སྒོམ་རིམ་བར་པའི་བཀའ་ཆོས།

༧གོང་ས་མཆོག་གིས་འཇར་མན་དུ་སྒོམ་རིམ་བར་བའི་གསུང་ཆོས་གནང་ཡོད་པ་རེད།

ཟླ་འདིའི་ཚེས་ ༢༩ ཉིན་གྱི་ཞོགས་པར་ཝར་སཱོ་ནས་ཆིབས་ཐོན་གྱིས། ཝེ་ཐུ་ནམ་ནང་པའི་མཐུན་ཚོགས་བཅས་ཚོགས་སྡེ་གསུམ་ནས་ཇི་ལྟར་གསོལ་བ་བཏབ་པ་ལྟར། ཉིན་དེའི་དགོང་མོ་ཇར་མི་ནིའི་ས་གནས་ཧྥ་རན་ཧྥུ་ཊི་ Franfurt ཞེས་པར་ཞབས་གསོར་འཁོད་ཡོད་པ་རེད། ༧གོང་ས་མཆོག་ཧྥ་རན་ཧྥུ་ཊི་གནམ་ཐང་དུ་འབྱོར་མ་ཐག་ཡུལ་དེའི་མངའ་སྡེའི་བློན་ཆེན་ཧེ་སེན་ Hessen དང་། བོད་དང་ཝེ་ཐུ་ནམ་ནང་བའི་ཆོས་ཚོགས་ཀྱི་རོ་ལན་ཌ་ཀོ་ཆུ་ Roland koch བཅས་ཕེབས་བསུར་བཅར་ཡོད་པ་དང། སྐུ་ཞབས་ཀོ་ཆུ་མཆོག་དང་༸གོང་ས་མཆོག་རྣམ་གཉིས་མཇལ་འཕྲད་གནང་རྗེས་གསར་འགོད་པ་དང་། པར་པ་སོགས་ཁྱོན་མི་ ༡༣༠ ཙམ་ལ་གསུང་བཤད་གནང་ཡོད་འདུག

ཚེས་ ༣༠ ཉིན་ཧྤ་རན་ཧྤུ་ཊི་ཡི་བློན་ཆེན་པེ་ཊར་རོ་ཐ་ Petra Roth དང། ༧གོང་ས་མཆོག་མགྲོན་ཁང་ཞིག་ཏུ་མཇལ་འཕྲད་གནང་ནས། ༧གོང་ས་མཆོག་གི་ཉིན་གཉིས་རིང་གི་གསུང་ཆོས་གནང་ཡུལ་ཀོ་མར་ཛ་བྷེང་ Commerzbank དུ་ལྕམ་སྐུ་རང་ཉིད་ལྷན་བཅར་གྱིས་མི་ཚོགས་ ༨༠༠༠  ལྷག་འཛོམས་པའི་ཚོགས་རྭའི་ནང་གཏམ་བཤད་གནང་སྐབས། ཏཱ་ལའི་བླ་མ་མཆོག་ནི་ཞི་བདེའི་འཐབ་རྩོད་ཀྱི་མཚོན་དོན་ཞིག་དང། ད་བར་བོད་ཀྱི་བདེ་དོན་ལ་སྐུ་ངལ་འཛེམས་མེད་ཀྱིས་ཕྱག་ལས་གནང་མཁན་ཞིག་རེད་ཅེས་གསུངས་པ་དང་འབྲེལ། ༧གོང་ས་མཆོག་གིས་མང་ཚོགས་ལ་སློབ་དཔོན་ཀ་མ་ལ་ཤི་ལའི་ཕྱག་རྩོམ་གནང་བའི་སྒོམ་རིམ་བར་པའི་བཀའ་ཆོས་དབུ་འཛུགས་གནང་ཡོད་པ་རེད། གུང་ཚིགས་སུ་ཧྤ་རན་ཧྥུ་ཊིར་ཡོད་པའི་བོད་ཁང་ Tibet House ཡི་ཚོགས་མི་རྣམས་དང། དགོང་དྲོར་འཇར་མན་གྱི་དཔལ་འབྱོར་ཡར་རྒྱས་དང་མཉམ་ལས་ཀྱི་སྤྱི་མཐུན་རང་དབང་ཅན་གྱི་བློན་ཆེན་ལྕམ་སྐུ་ཧེ་ཌི་མ་རི་ ཝི་ཛོ་རེག ཛེལ་ Mrs. Heidemarie Wieczorek-Zeul མཆོག་ལ་་མཇལ་མོལ་གནང་འདུག འཇར་མན་གྱི་གཞས་པ་གྲགས་ཅན་འགས་༧གོང་ས་མཆོག་ལ་ཆེ་བསྟོད་ཀྱི་གཞས་གཉིས་ཞེས་པ་ཞིག་གཏོང་རྒྱུ་ཡིན་པ་དང། དེ་བཞིན་མར་བྷག་ Marburg ཆེས་མཐོའི་གཙུག་ལག་སློབ་ཁང་དུ་གཟིགས་སྐོར་གནང་རྒྱུ་དང་འབྲེལ། སློབ་གླིང་དེ་ནས་འབུལ་རྒྱུའི་མཁས་པའི་གོ་གནས་ཀྱི་མཚན་མཐོང་ཞིག་བཞེས་གནང་རྒྱུ་ཡིན་འདུག