ཐེམ་ཆེན་རྫོང་གི་བོད་མི་རྣམས་ཀྱིས། མ་འོངས་པར་མི་རིགས་རང་ལ་ཡོད་པའི་དྭངས་གཙང་གི་ཕ་སྐད་འདི་ཉིད་རྒྱུད་འཛིན་དང་ཡུན་གནས་བྱ་ཆེད་བགྲོ་གླེང་ཚོགས་འདུ་ཞིག་སྐོང་འཚོགས་གནང་ཡོད་འདུག
ཟླ་འདིའི་ཚེས་ ༨ ཉིན་བོད་ཀྱི་དྲ་བའི་སྟེང་གནས་ཚུལ་སྤེལ་བ་ལྟར་ན། ཉེ་ཆར་མཚོ་སྔོན་པོ་ནས་ཡིན་པའི་དགེ་འདུན་པ་ཤེས་རབ་ལགས་དང་ཐེམ་ཆེན་རྫོང་གི་ན་གཞོན་བུད་མེད་གདུགས་དཀར་མཚོ་ལགས་བཅས་བོད་ཀྱི་ཕ་སྐད་རྒྱུད་འཛིན་ལ་ཐུགས་ཁུར་དང་དོ་སྣང་ཡོད་པའི་མི་སྣ་སྐོར་ཞིག་གིས་གོ་སྒྲིག་འོག མཚོ་སྔོན་ཞིང་ཆེན་མཚོ་ནུབ་བོད་རིགས་རང་སྐྱོང་ཁུལ་ཐེམ་ཆེན་རྫོང་མི་རིགས་སློབ་ཆུང་དུ་དམངས་ཁྲོད་རང་བཞིན་གྱི་བགྲོ་གླེང་ཚོགས་འདུ་ཞིག་སྐོང་འཚོགས་གནང་སྟེ། བོད་རང་གི་ཕ་སྐད་གཙང་མ་འདི་ཉིད་རྒྱུན་འཛིན་དང་ཡུན་གནས་བྱ་ཐབས་སོགས་ཀྱི་སྐོར་ལ་བགྲོ་གླེང་ཚོགས་འདུ་ཞིག་སྐོང་ཚོགས་གནང་འདུག་ལ། ཚོགས་འདུའི་སྟེང་ཐེམ་ཆེན་རྫོང་མི་རིགས་སློབ་ཆུང་དང་སློབ་འབྲིང་གི་དགེ་སློབ་རྣམ་པ་དང་། གཞུང་ཞབས་ལས་བྱེད། ཁྱིམ་བདག དེ་མིན་སྤྱི་ཚོགས་སྟེང་གི་རིག་གཞུང་ལ་དོ་སྣང་ཡོད་མཁན་གྱི་གཞོན་སྐྱེས་སོགས་མི་སྣ་ ༡༢༠ ལྷག་འདུ་འཛོམས་བྱས་ཏེ། མ་འོངས་བོད་མི་རིགས་ཀྱི་མི་ལོ་སྟོང་ཕྲག་གི་ལོ་རྒྱུས་ལྡན་པའི་ཆོས་དང་རིག་གཞུང་གཙོས་པའི་བོད་ཀྱི་ཕ་སྐད་འདི་ཉིད་བསྲེས་ལྷད་ཅི་ཡང་མེད་པའི་ཐོག་བེད་སྤྱོད་དང་མི་ཉམས་རྒྱུད་འཛིན། ཉམས་པ་སླར་གསོ་བྱ་རྒྱུའི་ཐད་བགྲོ་གླེང་གོ་བསྡུར་གནང་ཡོད་འདུག
ཐེངས་འདིའི་ཚོགས་འདུའི་སྟེང་གནད་ཡོད་མི་སྣ་ ༢༠ ལྷག་གིས་རང་ཉིད་ཀྱི་ཕ་སྐད་ལ་བཅངས་བའི་བརྩེ་བ་དང་མ་འོངས་ཛ་དྲག་སྤྱི་ཚོགས་ལ་འདི་ལ་ཁ་གཏད་པའི་ཕ་སྐད་འདི་ཉིད་མི་ཉམས་རྒྱུད་འཛིན་བྱ་ཐབས་སོགས་ཀྱི་ཐད་བསམ་ཚུལ་བརྗེ་རེས་བྱས་ཡོད་པ་མ་ཟད། ད་ལྟའི་སྤྱི་ཚོགས་དང་བོད་ཀྱི་དངོས་ཡོད་གནས་སྟངས་གཞིགས་ཏེ་སློབ་གྲྭའི་སློབ་གསོ་དང་། ཁྱིམ་ཚང་དང་སྤྱི་ཚོགས་ཀྱི་སློབ་གསོ་སོགས་ཀྱི་བོད་དྭངས་གཙང་གི་ཕ་སྐད་ལ་གནོད་པ་གང་འདྲ་ཞིག་ཐེབས་ཀྱིན་ཡོད་མེད། དེ་དག་ལ་ཁ་གཏད་དེ་ཕ་སྐད་དང་སྐད་ཡིག་རྒྱུད་འཛིན་བྱ་ཐབས་སོགས་ཀྱི་ཐད་བགྲོ་གླེང་གོ་བསྡུར་བསམ་ཚུལ་བརྗེ་རེས་གནང་ཡོད་འདུག་ལ། ཐེངས་འདིའི་ཚོགས་འདུ་བརྒྱུད་མ་འོངས་བོད་ཀྱིི་སློབ་གྲྭ་ཁག་གི་དགེ་རྒན་དང་ཁྱིམ་བདག གཞུང་ཞབས་ལས་བྱེད། སློབ་ཆེན་སློབ་མ་སོགས་ཀྱིས་ཕ་སྐད་གཙང་མ་སྣེ་ཁྲིད་ཀྱི་ནུས་པ་འདོན་རྒྱུ་ཙམ་དུ་མ་ཟད། བེད་སྤྱོད་དང་ཡུན་གནས་ཐད་ནུས་པ་གང་ཡོད་བཏོན་པའི་འབོད་སྐུལ་ཡང་གནང་ཡོད་འདུག
གནས་ཚུལ་འདིའི་ཐད་བགྲོ་གླེང་གོ་སྒྲིག་གནང་མཁན་གདུགས་དཀར་མཚོ་ལགས་ཀྱིས་གསར་འགོད་པར་བརྗོད་དོན། འདས་པའི་མི་ལོ་ ༣༠ དང་བསྡུར་ན་ཐེམ་ཆེན་རྫོང་གི་བོད་ཕ་སྐད་བེད་སྤྱོད་དང་སྐད་ཡིག་གི་གནས་སྟངས་ཧ་ཅང་སྐྱོ་རུ་ཕྱིན་འདུག ང་རང་ལ་མཚོན་ན་སློབ་གྲྭའི་སྒོ་ཐེམ་ལ་གོམ་པ་སྤོས་མྱོང་མཁན་ཞིག་མིན་ལ་གཏན་འཁེལ་གྱི་ལས་སྣེ་ཅི་ཡང་མེད། ཡིན་ཡང། ནམ་རྒྱུན་ངས་མི་ལ་ཁ་བརྡ་བྱེད་སྐབས་ཕ་སྐད་དག་མ་ཡིན་མིན་ལ་དོ་སྣང་དང་རང་གིས་བསྲེས་ལྷད་མེད་པའི་ཕ་སྐད་གཙང་མ་ཞིག་བེད་སྤྱོད་གཏོང་བར་འབད་པ་བྱས་པ་ཡིན། ཅེས་དང་། ཡང་ཁོང་གིས། ང་རང་སྐུ་འབུམ་དགོན་པའི་ནང་གོ་སྒྲིག་གནང་བའི་ཕ་སྐད་ཀྱི་བགྲོ་གླེང་ཐོག་མ་བརྗོད་གཞི་ཁྱེད་ཀྱིས་ཕ་སྐད་གཙང་མ་ཞིག་བཤད་རོགས་ཅེས་པའི་བགྲོ་གླེང་ཚོགས་འདུའི་ཟུར་ཞུགས་ལ་འཛུལ་བའི་གོ་སྐབས་བྱུང་བ་དང་། དུས་དེ་ནས་བཟུང་ཁོང་ལ་རང་ཡུལ་ནས་འདི་འདྲའི་ལས་འགུལ་སྤེལ་བའི་སྐུལ་སློང་གནང་མཐར་ཁོ་མོ་གཙོས་པའི་མི་སྣ་ཁག་ཅིག་གིས་ཐེངས་འདིའི་བགྲོ་གླེང་གོ་སྒྲིག་གནང་ཚུལ་བརྗོད་ཡོད་འདུག
ང་ཚོས་ཀྱང་ལས་འགུལ་དེ་འདྲ་བྱ་ཐུབ་ན་དགའ་བ་ཨང༌།
དངོས་ཉིད་འདི་འདྲའི་གོ་སྒྲིག་གནང་མཁན་རྒྱལ་གཅེས་པ་འདི་ཚོ་ལ་སེམས་སྟེང་ནས་་གུས་སྟོད་ཞུ།
དཀྲོག་དཀྲོག་ཤར་བའི་འགྲོ་སྟངས་དགའ་བ་ལ། །རང་མིང་འབྲི་ཀློག་མི་ཤེས་སྐྱོ་བ་ལ། །ཕ་ཡུལ་གངས་ཅན་ཡིན་པས་དགའ་བ་ལ། །ཕ་སྐད་ངོམ་རྒྱུ་མེད་པས་སྐྱོ་བ་ལ།།
ཨ་མེ་རི་ཀ་ཞེས་ཡིན
ངས་མི་ཡུལ་ས་མཐའ་ནས་འབད་བརྩོན་བྱ་རྒྱུ་ནི་ང་རང་ཚོའི་ཕ་མ་སྤུན་ཆེད་ཚོ་ལ་ཨ་མེ་ཀའི་མི་རིགས་དམར་པོའི་གནས་སྟངས་ནང་བཞིན་མི་ཡོང་བྱེད་རྒྱུ་དེ་ཡིན། དེ་ཡིན་དུས་རང་རིགས་ལ་བསམ་པ་དཀར་བའི་བོད་མི་རྣམས་ཀྱིས་ཐུགས་བསམ་ཞེས་རོགས་ཞུ།
ཕ་སྐད་གཙང་མ་ལ་འབད་བརྩོན་བྱས་པའི་མཁས་དབང་རྣམས་ཀྱིས་མང་གཙོ་ཆབ་སྲིད་ཀྱི་རིག་གནས་དང་དཔལ་འབྱོར་ལྐོག་ཟ་བྱས་པའི་དཔོན་ངན་ཟ་ཧམ་ཅན་གྱི་ཟ་ནད་བཅོས་ཐུབ་པའི་དཔལ་འབྱོར་ཚད་ལྡན་རིག་གནས་མ་ཟད་ང་རང་ཚོ་ཁ་བ་རི་པ་ལ་དགོས་མཁོ་ཡོད་པའི་དུས་རབས་གསར་པའི་རིག་གནས་དེ་ཚོ་འབྱུང་ཁུངས་ག་པ་ཡིན་མིན་ཤེས་པ་བྱ་རྒྱུ་གལ་ཆེ།
ཀ་ཡེ་ཆོལ་གསུམ་གདོང་དམར་བོད་རིགས་རྣམས། །
ཁ་ཚིག་ཐ་སྙད་བོད་མའི་སྐད་ཡིག་འདི། །
ག་རེ་མ་ཟེར་སློབ་གཉེར་རྒྱུན་དུ་མཛོད། །
ང་ཚོ་བོད་མའི་སྲོག་གི་ཀ་བ་ཡིན། །
བོད་མི་རིགས་འཚོ་གནས་ཀྱི་བླ་སྲོག་དེ་ཕ་སྐད་གཙང་མ་ཡིན་པའི་དངོས་ར་འཕྲོད་ནས། སོ་སོའི་རང་སྲོག་ཚུན་བློས་གཏོང་གིས་འབད་འབུངས་བྱ་མཁན་འདི་ཚོ་ནི་ང་ཚོའི་མི་རིགས་ཀྱི་སྲོག་ཤིང་ངོ་མ་དེ་ཡིན་ཕྱིར། ཁོང་རྣམ་པའི་བསམ་དོན་ལྷུན་འགྲུབ་ཡོང་བའི་སྨོན་ལམ་ཡོད།
ཕ་ས་ཤོར་བའི་གངས་ཅན་པའི།།
ཕ་སྐད་གཙང་མ་མ་བརླགས་པར།།
ཕ་ཤུལ་བུས་འཛིན་བྱེད་ནུས་ན།།
ཕ་མར་བུ་སྐྱེས་དགོས་དོན་ཆེ།།
བོད་ནང་ཁུལ་ནས་རྒྱ་མའི་གནོད་ཤུགས་དང་གྲངས་མང་མི་རིགས་ཀྱི་ཤུགས་་རྐྱེན་ལ་གདོང་ལེན་སྣ་ཚོགས་བྱ་ཐབས་བྱ་བཞིན་ཡོད་རེད། བཙན་བྱོལ་ནང་གི་བོད་པ་ཚོར་དེ་འདྲའི་སེམས་ཤུགས་ཡོད་རྒྱུ་ན།