རྒྱལ་སྤྱིའི་གསར་འགྱུར་དྲ་ལམ་ཁག་ཏུ་གནས་ཚུལ་སྤེལ་དོན། ཕྱི་ཟླ་ ༦ པའི་ཚེས་ ༢༥ ཉིན་གྱི་ཞོགས་པའི་ཆུ་ཚོད་ ༩ དང་སྐར་མ་ ༡༠ སྟེང་རྒྱ་ནག་གཞུང་འབྲེལ་གསར་ཤོག་ <<མི་དམངས་ཉིན་རེའི་ཚགས་པར་>> གྱི་དྲ་ཚིགས་ << མི་དམངས་དྲ་བ་ >>ཞེས་པའི་སྟེང་འཇུ་བཟུང་བཀའ་རྒྱ་བཏང་ཟིན་པའི་ཉེས་ཅན་པ་ཞིག་གི་འདྲ་པར་གྱི་ཚབ་ཏུ་རྒྱ་ནག་དམར་ཤོག་སྲིད་གཞུང་གི་སྲིད་འཛིན་ཐོག་མ་མའོ་ཙེ་ཏུང་གི་འདྲ་པར་བཀོད་དེ་སྤེལ་ཡོད་འདུག
མ་གཞི་གསར་འགྱུར་དེ་ནི། ཕྱི་ཟླ་ ༤ པའི་ནང་རྒྱ་ནག་ཉེན་རྟོག་
ཚན་པ་ནས་བྱིས་པ་གཡོ་འཚོང་བྱེད་མཁན་ཡན་ཁྲོའོ་ཞང་ལ་འཛིན་བཟུང་བཀའ་རྒྱ་བཀྲམས་རྗེས། ཕྱི་ཟླ་ ༦ པའི་ཚེས་ ༢༢ ཉིན་ཡན་ཁྲོའོ་ཞང་གིས་རྒྱ་ནག་ཡུན་ནན་ཞིང་ཆེན་ཁོངས་གཏོགས་ཀོང་ནན་རྫོང་ཉེན་རྟོག་ཁང་ལ་རང་ཉེས་ངོས་ལེན་གྱིས་མགོ་འདོགས་བྱས་པའི་གནས་ཚུལ་དེ། ཕྱི་ཟླ་ ༦ པའི་ཚེས་ཉེར་ལྔ་ཉིན་རྒྱ་ནག་མི་དམངས་དྲ་བའི་སྟེང་འགོད་སྐབས་ཉེས་ཅན་པའི་འདྲ་པར་གྱི་ཚབ་དུ་མའོ་ཡི་འདྲ་པར་བཞག་སྟེ་གསར་འགྱུར་དུ་བཀོད་པ་ཞིག་ཡིན་འདུག དྲ་རྒྱ་ཀློག་མཁན་དག་གིས་མི་དམངས་དྲ་བའི་སྟེང་གི་གནས་ཚུལ་དེ་མཐོང་མ་ཐག་དྲ་ངོས་ཕབ་བཤུས་ཀྱིས་དྲ་ལམ་ཁག་ཏུ་བརྒྱུད་འགོད་ཀྱིས་གང་སར་ཁྱབ་པར་མ་ཟད། རྒྱལ་ཁབ་ཕྱི་ནང་ཀུན་དུ་ཚ་ཚ་འུར་འུར་གྱིས་དོ་སྣང་བྱ་ཡུལ་གྱི་གླེང་གཞིར་གྱུར་ཡོད་འདུག ཆུ་ཚོད་ཕྱེད་ཀའི་རྗེས་ནས་མི་དམངས་དྲ་བས་མའོ་ཡི་པར་དེ་དྲ་ངོས་ནས་བཀོག་ཡོད་ནའང་། སྔར་ནས་ཕབ་ལེན་གྱིས་ཕྱི་ཕྱོགས་ཀྱི་དྲ་ལམ་ཁག་ཏུ་ཁྱབ་ཟིན་པའི་རྐྱེན་གྱིས་སྦས་གསང་བྱེད་ཐུབ་མེད་པ་རེད།
ཕྱི་ཚེས་ ༢༦ ཉིན་ཧོང་ཀོང་གི་གསར་འགོད་པ་ཁྲིན་ཧན་ལིང་གིས་གསར་ལམ་ཏུ་གནས་ཚུལ་སྤེལ་དོན། མི་དམངས་དྲ་བའི་མགྲིན་ཚབ་པས་ནོར་འཁྲུལ་བྱུང་བ་ངེས་ལེན་དང་ནོར་འཁྲུལ་གྱི་འབྱུང་རྐྱེན་ཞིབ་བཤེར་རྩད་གཅོད་བྱ་རྒྱུ་ཡིན་ཚུལ་ཀྱང་བརྗོད་ཡོད་པ་རེད། མིག་སྔར་གནད་དོན་གྱི་འབྱུང་རྐྱེན་ངོ་མ་དེ་གསལ་རྟོགས་ཐུབ་མེད་ནའང་། མི་དམངས་དྲ་བའི་འབྲེལ་ཡོད་འགན་ལེན་པ་ཞིག་བཀག་ཉར་བྱས་ཡོད་འདུག་ཟེར།
གཞན་ཡང་ << ཀྲུང་གོར་བལྟ་བ >> ཞེས་པའི་རྒྱ་ཡིག་དྲ་རྒྱའི་སྟེང་ཁ་བྱང་ལ་ << མའོ་ཙེ་ཏུང་ལ་འཛིན་བཟུང་བཀའ་རྒྱ་བཀྲམས་པ།>> ཞེས་བཀོད་ནས་གནས་ཚུལ་དེ་བརྒྱུད་འགོད་བྱས་ཡོད་པར་མ་ཟད། གསར་འགྱུར་དེའི་གཤམ་དུ་ཀློག་པ་པོ་དག་གིས། “དུད་འགྲོ་དེས་ཚེ་ཐོག་ན་ཡོད་དུས་མི་མང་ལ་གནོད་འཚེ་བཟོས་པར་མ་ཟད། ད་ལྟའང་ཁོའི་རྒྱུད་འཛིན་དམར་ཤོག་པས་ཁོ་རང་བེད་སྤྱད་དེ་མི་མང་ལ་གནོད་འཚེ་བཟོ་བཞིན་ཡོད། ཁོས་ཀྲུང་གོའི་མི་དམངས་ལ་གནོད་འཚེ་བཟོས་པའི་ནག་ཉེས་དེ་ལྟ་བུ་ཞིག ཀྲུང་གོའི་ལོ་རྒྱུས་ཐོག་སྔར་བྱུང་མ་མྱོང་ལ་རྗེས་མའང་འབྱུང་མི་སྲིད་པ་ཞིག་རེད། ཡིན་ནའང། ད་ལྟ་ད་དུང་དམར་ཤོག་པའི་དབང་བསྒྱུར་འོག་ནས་ཁོའི་ནག་ཉེས་སྐོར་ནས་གླེང་བརྗོད་སྤེལ་མི་ཆོག་པ་རེད། དངོས་གནས་ཡིད་སྐྱོ་བ་རང་རེད། ” ཅེས་དང་ “དམར་ཤོག་དྲག་སྤྱོད་པའི་གཏེ་བོ་མའོ་ནི་འཛམ་གླིང་སྟེང་གི་ཆེས་ཆེ་བའི་ཉེས་ཅན་གྱི་མི་དེ་རེད། དམར་ཤོག་ཚོགས་པ་ནི་འགྲོ་བ་མིའི་རིགས་ལ་ཆེས་ཉེན་ཁ་ཆེ་བའི་ཇག་ཚོགས་དང་པོ་དེ་རེད། ཁོས་གནམ་འོག་འདིར་མི་ཤོངས་པའི་ཆེས་དྲག་སྤྱོད་དང་ཆེས་གདུག་རྩུབ་ཀྱི་ནག་ཉེས་བསགས་ཡོད། འཛམ་གླིང་དུ་འཇུ་བཟུང་བཀའ་རྒྱ་བཏང་སྟེ་རྩ་མེད་གཙང་ཕྱག་བྱེད་དགོས། གལ་སྲིད་རང་ཉིད་ཀྱི་ཚེ་སྲོག་སྲུང་འདོད་ན་དམར་ཤོག་འདྲེ་ཚོགས་འདིར་རྒྱང་བཀྱེད་གནང་རོགས།”སོགས་བསམ་ཚུལ་སྣ་ཚོགས་སྤེལ་འདུག
སྤྱིར་རྒྱ་ནག་དམར་ཤོག་གཞུང་གིས་མའོ་ཡི་འདྲ་བར་ལ་དམའ་འབེབ་བྱས་ན་དེ་ནི་ནག་ཉེས་ཆེན་པོར་བརྩི་གི་ཡོད་པ་རེད། ཕྱི་ལོ་ ༡༩༨༩ ལོའི་དམངས་གཙོའི་ངོ་རྒོལ་ལས་འགུལ་བྱུང་སྐབས། རྒྱ་ནག་ཧོ་ནན་ཞིང་ཆེན་ནས་ཡིན་པའི་ལས་བཟོ་བ་གསུམ་གྱིས་ཐེན་ཨན་མེན་སྒོ་ཆེན་སྟེང་གི་མའོ་ཡི་འདྲ་པར་ལ་ནག་བཙོག་བཟོས་པ་དེར་ལོ་ ༨ ནས་ ༡༨ བར་གྱི་བཙོན་འཇུག་ཉེས་ཁྲིམས་བཅད་ཡོད་པ་རེད།
མའོ་ཙེ་ཏུང་ནི་དུས་རབས་པའི་ནང་ཞིང་པའི་བུ་ཕྲུག་དཀྱུས་མ་ཞིག་གིས་བསླབ་སྦྱོང་ལ་འབད་པ་བྱས་དེ་རིམ་པས་འཐབ་འཛིན་ཁྲོད་དུ་རང་གི་བསམ་འདུན་མ་ལུས་པ་མངོན་དུ་བསྒྱུར་ཐུབ་མཁན་གྱི་མི་ཞིག་ཡིན། སྐྱེ་བོ་དུང་ཕྱུར་མང་པོའི་བློ་ཁ་བསྒྱུར་ཐུབ་ཅིང་དེ་འདྲའི་དབང་བསྒྱུར་མཁན་ཞིག་རེད། སྐབས་དེར་མི་དམངས་ཡོངས་ཀྱིས་མའོ་ཁྲི་ལོར་བརྟན་པའི་འབོད་སྒྲ་སྒྲོག་ཅིང་མིག་ནས་མཆི་མ་ལྷུང་ལྷུང་དུ་གཏོང་བ་རེད། དེ་ལ་རྒྱུ་མཚན་ཅི་དམ།
བོད་ཤ་ཁྲག་རུས་གསུམ་ལགས།ཁྱེད་ལ་ལྷད་མེད་པའི་བོད་རིགས་ལ་ཤ་ཞེན་ཡོད་པ་འདི་ལ་དངོས་གནས་གཟི་བརྗིད་ཅིག་འདུགའོན་ཀྱང་མོའོ་ཙེ་ཏུང་གིས་བོད་པ་ཁ་ཐོར་བཟོས་པས་ཁོ་ལ་ཚིག་པ་ཟོས་པ་ལ་ཁག་མི་འདུགཡིན་ནའང་མོའོ་ཙེ་ཏུང་གི་ཕུགས་བསམ་མངོན་དུ་གྱུར་ཐུབ་པ་དེ་ཅིའི་ཕྱིར་བྱུང་མིན་ལ་ཁྱེད་ཀྱིས་ཐུགས་བསམ་བཏང་མེད་པ་འདྲ།དེ་ནི་བོད་ཀྱི་མོ་ཙེ་ཏུང་སྟེ་སྐུ་དྲག་དེ་ཚོ་རེད།དེ་ཚོ་ནི་མོའོ་ཙེ་ཏུང་ལས་ཀྱང་གདུག་རྩུབ་ཆེ་ལ་གཏིང་ཡང་ནག་པོ་རེད།ད་ལྟ་བཙན་བྱོལ་དུ་འང་དེ་ཚོས་འགན་ཁུར་བླངས་ནས་མི་དམངས་འགོ་ཁྲིད་ནས་ལོ་ངོ་ལྔ་བཅུའི་རིང་ལ་འཐུས་ཤོར་འདི་ཙམ་སོང་བ་དང་༧གོང་ས་མཆོག་གིས་ཀྱང་འཐུས་ཤོར་སོང་བ་ལ་ཐུགས་ཚབ་གནང་གི་ཡོད་པ་དང་།་འདི་དག་ཐམས་ཅད་གཞན་གང་ཡང་མིན་ལ་དེ་དག་གིས་ཆེད་དུ་བཟོས་པ་ཤ་རྟག་རེད།
གཅན་བཟོད་རྒྱམ། དེ་ནི་ཧང་སངས་དགོས་པ་ཞིག་རེད། ཕྱིར་མནའ་བསྐྱལ་ཞེས་པ་དེ་ནི་རང་གི་ཆོས་ལུགས་དང་འབྲེལ་བ་ཞིག་རེད། དེའི་ཕྱིར་ན་མི་རིགས་གང་དང་ཆོས་ལུགས་གང་ཞིག་ཡིན་ན་རང་གི་སེམས་ནས་འདོར་མི་སྲིད་པ་དེ་དཔང་དུ་བཙུགས་འོས་པ་རེད། གང་ཞིག་དཔང་དུ་བཙུགས་ན་དེ་ནི་སྲོག་ལ་ཐུགས་ཀྱང་འདོར་མི་སྲིད་ཞེས་པའི་དོན་ཡིན། ཁྱོད་ཀྱིས་ ༼མའོ་ཀྲུའུ་ཞིའོ་དགོན་པ།༽ ཞིས་མནའ་དེ་ལ་བལྟས་ཁྱོད་ཀྱི་ལྟ་བ་དེ་ནི་གསལ་བོར་རྟོགས་ཐུབ་པ་ཞིག་རེད།
གླེན་རྒན་ལགས་དངོས་གནས་རེད་དེ་འདྲའི་གནས་ཚུལ་དེ་བོད་མདོ་དབུས་ཁམས་གསུམ་ན་འདུག ལྷག་པར་དུ་ཁྱོད་ཀྱི་ཕ་ཡུལ་དང་ནང་མི་རྣམས་ནི་དེ་བས་ཀྱང་རྒྱ་སྒོར་ལ་དགའ་པོ་རེད།
ལ྄ྷ་སའི་ལ྄ྷོ་ཁ་ཕྱོགས་སུ་ད་དུང་ཡང་མནའ་ས྄ྐྱལ་ན། མའོ་ཀྲུའུ་ཞི་ཟེར་གིན་ཡོད་ས྄ྐད། ངའི་གྲོགས་པོ་ཞིག་གིས་ཀྱང༌། མའོ་ཀྲུའུ་ཞིའོ་དགོན་པ། ཞེས་མནའ་བས྄ྐྱལ་བཞིན་འདུག་པ་ང་ལ་གོམས་ལོབས་སུ་སོང་འདུག
འདིར་དགུ་ཚིགས་ཀྱིས་གསུང་ཇི་བཞིན་བཀོད་ན ༼ཁོ་ལ་ཧ་ཅིང་མཐོང་ཆེན་བྱེད་བཞིན་ཡོད་པ་དངོས་གསལ་རེད། དེ་ནི་རྒྱ་རིགས་ཙམ་གྱི་མ་ཚད་བོད་རིགས་ལས་བྱེད་པ་སོགས་མང་པོ་ཡོད༽
དགུ་ཚིགས་ཀྱི་ཕ་ཡུལ་ན་དེ་ལྟར་མིན་འགྲོ།
ཨ་རིག་གླེན་རྒན་ཁྱོད་ཀྱིས་༼དགུ་ཚིགས་ཅན་པོས་མོ་ཙེ་ཏུང་ལ་དགའ་མཁན་བོད་རིགས་ལས་བྱེད་པ་མང་པོ་ཡོད་མདོག་བཤད་འདུག་པ་ཁོང་གིས་ཚིག་གི་སྡེབ་སྦྱོར་མ་བདེ་བ་རེད།༽ཅི་ལ་ཟེར། ངས་བོད་རིགས་ལས་བྱེད་པ་སོགས་བོད་མི་མང་པོ་ཞིག་རྒྱ་དམར་ལ་དགའ་པོ་རེད་ཅེས་བཤད་པ་དེ་དངོས་གནས་ཡིན། དེར་མ་ཟད་བོད་ཀྱི་བླ་སྤྲུལ་མང་པོ་ཞིག་ཀྱང་ཁ་རྒྱ་ནག་ཕྱོགས་འཁོར་ནས་ལས་ག་སྣ་ཚོགས་བྱེད་བཞིན་པ་རེད། ངས་དངོས་ཡོད་ཀྱི་གནས་ཚུལ་བཤད་ན་ཁྱོད་ལ་ཕོག་དོན་ཅི་ཡིན། ངས་བལྟས་ན་ཁྱོད་ཀྱིས་ཀྱང་རྒྱ་སྒོར་ཁ་ཤས་ལ་བལྟས་ནས་ཕྱི་མགོ་ནང་འཚོང་བྱེད་བཞིན་ཡོད་པ་འདྲ། ཁྱོད་བོད་མི་ཞིག་གིས་དེ་འདྲ་ངོ་ཚ་འོས་པའི་ལས་ག་སྡུག་ཆགས་མི་མཛད་པར་ཞུ།
ས་སྒང་འདིའི་སྟེང་གི་མི་དབང་བསྡུད་ཅན་རྩིས་ན་མོའོ་ཙེ་ཏུང་ཡང་དགའ་རབས་ཅིག་ལ་སླེབས་ཀྱི་ཡོད་པ་རེད། འོན་ཀྱང་བརྩི་མཐོང་གི་ཆ་ནས་བཤད་ན་རྒྱ་ནག་དམར་ཤོག་ཚོགས་པ་གཅིག་བུ་རེད་མ་གཏོགས་འཛམ་གླིང་གི་ལོ་རྒྱུས་ནང་དུ་ཁོ་འཇར་མན་གྱི་ཧེ་ཐི་ལར་དང་གདན་གྲལ་གཅིག་རེད། དེར་བརྟེན་རྒྱའི་དམངས་གཙོ་དོན་གཉེར་བ་འགས་ཀྱང་དེང་སང་གནམ་བདེ་སྒོ་མོ་ཆེའི་མདུན་དུ་མོའོ་ཙེ་ཏུང་གི་པར་བཀལ་བ་འདི་རྒྱ་མི་རིགས་ཀྱི་ཞབས་འདྲེན་རེད་ཅེས་གསར་ལམ་ཁག་ཏུ་མཐོང་རྒྱུ་ཇེ་མང་ཡིན་པ་དེ་རེད། འཛམ་གླིང་འདི་འགྱུར་བའི་རང་བཞིན་ཅན་རེད།
དགུ་ཚིགས་ཅན་པོས་མོ་ཙེ་ཏུང་ལ་དགའ་མཁན་བོད་རིགས་ལས་བྱེད་པ་མང་པོ་ཡོད་མདོག་བཤད་འདུག་པ་ཁོང་གིས་ཚིག་གི་སྡེབ་སྦྱོར་མ་བདེ་བ་རེད།
རྒྱ་ནག་དམར་ཤོག་སྲིད་གཞུང་གི་སྲིད་འཛིན་ཐོག་མ་མའོ་ཙེ་ཏུང་ནི་རྒྱ་ནག་ལ་རིག་གནས་གསར་བརྗེ་བཟོ་མཁན་ཡིན་ལ། ཁོས་བཅོས་བརྒྱུར་གྱི་བྱ་བ་རླབས་ཆེན་འོག་མི་མང་གི་ཚེ་སྲོག་དང་ཆོས་ལུགས་ལ་བརྩེ་མེད་བཟོས་ཡོད། དེ་བོད་མི་ཙམ་མ་ཡིན་པར་རྒྱ་ནག་རང་གི་མི་སེར་དང་ཆོས་ལུགས་པ་ཚོ་ལའང་གནོད་འཚེ་ཚབ་ཆེན་བཟོས་པ་རེད། ཡང་ཕྱིར་ཁོས་སྲིག་དབང་སྒེར་འཛིན་འོག་མི་ས་ཡ་༧༠ནས་༡༠༠པར་གྱི་ཚེ་སྲོག་འཕྲོགས་ཡོད་པར་བཤད་ཡོད་པ་མང་ཆེ་བ་ནི་རྒྱ་ནག་རང་གི་མི་སེར་དང་ཆོས་ལུགས་པ་ཚོ་ཡིན་པ་རེད། དེས་ན་རྒྱ་ནག་མི་མང་གི་ཁོ་རང་དྲིན་ཆེན་ཡིན་པར་འདོད་པ་ག་ལ་སྲིད། དེའི་ཕྱིར་ད་དུང་ཡང་དངོས་གནས་བཤད་ན་རྒྱ་མི་མང་པོ་དམར་ཕྱོགས་རང་ལུགས་ལ་དགའ་པོ་མེད། ཡང་དམར་པོའི་ལྟ་བ་ལ་དགའ་མཁན་རྣམས་ཀྱིས་ནི་ནམ་རྒྱུན་ཁོ་ལ་ཧ་ཅིང་མཐོང་ཆེན་བྱེད་བཞིན་ཡོད་པ་དངོས་གསལ་རེད། དེ་ནི་རྒྱ་རིགས་ཙམ་གྱི་མ་ཚད་བོད་རིགས་ལས་བྱེད་པ་སོགས་མང་པོ་ཡོད།
མོའི་ཀྲུའུ་ཞིས་འཛམ་གླིང་སྟེང་གི་མི་གསོད་ལག་དམར་གྱི་གདན་གྲལ་ཏུ་འཚུད་ཡོད་ལ། འཛམ་གླིང་གི་སྲིད་དོན་པ་དག་གིས་དཔྱད་གཞི་གཙོ་བོ་ཞིག་ཀྱང་ཆགས་ཡོད་པ་རེད། ཡིན་ཡང་། རྒྱ་ནག་མི་མང་ལ་ཁོ་རང་དངོས་ནས་དྲིན་ཆེན་ཡིན་ངེས་རེད། འོན་ཀྱང་། མི་རིགས་གཞན་དག་ལ་དངོས་ནས་སྙིང་རྗེ་བྱེད་དགོས་པ་ཞིག་ཁོ་རང་གིས་བཟོས་ཡོད་པ་རེད། དམིགས་བསལ་གྱིས་དེའི་ནང་གི་ངེད་ཅག་བོད་པ་ཚང་གི་གཞིས་བྱེས་ཁ་འཐོར་འགྲོ་དགོས་པའི་གནད་དོན་གཙོ་བོ་དེ་ཡང་མི་དེས་བཟོས་པ་ཚང་མས་བརྗེད་མེད་ངེས་ཡིན།
ད་ལྟའི་རྒྱ་ནག་འདི་འཛམ་གླིང་རྒྱལ་སྤྱིའི་སྟེང་དུ་རྐང་པ་བརྟན་པོ་འཚུགས་ཐུབ་པ་འདི་མའོ་ཡིས་ལེགས་སྐྱེས་གཙོ་བོ་ཞིག་དང། ཁོང་གིས་རིགས་གནས་གསར་བརྗེ་ཆེན་པོའི་ནང་ནོར་འཁྲུལ་ཡང་ཚབས་ཆེ་བཟོས་ཡོད། དེར་བརྟེན་ཁོང་ནི་འཛམ་གླིང་ནང་བཟང་ངན་གྱི་དཔྱད་གླེང་མཐའ་གཉིས་སུ་ལྷུང་བའི་རྩོད་གཞི་ཅན་ཞིག་ཡིན།།
རིག་གསར་གྱི་རྗེས་ནས་ཀྱང་མི་རྣམས་ཡུན་རིང་ཞིག་ལ་སྐྲག་བསྡད་པ་རེད། ད་དུང་ཡང་དངོས་སུ་མའོ་ལ་སྐྱོན་བརྗོད་བྱེད་ཐུབ་མཁན་མེད། ངས་སྒྲུང་འདི་འདྲ་ཞོག་གོ་མྱོང་།
མི་གཉིས་ཀྱིས་གླེང་མོལ་བྱས་ནས་བསྡད་པར་གཅིག་གིས་དྲིས་དོན།
མའོ་ཀྲུའུ་ཞི་ཞེས་པ་དེ་དངོས་གནས་མོ་ཡིན་པ་རེད་དམ་ཅེས་དྲིས་པར། གཞན་པ་དེས། ཁྱོད་ཀྱིས་ཁ་ལ་བདག་བྱོས་མ་གཏོགས་ངས་ཡར་ཞུ་བྱེད་ཀྱི་ཡིན་ཞེས་ལན་བཏབས་པར། སྐད་ཆ་འདྲི་མཁན་དེ་ཞེད་ཐག་ཆོད་ནས། ཕྱིར་ངས་རྩེད་མོ་རྩེས་པ་ཡིན། དངོས་གནས་བཤད་ན་ཕོ་ཀྲུའུ་ཞི། ཕོ་ཀྲུའུ་ཞི་རེད་ཅེས་བཤད་པ་རེད་ཟེར།
དོན་རྐྱེན་འདིས་ང་ལ་ལོ་ངོ་དུ་མའི་སྔོན་གྱི་གནས་ཚུལ་ཞིག་ཕྱིར་དྲན་བྱེད་དུ་བཅུག་པ་སྟེ། ང་སློབ་ཆུང་དུ་ཡོད་དུས་རིག་གནས་གསར་བརྗེའི་དུ་བ་ཡལ་དང་ཡལ་བཞིན་ཡོད་ན་ཡང་། ད་དུང་རིག་གསར་གྱི་སྐྱག་པའི་དྲི་མ་རྫོར་བོ་དེ་ད་དུང་བོད་ས་ཀུན་ཏུ་འཐུལ་བཞིན་ཡོད། ཉིན་ཞིག་ངའི་སློབ་གྲོགས་གཅོད་པ་ཐར་ཟེར་བའི་ཞ་ཞིས་ཤིག་ཡོད་པ་དེས་སློབ་གྲྭའི་མའོ་ཡི་ལྕགས་ཀྱི་འདྲ་པར་ཆེན་པོ་ཞིག་ཡོད་པའི་མིག་འབྲས་ཀྱི་ཐད་ཀར་གྲི་བཙུགས་ནས་ཨི་ཁུང་བརྟོལ་ཅིང་། ད་དུང་དེའི་སྟེང་དུ་རྟ་བཞིན་ཞོན་ནས་གདོན་འདྲེ་འདི་ཟེར་ཞོར་ཡར་འགྲོ་མར་འགྲོ་ལན་མང་བྱས་པ་དང་། དགོང་མོ་ཞིག་ལ་ཁོ་རང་ཆུ་འཁྱིལ་ཞིག་གི་ནང་དུ་ལངས་སུ་བཅུག་སྟེ་ཆད་པ་ཡང་བཅད་སོང་། དེ་དུས་ངོ་མ་ངེད་ཅག་གིས་ཁོ་རང་ཉེས་ཅན་པ་ཚབས་ཆེན་ཞིག་ཏུ་བརྩིས་པ་རེད། ཁོས་ད་དུང་ཁོའི་ནག་ཉེས་ཟེར་བ་ཞིག་ཁས་མི་ལེན་པའི་སྟེང་དུ་ཁོའི་ཨ་ཕས་མའོ་ནི་བདུད་ཀྱི་རྒྱལ་པོ་ཞིག་རེད་ཟེར་གི་ཞེས་ཇེ་མཁྲེགས་ནས་ཇེ་མཁྲེགས་ཡིན་པས། མཐའ་མར་སློབ་གྲྭའི་དགེ་རྒན་ཚོས་ཀྱང་མའོ་ཡི་ནག་ཉེས་དང་གཅོད་པ་ཐར་གྱི་ནག་ཉེས་གང་ཞིག་ལྕི་བ་རྩད་གཅོད་བྱེད་མ་ནུས་པར་དོན་དག་དེ་འདྲ་ཞིག་བྱུང་མེད་པའི་ཁུལ་དུ་བཞག་པ་རེད།
གང་ལྟར་དུས་ཚོད་སྔ་ཕྱི་མ་གཏོགས་ཁོང་ལ་ཁྲིམས་གཏུགས་གྱོད་གཞིའི་སྟེང་ནས་ནག་ཉེས་དེ་ཕོག་ངེས་ལ།དེས་བས་ཀྱང་ཆད་པ་ཕོག་ངེས་རེད།དེ་ལྟའི་དཔེ་མཚོན་ཡང་དེ་སྔོན་ནས་བྱུང་ཡོད།