ཁྱེད་ལ་བལྟས་པ། <ཤ་ཡི་བུ་ཆུང་ལ་བྲིས།>

ལགས་སོ་ཐུགས་རྗེ་ཆེ་ལགས།

རང་རྟོན་དང་འཇམ་མགོན་ལགས། རྣམ་པ་གཉིས་འདི་རུ་ཕེབས་པ་དགའ་བསུ་ཡོད་ལགས། དུས་རྒྱུན་གྱི་སྐུ་མགྲོན་ཞིག་གི་ཐད་ནས་བཤད་ན། རྣམ་པ་གཉིས་ཀྱིས་ཀྱང་ཁོམ་ལོང་བྱུང་ན་རང་རང་གི་བསམ་ཚུལ་མདོར་བསྡུས་རེ་གསུང་རྒྱུ་མ་བརྗེད་ལགས།

གྲོགས་བོད། ཤ་ཁྲག་རུས་གསུམ་ལགས། ངས་ཉིན་རེ་བཞིན་ཉིད་ཀྱི་ཟིན་བྲིས་ཆད་མེད་ཀློག་བཞིན་ཡོད། ཉིད་ཀྱི་ཚོར་ཤུགས་ལས་བྱུང་བའི་སྙན་ངག་དང་རྟོག་བཟོ་ལས་གྲུབ་པའི་རིན་མོ་གཉིས་འདྲ་མཚུངས་འདུག

གངས་སྒྲ་ལགས། དགོད་ཁ་རེ་་སློང་ཐུབ་ན་འཕྲོད་བརྟེན་ལ་ཕན་ནི་རེད། ཡག་ཐག་གཅོད་ཅིག་དགོད་རོགས་ཞུ།

འབུར་ཐོ་རང་གིས་རང་གི་སྤུན་ཟླ་ཞིག་ལ་ཡིད་ཆེས་དང་གདེང་འཇོག་བྱོས་པ་ནི་སྙིང་ནས་ཐུགས་རྗེ་ཆེ་ལགས། ང་རང་དམིགས་བསལ་གང་ཡང་ཡོད་པ་མ་རེད་ལགས། དྲ་ངོས་འདི་ན་ཡོད་མཁན་གྱི་སྤུན་ཟླ་ཚང་མ་དངོས་ནས་ཧ་ལས་པའི་ལྷག་བསམ་དང་ཤེས་ཡོན་ལྡན་པ་ཤ་སྟག་ཡིན་དུས། ང་ནི་མར་གི་ནང་གི་སྤུ་ལྟ་བུ་ཡིན་ནི་རེད་ལགས། ཡིན་ཡང་། སྐུ་ཉིད་འདི་རུ་ཡང་ཡང་ཕེབས་པ་དེ་ལ་དངོས་ནས་སེམས་གཏིང་ནས་དགའ་ནི་ཡིན་ལགས།

སྐར་ཁྲི་བཙན་སྲིང་མོ་འཁྲིད་ནས་དྲ་ཁང་ནང་དུ་རྒྱུགས་ཡོང་ན་དེ་འདྲ་ཁ་ཤས་དང་གདོང་ཐག་རྒྱག་ནི་རེད། རྗེས་མ་དྲ་སྒོ་མ་ཕྱེ་གོང་དུ་སྲིང་མི་ཕྱི་ལོག་དུ་བསྡོད་བཅུགས་དེ་རང་གི་བརྟག་དཔྱད་བྱས་རྗེས་ད་གཟོད་ནང་དུ་ཤོག

གཅན་བཟོད་རྒྱམ་ཀློག་ནས་དགའ་བ་ཡིད་ཚིམས་པ་ཡིན།

རྩེ་སྐར་ལགས། ཉིད་ཀྱིས་བསླབ་སྟོན་གནང་བ་ཐུགས་རྗེ་ཆེ་ལགས།

གཉའ་འབྲོང་ཐུ་བུ་ལགས། ཆུ་ཚོད་རེག་དུས་ཤིག་ལ་ཕེབས་ན་འགྲིག་གི་རེད་ལགས།

བསེ་རུ་ལགས། ཉིད་ཀྱིས་གསུངས་པ་ལྟར་རང་གིས་རང་ལ་བདག་པོ་རེ་རྒྱག་ཨེ་ཐུབ་ལྟ་ཆོག རེད་དེ། སྐབས་རེར་སྤུན་ཟླ་ཁྱེད་ཅག་གིས་གཟིགས་སྐྱོང་ནི་མེད་དུ་མི་རང་བ་ཡིན་ལགས།

ལྷ་ཆབ་ལགས། ངས་ཀྱང་རང་གིས་རྙོག་གཏམ་འདི་དག་དངོས་ནས་མཚམས་རེར་འབྲི་མཚམས་འཇོག་དགོས་མིན་འགྲོ་ཡང་དྲན་གྱི་འདུག ཡར་རྒྱས་མེད། དག་ཆ་མེད། དོན་དག་མེད། སྙིང་བོ་མེད། མེད་པ་འདི་དག་གི་ཁྲོད་ནས་གད་སྙིགས་མང་བའི་ཡིག་ཚོགས་ཤིག་སྤུངས་པ་འདི་ལ་རྒྱུ་མཚན་ཡོད་མེད་ཀྱི་བསམ་གཞིགས་ཀྱང་དངོས་ནས་མང་བོ་ཞིག་མཚམས་རེར་བྱེད་ཀྱི་ཡོད་ལགས། སྐུ་ཉིད་ཀྱིས་ལྷག་བསམ་ཟོལ་མེད་ཀྱི་ལན་དེ་ལ་བདག་གིས་རང་གི་སེམས་སུ་ནམ་རྒྱུན་དྲན་བཞིན་ཡོད་པ་དེ་ཞུས་པ་ཡིན་ལགས།

བསྐྱར་སྦྱོང་།

ངས་འདིར་ཡིག་ནོར་ཁ་ཤས་མཐོང་བྱུང་།
རང་ཉིད་ཀྱིས་ཡང་བསྐྱར་ཞུ་དག་གཏོང་རོགས།

འདི་རིགས་བརྗོད་བྱར་འདེམས་ན་མི་འགྲིགས་ཞིག་མ་རེད། ཡིན་ནའང་བརྗོད་ཚིག་གི་སྙན་ཆའི་ཆ་ནས་ཕ་རོལ་པོའི་ཡིད་འགུགས་ཀྱི་ནུས་པ་ཐོན་མི་འདུག དེ་གཙོ་བོ་ཚིག་གི་མིང་མཐའ་འདྲེན་ཚུལ་ལ་རག་ལས་ནས་ཡོད་པ་ཞིག་རེད། དགེ་ཆོས་ལགས་ཀྱི་རྩོམ་རྣམས་ཀློག་ན་བློ་ངོར་བྱང་ཡོད་པ་ལྟར་ཁ་ལ་བདེ་ཞིང་ངག་ལ་འབྱོར་པ་དེ་ཁོང་གིས་ཚིག་གི་མིང་མཐའ་འདྲེན་པའི་སྒྲའི་གདངས་ཆ་དེ་གཙོར་བཟུང་གིས་བྲིས་ཡོད་པའི་རྟགས་རེད། ཁ་དྲོ། བཀྲ་ཤིས།

དྲ་གྲོགས་ཤ་ཁྲག་རུས་གསུམ་ལགས། ངོ་ཚ་ནས་འབར་ཐལ་ངས་སྲིང་མོ་དང་མཉམ་དུ་གློག་ཀླད་སྒོ་ཕྱེས་མ་ཐག་ཁྱོད་ཡོང་ཡོད་པ་མཐོང་སོང་། ཨ་རོ་བདེ་སྐྱིད་ངའི་དྲ་གྲོགས་བཟང་པོ་ཞིག་སླེབས་འདུག་ག་རེ་བྲིས་འདུག་གཅིག་ལྟོས་བཤད་མ་ཐག མོས་ཀྱང་བཀླགས་ཀྱིན་བཀླགས་ཀྱི་གདོང་པོ་དམར་པོ་འགྱུར་སོང་། ང་ཡ་མཚན་སྐྱེས་ནས་ག་རེ་བྲིས་འདུག་ལབ་པ་ཡིན་མོད། མོ་བློ་བུར་སྒོ་ཕྱི་ལ་བུད་སོང་། དེ་ནས་གཙང་མ་བཟོ་མཚམས་བཞག་ནས་གཅིག་ལྟས་པ་ན ངོ་རྫོག་རྒྱུ་བོས་ཁ་རྩོག་རྐྱང་རྐྱང་བྲིས་དང་མེད་ནས།