མེ་ཏོག་མཉམ་སྐམ། བླུན་བཤད་འགྲན་གླེང། བཅུད་པར་གཡང་མཁོ་རྒྱལ།

དོགས་པ་ཟེར་རོགས།

ཨ་ཕ་གཡང་་མཁོ་རྒྱལ་གྱིས་བྲིོས་ནོ་ཧྲ་གི་དཔེ་མེད་ཅིག་རེད།

དཔྱད་པར་བྱ་བ་འདི་ཡོད་དེ། རྒྱ་ནག་ནང་གོ་མིང་ཏང་དང་གུང་ཁྲན་ཏང་གཉིས་ཀའི་སྐབས་མེ་ཏོག་མཉམ་བཞད། མཁས་བརྒྱ་འགྲན་གླེང་ཟེར་བའི་ལས་འགུལ་དེ་བྱུང་ཡོད།
གོ་མིང་ཏང་གི་སྐབས་དོན་ངོ་མའི་མཁས་བརྒྱ་འགྲན་གླེང་དུ་གྱུར་ཏེ་མའོ་སོགས་ལ་བློ་སྐྱེད་ཧ་ཅང་ཆེན་པོ་བྱུང་བ་མའོ་ཙེ་ཏུང་གིས་ཡང་ཡང་བཤད་ཡོད།
འོན་ཀྱང་དེ་རྗེས་མའོ་ཡིས་ ༡༩༤༩ ལོར་སྲིད་དབང་བཟུང་སྟེ་ལོ་ལྔ་ཙམ་འགྲོ་སྐབས་མེ་ཏོག་མཉམ་བཞད་དང་མཁས་བརྒྱ་འགྲན་གླེང་གི་ལས་འགུལ་སྤེལ་ཏེ། ཤེས་ཡོན་ཅན་ཚོར་བསམ་འཆར་ཤོད་དུ་བཅུག་རྗེས་ ༡༩༥༧།༡༩༥༨ ནས་ཤེས་ཡོན་ཅན་ལ་མནར་གཅོད་ཚད་མེད་གཏོང་འགོ་བཙུགས་པ་རེད།
༡༩༨༠ ནས་ཡང་བསྐྱར་ཏེང་གིས་འབོད་ཚིག་འདི་བཀོལ་ནས་ལས་འགུལ་སྤེལ་ཡོད་ཀྱང་། ཏང་གི་ལམ་ཕྱོགས་དང་འགལ་བའི་འགྲན་གླེང་བྱས་མི་ཆོག་ལ། གཞུང་གི་འདོད་པ་ལ་མེད་པའི་མེ་ཏོག་སྐྱེས་ཆོག་གི་མེད། དེར་བརྟེན་ལས་དང་ལུགས་དེ་ཚོར་བསྟོད་པ་མ་བྱས་གོང་གནད་འགག་ཤེས་ན་ལེགས་སོ།།

རྒྱུན་འཛིན་དང་གསར་གཏོད་གཉིས་ཟུང་འབྲེལ་བྱེད་དགོས་པ་འདི་གལ་ཆེན་ཡིན་པ་ནི་ཨ་ཅང་བརྗོད་མེད་ཅིག་རེད། འོན་ཀྱང་སྲོལ་རྒྱུན་རྒྱུན་འཛིན་དང་མཉམ་དུ་ནང་འདྲེན་དང་གསར་གཏོད། གསར་བརྗེ་བཅས་ཀྱང་ངེས་པར་དགོས་པ་ཞིག་རེད། ང་ཚོའི་ནུས་ཤུགས་འདོན་ཡུལ་དེ་ཆ་བགོས་བྱས་ན། བརྒྱ་ཆ་ ༣༠ སྲོལ་རྒྱུན་རྒྱུན་འཛིན་ཐོག་གཏོང་དགོས་པ་དང། བརྒྱ་ཆ་ ༥༠ ལྷག་གསར་གཏོད་དང་ནང་འདྲེན་ཐོག་གཏོང་དགོས། གལ་ཏེ་ད་མུས་བཞིན་བརྒྱ་ཆ་ ༩༠ སྲོལ་རྒྱུན་ཐོག་བཏང་བསྡད་ན། སྲོལ་རྒྱུན་དེ་རྒྱུན་འཛིན་ཡག་པོ་ཐུབ་ཀི་མ་རེད་ལ་ནང་འདྲེན་དང་གསར་གཏོད་ཀྱང་ཡོང་གི་མ་རེད།

ཤེས་བྱེད་དུ་ལོ་རྒྱུས་ཀྱི་དོན་དངོས་ཤིག་མཚོན་ཙམ་དུ་སྨྲོས་ན། སྲོང་བཙན་སྒམ་པོས་དབུས་པའི་རླབས་ཆེན་གྱི་བཙན་པོ་དེ་ཚོས་བོན་ལུགས་རྒྱུན་འཛིན་ཙམ་ལ་དབུ་མ་འཁོར་བར་ཕྱིའི་རིག་གཞུང་དང་ཆོས་ལུགས་ནང་འདྲེན་ཤུགས་ཆེ་གནང་བར་བརྟེན་ནས་བོད་རྒྱལ་ཁབ་དར་རྒྱས་བྱུང་ཡོད། ཁོང་ཚོས་དགོས་མཁོ་གཟིགས་སྐབས་སྲོལ་རྒྱུན་གྱི་རིག་གཞུང་ཁག་ཅིག་ཆེད་མངགས་བསྣུབས་པའམ་རྩ་མེད་བཟོས་པའང་བྱུང་ཡོད། དེ་རྗེས་བོད་རྒྱལ་ཁབ་ཀྱིས་ནང་འདྲེན་དང་གསར་གཏོད་ལ་དོ་སྣང་མ་བྱས་པར་གཙོ་བོ་སྲོལ་རྒྱུན་རྒྱུན་འཛིན་བྱས་པ་རེད། འབྲས་བུ་ག་རེ་བྱུང་བ་རེད། འབྲས་བུ་ད་ལྟའི་གནས་སྟངས་འདི་བྱུང་བ་རེད།
དེར་བརྟེན་ལོ་རྒྱུས་ཀྱི་བསླབ་བྱ་བླངས་ཏེ་སྲོལ་རྒྱུན་དང་ནང་འདྲེན། གསར་གཏོད་བཅས་ཀྱི་ཐད་ནུས་ཤུགས་འདོན་ཕྱོགས་ཁ་གསལ་པོ་དགོས་པ་དེ་གནད་འགག་རེད།

ཁག་མེད་ཀི སྤུན་ཟླ་ཚོ། སྒྲོལ་མ་ཚེ་རིང་གིས་གསུངས་པ་དེ་ནི་བཙན་བྱོལ་བས་ད་ནི་ཡོང་ས་མ་རེད་ཟེར་བའི་དོན་དང་གཅིག་པ་ཡིན་ན། སྤུན་ཟླ་དག་གིས་དེ་དག་ཐེར་འདོན་བྱས་པ་དེ་ལ་བདག་གིས་འགྲེལ་བཤད་ཐུང་ངུ་ཞིག་ཞུས་པ་དེར་ཚང་མའི་ཐུགས་ལ་འཇག་པར་ཞུ།

ཨོ་རེད། བཅུད་པར་གཡང་མཁོ་རྒྱལ་ལགས་ཀྱི་གསུངས་ཟིན་མ་ཐག་པ་འདི་འདྲ་ནི་འུ་ཅག་གིས་དངོས་ནས་ཤེས་དགོས་པ་ཞིག་ཆགས་ཡོད་ལ། ཤེས་མཁན་ཡང་མི་ཉུང་བ་ཞིག་ཡོད་པ་རེད་དེ། ཤེས་མཁན་ཚང་མ་ལག་ཆད་ཆགས་ཡོད་པ་རེད། དེ་ནི་སྐྱོ་བའི་གནས་ཤིག་རེད།

སྒྲོལ་མ་ཚེ་རིང་ལགས་ཀྱིས་བྲིས་པའི་ཡི་གེ་དེ་ནི་རྡོ་རྗེའི་ཚིག་དང་། དེ་མིན་ན་མ་འོངས་པར་འབྱུང་རྒྱུའི་ཡི་གེ་ཞིག་ཡིན་ངེས་པས། དོན་དུ་གོ་རྒྱུ་ཕལ་ཆེར་མི་འདུག་རྗེས་སུ་དག་ཆ་ཅན་ཞིག་བྲིས་རོགས་ཞུ།

རེད་རེད་་་་་ངོ་མ་ཡག་པོ་བྲིས་འདུག། དགའ་བསུ་ཞུ།