དབུས་གཙང་སྤྱི་འཐུས་ཨཅརྱ་ཡེ་ཤེས་ཕུན་ཚོགས།
རྒྱ་ནག་ནང་དམར་ཤོག་ཚོགས་པའི་གཞུང་འཛིན་ནས་འདི་ལོའི་ཕྱི་ཟླ་ ༡༠ ཚེས་ ༡ ཉིན་མི་ལོ་དྲུག་ཅུ་འཁོར་བའི་དམིགས་བསལ་དུས་དྲན་གྱི་མཛད་སྒོ་གཞི་རྒྱ་ཆེ་བ་ཞིག་གོ་སྒྲིག་ཞུ་འཆར་དང༌། དེ་བཞིན་རྒྱ་ནག་གི་མགོ་ཁྲིད་གཉིས་པ་ཏིན་ནས་གུ་ཡངས་རིང་ལུགས་ཀྱི་དཔལ་འབྱོར་སྲིད་བྱུས་གསར་གཏོད་བྱས་ནས་ལོ་ངོ་སུམ་ཅུ་འཁོར་བ་བཅས་ཀྱི་ལས་དོན་མང་དག་ཅིག་གོ་སྒྲིག་ཞུ་འཆར་གྱི་ཐོག་མི་མང་ལ་མགོ་བསྐོར་གཏོང་བྱུས་དང་འཛམ་གླིང་ནང་སྲིད་བྱུས་ཡང་དག་ཡིན་པ་ཡོངས་ཁྱབ་སྟོན་རྒྱུའི་ལས་གཞི་བང་སྒྲིག་བཞིན་པས། དོན་དངོས་མི་མང་ཡོངས་ལ་ད་བར་ཕན་ཐོགས་བྱུང་མེད་པ་དང༌། དེའང་ད་ལྟ་འབྱོར་ལྡན་དང་གྲལ་རིམ་ཅན་གྱི་དམར་པོའི་སྲིད་གཞུང་དུ་འགྱུར་ཡོད། ལྷག་པར་དང་པོའི་སྐབས་ཀྱི་དམར་པོའི་སྲིད་བྱུས་རྣམས་ད་ལྟ་མིང་ཙམ་ལས་ལྷག་མེད། ཐོག་མར་མའོ་ཙེ་ཏུང་གི་སྲིད་བྱུས་ནང་འདྲ་མཉམ་དང་ཐོབ་ཐང་མེད་པའི་ཞིང་འབྲོག་གཉིས་དང་། བཟོ་བ། དེ་བཞིན་གྲལ་རིམ་མེད་པའི་མི་མང་གིས་གཞུང་འཛིན་རྒྱུའི་སྲིད་བྱུས་ལ་བརྟེན་རྒྱ་ནག་ནང་དམར་ཤོག་ལ་མི་མང་གི་རྒྱབ་སྐྱོར་ཐོབ་ཡོད། འོན་ཀྱང་ད་ཆ་ཞིང་འབྲོག་གཉིས་དང་། བཟོ་བ། དེ་བཞིན་གྲལ་རིམ་མེད་པའི་མི་མང་རྣམས་ལ་འདྲ་མཉམ་གྱི་ཐོབ་ཐང་མེད་པའི་ཁར། ཤེས་ཡོན་སོགས་གང་གི་ཐད་ནས་ཀྱང་ཐོབ་ཐང་མེད་པར་ལས་མེད་དུ་འགྱུར་བཞིན་ཡོད། དེས་ན་ཞིང་འབྲོག་གཉིས་དང་། བཟོ་བ། དེ་བཞིན་གྲལ་རིམ་མེད་པའི་ན་གཞོན་ལས་མེད་ས་ཡ་མང་པོ་ནས་ངོ་རྒོལ་ཡོང་དང་ཡོང་བཞིན་པ་དང་གཅིག རྒྱ་ནག་དཔོན་རིགས་ནང་སྔར་ལྟར་གཅིག་འོག་གཅིག་བསྡུས་ཀྱིས་འཆམ་མཐུན་དང་བློ་མཐུན་ཐོག་སྲིད་གཞུང་འཛིན་འགྱུར་ཆབ་སྲིད་རང་བཞིན་གྱི་དཀའ་ངལ་དང་གཉིས། ནང་ཁུལ་དབང་ཆ་དང་ཞབས་འདེགས་ཀྱི་འཐབ་རྩོད་ཡོང་བཞིན་པ་དང་གསུམ། རྒྱ་ནག་སྲིད་འཛིན་གྱི་བུ་དང་འབྱོར་ལྡན་གྲལ་རིམ་པ་ཁག་ཅིག་གིས་གཞུང་དང་མི་མང་གི་དཔལ་འབྱོར་ལྐོག་ཟ་བྱས་པའི་སྐྱོན་བརྗོད་ཡང་རྒྱལ་སྤྱིའི་གསར་འགྱུར་ཐོག་ཁྱབ་བཞིན་པ་དང་བཞི། བཟོ་གྲྭ་ཁག་གི་ལས་མི་རྣམས་ནས་ཀྱང་སྔར་དང་མི་འདྲ་བར་ཐོབ་ཐང་འདྲ་མཉམ་དགོས་པའི་ངོ་རྒོལ་བྱ་བཞིན་པའི་དངོས་ཡོད་ཀྱི་གནད་དོན་དང་ལྔ། དེ་བཞིན་འདི་ལོ་དམིགས་བསལ་གྱིས་རྒྱ་ནག་དམར་པོའི་སྲིད་གཞུང་དེ་ཉིད་དགུ་མིག་ནང་དུ་ཚུད་ཡོད་ན། དེའང་དང་པོ། ཕྱི་ལོ་ ༡༩༨༩ ཟླ་ ༦ ཚེས་ ༤ ནང་རྒྱ་ནག་མང་གཙོའི་འཐབ་རྩོད་པའི་ལས་འགུལ་སྤེལ་ནས་མི་ལོ་ཉི་ཤུ་འཁོར་བའི་དམིགས་བསལ་དུ་ལོ་ཧྲིལ་བོར་ལས་འགུལ་ཡོད་པ། གཉིས་པ། ཕྱི་ལོ་ ༡༩༩༥ ལོར་རྒྱ་གཞུང་གིས་དམ་དྲག་བྱས་པའི་ཆོས་འཁོར་རྩ་རླུང་སྒོམ་སྒྲུབ་པའི་རྗེས་འཇུག་པ་ཚོས་ཐོབ་ཐང་འདྲ་མཉམ་ཐོག་ཆོས་ཀྱི་ཉམས་ལེན་བྱ་ཆོག་པའི་ལས་འགུལ་སྤེལ་ནས་མི་ལོ་བཅུ་འཁོར་སྟབས་ལོ་ཧྲིལ་བོར་ལས་འགུལ་ཡོད་པ། གསུམ་པ། རྒྱལ་སྤྱིའི་འགྲོ་བ་མིའི་ཐོབ་ཐང་གི་རྩ་འཛིན་ཡོངས་ཁྱབ་གསལ་བསྒྲགས་བྱས་ནས་མི་ལོ་དྲུག་ཅུ་འཁོར་བ་དང་། དེའི་ཐོག་རྒྱ་གཞུང་ལ་དམིགས་བསལ་གྱི་འགྲོ་བ་མིའི་ཐོབ་ཐང་ཐོག་སྲུང་སྐྱོབ་དང་འདྲ་མཉམ་འབུལ་དགོས་པའི་རྒྱལ་སྤྱིའི་གནོན་ཤུགས་ཀྱང་ཆེ་བས། རྒྱ་གཞུང་ནས་འགྲོ་བ་མིའི་ཐོབ་ཐང་ཐོག་ཡར་རྒྱས་དང་སྲུང་སྐྱོབ་དགོས་པའི་སྙན་ཐོ་ཡང་བཏོན་ཡོད། དེ་བཞིན་བོད་ནང་གི་ཁོར་ཡུག་སྲུང་སྐྱོབ་དགོས་པའི་རྒྱལ་སྤྱིའི་གནོན་ཤུགས་ཀྱང་སྤྲད་ཡོད། བཞི་པ་རྒྱ་གཞུང་ནས་བོད་ལ་བཙན་འཇུལ་བྱས་ཏེ་བོད་མི་རྣམས་བཙན་བྱོལ་དུ་འབྱོར་ནས་མི་ལོ་ལྔ་བཅུ་འཁོར་བའི་དུས་དྲན་ཞུ་བཞིན་ཡོད་པ། ལྔ་པ། ཤིན་ཅང་མི་མང་ནས་རྒྱ་གཞུང་ལ་ངོ་རྒོལ་མུ་མཐུད་ཀྱིས་ལས་འགུལ་སྤེལ་བཞིན་པ། དྲུག་པ། རྒྱ་ནག་ནང་ཨི་ཤུའི་ཆོས་པ་རྣམས་ལ་དོ་དམ་བྱས་པའི་རྐྱེན་གྱིས་ལས་འགུལ་སྣ་ཚོགས་ཤིག་འབྱུང་བཞིན་པ། ལྷག་པར་ལོ་རབས་ ༦༠ ནས་ ༨༠ ནང་བར་རྒྱལ་སྤྱིའི་ནང་དམར་ཤོག་གི་ལྟ་གྲུབ་ཅན་སྲིད་གཞུང་མང་དག་ཅིག་བྱུང་ཡོད་པ་དེའི་ནུས་པས་རྒྱ་གཞུང་ལ་རྒྱབ་སྐྱོར་ཐོབ་ཡོད་ནའང༌། ལོ་རབས་ ༨༠ རྗེས་ནས་ཤར་ནུབ་གཉིས་ནང་དམར་པོའི་སྲིད་གཞུང་ནས་རང་དབང་མང་གཙོའི་སྲིད་བྱུས་འཛིན་པའི་སྲིད་གཞུང་ལ་འདོད་མོས་ཆེ་རུ་ཕྱིན་པ་དང་། ལྷག་པར་ལོ་རབས་ ༩༠ ནང་འཛམ་གླིང་ནང་ཆབ་སྲིད་ཀྱི་འཕོ་འགྱུར་ཆེན་པོ་ཕྱིན་ཏེ་རང་དབང་མང་གཙོའི་སྲིད་གཞུང་འཛིན་མཁན་མང་དུ་གྱུར་ཡོད། ད་ཆ་ཤར་ནུབ་ནང་དམར་ཤོག་གི་སྲིད་བྱུས་འཛིན་པའི་སྲིད་གཞུང་ཤིན་ཏུ་ནས་ཉུང་དུ་འགྲོ་བཞིན་ཡོད་ན། དེ་བཞིན་རྒྱ་ནག་ནང་ལོ་རབས་ ༧༠ ནས་ ༩༠ ནང་རྒྱ་ནག་དམར་པོའི་མགོ་ཁྲིད་གཉིས་འདས་གྲོངས་ཟིན་པ་དང༌། མགོ་ཁྲིད་གསུམ་པའང་འཆི་ལ་ཉེ་བ་དང་ད་ལྟ་འཛིན་བཞིན་པའི་མགོ་ཁྲིད་ཡང་མགྱོགས་མྱུར་འཕོ་ལ་ཉེ་སྟབས༌། མ་འོངས་རྒྱ་ནག་སྤྱི་ལ་དབང་བའི་མགོ་ཁྲིད་ཡོང་རེ་དཀའ་བའི་ཐོག ནང་ཁུལ་ཆབ་སྲིད་ཀྱི་འཐབ་རྩོད་ཡང་ཇི་རྙེད་ཅིག་ཡོང་རྒྱུ། དེས་ན་འབྱུང་འགྱུར་རྒྱ་ནག་ཡང་རང་དབང་མང་གཙོར་འགྱུར་རྒྱུའི་མི་མང་གི་མངོན་འདོད་དང་རེ་བ། དེ་བཞིན་རྒྱལ་སྤྱིའི་གནོན་ཤུགས་བྱ་རྒྱུ་ཡང་དེ་ཡིན་ན་དེ་ལྟར་ཡོང་རེ་ཆེ་བ་བཅས་དངོས་ཡོད་ཀྱི་གནད་དོན་དཔྱད་ཞིབ་དུ་ཕུལ་བ་ཡིན།
དེ་ནི་བོད་མི་མང་སྤྱི་འཐུས་ཡེ་ཤེས་ཕུན་ཚོགས་ལགས་ནས་གདེངས་སྤོབས་དམའ་བ་དང་རེ་སྟོང་གི་ཐུགས་སེམས་འཁོར་ཏེ་ང་ཚོར་སེམས་གསོ་དང་བློ་སྟོབས་སྤེལ་གྱི་ཡོད་ས་འདུག རྒྱ་ནག་གི་འགོ་ཁྲིད་ཏིང་ཤི་རྗེས་བོད་ཀྱི་གནད་དོན་ལ་འགྱུར་ལྡོག་འགྲོ་རྒྱུར་ང་ཚོ་བོད་ མིའི་ཁྲོད་རེ་བ་ཤུགས་ཆེ་བྱ་མཁན་དེ་ཚོ་ནི་ད་ལྟ་རྒྱ་ནག་ལ་འགྱུར་བ་རྩ་བ་ནས་འགྲོ་གི་མ་རེད་ཟེར་མཁན་དེ་ཚོའི་གྲས་ཡིན་ས་ཡོད། རྒྱ་ནག་ནང་ཁུལ་ཆབ་སྲིད་ཀྱི་འཐབ་རྩོད་དང་འབྱུང་འགྱུར་རྒྱ་ནག་སྤྱི་ལ་དབང་བའི་འགོ་ཁྲིད་ཡོང་རེ་དཀའ་བ་ཟེར་བ་དེ་ནི་རྦད་དེ་མཚན་མོའི་མུན་པའི་ཁྲོད་དུ་འོབ་ཚོད་ཀྱི་བསྒྲགས་གཏམ་རང་རེད། རྒྱ་ནག་ནི་གཅིག་བསྡུས་རིང་ལུགས་ཀྱི་དབང་ཆས་འཛིན་པའི་རྒྱལ་ཁབ་ཞིག་ཡིན་པས། སྤྱི་ལ་དབང་བའི་དཔོན་པོ་ཞིག་འདེམས་མི་དགོས་པ། སྤྱི་ལ་བསྣན་ཐུབ་པའི་མི་སྣ་དགུ་ཙམ་ཞིག་གིས་བང་བསྒྲིགས་ཏེ་སྒུག་བསྡད་ཡོད། སྡུག་སེམས་བསྣག་པའི་ཏིང་ཤི་རྗེས་ཅང་གི་བོད་མི་ལྟ་བུ་རེ་བའི་ནང་སླེབས་སྐབས་ཏིང་གི་འདས་དོན་ལ་ང་ཚོས་སྐབས་འགར་ཡིད་སྨོན་བྱེད་པ་དང༌། ཅང་འཁྱུར་རྗེས་སྙོམ་སྒྲིགས་མེད་པའི་རྒྱ་ནག་གི་སྤྱི་ཚོགས་ཁྲོད་ནས་ང་ཚོར་རེ་བ་གསར་པ་ཞིག་བྱིན་ཡོད། འོན་ཏེ་དེ་ལས་ལྡོག་སྟེ་ང་ཚོར་ཡུན་རིང་ནས་སྡུག་སྦྱོང་སྤྲོད་མྱོང་བའི་ཧུའུ་སླེབས་རྗེས་ཁོ་པས་དེ་སྔའི་རེ་བ་ལས་ཡོངས་སུ་ཟད་བཅུག་སྟེ་ད་ཆ་སླར་ཡང་གཉའ་གནོན་དང་བཙན་ཤུགས་འོག་ང་ཚོ་འཚོ་དགོས་ཀྱི་ཡོད། རྒྱ་ནག་གཅིག་བསྡུས་སུ་དབང་བསྒྱུར་བའི་དམར་ཤོག་གི་དཔོན་རིགས་དེ་དག་ད་ལྟ་དམག་ཤོག་དཔུང་ཁག་དང་། བདེ་འཇགས་ཚན་པའི་ཁོངས་སུ་མུ་མཐུད་གསོ་སྐྱོང་བྱ་གི་ཡོད་ཅིང་། ཁོང་ཚོར་དགོས་གལ་བྱུང་ཚེ་དེ་སྔ་པ་ཀི་སི་ཐན་སོགས་དང་འདྲ་བར་དམར་ཤོག་གི་དབང་ཆ་ཡོངས་རྫོགས་ད་ལྟའི་དམག་དཔུང་ཁྲོད་ཀྱི་དབང་ཆ་ཆེ་ཤོས་འཛིན་མཁན་གྱི་དཔོན་རིགས་ཚོས་འཇུས་ཏེ་དམར་ཤོག་གི་ལམ་ལུགས་མུ་མཐུད་ལག་ལེན་བསྟར་རྒྱུ་མ་ཟད། དྲག་ཤུགས་བེད་སྤྱད་དེ་གྲངས་ཉུང་མི་རིགས་རྩ་མེད་བཟོ་སྲིད་པ་དེ་ནི་ཉེན་ཁ་ཆེ་ཤོས་ཤིག་ཆགས་ཡོད། རྒྱ་ནག་ད་ལྟའི་དབང་འཛིན་པ་ཚོས་རང་ཉིད་ཀྱི་མཁྲེགས་བཟུང་སྲིད་བྱུས་ལ་འགྱུར་བ་བཏང་ཚེ་རང་ཉིད་ཚེ་མཇུག་གི་བདེཐབས་བློས་གཏོང་དགོས་པ་དང༌། དམར་ཤོག་རིང་ལུགས་ཀྱི་གཅིག་བསྡུས་སྟོབས་ཤུགས་ཉམས་ཞན་དུ་སོང་སྟེ་དབང་ཆ་མཐའ་དག་མི་མང་གི་ལག་ཏུ་སྤྲོད་པའི་དམངས་གཙོའི་ལྟ་གྲུབ་ལ་རྩ་བའི་ཆ་ནས་དགའ་སྣང་བྱ་གི་མེད་པས་རེད༎
བྱུང་རིམ་མ་ཏོག་མ་འོངས་པ་ དེའི་ཁ་བཏད་གྱི་ཐབས་ལམས་???”??????????????????????