དགའ་ལྡན་ཕོ་བྲང་གི་མཚན་གནས་བསྡུ་དགོས་ཀྱི་འདུག རེབ་གོང་བཀྲ་ཤིས།

མཚན་གནས་ས྄ྔ་ནས་བས྄ྡུར་ཟིན།

སྐུ་ངོ་ཟུར་མཁར་ལགས་ཀྱི་བཤད་སྟངས་འདིས་ལན་རྒྱག་སྟངས་འདི་དཀར་བོ་ཡིན་པ་སྒྲུབ་ཐུབ་རྒྱུ་ཁག་པོ་ཡིན་པར་མ་ཟད། ༼རང་མགོ་རང་གིས་གཡོག་ན་འཐོམ་གྱི་ལི་ལི༽ཞེས་པ་རང་ལས་འདའ་མེད། གཙོ་བོ་ནི་རྒྱ་གཞུང་ཕར་ཞོག་རྒྱ་མི་ཤེས་ཡོན་ཅན་ཡིན་ཟེར་མཁན་ཚོའང་དགའ་ཐག་ཆོད་ནས་དབྱིན་ཇིའི་BBCརྒྱ་སྐད་སྡེ་ཚན་གྱི་རྩོམ་སྒྲིག་པས་ཀྱང་སྐད་ཆ་འདི་གཅིག་པུ་ལོགས་སུ་གསར་འགྱུར་བཟོས་ཡོད་པ་མ་མཐོང་ངམ། དོན་ལ་ཉུང་མཐར་རྒྱ་ནག་གཞུང་གིས༼བོད་ས་གནས་སྲིད་གཞུང་རྩ་མེད་བཏང༽ཞེས་པའི་གསལ་བསྒྲགས་དེར་འགྱུར་བ་མ་བཏང་བའི་ཡར་སྔོན་བོད་འདི་བཞིན་རྒྱ་ནག་གི་ནང་སྲིད་ཡིན་པར་ཁས་ལེན་བྱས་ན། མི་རིགས་ཤིག་གི་ངོས་ནས་རང་སྲོག་རང་གིས་བཅད་པ་དང་གཉིས་སུ་མེད་པའི་ཁར། སྲིད་དོན་པ་ཞིག་གི་ཐད་ནས་ཀྱང་གྱོང་ལས་ཁེ་ཅི་ཞིག་ཡོད་དམ། དཔེར་ན། དེང་སྐབས་པེ་ཅིང་གཞུང་གིས་ཏཱ་ལའི་བླ་མ་སྐུ་ཕྲེང་བཅུ་གསུམ་པ་གླེང་སྐབས། ཁོང་གི་ཚེ་སྟོད་དུ་ཁ་བྲལ་གྱི་ལས་འགུལ་ཤུགས་ཆེར་སྤེལ་ཡང་ཚེ་སྨད་ལ་དབུས་གཞུང་དང་བར་ཐག་ཉེ་རུ་བཏང་ནས་ལྷ་སར་དབུས་སྲིད་གཞུང་གི་སྐུ་ཚབ་གཏན་སྡོད་བྱེད་པར་སྔོན་འགྲོའི་ཆ་རྐྱེན་བསྐྲུན་ཚུལ་ཆེར་བསྒྲགས་ཀྱིས་བོད་འདི་བཞིན་རྒྱ་ཁོངས་ཡིན་པ་དང་དབུས་སྲིད་གཞུང་གི་སྟངས་འཛིན་འོག་ཡོད་ཚུལ་བསྒྲུབས་ཀྱིན་འདུག

（有关提问者的身份，录音不清）：目前，藏中谈判已进入僵局，流亡政府有没有一个想法，就是请一个中间人，进行调停，来打破僵局，重新谈判？

桑东仁波切：现在我们是地方政府和中央政府会谈，这样的情况下，我们不认为需要第三者参与，也没有必要让第三者参与。中国政府经常性的表现出对西藏流亡政府的不信任，但是，我们相信，在内心深处，他们是知道达赖喇嘛的真实愿望的，也就是达赖喇嘛并没有寻求独立。他们经常说西藏政府要求的名副其实的自治，就是半独立和变相独立，这不过是政治需要，或者说是他们的一种策略。如果不是如此的话，他们应该拿出达赖喇嘛搞独立和变相独立的证据。我们递交的自治意见书，是非常清楚的诉求，并且，可以清晰地看到，这个背后，到底是不是隐藏着独立的动机？！中国政府所说的，以及统战部的回答，我们寻求的独立，半独立，和变相独立，不过是他们的强词夺理，别有用心，这是很容易就能看得出来的。
http://news.boxun.com/news/gb/intl/2009/08/200908190002.shtml
ཟམ་གདོང་བླ་མའི་ལན་འདིར་གཟིགས་དང་། ༼དེང་ང་ཚོ་ས་གནས་སྲིད་གཞུང་དང་དབུས་གཞུང་བར་གྲོས་མོལ་བྱེད་ཀྱིན་ཡོད༽ཅེས་འགོ་འཛུགས་གནང་བ་མ་རེད་དམ།

དེ་བས། ཚང་མ་ལོས་གོང་གསལ་གྱི་ལན་རྒྱག་སྟངས་འདི་རིགས་ཀྱིས་མཇུག་འབྲས་ཅི་ཞིག་བསྐྱེད་མིན་ལ་བགྲོ་གླེང་གནང་རོགས། (ཚང་མས་མཁྱེན་ཆུབ་ལྟར་མ་འོངས་པར་འདི་རིགས་བོད་དེ་བཞིན་རྒྱ་ཁོངས་འཁྲུལ་མེད་སྒྲུབ་བྱེད་དུ་འགྱུར་གྱི་ཡོད་ལ། དེང་སྐབས་བོད་ལ་ཕན་ཐོགས་བ་སྤུ་ཙམ་ཡང་བསྐྲུན་ཐུབ་ཀྱི་མེད།)

གྲོགས་གནས་ཚང་ལགས། སྐུ་ཉིད་དེ་འདྲའི་སེམས་ཤུགས་ཆག་དགོས་པ་དང་། ངུ་སྐད་ཤོར་དགོས་པ་ཞིོག་འདུག་གམ། ཚིག་དང་འབྲུའི་གོ་བ་ཇི་བཞིན་ལེན་མ་ཐུབ་པའམ་ལེན་པའི་ཤེས་ཚད་ཀྱི་མ་ལྡང་ན། སྐད་ཡིག་དང་པོ་དང་སྒྲ་ཇི་བཞིན་ལ་བརྟག་དགོས་པ་ཁྲིམས་ཀྱི་འགྲོ་སྟངས་ཕྱིར་ན་གུས་པས་སྐུ་ཉིད་ལ་དྲ་ཚིགས་གཉིས་ཀྱི་ཁ་བྱང་འབུལ་ལམ་ཞུས་ཡོད་པས།སླར་ཡང་དགྱེས་གཟིགས་ཡོང་བའི་རེ་བ་ཡོད།http://www.tibet.org.tw/com_detail.php?com_id=290 དང་ http://news.bbc.co.uk/chinese/simp/hi/newsid_8190000/newsid_8193700/8193797.stm

གཞུང་འདི་མི་དམངས་ཀྱིས་གདམས་པ་རེད། མིང་འདི་བསྒྱུར་དགོས་ཀྱི་མ་རེད་ལ་བསྒྱུར་ཐུབ་ཀྱི་ཡང་མ་རེད། དེ་བས་གཞུང་འདིས་མི་འགྲིག་ན་ང་ཚོས་གཞུང་གསར་པ་ཞིག་གདམས་ཆོག་གི་རེད། ཡིན་ནའང་ར་ལཱོ་ལགས་ཀྱི་གཞུང་དང་རྒྱལ་ཁབ་གཉིས་ཀྱི་དབྱེ་མཚམས་དེ་མ་ཤེས་པ་ནི་ཨ་ཡིན། ད་དུང་དཀོན་མཆོག་གིས་ཀྱང་དེ་ལ་རྒྱབ་སྐྱོར་བརྒྱ་ཆ་༡༠༠་བྱས་འདུག་པས་གཞུང་དང་རྒྱལ་ཁབ་གཉིས་གཅིག་པ་མ་རེད།

གོང་གི་དྲ་གྲོགས་ཚོས་བསམ་ཚུལ་སྣ་མང་གླེང་གིན་འདུག
ཐོག་མར་རང་ཉིད་ངོ་ཤེས་པ་བྱས་ཏེ། ད་གཟོད་འདས་པའི་བྱུང་རབས་ཀྱི་ནོར་འཁྲུལ་ངོས་བཟུང་སྟེ།
འབྱུང་འགྱུར་ཀྱི་རྐང་ལམ་དེད་སྟངས་མ་ནོར་བ་བྱེད་དགོས་པའི་ཐབས་ལམ་འཚོལ་དགོས་པ་རེད། འདིས་མི་འགྲིག ཕ་གིས་མི་འགྲིག་ཅེས་སྐྱོན་འདོན་རྐྱང་རྐྱང་བཤད་ན་བསྡད་ན། ཕན་གནོད་གང་ཡོང་ཆ་མི་འཚལ། སྤྱིར་ཐེར་འདོན་ཀྱི་བསྒྱུར་བཅོས་ཀྱི་སླད་དུ་ཡིན་ན་ཡང་། ཐེར་འདོན་བྱེད་མི་ཤེས་ན་ཁེ་ལས་གྱོང་ཆེ་བ་རག་ཉེན་ཡོད།

མིང་ལས་དོན་གལ་ཆེ་བས་མིང་གང་བཏགས་ཀྱང་དེ་ནི་བཏགས་ཟིན་པའི་མིང་ཞིག་རེད། ང་ཚོ་བོད་པ་གཅིག་པ་མ་རེད། སྤྱི་མིང་བྱེ་བྲག་ལ་ཐོགས་པ་དང་། བྱེ་བྲག་གི་མིང་སྤྱི་མིང་དུ་འགྱུར་བ་དེ་འདྲ་འཇིག་རྟེན་གྱི་མིང་འདོགས་སྟངས་ཀྱི་འགྲོ་སྟངས་ཤིག་རེད། གང་ཟག་གི་མིང་བསྟན་བཅོས་ལ་བཏགས་པ། ཡུལ་མིང་གང་ཟག་ལ་བཏགས་པ་སོགས་སྣ་ཚོགས་ཤིག་ཡོད་མུས་རེད། དེ་ནི་གནད་དོན་གལ་ཆེ་ཞིག་མ་རེད་བསམ། དགའ་ལྡན་ཕོ་བྲང་ཞེས་པའི་མིང་བཏགས་པ་ཙམ་གྱིས་བོད་པའི་རྩ་དོན་གྱི་ཐོག་ནོར་འཁྲུལ་འདི་དང་འདི་ཞེས་བྱུང་བ་རེད། བོད་རང་བཙན་ཤོར་བ་དེ་ལ་བརྟེན་ནས་བྱུང་བ་རེད་ཅེས་སོགས་བཤད་ན་དེ་ནི་མིང་གིས་གནད་དོན་གྱི་ཐོག་ནས་བྱུང་བ་ཞིག་མ་རེད་བསམ་གྱིན་ཡོད་དོ།།

དྲ་གྲོགས་གནས་ཚང་ཅན་ནས་གོ་ནོར་ཐེབས་པའི་ཚིག་གྲུབ་ཅིག་བསམ་གཟས་ནས་སམ་སྣང་མེད་གང་རུང་གིས་འདིར་བཀོད་འདུག་པར་བློ་བདེ་མ་བྱུང་། གནས་ཚུལ་དངོས་མཁྱེན་འདོད་ཡོད་མཁན་ནས་http://news.bbc.co.uk/chinese/simp/hi/newsid_8190000/newsid_8193700/8193797.stm གཟིགས་རོགས་གནང་།

ང་ཚོ་བོད་མི་སྤྱི་བོ་གནམ་བསྟན་ཡོངས་ཀྱིས་དུས་དང་རྣམ་པ་ཀུན་ཏུ་༸གོང་ས་མཆོག་གི་བཀའ་དགོངས་བཞིན་རང་གི་འཇོན་ཚོད་ལ་དཔག་པའི་སྤྱི་དོན་ལ་འབད་རྒྱུ་ལས། མིང་ཙམ་ལ་རྕོད་པ་དང་། ཆེ་ས་དོར་ནས་ཆུང་ས་གཙོ་ཆེར་འཛིན་པའི་དུས་ཚོད་མ་རེད་སྙམ།

སློབ་གྲོགས་བཀྲ་ཤིས་ལགས་ཀྱི་བསམ་ཚུལ་འདི་ནི་ཤིན་ཏུ་རྨད་དོ།།ཁྱེད་ནུབ་ཕྱོགས་བདེ་བ་ཅན་ལ་བཞུད་རྗེས་ནས་གནས་ཚུལ་གང་ཡང་མ་ཐོས་ལ།་དེ་རིང་རླུང་བུ་ཐོལ་རྒྱག་གིས་འདིར་མངོན་པར་སྙིང་ནས་དགའ།གཤམ་ནས་མཚམས་ཞུ་ཞུ་རྒྱུ་ཞིག་ལ།ཁྱེད་རང་སྐུ་བདེའམ།ཁྱེད་ཀྱི་རྩོམ་ཡིག་འདི་མཇལ་བས་ཤིན་ཏུ་དགའ་སོང།

ད་ལྟ་ལྷན་རྒྱས་ནས་དཀའ་ལས་འདི་འདྲ་མང་པོ་ཞིག་རྒྱག་དགོས་ཀྱི་ཡོད་པ་མ་རེད། རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་ཏུ་དགའ་ལྡན་ཕོ་བྲང་དང་བཅས་པ་གཅིག་ཀྱང་ཤོང་གི་མ་རེད། བརྗོད་གཞི་འདི་དག་རྙིང་པའི་རིགས་ཡིན་ཞིང་། བོད་དོན་དེ་བཞིན་རྒྱ་ནག་གི་ནང་སྲིད་ཡིན་ཞེས་ཏཱ་ལའི་བླ་མས་རྒྱ་མི་གསར་འགོད་པ་ཚོར་ལན་རྒྱག་ཀྱིན་པ་མ་མཐོང་ངམ། དངོས་གནས་ཁྱོད་རང་ཚོར་ཡར་བསྐྱེད་ཅིག་ཁྱོན་ནས་མི་འདུག

བཀྲ་ཤིས་ཀྱི་བསམ་ཚུལ་འདི་ལ་རྒྱབ་སྐྱོར་ཡོད། བསམ་ཚུལ་འདི་ཐོག་མར་འདོན་མཁན་ནི་ད་ལྟའི་བཀའ་ཁྲི་བསམ་གདོང་རིན་པོ་ཆེ་མཆོག་རེད། ཁོང་གིས་བོད་གཞུང་ཟློས་གར་ཁང་ནས་དགོངས་ཚུལ་འདི་བཏོན་མ་ཐག བཀའ་ཟུར་བསོད་ནམས་སྟོབས་རྒྱལ་ལགས་སོགས་མང་པོ་ཞིག་གིས་ཁ་རུབ་ནས་བྱས་ངོ་རྒོལ་བྱས་པ་རེད།

བསམ་གདོང་རིན་པོ་ཆེ་བཀའ་ཁྲིར་ཕེབས་ནས་བོད་ཀྱི་ལོ་རྒྱུས་རང་བཞིན་གྱི་དམངས་གཙོའི་བཅོས་སྒྱུར་གྱི་ཕམ་ཁ་ཐེངས་དང་པོ་འདི་མྱངས་པ་རེད།

ད་ནི་ང་ཚོས་དགའ་ལྡན་ཕོ་བྲང་གི་ཚབ་ཏུ། བོད་དམངས་གཙོའི་སྤྱི་མཐུན་རྒྱལ་ཁབ་ཅེས་མིང་བཏགས་ན་མི་འགྲིག་པ་ཅི་ཡོད། དམངས་གཙོ་ལ་འགྲོ་གི་ཡིན་ན་ཁ་ཞེ་གཉིས་མེད་ཀྱིས་ཤར་སྐྱོད་བྱེད་དགོས་པ་རེད། དཔའ་བོ་བཅའ་རྒྱུ་ཞིག་དང་། སྲོག་ལ་འཛེམས་རྒྱུ་གཉིས་ཀ་ཡོང་གི་མ་རེད།

དགའ་ལྡན་ཕོ་བྲང་ཞེས་པའི་ལོ་རྒྱུས་ཀྱི་རིན་ཐང་ལྡན་པའི་མིང་དེ་མེད་པ་བཟོས་ནས་གངས་སྐྱིད་ཕོ་བྲང་ཞེས་པ་ཞིག་བཏགས་ན་གང་འདྲ་འདུག་གམ། ད་ལྟའི་ཆར་ཀུན་གྱི་མཐོང་ཆོས་སུ་ཡོད་པར་དགའ་ལྡན་ཕོ་བྲང་ཞེས་པའི་མིང་དེ་བེད་སྤྱོད་བྱ་གི་མེད་པར་བཙན་བྱོལ་བོད་གཞུང་བཀའ་ཤག་ཞེས་པ་སོགས་བེད་སྤྱོད་གནང་གི་ཡོད། འོན་ཏེ་ལས་ཤོག་དང་ལས་ཐམ་གྱི་སྟེང་དུ་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་ཞེས་པ་བཀོད་ཡོད། དེའི་ཐོག་ནས་བོད་ཀྱི་འདས་དོན་ལོ་རྒྱུས་མཚོན་གྱི་ཡོད་པ་ལས། མང་གཙོའི་ལམ་དང་མ་མཐུན་པ་ཞིག་ཡིན་པར་བསམ་གྱི་མེད། དཔེར་ན་རྒྱ་གར་ལྟ་བུར་མཚོན་ན་ལས་རྟགས་སྟེང་གི་བྱུར་བས་དེ་ཚོར་ཆོས་ལུགས་ནང་པ་ཡིན་པའི་རྒྱལ་པོ་ཨ་ཤོ་ཀཱ་དང་འབྲེལ་བ་ཡོད་ཀྱང༌། ཁོངཚོས་དེ་མུ་མཐུད་བེད་སྤྱོད་བྱས་ཏེ་སྟོབས་ཆེ་བའི་ཧིན་རྡུའི་ཆོས་ལུགས་ཀྱི་རྣམ་པ་མཚོན་ ཐབས་མ་བྱས་པ་གང་ཡིན་ནམ། འདི་ནི་དྲི་བ་ ཞིག་རེད། བོད་ཀྱི་ལོ་རྒྱུས་ཐོག་རི་བོ་དགེ་ལུགས་པར་དད་གུས་ཆེ་བའི་དབང་གིས་ཁྱིམ་མཚེས་རྒྱལ་ ཁབ་མང་པོར་འབྲེལ་ལམ་བཙུག་རྒྱུ་དང་དམག་ཤུགས་འགྲན་རྒྱུ་སོགས་གང་སར་སྙན་གྲགས་ཁྱབ་ཡོད་པ་དེའང་ལོ་རྒྱུས་ནང་འཁོད་ཡོས་པས་ད་ལྟ་སུ་ཞིག་གིས་བྱེད་ཀྱི་ཡོད་མིན་ལ་མ་ལྟོས་པར་ལོ་རྒྱུས་ལ་བརྩི་འཇོག་དགོས་པས། དགའ་ལྡན་ཕོ་བྲང་ཞེས་པའི་མིང་དེ་མེད་པར་འགྱུར་ཟིན་ཡང་དེ་ལས་ཆད་པའི་ལོ་རྒྱུས་ཀྱི་དྲན་གསོ་བྱས་པའི་ལོ་ངོ་ 360་ ལྟ་བུ་ནི་ལོ་རྒྱུས་ཀྱི་བདེན་དཔང་ཆེད་དུ་དགོས་ངེས་ཞིག་ཡིན་པ་ལས་མིང་དེ་རྦད་དེ་མེད་པ་བཟོ་དགོས་ཟེར་བ་ནི་རྒྱུ་ མཚན་དེ་ཙམ་ཡོད་པ་ཞིག་ཏུ་མཐོང་གི་མི་འདུག