་པ་གང་ཡིན་ནམ།
ད་དུང་འདི་ཟླའི་ཚེས་༧ ཉིན་ལྷ་སར་མི་༢༠༠་བསྐོར་གྱིས་སྐད་འབོད་བྱས་སྐད་འདུག
ཁྱེད་ནི་བླ་མ། ཁྱེད་ནི་ཡི་དམ། ཁྱེད་ནི་མཁའ་འགྲོ བསྐལ་བ་ཇི་སྲིད་བར་དུ་རྗེས་སུ་འཛིན་པར་ཤོག གངས་ཅན་སྐྱེ་འགྲོ་གཙོ་བའི་འགྲོ་བ་སེམས་ཅན་དོན་དུ་སྐུ་ཚེ་བརྟན་པར་ཤོག ཐུགས་བཞེན་འགྲུབ་པར་སྨོན། བོད་གངས་ཅན་ཡུལ་ལ་ཕེབས་ཐུབ་པར་ཤོག བོད་ནང་གི་བོད་མི་དེ་དག་གིས་མིག་གི་དཔྱིད་དུ་མྱུར་དུ་འཆར་བར་སྨོན།
སྐུ་ཚེ་མཛད་འཕྲིན་འོད་སྣང་ཡང་ཡང་ཁྱབ་གྱུར་ཅིག །
ནག་ཕྱོགས་མུན་པའི་གཡུལ་ལས་རྟག་ཏུ་རྒྱལ་གྱུར་ཅིག །
གོ་ལ་ཧྲིལ་བོ་བྱམས་དང་བརྩེ་བའི་འཚོལ་བར་ཤོག །
ཉམས་ཆུང་འགྲོ་རྣམས་བདེ་བའི་དཔལ་ལ་རོལ་བར་ཤོག །
སྐུ་ཚེ་མཛད་འཕྲིན་འོད་སྣང་ཡང་ཡང་ཁྱབ་གྱུར་ཅིག །
ནག་ཕྱོགས་མུན་པའི་གཡུལ་ལས་རྟག་ཏུ་རྒྱལ་གྱུར་ཅིག །
གོ་ལ་ཧྲིལ་བོ་བྱམས་དང་བརྩེ་བའི་འཚོལ་བར་ཤོག །
ཉམས་ཆུང་འགྲོ་རྣམས་བདེ་བའི་དཔལ་ལ་རོལ་བར་ཤོག །
ཁྱོད་ཚོས་གསར་འགྱུར་རྣམས་དུས་ཐོག་སྤེལ་ཐུབ་ཀྱི་འདུག་པར་དགའ་བསུ་ཞུ།
སྲོལ་རྒྱུན་ནང་ཆོས་ཀྱི་ར་བ་ལས་བརྒལ་མ་མྱོང་བའི་ནང་པའི་དགེ་སློང་ཞིག་གིས་འཛམ་གླིང་ན་སྙན་གྲགས་འབར་བའི་གཟེངས་རྟགས་རེ་རེ་མེ་ཏོག་འཐུ་འཐུ་བྱས་ཡོང་དུས།་་་ནང་ཆོས་ནི་རྣམ་དཔྱོད་དང་འཇོན་ཐང་གི་བཀག་རྒྱ་རུ་བཟུང་ནས་དེ་ལས་ལྷག་ཅིག་ལ་ཤི་འཐམ་རོ་འཐམ་བྱེད་མཁན་ཚོ་ལ་ཅིས་ལན་ནམ།
ང་ཚོའི་དབུ་ཁྲིད་༸གོང་ས་མཆོག་རྒྱལ་གྱུར་ཅིག་་་་ཁཽང་གི་ཕྱོགས་བྲལ་གྱི་ལྷག་བསམ་དང་།་་་་ཟླ་མེད་ཀྱི་རྣམ་དཔྱོད་རྒྱལ་གྱུར་ཅིག།་་་དུས་ནམ་ཡང་གདུལ་བྱ་རྣམས་རྗེས་སུ་བཟུང་དུ་གསོལ།