བོད་ཁུལ་དུ་སྙན་གྲགས་ཆེ་བའི་ ༼ ཟླ་ཟེར་ ༽ དུས་དེབ་འདོན་ཐེངས་བརྒྱར་སླེབས་པ་དང་བསྟུན་ཏེ། ཕྱི་ཟླ་ ༩ པའི་ཚེས་ ༡༣ ཉིན་ཀན་ལྷོ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་གོ་སྒྲིག་འོག སྐབས་གསུམ་པའི་ཟླ་ཟེར་རྩོམ་རིག་བྱ་དགའ་དང་གཞི་རིམ་བོད་རིགས་རྩོམ་པ་པོའི་གསོ་སྦྱོང་ཚོགས་འདུ་ཞུ་བ་དེ་ཀན་ལྷོ་གཙོས་གྲོང་ཁྱེར་དུ་བསྡུས་ཡོད་འདུག
བོད་ཡུལ་མདོ་དབུས་ཁམས་གསུམ་ནང་དར་ཁྱབ་ཧ་ཅང་ཆེ་བའི་ཟླ་ཟེར་དུས་དེབ་འདི་ནི། སྤྱི་ལོ་ ༡༩༨༢ ལོར་གསར་དུ་འདོན་སྤེལ་བྱས་ཤིང་། སྐབས་དེར་དུས་དེབ་ཀྱི་རྣམ་པ་དང་ནང་དོན་གཉིད་ཐད་ནས་བོད་མི་རིགས་ཀྱི་ཁྱད་ཆོས་གཙོར་འདོན་བྱས་ཡོད་འདུག སྤྱི་ལོ་ ༡༩༩༢ ལོར་ཁུལ་འབྲེལ་ཡོད་ཚན་པས་རྒྱ་ནག་རྒྱལ་ཡོངས་སུ་འགྲེམ་སྤེལ་གྱི་ཆོག་མཆན་སྤྲད་ཡོད་པ་དང་། སྤྱི་ལོ་ ༡༩༩༤ ལོར་རྒྱལ་སྤྱིར་བཀྲམས་པའི་དཔེ་རྟགས་ཐོབ་ཡོད་འདུག ༢༠༠༢ ལོར་ཀན་སུའུ་ཞིང་ཆེན་གསར་འགྱུར་དཔར་སྐྲུན་སྡེ་ཁག་ནས་ཟླ་ཟེར་དུས་དེབ་བོད་ཡུལ་ཆོལ་ཁ་གསུམ་གཙོས་པའི་ཕྱིའི་རྒྱལ་ཁབ་ ༢༠ ལྷག་ལ་འགྲེམ་སྤེལ་བྱེད་ཀྱིན་ཡོད་པའི་གསལ་བསྒྲགས་བྱས་ཡོད།
སྤྱི་ལོ་ ༡༩༨༢ ལོ་ནས་ད་ལྟའི་བར་རླབས་ཆེན་གྱི་རྩོམ་སྒྲིག་པ་དང་ལར་ཞེན་ཅན་གྱི་རྩོམ་པ་པོ་དག་གི་དཀའ་སྤྱད་འབད་འབུང་ཁྲོད། ཟླ་ཟེར་དུས་དེབ་འདོན་ཐེངས་བརྒྱ་ ༡༠༠ ལ་སླེབས་ཡོད་པ་དང་། དུས་དེབ་རེར་ཡིག་འབྲུ་ཆིག་འབུམ་ ༡༠༠༠༠༠ ལྷག་དང་། རྩོམ་ལུས་སྣ་ཚོགས་ཀྱི་རྩོམ་ཡིག་བཞི་སྟོང་ ༤༠༠༠ ལྷག་བོད་ཁུལ་གཙོས་པའི་འཛམ་གླིང་གི་རྒྱ་ཆེའི་ཀློག་པ་པོ་དག་གི་མིག་མདུན་དུ་བསྟར་ཏེ། བོད་ཀྱི་རིག་གནས་འཛིན་སྐྱོང་སྤེལ་གསུམ་ལ་འོད་སྟོང་ལྡན་པའི་བྱས་རྗེས་རླབས་ཆེན་བཞག་ཡོད་འདུག དུས་དེབ་འདིར་ད་ལྟ་རྐང་འཛིན་རྩོམ་པ་པོ་ལྔ་བརྒྱ་ ༥༠༠ ལྷག་དང་གཙོ་འགན་རྩོམ་པ་པོ་ ༢༠༠ ལྷག་ཡོད་འདུག་ལ། ༢༠༠༨ ལོར་ཀན་སུའུ་ཞིང་ཆེན་ཕུལ་བྱུང་དུས་དེབ་ཀྱི་བྱ་དགའ་ཐོབ་ཡོད་འདུག
ཐེངས་འདིའི་ཚོགས་འདུར་ལྗོངས་དང་ཞིང་ཆེན་ལྔའི་བོད་རིགས་རྩོམ་པ་བོའི་སྐུ་ཚབ་དང་། ཀན་ལྷོ་ཁུལ་གྱི་གཞི་རིམ་གྱི་རྩོམ་པ་པོ་བརྒྱ་ ༡༠༠ ལྷག་ཞུགས་ཡོད་པའི་ཁྲོད་ནས་ན་གཞོན་རྩོམ་པ་པོ་གཅན་མེ་སྟག་དང་ཁྲི་སེམས་དཔའ། བསོད་ནམས་དོན་གྲུབ། སྐྱབས་ཆེན་བདེ་གྲོལ། རི་སྔོན་བླ་མ་ཐར། ས་དམར་གྲགས་པ་བཅས་རྩོམ་པ་པོ་ ༦ ལ་སྐབས་གསུམ་པའི་ཟླ་ཟེར་དུས་དེབ་ཀྱི་རྩོམ་རིག་བྱ་དགའ་ཐོབ་ཡོད་འདུག
སྤུན་ཟླ་དག་བོད་ནང་དུ་ཡོད་ལ། བོད་ནང་གི་སྤུན་ཟླ་དག་གིས་དངོས་ནས་འབད་པ་ལྷོད་མེད་ཅིག་གནང་གི་འདུག ཡིད་སྐྱོ་བ་ཞིག་ལ་རང་དབང་ཡོད་ས་ནས་བོད་ཀྱི་རིག་གཞུང་ཟེར་ནས་ཉིན་མཚན་མེད་པར་བསྒྲགས་པའི་བྱེས་པ་ཚང་གིས་་་་
གནམ་ལྕགས་ལགས་ཀྱིས་འདོན་ཐེངས་བརྒྱར་སླེབས་པ་ལ་ཧ་ལས་རྒྱུ་ཅི་ཡང་མི་འདུག་ཟེར་ཡང། ང་རང་ལྟ་བུ་ལས་རླབས་ཆེན་བསྒྲུབ་མ་མྱོང་མཁན་ཞིག་ལ་ཆ་བཞག་ན་ཧ་ལས་དགོས་པ་ཞིག་ལོས་ཡིན། ཀན་སུའུ་ཞིང་ཆེན་གྱི་འོག་ན་ཀན་ལྷོ་ཁུལ་དང་དཔའ་རིས་རྫོང་གཉིས་ལས་བོད་མི་གནས་ཡུལ་མེད་ཅིང་། དེའི་ནང་དུ་ཡང་བོད་སྐད་དང་བོད་ཡིག་མི་ཤེས་པའི་ས་ཁུལ་མང་པོ་ཚུད་ཡོད་པས་ལས་དོན་འདི་འདྲ་པསྒྲུབ་རྒྱུ་ལས་སླ་བོ་ཞིག་ནས་ཡིན། སྐུ་ཉིད་ཀྱིས། ད་བར་དུ་རྩོམ་སྒྲིག་པ་དང་དེའི་སྤུན་ཉེ། ཡང་ན་ཀན་ལྷོའི་དཔོན་པོ་ཁ་ཤས་ཤིག་མ་གཏོགས་སུ་ལའང་སྤྲོད་སྲོལ་མེད། ཅེས་བཤད་པ་ལ་ཁུངས་ལུང་ཨེ་ཡོད། ཡོད་ན། སྐབས་རེ་རེར་བྱ་དགའི་རྣམ་གྲངས་འདི་ཙམ་ཡོད་པ་ལས་རྩོམ་སྒྲིག་པའི་སྤུན་ཉེ་དང་། དཔོན་པོ་འདི་དང་དེ་ལ་སྤྲད་པའི་གནས་ཚུལ་ར་སྤྲོད་བྱེད་རྒྱུ་ཡོད་ན་ལས། དོན་མེད་དུ་ལེགས་འབྲས་ལྡན་པའི་སྐྱེས་བུ་ཚོའི་སྟེང་ལ་རླུང་ལངས་ནས་ཅི་བྱེད། སྐད་ཆ་ལ་ཁུངས་ལུང་དགོས་གལ་ཆེན་རེད།
ན་གཞོན་རྩོམ་པ་པོ་ཁྲི་སེམས་དཔའ་ལ་ཟླ་ཟེར་དུས་དེབ་ཀྱི་རྩོམ་རིག་བྱ་དགའ་ཐོབ་པར་དགའ་བསུ་ཞུ།
སྔོན་ཆད་བྱ་དགའ་ཚང་མ་དཔོན་པོ་དང་དབང་ཆ་ཅན་ག་གེ་མོ་ཞིག་གཉེན་ཚོར་རེགས་འགྲོ་བ་དེ་ནང་གི་ཀྲུའུ་རུན་ཚང་མ་ཕག་མགོ་ཅན་རྐྱང་རྐྱང་ཡིན་སོང་བས་ལན་པ་རེད། དུས་ཚོད་དང་ལོ་ཟླ་ནི་ནམ་ཡང་འགྱུར་བའི་རང་བཞིན་ཡིན་སྟབས་ཚང་མ་འགྱུར་འགྲོ་བཞིན་ཡོད་པ་རེད། ད་ཐེངས་ཀྱི་འགྱུར་བ་འདི་ཡར་རྒྱས་ཀྱི་འགྱུར་བ་རེད། གོང་ནས་གོང་དུ་འགྱུར་བ་ཤོག
ཐེངས་འདིའི་བྱ་དགའ་ཐོབ་མཁན་གྱི་ན་གཞོན་རྩོམ་པ་པོ་རྣམས་ལ་དགའ་བསུ་དང་ཡི་རངས་ཡོད། ང་ཚོ་བཙན་བྱོལ་སྤྱི་ཚོགས་ཀྱི་རྩོམ་རིག་ལའང་འདི་ལྟ་བུའི་སྟེགས་བུ་ཞིག་དང་། སྐུལ་སློང་གི་བྱ་འགུལ་ཞིག་ཡོད་ན་ཅི་མ་རུང་།་་་་་་་་་་་་་་་་
གཅན་མེ་སྟག་དང་སྐྱབས་ཆེན་བདེ་གྲོལ་གཉིས་ལ་ཐོབ་པ་དགའ་བསུ་ཞུ།
དུས་ཚོད་ཀྱིས་རྐྱེན་པས་བྱེད་སྒོ་འདིར་ཞུགས་མ་ཐུབ་མོད། ཚོགས་ཐོག་ནས་འབྱུང་འགྱུར་༼ ཟླ་ཟེར་ ༽ དུས་དེབ་ལེགས་བཅོས་གཏོང་རྒྱུ་དང་། རྩོམ་ཡིག་གི་སྤུས་ཚད་མཐོར་འདེགས་ལ་བསྐུལ་འདེད་བྱ་རྒྱུ། དངོས་ཡོད་སྤྱི་ཚོགས་འཚོ་བའི་ཁ་ཕྱོགས་ལ་རྟོག་གཞིགས་བྱ་རྒྱུ་སོགས་ལ་གྲོས་བསྡུར་དང་ཆོད་དོན་བཞག་འདུག
ཟླ་ཟེར་ནི་འདོན་ཐེངས་བརྒྱར་སླེབས་པར་ཧང་སངས་རྒྱུ་མི་འདུག་མོད། ད་རེར་བྱ་དགའ་སྤྲོད་སའི་གསར་བུ་དེ་ཚོ་འགྲིག་འདུག ད་བར་དུ་རྩོམ་སྒྲིག་པ་དང་དེའི་སྤུན་ཉེ། ཡང་ན་ཀན་ལྷོའི་དཔོན་པོ་ཁ་ཤས་ཤིག་མ་གཏོགས་སུ་ལའང་སྤྲོད་སྲོལ་མེད། ད་རེབ་ག་རེ་ཡིན་ནམ། འགྲིག་འདུག་བསམ་སོང༌།
ཟླ་ཟེར་འདོན་ཐེངས་བརྒྱ་པ་དངོས་སུ་འགྲེམས་སྤེལ་ཐུབ་པ་དང་གཞོན་སྐྱེས་རྩོམ་པ་པོ་དྲུག་ལ་བྱ་དགའ་ཐོབ་པར་འཚམ་འདྲི་བཀྲ་ཤིས་བདེ་ལེགས་ཞུ།