དེ་རིང་སྔ་དྲོའི་ཆུ་ཚོད་ ༩ དང་སྐར་མ་ ༣༠ ཙམ་ལ་སྦེལ་ཀོབ་ལུགས་ཟུང་བསམ་འགྲུབ་གླིང་སེ་ར་དགོན་པའི་ཉེ་འགྲམ་དུ་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཚོགས་ཁང་ཞིག་གསར་རྒྱག་ལེགས་འགྲུབ་དང་དབུ་འབྱེད་གནང་ཡོད།
སྐུ་མགྲོན་གཙོ་བོར་ནང་སྲིད་ལས་ཁུངས་ཀྱི་དྲུང་ཆེ་དངོས་གྲུབ་རྡོ་རྗེ་ལགས་དང་སྦེལ་ཀོབ་ས་གནས་ཁྲིམས་ཞིབ་ཁང་གི་ཁྲིམས་དཔོན་མཚོ་སྣ་ལྷག་པ་མཆོག ལུགས་བདེ་གཉིས་ཀྱི་གཞིས་མགོ་རྣམ་གཉིས་གཙོས་གཞིས་གྲོང་ཁག་གི་སྤྱི་མི་རྣམས་དང་གཞོན་ནུ་དང་བུད་མེད། གཞིས་ཆགས་ཁག་བཅུ་གཉིས་ཙམ་གྱི་སྐྱེ་ལྡན་བསོད་ནམ་གྱི་སློབ་སྟོན་པ་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་འབྲེལ་ཡོད་མི་སྣ་བཅས་མི་བཞི་བཅུ་ཙམ་ཕེབས་ཡོད་ལ། སྐུ་མགྲོན་གཙོ་བོ་མཆོག་ནས་ཚོགས་ཁང་དབུ་འབྱེད་གནང་བ་དང་སེ་ར་དགོན་པའི་འབྲེལ་ཡོད་བླ་གྲྭ་ཁག་ཅིག་གིས་རབ་གནས་གནང་ཡོད། སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་གི་ཚོགས་གཙོ་བསྟན་འཛིན་དགྲ་འདུལ་ལགས་ཀྱིས་འདི་ལྟ་བུའི་ཚོགས་ཁང་ཞིག་རྒྱག་དོན། ༢༠༠༧ ལོའི་ཟླ་ ༤ ཚེས་ ༡ ཉིན་ནས་ནང་སྲིད་ཞིང་འབྲོག་འབོད་པའི་སྡེ་ཚན་འདི་ཉིད་སྐྱེ་ལྡན་སོ་ནམ་དང་ཉམས་ཞིབ་སྦྱོང་བརྡར་ཁང་དུ་མིང་བསྒྱུར་བྱས་པ་ནས་བཟུང་། ད་བར་སོ་ནམ་སློབ་སྟོན་པ་གཙོས་ཞིང་པ་ཡོངས་ལ་སྐྱེ་ལྡན་སོ་ནམ་དང་འབྲེལ་བའི་ཟབ་སྦྱོང་རིམ་པ་མང་བོར་གནང་ཟིན་ཡང་། ཟབ་སྦྱོང་སྐབས་ཚོགས་ཁང་མེད་པའི་དཀའ་ངལ་འཕྲད་ཀྱིན་པས། རང་གཞུང་ནང་སྲིད་ལས་ཁུངས་ཀྱིས་བྷེལ་རྗེམ་གཞུང་ལ་རོགས་དངུལ་ཐབས་འཚོལ་གྱིས་ ༢༠༠༨ ལོའི་ཟླ་ ༣ ཚེས་ ༧ ཉིན་ཨར་ལས་དངོས་སུ་མགོ་བཙུགས་ཏེ། ༢༠༠༩ ལོའི་ཟླ་ ༧ ཚེས་ ༡ ཉིན་ལས་དོན་ཡོངས་ལེགས་གྲུབ་ཟིན་པ་དང་། ཚོགས་ཁང་དང་མགྲོན་ཁང་གསུམ། བུའི་ཉལ་ཁང་གཅིག་དང་བུ་མོའི་ཉལ་ཁང་གཅིག ཐབ་ཚང་བཅས་བསྡོམས་པས་ས་ཁྱོན་ཕུ་ཀྲི་གྲུ་བཞི་མ་ ༣༢༥༢ ཡོད། ཅེས་གསུངས་ཡོད། 
སྐུ་མགྲོན་གཙོ་བོ་མཆོག་གིས་ང་ཚོས་སྐྱེ་ལྡན་སོ་ནམ་གྱི་སློབ་སྟོན་པ་ཚོར་ད་བར་ཟབ་སྦྱོང་རབ་དང་རིམ་པ་གནང་བ་དང་སྐྱེ་ལྡན་སོ་ནམ་གྱི་ལས་གཞི་གང་དུ་སླེབས་མིན་དེ་ཁོང་ཚོར་རག་ལས་ཡོད་སྟབས། ང་ཚོས་ཁོང་ཚོར་ཟབ་སྦྱོང་སྤྲོད་རྒྱུར་གལ་འགངས་ཆེན་པོར་བརྩི་བཞིན་ཡོད་ལ། འདས་པའི་ལོ་འགའི་རིང་གི་གྲུབ་འབྲས་ནི་ཁོང་ཚོས་དུས་དང་རྣམ་པ་ཀུན་དུ་མི་མང་ལ་སློབ་སྟོན་དང་མཉམ་ཞུགས་གནང་བའི་འབྲས་བུ་ཡིན་ཞེས་གསུངས་ཡོད།
དེ་བཞིན་ཉིན་དེར་དབྱིན་བོད་གཉིས་ཐོག་སྐྱེ་ལྡན་སོ་ནམ་གྱི་ལག་དེབ་ཅེས་པ་དང་སྐྱེ་ལྡན་འགུལ་ཤུགས་ཅན་གྱི་སོ་ནམ་ཐབས་བྱུས། སྐྱེ་ལྡན་སོ་ནམ་གྱི་གནོད་འབུ་དང་ཞིང་ནད་ཚོད་འཛིན་བྱ་ཕྱོགས་ཀྱི་ལག་དེབ་ཅེས་ཚོན་ཁྲ་དང་པར་རིས་ལྡན་པའི་དེབ་གསུམ་དབུ་འབྱེད་དང་འགྲེམས་སྤེལ་བྱས་ཡོད།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
ལས་གཞི་འདི་ཉིད་རྒྱ་ཆེ་རུ་བཏང་ནས་གཞི་ཆགས་ཁག་གི་ཉམ་ཐག་ཚོའི་འཚོ་བའི་དཀའ་ངལ་སེལ་བར་རོགས་ཕམ་ཁ་ཡོད་ལག་ཡོད་ཅིག་ཡོང་རྒྱུར་རེ་བ་ཆེན་པོ་ཡོད།
གསར་འགྱུར་ཚ་བོ་དེའི་རིགས་པ་འབད་པ་བྱེད་རོགས། དམིགས་བསལ་གྱི་གསར་འགྱུར་དེའི་རིགས་ཁག་པོ་འདུག
གསར་འགྱུར་དག་མ་ཞིག་སྤེལ་འདུག་པས་གསར་འགོད་པར་བསྔགས་བརྗོད་ཞུ།