་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
ཨ་ཅག་ཚེ་འཛོམ་གྱི་བུ་དང་མནའ་མ་གཉིས་བློ་བཟང་ཡོད་སར་འབྱོར་བ་དང་། བློ་བཟང་གིས་ཁོ་གཉིས་ལ་རྩིས་གཙང་མ་ཞིག་བརྒྱབ། ཁོ་རང་མ་སོང་བའི་ཡར་སྔོན་དེར་ཨ་ཅག་ཚེ་འཛོམ་གྱི་བུས། བློ་བཟང་། ད་རེབས་ངས་འུ་གཉིས་ལ་མེ་འཁོར་ཡག་ཤོས་དེ་བསྔགས་ཡོད། འུ་གཉིས་སང་ཉིན་ལམ་དུ་ཆས་ཆོག རེད་དེ། སང་ཉིན་ཁྱེད་རང་གིས་ང་ལ་རོགས་ཤིག་བྱེད་དགོས་ཀྱི་ཡོད།
མེ་འཁོར་ནང་དུ་ལམ་དུ་མ་ཆས་གོང་དུ། བློ་བཟང་གི་ལག་དུ་ཧིན་སྒོར་འབུམ་བཅུ་ཡོད་པའི་རས་འཐུམ་ཞིག་སྤྲད་དེ། འདི་ཁྱེད་རང་གི་སྐེད་པར་ཐོག འདི་ཟེར་ནས་རས་འཐུམ་གཞན་ཞིག་ཁོ་རང་གི་སྟོད་ཐུང་གི་ནང་རླན་ནང་དུ་བཅུགས། ཁོས་བློ་བཟང་ལ་བཤད་རྒྱུར། སྒོར་མོ་འདི་དག་ཁང་བ་གསར་དུ་བསླེང་བཞིན་ཡོད་དུས། འདི་ནས་མི་ལ་བུ་ལོན་གཡར་བ་ཡིན་ཚུལ་བཤད་པ་དང། ཕར་བདེ་འཇག་གི་སླེབས་དགོས་དུས། ང་རང་གཅིག་བུའི་འཁྱེར་ན་སྟབས་བདེ་མིན་ལ་བདེ་འཇག་ཡང་མིན་པར་འདུག
མེ་འཁོར་བཟང་ཤོས་ཀྱི་ནང་དུ་ཆ་རྐྱེན་ལེགས་པོ་ཡོད་པ་མ་ཟད། ཆུ་ཚོད་ཞེ་བརྒྱད་རིང་གི་འགྲོ་དགོས་སར་ཆུ་ཚོད་ཉེར་བཞིའི་ནང་དུ་སླེབས་ཐུབ་པ་མ་ཟད། ལམ་ཁ་ནས་ཟ་རྒྱུ་འཐུང་རྒྱུ་སོགས་རིན་མེད་ཡིན་པ་མ་ཟད། ནང་དུ་ཉལ་ཆོས་དང་གྲང་གློག་སོགས་ཚང་མ་ཡོད་པའི་ཁོ་གཉིས་དངོས་ནས་ལྷོད་ལྷོད་ཅིག་བསྡད་ན་འགྲིག་ཐག་གཅོད་རེད། ཡིན་ཡང་། ཁོ་གཉིས་མེ་འཁོར་ས་ཚིགས་བརྒྱུད་དེ་འགྲོ་དུས་སུ། ཨ་ཅག་ཚེ་འཛོམ་གྱིས་བུས་སྒོར་མོ་དེ་དག་སྐེད་པར་བཅིངས་མེད་པར་རང་གི་སྟོད་ཐུང་ཞིག་གི་ནང་དུ་བླུགས་་ཡོད་པ་དེ་ནི་ཅུང་མངོན་པའི་ཚུལ་ཞིག་ཡོད་པ་རྒྱ་གར་གཉེན་རྟོགས་པ་ཞིག་གི་འདི་ཅི་ཞིག་རེད་ཟེར་ནས་དབྱུགས་པ་བཙུགས།
ཁོ་རང་ནི་རྒྱ་གར་གྱི་སྐད་ལ་ཐོག་པ་མེད་པ་དང་། དེ་ནི་སྒོར་མོ་ཡིན་རབས་དང་རང་ཉིད་སློབ་གྲྭ་ཆེན་མོར་འགྲོ་མཁན་ཞིག་ཡིན་དུས་ལོ་གཅིག་གི་རིང་གི་ཟས་སོང་དང་། སློབ་གྲྭའི་སློབ་ཡོན་བཅས་རང་གི་མཉམ་དུ་འཁུར་ནས་འགྲོ་བཞིན་ཡོད་པ་སོགས་ཀྱི་གནས་ལུགས་གྲངས་མེད་པ་ཞིག་བཤད་སྟབས། གཉེན་རྟོགས་པ་དེས་ཀྱང་ངོ་འདོག་ཅུང་ཤོར་ནས་རང་གི་དབྱུགས་པ་ཕྲག་པར་འཁུར་ནས་ཁོ་གཉིས་དང་ཁ་ཁར།
ལྡི་ལུར་འབྱོར་ནས་ཨ་ཅག་ཚེ་འཛོམ་གྱིས། བློ་བཟང་ད་རེབས་དངོས་ནས་ངེད་ཅག་གི་ཁང་བ་གསར་བཟོ་བྱེད་ཀྱི་ཡོད་པས། ཁྱེད་རང་ལ་ལག་དངུལ་མང་བོ་ཞིག་དངོས་ནས་སྟེར་རྒྱུ་མི་འདུག་མོད། རྗེས་ཕྱོགས་ཁྱེད་རང་ལ་དཀའ་ངལ་ཡོད་དུས་ང་རང་ལ་བཤད་རྐྱང་བྱོས་དང་། ངས་ཐུབ་པ་ཡིན་ན་རོགས་བྱེད་ཁོ་ཐག་ཡིན་ཟེར་ཞོར་དུ། བློ་བཟང་ལ་ཧིན་སྒོར་གཅིག་ཁྲི་ཞིག་སྤྲད།
བློ་བཟང་གིས་ད་རེབས་དངོས་ནས་ང་རང་ལ་སྒོར་མོ་གང་ཡང་མེད་ན་འགྲིག་ས་རེད། ང་རང་རྡ་སར་སླེབས་རེག་བར་གྱི་འགྲོ་སོང་ཞིག་ཡོད་ན་འགྲིག་ཟེར་ནས་སྒོར་མོ་དེ་དག་མ་བླངས་མོད། མཐར་ཨ་ཅག་ཚེ་འཛོམ་གྱིས་དེ་འདྲ་བྱེད་རན་མེད་ཚོད་ཅེས་ཨུ་ཚུགས་དང་འབྲེལ་ནས་བཤད་པ་དེར་བློ་བཟང་གིས་དང་ལེན་བྱས།
བློ་བཟང་སླེབས་ཡོད་པ་བསྟན་འཛིན་ཚེ་འཚོ་ཡིས་ཤེས་ནས། མོ་རང་སླེབས་ནས་ཨ་ཅག་ཚེ་འཛོམ་ལ་བློ་བཟང་ཁོ་མོ་བསྡོད་སའི་སློབ་གྲྭའི་འགྲམ་གྱི་ཁང་བ་དང་སློབ་གྲྭ་སོགས་ལྟ་བསྐོར་བྱེད་དུ་འགྲོ་རྒྱུ་ཡིན་རབས་བཤད་པ་ལྟར། ཨ་མས་ཀྱང་མོས་མཐུན་བྱས། བསྟན་འཛིན་ཚེ་འཚོ་ཡིས་བློ་བཟང་ཁྲིད་དེ་མོ་རང་གི་འདུག་ཁང་དུ་སོང་ནས། རང་གི་གྲོགས་པོ་གྲོགས་མོ་དག་ལ་ངོ་སྤྲོད་བྱས་པ་དང་། དེའི་རྗེས་སུ་ལྡི་ལི་བོད་ཁྱིམ་མཐོ་སློབ་ནང་དུ་ལྟ་བསྐོར་ལ་ཁྲིད་དེ་འདི་ང་རང་གི་གྲོགས་མོ་ཚོ་དང་གྲོགས་པོ་ཚོ་ཉལ་ཁང་རེད་ཅེས་ནང་དུ་འཁྲིད་དེ། སློབ་གྲྭ་ཆེན་མོ་བོ་རྐྱང་རྐྱང་གི་ཉལ་ཁང་དུ་སླེབས་པ་ལྟ་བུའི་ཚོར་བ་ཞིག་གཏན་ནས་ཚོར་མི་ཐུབ་ལ། དེ་རུ་ཕོ་གསར་མོ་གསར་མགོ་སྟོང་ཏག་ཏག་གི་ཉིན་མ་འཕུད་ས་ལྟ་བུ་ཞིག་ལོས་ཡིན་སྙམ་པའི་སྣང་བ་ཞིག་ཁོ་ལ་སྤྲད་པ་རེད། རྒྱུ་མཚན་ནི་ཕོ་མོ་དེ་དག་གི་ཉལ་ཁང་ནང་དུ་དེབ་དང་འབྲི་དེབ་སོགས་ཀྱི་རིགས་མཐོང་རྒྱུ་ཉུང་ངུ་ཞིག་ལས་མེད་པར་མང་ཤོས་ལག་ཁྱེར་ཁ་པར་བཟང་ངན་རིགས་ཅོག་རྩེ་སྟེང་དུ་བཞག་ནས་ཡོད་པ་དང་། དེའི་འགྲམ་དུ་བརྙན་སྡེར་རོལ་དབྱངས་ཉན་བྱེད་ཀྱི་ཅ་དངོས་ཆེ་མ་ཆུང་གསུམ་ཡོད་པ། བརྩིགས་ངོས་སུ་གློག་བརྙན་འཁྲབ་མཁན་སྐད་གྲགས་ཅན་དང་། དེང་རབས་གྱོན་ཆོས་འགྲེམ་སྟོན་པ་སྐད་གྲགས་ཅན་དག་གི་འདྲ་དཔར་གྱི་བཀང་ནས་བསྡད་ཡོད་པ་རེད།
བློ་བཟང་གིས་དེ་དག་གི་བྱེད་སྟངས་དང་སློབ་སྤྱོང་བྱེད་སྟངས་བསྐོར་ལ་སེམས་པ་སྐྱོ་བའི་ངང་དུ་བསྟན་འཛིན་ཚེ་འཚོ་ལ་རང་གི་གང་མཐོང་བ་དག་བཤད་དུས། བསྟན་འཛིན་ཚེ་འཚོ་ཡིས་བོད་ནས་སླེབས་པའི་སློབ་མ་དག་དང་འདི་ནས་འཚར་ལོངས་བྱུང་བའི་སློབ་མ་དག་གི་བར་ན་དངོས་ནས་མ་འདྲ་བའི་ཆ་མང་རབས་དང་། བོད་ནས་སླེབས་མཁན་གྱི་མི་དག་མི་རིགས་ཆེད་དུ་སེམས་ཤུགས་ཆུ་ཚོད་ཉེར་བཞིའི་རིང་དུ་ཡོད་པ་དང་། འདི་ནས་འཚར་ལོངས་བྱུང་བའི་བོད་ཀྱི་བུ་ཕྲུག་དག་ལ་དེ་འདྲའི་སེམས་ཤུགས་མེད་པར། སེམས་ཤུགས་དེ་ཡང་སྐད་རྒྱག་དུ་སོང་བའི་སྐབས་ཀྱི་སེམས་ཤུགས་ཙམ་ལས་ཕྱིར་ཡོང་དུས་ཕན་ཚུན་ལ། ཀེ དེ་རིང་སྐད་རྒྱག་ས་ནས་ཁྱེད་རང་རྣམ་འགྱུར་སྟོན་དང་དངོས་ནས་མཇུག་གི་ཟེར་བ་དང་། དོ་ནུབ་མཚན་ཚོགས་གང་དུ་འགྲོ་ཟེར་བ་སོགས་བཤད་དེ་འདུག་གི་ཡོད་པ་རེད་ཅེས་བཤད།
མཚན་མོར་དེར་བློ་བཟང་བསྟན་འཛིན་ཚེ་འཚོ་དང་འགྲོག་ནས་བུ་མོ་ལྔ་དང་བུ་ཁོ་རང་དང་བཅས་དེ་དྲུག་མཚན་མོའི་ཞབས་བྲོ་འཁྲབ་ས་ཞིག་དུ་ཕྱིན་ནས། མཚན་གུང་ཆུ་ཚོད་གསུམ་དང་ཕྱེད་ཀ་ཡོལ་ཙམ་ཞིག་ལ། ཞབས་བྲོ་ཁང་དེ་ནས་འཁྲུག་འཛིང་ཤོར་བ་བསྟུན་ནས་ཁོང་ཚོ་ཕྱིར་ལོག་ཡོང་ནས་བསྟན་འཛིན་ཚེ་འཚོ་དང་ཁོ་རང་གི་གྲོགས་དང་གྲོགས་མོ་ཚོ་བསྡོད་ས་དེར་ཡོང་། བསྟན་འཛིན་ཚེ་འཚོ་ཡིས་རང་གི་ཉལ་ཁང་བློ་བཟང་ལ་བཞག་ནས་མོ་རང་གྲོགས་མོ་དང་གྲོགས་པོ་དེ་དག་གི་ལྷན་དུ་ཉལ་དུ་སོང་ཤུལ་ནས་བློ་བཟང་དངོས་ནས་ལྷོད་ལྷོད་ཅིག་གཉིད་འཁུགས་མ་ཐུབ་ཀྱང་། རང་གི་བུས་མོ་རང་གི་རུམ་ནས་ཁ་རོག་གེར་གཉིད་དུ་གཡུར།
རྡ་ས་ནས་ཡུན་རིང་མ་བསྡད་པར་དེའི་རིང་དུ་རང་གི་ལས་ཀ་རེ་བྱེད་དགོས་པ་དེ་དག་བྱས་རྗེས་སུ། ཐད་ཀར་བལ་ཡུལ་ཕྱོགས་སུ་འགྲོ་བཞིན་པའི་སྐབས་སུ། ཨ་ཅག་ཚེ་འཛོམ་ལ་རང་ཉིད་བོད་དུ་འགྲོ་བཞིན་ཡོད་པ་དང་། ཁོ་རང་ལ་བྱེད་ཐུབ་པའི་ལས་ཀ་འདྲ་ཡོད་ན་བོད་དུ་བྱེད་ཆོག་ཚུལ་སོགས་བཤད་དུས། ཁྱེད་རང་བོད་དུ་སོང་བ་ཡིན་ན། རྒན་པོ་དོན་འགྲུབ་ཀྱི་སྤུན་མཆེད་དང་ཉེ་རིང་གང་རུང་ལ་ཐུག་འཕྲད་བྱེད་རྒྱུ་དང་། དེ་དག་གང་རུང་ཞིག་དང་ལྷན་དུ་ཡར་ལ་ཁ་པར་རེ་གཏོང་རྒྱུ་མ་བརྗེད་ཅིག ད་དུང་། རྒན་པོ་དོན་འགྲུབ་ལགས་མ་གྲོངས་གོང་དུ་སྒོར་མོ་མི་ཉུང་བ་ཞིག་ལྷ་ས་ནས་བསྡད་ཡོད་པའི་རྔ་བའི་ཚོང་བ་ག་གེ་མོ་ཞིག་གི་ལག་དུ་ཤོར་ནས་ཕྱིར་རེག་མེད། དེ་དག་ལ་རྩར་གཅོད་ཅིག་གནང་ཐུབ་ན། རྩར་གཅོད་ཅིག་བྱེད་རོགས་ཅེས་བཤད་པ་ལྟར། བློ་བཟང་གིས་ཀྱང་རང་གིས་གང་ཐུབ་ཐུབ་ཅིག་བྱེད་རྒྱུའི་ཁས་ལེན་བྱས།
བལ་ཡུལ་དུ་སླེབས་ནས་ཉིན་གྲངས་ཁ་ཤས་ཤིག་ལས་མ་སོང་གོང་དུ། ལས་དབང་ཟེར་བ་ནི་ལོས་ཡིན། སྔོན་ཆད་རྡ་ས་ནས་ངོ་ཤེས་པའི་ཆེས་ཐོག་མའི་ཁོ་རང་གི་གནས་ཚང་ལྷོ་ཕྱོགས་ཀྱི་གྲྭ་བ་དེ་ཡང་མཆོད་རྟེན་བྱ་རོང་ཁ་ཤོར་འགྲམ་ནས་འཕྲད་དེ། ཁོ་རང་བོད་དུ་འགྲོ་ཡི་ཡོད་པའི་གནས་ཚུལ་ཞིབ་དུ་བཤད།
གྲྭ་བ་དེས་ཀྱང་རང་གི་ངོ་ཤེས་ཤིག་ཀྱང་། ཁོ་རང་གི་ནང་དུ་བསྡད་དེ་འགྲོ་རོགས་ཤིག་ལ་སྒུག་ནས་བསྡད་ཡོད་པ་དང། ཁོ་རང་ལ་ཡང་ངོ་ཤེས་ལམ་པ་ཞིག་ཡོད་རབས་སོགས་བཤད་པ་དེའི་བློ་བཟང་གི་སེམས་པ་དངོས་ནས་བདེ་རུ་འབབ་པ་མ་ཟད། ལས་དབང་ཟེར་བ་ནི་ཅི་འདྲའི་ཨ་མཚན་ཞིག་རེད་ཨང་། སྔོན་ཆད་ང་རང་གྲྭ་ས་ནས་ཁ་གྱེས་དེ་ཐོག་མར་རྡ་སར་ཡོང་དུས་དཀའ་ངལ་གྱི་དུས་སུ་ཡང་ཁོ་རང་དང་འཕྲད་པ་དང་། དེ་རིང་ཡང་ང་རང་བོད་དུ་འགྲོ་བའི་ཐད་ཀྱི་སེམས་འཁྲལ་ཡོད་པའི་སྐབས་འདི་འདྲ་ཞིག་ལ་ཁོ་རང་དང་བསྐྱར་དུ་འཕྲད་པ་འདི་སྙམ་ཞོར་དུ། ངོ་ཤེས་རྙིང་བ་གྲྭ་བ་དེའི་རྗེས་སུ་སྙེགས་ནས་སོང་།
མུ་འགོད།
སྤུན་ཟླ་དག་བློ་བཟང་འདི་བོད་ནང་དུ་དམིགས་ཡུལ་ཞིག་གི་ཆེད་དུ་འགྲོ་བཞིན་ཡོད་པ་འདྲ། དེ་ཡིན་དུས་འུ་ཅག་གིས་ཁོང་གི་དམིགས་ཡུལ་དེར་འགྲུབ་པར་རེ་བ་རྒྱག་དགོས་སམ།
ཡ་ཡ་ ད་ཡིན་ན་བློ་བཟང་འདི་འགྲོ་ས་ནོར་མི་འདུག
བཟང་གི།
བློ་བཟང་གང་བྱེད་གར་འགྲོ།།
ཤ་ཁྲག་ལགས་ཀྱི་དབང་རེད།།
དྲ་གྲོགས་མོ་པ་རྣམས་ཀྱིས།།
ཚོད་དཔག་གནང་ཐབས་མེད་དོ།།
བསེ་རུ་ལགས་ལེའུ་ཉེར་དགུ་ནང་གི་མཆན་འདི་ལ་གཟིགས་རོགས།
དངོས་གནས་རེད་དམ།
བློ་བཟང་འདི་བོད་ལ་སོང་རུང་ཕྱིར་ར་ཡོང་རྒྱུ་བསམ་གི
ཀློག་ཞོར་དུ་མཐོང་བའི་ཡིག་ནོར་ཡིན་ཞིང་། ད་དུང་ཞིབ་ཚགས་ཞུ་དག་བཏང་ན། ཡིག་ནོར་ཐོན་ངེས་པས་དེ་མུར་བཞག་ཡོད།
དེ་རིང་ཁྱེད་ལ་ནང་སྦྱོང་ཞིག་ཡོད་པ་ནི་འོག་གི་ནོར་བཅོས་རྣམས་བློ་ལ་ངེས་པར་བྱོས།།
མ་དག་པ། དག་པ།
གཉེན་རྟོགས། ཉེན་རྟོག
དབྱུགས་པ། དབྱུག་པ།
ངོ་འདོག ངོ་མདོག
ལྡི་ལུར། ལྡི་ལི།
བྱ་རོང་། བྱ་རུང་།
སེམས་འཁྲལ། སེམས་ཁྲལ།