དུས་དང་མཐུན་པའི་བསྒྱུར་བཅོས་ཕྱོགས་སུ་མི་བསྐྱོད་རྒྱུ་དང༌། མི་མང་གི་བསམ་བློའི་གནས་ཚད་གོང་མཐོར་མི་གཏོང་རྒྱུའི་སྲིད་བྱུས་དེ་ ༡༩༥༩ ཕན་ཆད་ཀྱི་གཞུང་རྙིང་བའི་འགོ་གཙོ་ཕལ་མོ་ཆེའི་ཉིང་དགོས་སུ་གྱུར་བ་དེ་ནི་སྒེར་གྱི་ཁེ་ཕན་དང༌། གོ་ས་དང༌། དབང་ཆ་བཅས་རྒྱུན་སྲིང་གནས་ཐབས་ཁོ་ནའི་ཆེད་དུ་རེད།
༡༩༣༤ ལོར་ྋརྒྱལ་བ་སྐུ་ཕྲེང་ ༡༣ པ་མཆོག་དགོངས་པ་རྗོགས་པ་ནས་ ༡༩༥༡ ལོར་སྐུ་ཕྲེང་ ༡༤ པ་མཆོག་གིས་ཆོས་སྲིད་ཟུང་གི་འགན་དབང་བདག་གིར་མ་བཞེས་པའི་དབར་མཚམས་དེའི་རིང་སྤྱིར་སྐབས་དེའི་འགོ་གཙོ་ཕལ་མོ་ཆེ་སྒེར་དོན་དང༌། གོ་ས་དང༌། དབང་ཆ་བཅས་ཁོ་ནར་འཐབ་རྩོད་ཀྱི་དུས་འདའ་ཞིང་མི་མང་ངོས་ནས་ཀྱང་ཆབ་སྲིད་ལ་དོ་སྣང་མ་བྱས་པའི་ཉེར་ལེན་ལ་བརྟེན་ནས་ནོར་འཁྲུལ་བསམ་བརྗོད་ལས་འདས་པ་འདི་འདྲ་ཞིག་བོད་སྤྱི་ཡོངས་སུ་སྨིན་པ་རེད། ལོ་རྒྱུས་ངན་པ་དེ་སུས་ཀྱང་གསུབ་མི་ཐུབ་ལ་ང་ཚོས་ཀྱང་དུས་ནམ་ཡང་བརྗེད་དུ་མི་རུང༌།
བཙན་བྱོལ་བོད་གཞུང་དབུ་བརྙེས་པ་ནས་ ༢༠༠༡ བར་དུ་ྋགོང་ས་མཆོག་གི་བཀའ་དགོངས་ལམ་སྟོན་བཞིན་བཙན་བྱོལ་གཞུང་གིས་ལྟ་གྲུབ་གཙང་ཞིང་བརྟན་པོ་ཞིག་ཏུ་ཕེབས་ཐུབ་མེད་པ་མ་ཟད་ཧིན་སྒོར་འབུམ་ ༣༠༠༠ ལྷག་གི་བུ་ལོན་འོག་ཏུ་འཐིམ་སྟེ་གནས་པ་རེད། འདས་པའི་ལོ་ངོ་ ༣༥ ཡས་མས་ནང་ཤེས་ཡོན་ཐད་འཐུས་ཤོར་སོང་བ་ཉེ་ཆར་ྋགོང་ས་མཆོག་གིས་བཀའ་ཕེབས་ཡོད། གལ་ཏེ་འདས་ལོ་དེ་དག་རིང་བཞེངས་ཕྱོགས་གཙང་མ་ཞིག་ཏུ་ཕེབས་ཡོད་ཚེ་ལམ་གང་ཞིག་ལ་དོན་འབྲས་འདི་བྱུང་སོང་ཞེས་ངེས་པ་བརྙེད་པའི་ཐག་གཅོད་གཅིག་བྱུང་ཟིན་ཡོད་རྒྱུ་རེད།
ཀྭ་ཡེ་གསོན་དང་བོད་རིགས་ཚོ། འདས་པའི་ལོ་རྒྱུས་ལ་བསམ་གཞིགས་ལེགས་པར་བྱས་ཏེ་མི་མང་གི་དབང་ཤུགས་ལ་བརྟེན་པའི་གཞུང་ངམ་དབུ་འཁྲིད་ཅིག་བསྐོ་འཛུགས་འཐུབ་རྒྱུར་འབུངས་པ་དེ་མང་གཙོའི་ཁེ་དབང་ཡང་དག་པ་ལོངས་སུ་སྤྱད་པ་ཡིན་ལ་གལ་ཏེ་དེ་ལས་ལྡོག་ན་ཧ་ཅང་གི་བློ་ཕམ་པོ་རེད་ཨང༌།
༡༩༩༡ ལོར་ཟམ་གདོང་རིན་པོ་ཆེ་ཐད་བསྐོས་སྤྱི་འཐུས་སུ་བསྐོ་གཞག་གནང་བ་ནས་སྐབས་ ༡༡ དང་ ༡༢ སོ་སོར་ཚོགས་གཙོའི་འགན་འཁུར་འོག་ཁྲིམས་སྒྲིག་གཏན་འབེབས་དང༌། དེ་བཞིན་དུ་ཁྲིམས་བཟོ་དང༌། འཛིན་སྐྱོང་དང༌། ཁྲིམས་འཛིན་བཅས་ཀྱི་འགན་དབང་ཆ་བགོས་དང༌། གྲོས་ཚོགས་ཀྱི་ལས་དོན་བྱ་ཕྱོགས་དང༌། གྲོས་ཚོགས་ལ་འཛིན་སྐྱོང་གིས་འགན་འཁུར་སྟངས་སོགས་སྔོན་དང་མི་འདྲ་བའི་ཚད་མཐོའི་སྒྲིག་གཞི་གཏན་འབེབས་གནང་བ་རེད།
༢༠༠༡།༧།༢༩ ཉིན་ཁོང་མི་མང་གིས་བཀའ་ཁྲིར་བདམས་པའི་རྗེས་སུ་སྐབས་དེའི་གང་ཟག་གི་དབང་ཤུགས་ལ་བརྟེན་པའི་བཙན་བྱོལ་གཞུང་གི་སྒྲིག་འཛུགས་དེ་ཁྲིམས་ཀྱི་དབང་ཤུགས་སུ་བཅོས་བསྒྱུར་གནང་བ་མ་ཟད་གོང་འཁོད་བུ་ལོན་ཡོངས་སུ་རྫོགས་པ་སེལ་ཏེ་བཙན་བྱོལ་གཞུང་འདི་ཉིད་ད་ལྟ་ཐབ་ཆུང་ངུ་ནང་མེ་ཚ་བོའི་དཔེ་ལྟར་དུ་བཞུགས་ཡོད།
ད་ལྟའི་སྤྱི་འཐུས་སྐབས་ ༡༤ པ་འདིའི་སྔོན་འགྲོའི་འོས་གཞི་ལས་རིམ་ནས་འགོ་བརྩམས་ཏེ་སྔ་ཕྱི་བར་གསུམ་གྱི་ལས་རྒྱུན་ལ་སྔོན་དང་མི་འདྲ་བ་ཆབ་སྲིད་ཐོག་རྣོ་ངར་ལྡན་ཞིང་ལམ་དབུ་མ་དང་རང་བཙན་ལྟ་གྲུབ་གཉིས་ཀྱི་དབར་འགྲན་རྩོད་ཤུགས་ཆེན་བྱུང༌། མཐར་ཕྱོགས་ཁག་གཉིས་སུ་གྱེས་ཏེ་རང་བཙན་ལྟ་གྲུབ་མཁན་སྤྱི་འཐུས་ཀརྨ་ཆོས་འཕེལ་ལགས་དང༌། དབུ་མའི་ལམ་ལྟ་གྲུབ་མཁན་སྤྱི་འཐུས་སྤེན་པ་ཚེ་རིང་ལགས་རྣམ་གཉིས་ཚོགས་གཙོ་ལས་འགན་རེས་མོས་གནང་བའི་ལོ་རྒྱུས་གསར་བ་བཏོད་པ་ནི་བཟང་ཕྱོགས་ཀྱི་འགྱུར་བ་ཡིན། ཆོལ་ཆོས་ལུང་ཚན་སོགས་འཐེན་འཁྱེར་གྱིས་མ་བསླད་པའི་འགྲན་རྩོད་དེ་ལྟ་བུ་བྱུང་བ་ནི་ཁོང་གིས་དབུ་མའི་ལམ་གྱི་ལྟ་གྲུབ་ཐོག་སྔོན་དང་མི་འདྲ་བའི་ཕྱག་ལས་གཙང་མ་གནང་བ་ལས་བྱུང་བ་རེད།
རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་མི་རིགས་འདྲ་མཉམ་གྱི་ཐོབ་ཐང་དང་ས་གནས་ཡུལ་བབ་ཀྱི་ཐོབ་ཐང་སྤྲོད་དགོས་པ་དང༌། གྲང་ཉུང་མི་རིགས་ཀྱི་རིག་གཞུང་དང་གོམས་གཤིས་སོགས་ལ་གནོད་སྐྱོན་ཐེབས་མི་ཆོག་ཅེས་བཀོད་པ་རྣམས་གཞི་རྩར་བཟུང་སྟེ་ྋགོང་ས་མཆོག་དང༌། བཙན་བྱོལ་གཞུང་མང་ཡོངས་ཀྱི་ལྟ་གྲུབ་གཅིག་ཏུ་བསྒྲིལ་བ་ལམ་དབུ་མས་དངོས་ཤུགས་བརྒྱུད་གསུམ་གྱི་མཛད་ཕྱོགས་གཙང་ཞིང་ཐབས་ཤེས་གང་ཡོད་གནང་བས་བོད་རྒྱ་གྲོས་མོལ་ཐེངས་དགུ་བྱས་པ་དེ་ཉུང་ངུ་ཞིག་གཏན་ནས་མིན། ད་དུང་ཡང་མུ་མཐུད་དེ་ ༢༠༡༦ བར་ཨུ་ཚུགས་མཐར་སྐྱེལ་གནང་ན་དགེ་མཚན་ཆེ་བས་ཁོང་ཉིད་འབྱུང་འགྱུར་གྱི་བཀའ་ཁྲིར་ཛ་དྲག་གི་དགོས་མཁོར་གྱུར།
ད་ལྟའི་གཞུང་མང་ཡོངས་ཀྱི་གནས་སྟངས་ལ་མཚོན་ན་ཕྱོགས་གང་ས་ནས་རྨང་གཞི་ཧ་ཅང་ཚགས་འཚུད་པོར་ད་དུང་འང་གྲུབ་ཐུབ་མེད་པས་བཀའ་ཁྲིས་ཕྱོགས་ཡོངས་ལ་འགན་འཁུར་ལེན་དགོས་ཀྱི་ཡོད། ཐ་ན་ཚོར་བ་རྣོ་བའི་ཆོས་སྲིད་ཀྱི་གནས་དོན་ལ་ཐུག་ཀྱང་འཇིགས་ཞུམ་མེད་པར་མིག་བཙུམས་ཏེ་མཆོང་མཁན་ཁོང་མ་གཏོགས་སྔོན་ཆད་སུ་བྱུང་སོང་ངམ། ཡོན་ཏན་ཕྱོགས་རེ་བར་ཁྱད་དུ་འཕགས་པའི་གང་ཟག་དགའ་ཡོད་དུ་ཆུག་ཀྱང་འཇོན་ཐང་དང༌། དབང་ཐང་དང༌། གནས་དོན་གང་ལའང་ཡིན་མིན་གྱི་ཐག་གཅོད་བཟང་ཞིང་སེམས་དཀྱེལ་ཆེ་བ་དང༌། རྒྱལ་སྤྱི་དང་རྒྱ་ནག་གཞུང་ལ་བོད་རྒྱ་སོ་སོའི་ཐ་དད་པའི་ཆོས་སྲིད་གཉིས་རྐྱའི་ལོ་རྒྱུས་ཐོག་ནས་འགྲེལ་བརྗོད་ཐུབ་པའི་འདེངས་སྤོབས་ལྡན་པ་དང༌། བོད་མི་རིགས་ཀྱི་སྲོག་རྩ་རང་གི་སྐད་ཡིག་དང༌། ཆོས་དང༌། རིག་གནས་བཅས་ལ་དོ་འཁུར་ལྷག་པར་དུ་ཆེ་བ་དང༌། ཉམས་མྱོང་གིས་ཡོངས་སུ་ཕྱུག་ཅིང་བོད་པའི་དྲི་མས་མ་དོར་བ་སྟེ་ཕྱོགས་བསྡོམས་ཀྱི་ཡོན་ཏན་མངའ་བ་ཁོང་ལས་ལྷག་པ་ཞིག་བརྙེད་དུ་མེད་ཅེས་ཐ་ཚིག་འཕང་ན་འགྲིག
ྋགོང་ས་མཆོག་དང་བཙན་བྱོལ་བོད་གཞུང་གིས་བོད་དེ་རང་བཙན་མ་རེད་ཅེས་ནམ་ཡང་གསུངས་མེད་ལ་ཆོལ་གསུམ་གཅིག་ཏུ་བསྒྲིལ་བའི་བོད་རིགས་ཡོངས་རྗོགས་གཅིག་བསྒྱུར་དགོས་པའི་ཐ་ཚིག་དེའང་ནམ་ཡང་འདོར་རྒྱུ་མིན་ཞེས་རྒྱ་ནག་ལ་གསལ་པོར་གསུངས་ཡོད། རྒྱ་ནག་དང་མཉམ་དུ་ལམ་དབུ་མ་གཞིར་བཅོལ་བའི་དོན་འབྲས་སོན་ཐབས་ཀྱི་དུས་ཡུན་ལ་དུས་བཅད་ཅིག་ངེས་པར་དུ་བཟུང་ཡོད་པར་ངས་ཡིད་ཆེས་བྱེད་ཀྱི་ཡོད།
བོད་ཀྱི་དུས་བབ་འདོན་ཐེངས་ ༤༥༤ ནང་བཀོད་པ་ལྟར་ཧོན་སུར་མི་མང་ཡོངས་ཀྱིས་སྤྱི་འཐུས་ལྷན་ཚོགས་སུ་ཕུལ་བའི་སྙན་ཞུ་ནང་ཡུན་ཚད་གསུམ་ལྷག་བསྐྱར་འདེམས་མི་ཆོག་ཅེས་བཅའ་ཁྲིམས་སུ་བཅོས་བསྒྱུར་གནང་སྟེ་དབུ་ཁྲིད་ཁོང་ལྟ་བུ་སླར་ཡང་སྐབས་གསུམ་པའི་བཀའ་ཁྲིར་བཞེངས་ཆོག་པའི་གོ་སྐབས་འཐོབ་རྒྱུར་མཁྱེན་དཔྱོད་ཟབ་པའི་རྒྱུ་མཚན་རིམ་པ་བཞིན་བཀོད་ཏེ་རྟིང་སྐུལ་ཞུས་འདུག་པར་ཕྲན་གྱིས་ཀྱང་མཐའ་གཅིག་ཏུ་རྒྱབ་སྐྱོར་བྱ་རྒྱུ་ཡིན་ནོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གཉིས་པ་དེ་རྒྱ་བལ་འབྲུག་གསུམ་དུ་གནས་པའི་སློབ་གྲ་དེ་དག་ཚགས་ཚུད་དུ་གཏོང་ཐུབ་མཁན།་གསུམ་པ་དེ་བཙན་བྱོལ་དུ་ཡོད་པའི་རིག་གཞུང་སྡེ་ཁག་དེ་དག་ཚགས་ཚུད་ཐོག་རྒྱལ་སྤྱིའི་ནང་དེ་དག་དེང་དུས་ཚད་དང་མཉམ་པའི་ངོ་སྤྲོད་ཐུབ་ཕྱིར་སློབ་གསོ་དང་ལས་འགུལ་སྤེལ་ཐུབ་མཁན།
བཞི་པ་དེ་བོད་རིགས་གཞི་རིམ་མང་ཚོགས་མང་གཚོའི་ལམ་ལ་འཁྲིད་ཐུབ་མཁན།
ལྔ་པ་དེ་ཆེ་འདོད་དང་ལྟ་བ་རེ་ཟུང་ཐོག་མཁྲེགས་བཟུང་མ་ཡིན་པར་སྲིད་ཞུ་བ་ཀུན་གྱི་བསམ་ཚུལ་དང་ལེན་བྱེད་ཐཡབ་མཁན།
དྲུག་པ་དེ་རང་ཉིད་དང་མི་མཐུན་པའི་ལྟ་བ་འཁྱེར་མཁན་གྱི་བོད་རིགས་གང་ཡོད་ཀྱང་དེ་དག་ལའང་བརྩི་བཀུར་ཞུ་ཐུབ་པའི་ཐོག་བོད་སྤྱི་བའི་ཐོག་ལ་ནུས་པ་སྒྲིལ་ཐུབ་མཁན།
བདུན་པ་དེ་གཞིས་ལུས་བོད་མི་རིགས་ཀྱི་སྙིང་སྟོབས་དང་ལྷག་བསམ་སྤར་ཐུབ་མཁན།
བརྒྱད་པ་དེ་༧གོང་ས་མཆོག་གི་བཀའ་སློབ་ལམ་སྟོན་ལྟར་བོར་རིགས་ཡོངས་ཀྱི་བདེ་དོན་ལ་གཟིགས་རྟོགས་གནང་ཐུ་མཁན་བཅས་དགོས་གལ་ཆེ་བས་དེ་ལྟར་གནང་ཐུབ་མཁན་བོད་རིགས་གཞོན་སྐྱེས་ཞིག་སླེབ་ཐུབ་ན་ང་ཚོ་འགྱེལ་ས་ནས་ལངས་ཐུབ་པ་དང་མ་འོངས་པར་བོད་རྒྱའི་དཀའ་རྙོགས་མགྱོགས་པོ་སེལ་མ་ཐུབ་ཀྱང་ཡུན་རིང་འཐོབ་རྩོད་བྱ་ཐུབ་པར་དགེ་མཚན་ཆེ་བས་ན་དེ་འདྲ་ཞིག་ལ་བོད་མི་དམངས་ཀྱི་༢༠༡༡་ལོའི་བཀའ་ཁྲིར་འདམ་དགོས་པ་ཡིན།
གལ་ཏེ་བོད་མི་རིགས་ལ་སྙིང་སྟོབས་དང་མང་གཙོའི་བློ་སེམས་གོ་རྟོགས་ཡོད་ན་ཆོལ་ཁ་དང་ཆོས་ལུགས་ཀྱི་འཐེན་འཁྱེར་སྤུ་ཙམ་མེད་པའི་ཐོག་ནས་བོ་པའི་་་་ཨོ་བཱ་མ་ཞིག་འབོད་པའི་བཀའ་ཁྲིར་འདེམ་དགོས་ངེས་ཡིན།་་
བོད་པའི་ཨོ་བཱ་མ་ནི་དེ་སྔོན་བྒརོ་གླེང་མང་པོ་བྱུང་བ་ལྟེར་ད་ཆ་a་རིར་བཞུགས་ཡོད་པའི་དེ་སྔ་བཙན་བྱོལ་སྤྱི་ཚོགས་ནང་ཡུན་རིང་ལྷག་བསམ་རྣམ་དག་ཞབས་ཞུ་གནང་མཁན་ཚེ་རིང་བཀྲ་ཤིས་ཡིན་ཅིངྲ།་་ཁོང་གི་བོད་གཞུང་དཔལ་འབྱོར་ལས་ཁུངས་ཀྱི་དྲུང་ཆེ་དངབོད་གཞུང་སྨན་རྩིས་ཁང་གི་དབུ་འཛིན་གཞན་ཡང་སྐུ་སྒེར་ཡིག་ཚང་བཅས་སུ་ཕྱག་ལས་རྒྱུན་རིང་གནང་སྐབས་ཀུན་གྱི་བསྟོད་འོས་བའི་མཛད་རྗེས་བླ་ན་མེད་པ་བཞག་ཡོད་སྟབས་ཁོང་བཀའ་ཁྲིར་སློབས་ཐུབ་ན་བཙན་བྱོལ་གཞུང་གི་དཔལ་འབྱོར་ཡར་རྒྱས་གཐོང་ཐུབ་པ་མ་ཟད་བོད་མི་རིགས་ཀྱི་སྙིང་སྟོབས་དངགཞིས་ཆགས་སྲ་བརྟན་རྒྱུན་མཁྱོངས་ཐུབ་པ་བཅས་ཀྱི་དགེ་མཚན་མཐོང་བས་ན་བོར་རིགས་རྣམ་པར་ཁོང་བཀའ་ཁྲིར་འདེམ་རོགས་གནང་ཞེས་ངས་རེ་སྐུལ་ནན་པོ་ཞུ་རྒྱུ་ཡིན།་བོད་རྒྱལ་ལོ།
ང་འཚོར་འབྱུང་འགྱུར་༢༠༡༡་ལོའི་བཀའ་བློན་ཁྲི་པ་དེ་གང་འདྲ་ཞིག་དགོས་ཞེས་ན་གཙོ་བོ་རྒྱ་བལ་འབྲུག་གསུམ་དུ་གནས་པའི་བོད་རིགས་དེ་དག་གི་འཚོ་བ་ཡར་རྒྱས་སུ་གཏོང་ཐུབ་པའི་ཐོག་ནས་གནས་ཐུབ་པ་དངྲ།
སྨན་པ་ངག་སྦྱིན་ལགས་སྤྱིར་ཁྱེད་རང་གི་དགོངས་ཚུལ་ཡག་པོ་ཡིན་སྲིད།་འོན་ཀྱང་ཁྱེད་ཀྱིས་གཙོས་མི་འགས་ཨུ་ཚུགས་ཀྱིས་༢༠༡༡་ལོའི་བཀའ་ཁྲིར་སླར་ཟམ་གདོང་རིན་པོ་ཆེར་སྐུལ་བ་ནི་བོད་མི་རིགས་སྤྱིའི་བློ་སྟོབས་དང་འཇོན་ཐང་དེ་བཞིན་དམངས་གཙོའི་རིང་ལུགས་ལ་བརྙས་བཅོས་བཅས་ཀྱི་རྒྱུར་གྱུར་ཉེན་འདུག་ན་མནོ་བསམ་རྒྱ་ཆེ་ཙམ་བཞེན་ནས་བཀའ་མོལ་གནང་ཐུབ་ན་མི་ལེགས་བསམ།་་་བོད་མི་རིགས་ཀྱི་སྙིང་སྟོབས་དང་བློ་གྲོས་རྒྱལ་གྱུར་ཅིག།་་་་་་་་་་་་་་་་་་་་་་ཁ་ཡོད་ལག་ཡོད་བོད་མི་རིགས་ཀྱི་ཆེད་དུ་ཕྱག་ལས་གནང་མཁན་ཞིག་བཀའ་བློན་ཁྲི་པར་སླེབས་པ་ཤོག
གྲཔགས་པ་ལགས་ད་དུང་ཅིག་བརྗེད་འདུག། རྩ་བའི་ཁྱེད་རང་གི་དགོངས་ཚུལ་ག་པོ་འདུག བཀའ་ཁྲི་བསྐྱར་ཕེབས་ཀྱི་དགོངས་ཚུལ་དེ་གོང་ཞུས་ལྟར
གྲོགས་ངག་སྦྱིན་ལགས། བཀྲ་ཤིས་བདེ་ལེགས། དགོངས་ཚུལ་ཡག་པོ་འདུག འོན་ཀྱང་རྒྱབ་སྐྱོར་ཞུ་ཐབས་བྲལ། བཅའ་ཁྲིམས་དང་སྤྱི་ཚོགས་ལ་གཟིགས་ན་ཧ་ཅང་ཡོང་ཐབས་མེད། དེ་བས་ཆུ་ཚོད་འཕྲོ་བརླག་མ་གཏོང། དགོངས་པ་གཞན་ལ་བཞེས་རོགས
་དུང་ཀླད་རྙིང་ག
དེ་ལོས་ཡིན
ཨོ་རེད
དྲ་ཐོག་ན་འང་ཀླད་རྙིང་བ་འདུག་ག
དེའི་ད་ག་ལ་ཚད་མཁྲེགས་འཛིན་པ་ཡང་འདུག
དེ་ཡིན་རྒྱུ་རེད
སྤྱི་ཚོགས་ནི་ནམ་ཡང་ཆ་མི་སྙོམ
སྨན་པ་ངག་སྦྱིན་ལྟ་བུད
དེ་སྔོན་བོད་ཀྱི་ལོ་རྒྱུས་ནང་ལ་ཟམ་གདོང་རིན་པོ་ཆེ་ནང་བཞིན་གྱི་བཀའ་བློན་ཞིག་བྱུང་མེད་པ་ནི་ཆོས་ལུགས་དང་འཆོལ་ཁས་འཐེན་ཁྱེར་མེད་པར་བལྟས་ན་གསལ། དེ་བས་སྨན་པ་ལགས་ཀྱི་གསུངས་པ་ལ་ཡིད་རང་ཞུ་དགོས་པ་རེད། ཡིན་ནའང་ཁོང་གིས་འཇོན་ཐང་དང་ནུས་པ་གང་ཡོད་ཕྱུང་ཟིན་པ་རེད། ད་ནི་བླ་རྒན་ལགས་སེམས་ཀྱི་ནུས་པ་ཞུམ་པར་མི་མངའ་ནའང་འབྱུང་བ་རྒུད་བརྟེན་འབྱུང་འགྱུར་གྱི་བཀའ་བློན་བྱེད་ཐུབ་ཀྱི་མེད་པའི་སྔོན་བརྡ་བྱས་ཟིན་པས་དེ་ལ་ཡང་བཞུགས་དགོས་ཀྱི་སོ་ཟད་རྐན་ལ་ཐུག་མེད་ན་ཞུ་བ་དགོས་དོན་མི་འདུག བཀའ་བློན་ཁྲི་བ་དེ་སེར་མོ་བ་ཡིནའང་འདྲ། བུད་མེད་ཡིན་ནངའང་འདྲ་ཤེས་འཇོན་གཉིས་ལྡན་ཞིག་གདམས་དགོས་པ་ནི་རང་རེ་གཙན་བྱོལ་བོད་པ་ཡོངས་ཀྱི་ལས་འགན་ཞིག་རེད། ཡིནའང་ཆབ་སྲིད་པའི་ལས་བྱེད་ཞིག་ཡིན་ནས་བཟུང་གྲྭ་ཆས་མི་གྱོན་པ་ཞིག་ཐོན་དགོས་ཀྱི་འདུག གཞན་དུ་ན་ཆོས་དང་མི་འཐུན་སྲིད་ཡང་གང་མཚམས་བྱེད་མ་ལོ་བ་ཞིག་ཆགས་ཀྱི་འདུག དཔེར་ན་བུད་མེད་སྐྱབས་འགྲོའི་བསླབས་བྱ་གང་ཡིན་ཤེས་དང་མི་ཤེས་མཁན་དེ་རྣམས་མདོ་སྔགས་རབས་འབྱམས་པ་ཡིན་པར་ཁས་འཆེས་པའི་སྟེང་དུ་རང་སྣང་གང་ཤར་བྱེད་འཛེགས་པ་འདི་ཆོས་དང་མི་འཐུན། སྲིད་ལ་ཕན་མི་ཐོག ཆོས་ལ་དག་སྣང་རླགས། དགོས་རྒྱུ་དེ་མི་འགྲུབ་པའི་ཐོག་ཡོད་པ་དེ་རླགས་པར་དོགས་ནས་ཞུས་པ་ཡིན།།
ནོར་བཅོས།
ལས་འཆར་གསར་པ་གང་ཡང་འཆར་སྒྲིག་བྱས་མེད་གསུངས་ཡོད་པས་
འཇིགས་བྲལ་ལགས་ཀྱིས་ད་ལན་ཡག་པོ་ཞིག་བཤད་འདུག རྗེས་སུ་ཡི་རངས་དང་བསྔགས་བརྗོད་ཡོད།
སྨན་པ་དེས་ཟམ་གདོང་རིན་པོ་ཆེས་འདས་པའི་ཟླ་བཞིའི་རིང་ལས་འཆར་གང་ཡང་མ་བསྒྲིགས་པར་འཐུས་ཤོར་བཏང་བ་དེ་ཡང་མཁྱེན་གྱི་མེད་པ་འདྲ། ཟམ་གདོང་རིན་པོ་ཆེས་བཀའ་ཁྲིའི་འོས་བསྡུ་སྔ་བསྣུར་བྱ་རྒྱུའི་སྙན་གསེང་ཞུས་རྗེས་ལས་འཆར་གསར་པ་གང་ཡང་འཆར་སྒྲིས་བྱས་མེད་གསུངས་ཡོད་པས་ཁོང་ནས་ཆུ་ཕྱིན་ཡང་ཟམ་པ་སྡོད་དགོས་པའི་དཔེ་ལྟར་ཐུགས་བསམ་རྩ་བ་ནས་མ་བཞེས་པ་དེར་བློ་ཕམ་ཡོད། ཟམ་གདོང་རིན་པོ་ཆེས་ཉིན་ཤས་སྔོན་གཞི་ནས་གཅིག་སྡུད་འཆར་གཞི་བཞི་བའི་སྐོར་ཁྱབ་བསྒྲགས་གནང་ཡོད་ཀྱང༌། ཕྱི་ཟླ་གསུམ་པ་ནས་ད་བར་ལས་འཆར་གང་ཡང་མ་བསྒྲིགས་པ་དེ་ཡང་བསམ་བཞིན་དུ་འཐུས་ཤོར་བཏང་བ་ཞིག་མ་རེད་དམ། དེ་དང་དེ་འདྲ་བའི་བཙན་བྱོལ་ཁྲོད་ཀྱི་སྒྲིག་འཛུགས་ལ་འཐུས་ཤོར་དང༌། ད་དུང་ཆེས་ཉེན་ཚབས་ཆེ་བ་ཞིག་ལ་བོད་གཞུང་གི་གཅིག་སྡུད་འཆར་གཞི་བཞི་བའི་ནང་མ་འོངས་བོད་ཀྱི་རྩ་ཁྲིམས་སྙིང་དོན་དང༌། ཆབ་སྲིད་ལམ་སྟོན་ལ་འགྱུར་བ་གཏང་རྒྱུའི་འཆར་གཞི་ཞིག་ཀྱང་སྒྲིག་ཡོད་འདུག་པས་མ་འོངས་པའི་བོད་ནི་མང་གཙོ་མཉམ་འབྲེལ་ཞེས་པ་དེ་ཕྱིར་འབུད་གཏང་ཆེད་མིན་ན་གང་ཡིན། རྒྱུ་མཚན་ནི་ཟམ་གདོང་རིན་པོ་ཆེས་དེ་ནི་འཆར་སྣང་ཞིག་ཡིན་སྐོར་དང༌། མ་འོངས་པར་རྒྱ་ནག་གི་རྩ་ཁྲིམས་འོག་དམངས་གཙོ་ལས་མང་གཙོ་རེག་གི་མེད་ཚུལ་སོགས་ཡང་ཡང་གསུངས་ཡོད་པ་མ་ཡིན་ནམ། མདོར་དོན་ཆབ་སྲིད་དང་བཙན་བྱོལ་བོད་མིའི་སྒྲིག་འཛུགས་གང་ཐད་ནས་འཇུ་ས་བརྟེན་ས་གང་ཡང་མེད་པ་བཟོ་བཞིན་པའི་མི་འདི་ཡང་བསྐྱར་བཀའ་ཁྲིར་བསྐོས་དགོས་གང་ཡང་མ་མཐོང༌།
བདེ་བ་ཅན་ལགས། འཇིགས་བྲལ་བསྟན་འཛིན་ལགས་ནས་གསུང་བ་འདི་ངའི་ཁྱོད་རང་ལ་བཤད་འདོད་པའི་ཚིག་ཡིན་པས། ག་ལེར་མཆོད་རོགས།
བསྐྱར་དུ་བཀའ་ཁྲིར་ཕེབས་རོགས།
ཁ་བྱང་འདི་ལ་བལྟས་ན་བོད་ལ་མི་མེད་པ་འདྲ་ལ། ལྟ་ཚུལ་འདི་འདྲ་ཟམ་གདོང་རིན་པོ་ཆེར་ཆེ་བཀུར་ཞིག་ཡིན་ཡང་ཆོག བོད་མི་རིགས་ལ་དམའ་འབེབས་ཤིག་ཡིན་པས་ཟམ་གདོང་རིན་པོ་ཆེ་མི་དགའ་ཐག་ཆོད་རེད། ཡང་གཅིག་བཤད་ན་བཙན་བཙན་བྱོལ་བོད་གཞུང་གི་ད་ལྟའི་བཀའ་བློན་ཁྲི་པ་འདི་སྐབས་གཉིས་པའི་ལུས་དུས་མ་རྫོགས་གོང་དུ་དགོངས་ཞུ་བྱེད་གྲབས་ཀྱི་གནས་ཚུལ་ཐོན་པ་འདིའི་ཐོག་ནས་བསམས་ན་ཡང་། ཁོང་གི་སྐུ་གཟུགས་དང་ལོ་ན། ཆབ་སྲིད་སྐྱོང་སྟངས་བཅས་གང་ཐད་ནས་ཏག་ཏག་ཅིག་སྡོད་ཀྱི་མེད་པ་ཞིག་བསྟན་ཡོད་ལ། ང་ཚོ་བཙན་བྱོལ་བ་ཡིན་ཡང་ཆོག རང་བཙན་མེད་ཀྱང་ཆོག བོད་དང་བོད་ཀྱི་མི་མང་གི་བླ་ན་མེད་པའི་ཁེ་དབང་སྲུང་སྐྱོབ་བྱེད་པའི་ཁྲིམས་མཐུན་བོད་ཀྱི་སྲིད་གཞུང་གི་བཙན་བྱོལ་བོད་མིའི་བཅའ་ཁྲིམས་རིན་པོ་ཆེ་འདི་བཞིན་མི་རེའི་ངོ་ལ་བལྟས་ནས་བཅོས་བསྒྱུར་བྱེད་དགོས་བྱུང་ན་ཕྱི་ཕྱོགས་ཀྱི་མི་ཚོ་གད་མོ་ཤོར་གྱི་མ་རེད་དམ།
སུན་སྣང་སྨན་པ་ངག་དབང་སྦྱིན་པ་ལགས། ངག་དབང་སྦྱིན་པའི་རྩོམ་ཡིག་འདི་བོད་མི་རིགས་ལ་ཕན་པའི་སྨན་དུ་འགྱུར་རྒྱུ་ལྟ་ཞོག ངོ་མ་སུན་སྣང་སྐྱེས་དགོས་པ་རང་རེད། ད་ལྟ་ཕྱོགས་ཡོང་རྒན་གཞོན་ཚང་མས་གཞོན་སྐྱེས་ཤེས་འཇོན་ལྷག་བསམ་ལྡན་པ་ཞིག་འཚོལ་བཞིན་པའི་སྐབས་འདིར་ཟམ་གདོང་རིན་པོ་ཆེར་འཇོན་ཐང་དང་གྲུབ་འབྲས་ཡོད་མེད་གླེང་དགོས་དོན་མེད་པ་རེད། འཇོན་ཐང་ཡོད་པར་ངོས་འཛིན་གྱིས་ཐེངས་གཉིས་ལ་འདེམས་པ་རེད། མང་གཙོའི་འཕེལ་རིམ་ལ་ཅུང་ཟད་ཡང་རྒྱུས་མངའ་མེད་པ་གང་བྷ། ཧོན་སོར་གཞིས་ཁོངས་ཀྱི་མི་རང་རེད།
སྤུན་ཟླ་ཚོ། ངེད་ཅག་གིས་ཕྱིར་མིག་ཞིག་ལྟ་དགོས་པ་རེད་ལ། སྔོན་ལ་ཡང་ལྟ་དགོས་ཀྱི་ཡོད་པ་རེད། དེ་ལས་ཕྱིར་མིག་ལྟ་བ་ནི་རྗེས་མ་ནོར་འཁྲུལ་མི་འབྱུང་རྒྱུའི་ཆེད་དུ་ཡིན་པ་ནི་ཀུན་གྱིས་ཤེས་གསལ་རེད། ད་ནི་བཀའ་བློན་ཁྲི་བ་ནི་ཟམ་གདོང་རིན་པོ་ཆེ་ཡི་འཇོན་མིན་དེ་ནི་ངེད་ཅག་གིས་ལོ་ངོ་བཅུ་ལ་ཁོང་གིས་ཕྱག་ལས་གནང་བའི་གྲུབ་འབྲས་དེ་དག་གིས་ངེད་ཅག་ལ་གསལ་བཤད་བྱས་ཚར་བ་རེད། ད་ནི་ཁོང་ཉིད་མུ་མཐུད་དུ་བཞུགས་དགོས་མིན་གྱི་བསྐོར་ལ་བསམ་བློ་གཏོང་མཁན་དག་ནི་དངོས་ནས་གླེན་པ་མིན་ན། མང་གཙོ་ལ་བརྩི་བཀུར་དང་ཤ་ཞེན་མེད་མཁན་དག་གིས་རང་གི་གཞུང་ལ་བཀའ་བློན་ཁྲི་བ་འཇོན་མཁན་མི་གཅིག་ལས་མེད་པར་བསྒྲགས་བཞིན་ཡོད་པ་ལྟ་བུ་རེད། ད་ནི་༧གོང་ས་མཆོག་དང་ཟམ་གདོང་བླ་མ་ཁོང་གིས་རེ་བ་ཡང་བོད་མི་གཞན་ཞིག་བཀའ་ཁྲིའི་རྐུབ་སྟེགས་སྟེང་བསྡོད་རྒྱུར་རེ་བལྟས་བྱེད་བཞིན་ཡོད་པ་ཀུན་གྱིས་ཐུགས་འཇག་འཚལ་ལོ།
ང་ཚོས་བསམ་བློ་ཞིབ་ཚགས་ཅིག་བཏང་ན་སྔ་ནས་ད་བར་ང་ཚོའི་བོད་ཀྱི་སྤྱི་ཚོགས་ནང་རྒྱལ་པོ་དང་། བླ་ཆེན། མཁན་པོ། དགེ་བཤེས། གྲ་བཙུན་བཅས་ཀྱི་སྡེས་ཆོས་དང་། ཆབ་སྲིད། རིག་གནས། དཔལ་འབྱོར། སྒྱུ་རྩལ། ཡ་རབས། གཤིས་སྤྱོད་སོགས་ཕྱོགས་གང་སར་དངོས་གནས་མཛད་རྗེས་ཆེན་པོ་འཇོག་ཐུབ་ཡོད།
ད་ལྟ་ཡང་བོད་མི་རིགས་ཟེར་བ་དེ་འཛམ་གླིང་འདིར་ངོ་གནོང་མི་དགོས་པ་ཞིག་དང་། བོད་ཀྱི་མཐུན་མོང་མ་ཡིན་པའི་རིག་གཞུང་ཟབ་མོ་འདིའི་གཟི་བརྗིད་དགེ་མཚན་ཡང་ཁོང་རྣམ་པའི་ཐུགས་རྗེའི་བཀའ་དྲིན་ལས་གཞན་མ་འདས།
ཡིན་ནའང་ང་ཚོའི་མི་དམངས་ཀྱི་ངོས་སྔར་ནས་ད་བར་དུ་བོད་ཀྱི་ཆོས་དང་། སྲིད། རིག་གཞུང་། དཔལ་འབྱོར། ད་དུང་དེང་རབས་ཀྱི་ཚན་རིག་སོགས་གང་ལ་ཡང་བྱས་རྗེས་ཁྱོན་ནས་འཇོག་ཀྱི་མེད་སྟབས་ད་གཟོད་ངའི་བསམ་ཚུལ་ལ་བྱས་ན་ད་ང་ཚོའི་མི་མང་འདི་ཧ་ཅང་གི་ཐབས་སྐྱོ་པོ་ཞིག་ཡིན་པས་ད་ཆ་མི་མང་གི་ཡར་ལངས་རྒྱུའི་རེ་བ་རྒྱག་དགོས་ཀྱི་འདུག
དར་བརྟེན་ད་ལྟའི་བཀའ་ཁྲི་ནི་དངོས་གནས་མི་དམངས་ཀྱི་ནང་ནས་འགན་འཁུར་བླངས་ཐུབ་མཁན་གཅིག་ངེས་པར་དུ་དགོས་ཀྱི་འདུག།
དྲ་གྲོགས་གནས་ཚང་ལགས། ཁྱོེད་རང་སྐད་ཆ་ཤོད་སྟངས་ཏོག་ཙམ་སྦྱངས་དགོས་ཀྱི་འདུག ཟམ་གདོང་རིན་པོ་ཆེ་འདོད་ཀྱང་མི་འདོད་ཀྱང་གང་ལྟར་ང་ཚོ་བཙན་བྱོལ་བོད་མིས་མང་མོས་འོས་བསྡུ་བྱས་ཏེ་བསྐོས་པའི་བཀའ་བློན་ཁྲི་པ་ཞིག་རེད། ཁྲིམས་་ལུགས་ཀྱི་ཐོག་་ནས་་རྒྱབ་རྟེན་ཡོད་ལ། འོས་བསྡུའི་ལམ་ནས་འདེམས་ཐོན་བྱུང་བ་་ཞིག་རེད། གང་་ལྟར་ང་ཚོ་བོད་ནས་རྒྱ་འགོ་མ་ཐོན་པར་བོད་གཞུང་ལ་སྐྱབས་བཅོལ་ཏེ་ཡོང་བ་རེད། དེར་ཡིད་ཆེས་དང་གུས་བཀུར་ཞུ་རྒྱུ་འདི་སྤྱི་ཚོགས་མི་གཤིས་ཀྱི་བཟང་ཆ་དང་མཐུན་ཡོད། དེར་བརྟེན་ཁྱོད་རང་ནས་ཟམ་གདོང་ཟེར་བ་དང་། ཏཱ་ལའི་བླ་མ་ཟེར་བ་དེ་འདྲའི་ཤོད་སྟངས་རིགས་ལ་འགྱུར་བ་བཏང་དགོས་ཀྱི་འདུག དམངས་གཙོ་ཁ་ལ་འཁྱེར་ནས་ལོག་་པའི་ལམ་དུ་བེད་སྤྱོད་བཏང་སྟེ་སྤྱི་ཚོགས་ཀྱི་བཟང་ཆ་བསྐྱུར་ན་དགེ་མཚན་གང་ཡང་མེད། མི་སྡེའི་སྤྱི་ཚོགས་ནང་རང་ཉིད་ལ་མཐོང་དང་ཆ་འཇོག་དགོས་ན་མི་གཞན་གྱི་ཐོབ་ཐང་ལའང་བརྩི་བཀུར་ཞུ་རྒྱུ་འདི་ཧ་ཅང་གལ་ཆེན་པོ་རེད།།
ད་རེས་ཡིན་ན་ངས་གནད་དོན་གཞན་ཞིག་ཤེས་སོང་། དེ་ནི་མི་འདི་དག་གིས་ཟམ་གདོང་ལ་ཁ་གཡར་ནས་ཏཱ་ལའི་བླ་མར་གནོན་ཤུགས་སྤྲོད་ཀྱིན་པ་དེ་རེད་ལ། དམིགས་ཡུལ་ནི་མང་གཙོ་ཕྱིར་བསྡུ་དང་སྔར་སྲོལ་བསྐྱར་འཛུགས་ལ་དམིགས་པའི་འཕག་འཚག་ཅིག་ཡིན་ཤས་ཆེ། དེ་བས། ཚང་མ་ལོས་མང་གཙོ་གདམ་ག་བྱེད་རྒྱུ་ཡིན་ནམ། མང་གཙོ་ཕྱིར་བསྡུ་ལ་འབུངས་རྒྱུ་ལས་ལྷག་མི་འདུག
བདེ་བ་ཅན་ལགས། ང་ཚོས་དུས་ནམ་ཡང་ཟམ་གདོང་རིན་པོ་ཆེ་ལ་བསྐྱར་དུ་བཀའ་བློན་ཁྲི་པ་མ་ཕེབས་རོགས་ཞུ་དགོས་ཀྱི་མ་རེད་བསམ་གྱི་འདུག གོང་གི་སྨན་པ་ངག་དབང་སྦྱིན་པ་ཞུ་བ་ཁོང་གིས་ཁོ་རང་གི་སེམས་ཤུགས་དང་རེ་བ་གཉིས་ཐོག་ནས་ཞུས་ཀྱི་ཡོད་པ་རེད་མ་གཏོགས། བསྐྱར་དུ་ཟམ་གདོང་རིན་པོ་ཕེབས་ཐུབ་ཡ་མེད་པ་རེད་མ་ཚད་ཁོང་གིས་ཀྱང་ལན་གྲངས་མང་པོར་དེ་ཡི་སྐོར་གསུངས་ཚར་བ་རེད། ང་ཚོས་དངོས་གནས་ཁ་ཡོད་ལག་ཡོད་དང། ཕུགས་རྒྱང་རིང་པོའི་ཐོག་ནས་བོད་མི་རིགས་ལ་ཤ་ཚ་དང་ཞེན་གོག་ཡོད་ན་ད་སྐབས་སྐད་ཆ་འདི་བཤད་ཡ་མ་རེད་བསམ་གྱི་འདུག རེད་ཁྱེད་ཀྱིས་གསུང་བ་བཞིན་ཆོས་ཆབ་སྲིད་གང་ཐད་ནས་ཟམ་གདོང་རིན་པོ་ཆེ་མཁས་པ་རེད། ད་བར་བོད་གཞུང་གི་འཛིན་སྐྱོང་དཔལ་འབྱོར་གང་ཐད་ནས་གྲུབ་འབྲས་ཕུལ་དུ་ཕྱིན་པ་ཐོབ་ཡོད་རེད། ཡིན་ནའང་འཇོན་མཁན་གཅིག་གི་སྒང་ལ་མི་མཐུད་ནས་ཨུ་ཚུགས་བསྐྱོན་པ་འདི་ཐབས་ཤེས་མ་རེད། སྐྱབས་མགོན་རིན་པོ་ཆེས་ཁོང་བོད་ཀྱི་དབུ་ཁྲིད་ནས་དགོངས་པ་ཞུ་གི་ཡིན་གསུངས་པ་དེ་ཁོང་གིས་དགོས་པ་དང། གནས་ལུགས། རྒྱུ་མཚན་མང་པོ་ཞིག་གཟིགས་ཀྱི་ཡོད་ཙང་གསུངས་ཀྱི་ཡོད་རེད་མ་གཏོགས་བོད་མི་རིགས་ལ་ཤ་ཚ་དང་སྙིང་རྗེ་མེད་པས་ཡིན་རྒྱུ་མ་རེད་དྲན་གྱི་འདུག
ཁྱེད་ཀྱིས་ད་སྐབས་ཕྱོགས་ཡོངས་ནས་བོད་གཞུང་གི་རྨང་གཞི་ཧ་ཅང་ཚགས་ཚུད་བྱུང་ཡོད་མ་རེད་གསུང་ལུགས་ལ་བལྟས་ན་རིན་པོ་ཆེ་ལོ་ལྔ་བཞུགས་ན་རྨང་གཞི་ཧ་ཅང་ཚགས་ཚུད་ཆགས་ཀྱི་ཡོད་པའི་གདེངས་ཚོད་ག་འདྲ་ཟེ་སླེབས་པ་ཡིན་ན།
གང་ལྟར་ང་རང་གི་བསམ་པ་ལ། འཇོན་མཁན་དང། ནུས་མཁན་ཞིག་གཅིག་པུའི་ཐོག་ལ་བསྙེལ་ནས་བསྡད་རྒྱུ་འདི་ཐབས་ཤེས་མ་རེད་དྲན་འདུག་པས་དྲ་གྲོགས་རྣམས་ནས་ཐུགས་དགོངས་འདྲ་ཡོད་ན།
འདི་དཔེ་ཙམ་ཡིན། བསམ་བློ་གཞན་ཞིག་ཐོངས་མིན་གྱི་ཐབས་ཤེས་ཙམ་ཡིན། དགོངས་དག
སྨན་པ་ངག་དབང་སྦྱིན་པ་ལགས། གལ་སྲིད་ ༢༠༡༡ ལོ་བར་དུ་ཁོང་གིས་སྐུ་ཚེ་མ་ཟིན་ན་ཁྱེད་ཀྱིས་ག་རེ་བྱེད་རྩིས་ཡོད། ད་ནས་བཟུང་སྐུ་ཉིད་ནས་རིན་པོ་ཆེ་སྐབས་དེར་བཞུགས་མི་བཞུགས་མི་ཤེས་པའི་ཚུལ་དུ་འོས་གཞི་གཞན་པ་ཞིག་བརྙེད་མི་བརྙེད་ལ་ཚོད་ལྟ་ཞིག་གནང་རོགས།
སྨན་པ་ངག་དབང་སྦྱིན་པ་ལགས་ཀྱིས་མང་གཙོའི་ལྟ་གྲུབ་དང་འཕེལ་རིམ་ལ་དེ་ཙམ་གྱིས་ཐུགས་སྣང་གནང་གི་མེད་པ་འདྲ། ཟམ་དོང་རིན་པོ་ཆཆེ་ཡག་པོ་ཡོད་པ་ཚང་མས་ངོས་འཛིན་བྱས་ཏེ་ཐེངས་གཉིས་སུ་བདམས་ཡོད།
ཁོང་ཡག་པོ་འདུག་ཅེས་ད་དུང་ཨུ་ཚུགས་བརྒྱབ་སྟེ་མུ་འཐུད་གདམ་རྒྱུའི་བསམ་བློ་གཏོང་བ་དེ་རྗེས་ལུས་ཀྱི་རྣམ་པ་རེད། མིའི་རྣམ་དཔྱོད་མི་འདྲ་བས་དུས་སྐབས་མི་འདྲ་བ་རེ་ལ་འགྱུར་བ་གསར་པ་མི་འདྲ་བ་རེ་བཏང་ཏེ་ཡར་རྒྱས་ཀྱི་ལམ་དུ་བསྐྱོད་རྒྱུ་དེ་མང་གཙོའི་གནད་འགག་ཅིག་རེད།
ང་ཚོའི་མི་རབས་གསར་པ་རྣམསྨུ་འཐུད་དེ་གནས་དགོས་སྟབས་ད་ཆ་ང་ཚོས་ངེས་པར་དུ་བཀའ་ཁྲི་གསར་པ་ཞིག་དང་དེ་ཡང་མི་སྐྱ་གཅིག་གདམ་ཐུབ་པ་བྱེད་དགོས།
ཁྱེད་རང་ལ་ཞུ་རྒྱུར་ང་རང་ནི་བཀའ་བློན་ཁྲི་པའི་མཛད་འཕྲིན་ཁག་ཅིག་ལ་་་་་ཞེས་བཅོས་གནང་ཡོང་བ་ཞུ
ཁྱེད་ལྟར་ང་རང་བཀའ་བློན་ཁྲི་པ་ཟམ་་གདོང་རིན་པོ་་ཆེའི་མཛད་འཕྲིན་ཁག་ཅིག་ལ་མི་འདོད་པའི་རྣམ་འགྱུར་འཛིན་མཁན་་ཞིག་ཡིན། འོན་ཏེ་ཁོང་ནས་ལོ་ངོ་བཅུའི་རིང་བཀའ་བློན་ཁྲི་པའི་ཞབས་སྟེགས་དེ་བཟུང་ནས་འཇོན་ནུས་ཡོད་ཚད་སྤུངས་ཏེ་ད་ལྟ་ང་ཚོའི་མཐོང་ཐུབ་པའི་སྐྱོན་དང་གྲུབ་་འབྲས་དེ་དག་རེད། སྐྱོན་གྱི་ཐད་ནས་ཕྲན་ཚེགས་བྱུུང་ཡོད་ལ། གྲུབ་འབྲས་ཀྱང་གང་ལེགས་བྱུང་ཡོད།
ཡིན་ནའང་ང་་ཚོས་བསམ་དགོས་པ་ནི་ད་ལྟ་བཀའ་བློན་ཁྲི་པ་མཆོག་དགུང་ལོ་གང་མཚམས་ཕེབས་ཟིན་པས་དགུང་་ལོ་དང་སྐུ་གཟུགས་ཀྱི་བབས་ནས་ངེས་པར་ལོ་བཅུའི་རྗེས་མི་གསར་པ་ཞིག་སླེབས་རྒྱུ་འདི་གལ་ ཆེན་པོ་རེད།
བདག་ཅག་གི་སྟོན་པ་བཅོམ་ལྡན་འདས་ཀྱི་མཛད་པ་བཅུ་གཉིས་བཞེས་པའི་མཐའ་མའི་མཛད་པ་དེར་དགོངས་པ་གཞན་དོན་དུ་གཤེགས་པ་རེད། དེས་ན་སྐྱེ་བོ་ཕལ་པ་ཙམ་མ་ཡིན་པར་བླ་སྤྲུལ་དགེ་བཤེས་སུ་ཞིག་ཡིན་ནའང་མཛད་པ་མཐའ་མ་དེ་བཞེས་རྒྱུར་གཏན་འཁེལ་བས་ང་ཚོས་གང་ཟག་གཅིག་རང་ལ་འཐམས་ཏེ་མུ་མཐུད་ཡང་བསྐྱར་ལོ་ལྔ་གནང་རོགས་ཞུ་རྒྱུ་འདི་ནི་རྒྱུ་མཚན་གྱི་ཆ་ནས་རྦད་དེ་སྟོང་བསམ་རེད།
དེ་ལས་རིན་པོ་ཆེ་མཆོག་ལོ་བཅུའི་ཆ་ཚང་གྲུབ་རྗེས་ཝ་ར་ན་སིའི་ངེས་སྟོན་པའི་ཐོག་བཙན་བྱོལ་བོད་གཞུང་གི་བཀའ་བློན་ཁྲི་པའི་ངེས་སྟོན་པའི་གྲས་སུ་ཕེབས་ན་གང་འདྲ་འདུག
གང་ལྟར་ཁོང་བཀའ་ཁྲི་འཁྱུར་ནའང་བསྟན་སྲིད་སྤྱི་དོན་སླད་བཞུགས་སྒར་ཉེ་ཁུལ་དུ་བཞུགས་གཏན་འཁེལ་ཡོད་པས། ང་ཚོས་སྐབས་འགར་ཁོང་གི་དགོངས་ཚུལ་དང་སློབ་སྟོན་ལ་གོ་སྐབས་ཞུ་བའི་དུས་ཚོད་ཡོད་པས་དགོངས་་པ་རྒྱ་ཆེ་ཙམ་བཞེས་ཏེ་ད་ལྟའི་ལོ་བཅུ་ཆ་ཚང་བ་བཞུགས་ཏེ་བསྐྱར་དུ་ལོ་ལྔ་མ་ཕེབས་རོགས་གནང་ཞེས་ཞུས་ན་གང་འདྲ་འདུག