དེ་རིང་སྔ་དྲོའི་ཆུ་ཚོད་ ༡༠ སྟེང་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་ལྷ་མིའི་རྣམ་འདྲེན་མཆོག ཨ་རི་དང་ཁེ་ན་ཌ་ཁུལ་གྱི་ཉིན་གྲངས་ ༡༩ རིང་གི་མཛད་འཆར་ཡོངས་ལེགས་པར་གྲུབ་སྟེ། བཞུགས་སྒར་ངྷ་རམ་ས་ལའི་གཟིམ་ཆུང་ལ་ཞབས་སོར་བདེ་བར་འཁོད་ཡོད། བཙན་བྱོལ་བོད་གཞུང་གི་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་དང་། བོད་མི་མང་སྤྱི་འཐུས་ཚོགས་གཙོ་གཞོན་གཉིས། དེ་བཞིན་སྤྱི་འཐུས་རྒྱུན་ལས་རྣམ་པ་དང་བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག གཞན་གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་རྣམ་པ་བཅས་གྷ་གྷིལ་གནམ་གྲུ་འབབ་ཐང་ལ་ཕེབས་བསུར་བཅར་ཡོད་པ་དང་།
རྒྱུད་སྟོད་གྲྭ་ཚང་དང་ནོར་བུ་གླིང་ཁ། ཤེས་རབ་དགའ་ཚལ་སློབ་གླིང་། བཙུན་དགོན་སྒྲོལ་མ་གླིང་བཅས་ཀྱིས་ཀ་ཅ་རིར་ཕེབས་བསུའི་སྒོ་ཆེན་དང་པོ་བཟོས་ཡོད། དེ་བཞིན། གངས་སྐྱིད་ཁུལ་དང་སྨན་རྩིས་ཁང་སོགས་ཀྱིས་ངྷ་ཤོད་དུ་ཕེབས་བསུའི་སྒོ་ཆེན་གཉིས་པ་བཅས་ཐེག་ཆེན་ཆོས་གླིང་གཙུག་ལག་ཁང་བར་ཕེབས་བསུའི་སྒོ་ཆེན་རིམ་པ་བདུན་བཟོས་ཏེ། ངྷ་རམ་ས་ལ་གཡས་གཡོན་གྱི་སློབ་གྲྭ་དང་དགོན་སྡེ་ཁག་གི་སེར་སྐྱ་མི་དམངས་སྟོང་ཕྲག་མང་པོ་དགའ་དད་སྤྲོ་གསུམ་གྱིས་བདུག་སྤོས་དང་མེ་ཏོག བཀྲ་ཤིས་པའི་མཆོད་རྫས་སྣ་ཚོགས་མཐོན་པོར་བཏེགས་ཏེ། ཟློས་གར་དང་རོལ་མོ་སྣ་ཚོགས་འབུད་རྡུང་དཀྲོལ་གསུམ་གྱིས་ཕེབས་བསུ་གཟབ་རྒྱས་དང་བཅས། སྤྱི་ནོར་༧གོང་ས་མཆོག་ཐུགས་ཧ་ཅང་རྒྱས་པའི་ངང་ཐེག་ཆེན་ཆོས་གླིང་གཙུག་ལག་ཁང་དུ་ཞབས་སོར་བདེ་བར་བཀོད་ཡོད།
སྐུ་ཞབས་གཡང་མདའ་ལགས་ཡོངས་སུ་རྫོགས་པ་ཆེ་ཡིན། འདི་ལ་
ཕྱོགས་ཙམ་རྫོགས་ནས་ཟེར་སྤྱི་ཚོགས་ནང་སྐད་ཆ་བཤད་ཤེས་དགོས།
གལ་སྲིད་ཡོངས་སུ་རྫོགས་པ་ཁྱེད་ཀྱིས་ཇི་ལྟར་རྟོགས་སམ།
རྒྱལ་སྲས་བསྟན་འཛིན་རྒྱ་མཚོ་དང་།།
ཀུན་མཁྱེན་འགྲོ་བའི་མགོན་པོ་གཉིས།།
ད་ལྟ་རྟེན་འདིར་བཞུགས་མིན་གྱི།།
དབྱེ་བ་ཙམ་ལས་ཐ་མི་དད།།
བཅོམ་ལྡན་རྡ་སར་བྱོན་པ་ལེགས།།
གངས་ཅན་བོད་མིར་སྐལ་བ་བཟང་།།
སྤྱི་འཐུས་ཚོགས་མིའི་ཞབས་འདྲེན་གྱིས།།
བླ་མ་དགྱེས་པའི་མཆོད་པ་ཕུལ།།
བླ་མའི་མཛད་འཕྲིན་ཡོངས་སུ་རྫོགས་ཏེ་ཕྱིར་བཞུགས་སྒར་ཕེབས་པར་སྙིང་ཐག་པ་ནས་དགའ་བསུ་བྱེད། སྐྱབས་སུ་མཆི།
བཅོམ་ལྡན་འདིར་ནི་བྱོན་པ་ལེགས། །བདག་ཅགས་བསོད་ནམས་སྐལ་བར་ལྡན། །
བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །
བོད། ཤ་ཁྲག་རུས་གསུམ་གྱི་ཚིག་གསུམ་བྲིས་པ་དེ་ནི། ཆོལ་གསུམ་བོད་ཀྱི་ཞབས་འདྲེན་ཞིག་ཆགས་སོང་།
མ་དག་པ། དག་པ།
མི་ལོངས། མི་ལང།
ཞབས་སར་ ཞབས་སོར
བཀོད་ཐུབ འགོད་ཐུབ་
འདེབས་ཀྱི་ཡིན འདེབས་རྒྱུ་ཡིན
༧བླ་མའི་མཛད་པ་བརྗོད་ཀྱིས་མི་ལོངས། ད་ནི་མི་རིང་བར་གངས་ཅན་ཡུལ་དུ་ཞབས་སར་བཀོད་ཐུབ་པར་སྨོན་ལམ་འདེབས་ཀྱི་ཡིན།
གྷ་གལ་གནམ་ཐང་དུ། ཕེབས་བསུའི་རྒྱལ་སྒོ་དང་པོ་དེ་ཡོད་ལ། དེར་ཕེབས་བསུ་བ་གོང་འཁོད་བཀའ་བློན་དང་སྤྱི་འཐུས་རྣམ་པ། ཚོགས་པ་ཁག་གི་སྐུ་ཚབ་རྣམ་པ་ཡོད་པ་ཙམ་མ་ཟད། གྷོ་པལ་སྤུར་བོད་ཁྱིམ་གྱི་དགེ་ལས་སློབ་གཉེར་བ། ས་རཱ་བོད་ཀྱི་མཐོ་རིམ་སློབ་གཉེར་ཁང་གི་དགེ་ལས་སློབ་གཉེར་བ། ཐང་སྟོང་གླུ་གར་ཚོགས་པ་བཅས་ནས་ཕེབས་བསུའི་མཇལ་དར་དང་། བཀྲ་ཤིས་ཞོལ་པ་སོགས་བཀྲ་ཤིས་པའི་གཞས་སྣ་དང་སྙན་པའི་རོལ་མོས་ཕེབས་བསུ་ཐོག་མར་ཞུས་སོང་།
མ་དག་པ། དག་པ།
འབྲུང་ཆུང་ངོས་གྲུབ། འབྲོང་ཆུང་དངོས་གྲུབ།
རྣམ་གྲུ་འབབ་ཐང་། གནམ་གྲུ་འབབ་ཐང་།
གདུག་སྤོས། བདུག་སྤོས།