བཀུར་འོས་ཚོགས་གཙོ་མཆོག་དང་། བཀུར་འོས་འཐུས་མི་རྣམ་པ། སྐུ་མགྲོན་དང་གྲོགས་པོ་རྣམ་པ། ཐོག་མ་དེར་ངས་བོད་མི་ཡ་ས་དྲུག་གི་ཚབ་བྱས་ཏེ་སེམས་པའི་གཏིང་ནས་ཁྱེད་རྣམ་པར་ཐུགས་རྗེ་ཆེ་ཞུ་རྒྱུ་དང་། ཁྱེད་རྣམ་པ་ཚང་མར་སྙིང་ཐག་པ་ནས་དགའ་བསུ་ཞུ་རྒྱུ་ཡིན།
ལམ་ཐག་རིང་པོའི་དཀའ་ངལ་མཐའ་དག་ལ་མ་འཛེམས་པར་ཚོགས་ཆེན་འདིའི་སྟེང་ལ་ཕེབས་མཁན་གྲོས་ཚོགས་འཐུས་མི་འདི་དག་གིས་འགྲོ་བ་མིའི་ཀུན་སྤྱོད་ཀྱི་བསམ་བློ་གཞི་ལ་བཞག་པའི་རླབས་ཆེན་སྲིད་དོན་གྱི་ལྟ་བའི་ཐོག་ནས་བོད་ཀྱི་དཀའ་རྙོག་གི་ཐད་གཡོ་བ་མེད་པའི་རྒྱབ་སྐྱོར་དང་གདུང་སེམས་མཉམ་སྐྱེད་བྱེད་པ་མཚོན་ཡོད། གལ་སྲིད་ཁྱེད་རྣམ་པའི་ཕྱོགས་ནས་འགྲོ་བ་མིའི་ཆེ་མཐོང་དང་དྲང་བདེན། རང་དབང་གི་རིན་ཐང་བཅས་ལ་ཡིད་ཆེས་བརྟན་པོ་ཞིག་མེད་པ་ཡིན་ན་དཀའ་ལས་བརྒྱབས་ཏེ་ཚོགས་ཆེན་འདིའི་ཐོག་འཛོམས་གི་མ་རེད། ཚོགས་འདུ་འདི་ནི་ཉམ་པ་མེད་པའི་སེམས་ཤུགས་ཅན་དང་། འཇིགས་པ་དང་ཧམ་པ་མེད་པར་བདེན་པ་དང་དྲང་པོའི་ཆེད་དུ་ང་ཚོའི་དུས་སྐབས་ཀྱི་སྟོབས་ཤུགས་ཆེན་པོ་ཞིག་གི་ཁ་གཏད་དུ་ལངས་མཁན་དག་གི་འདུ་འཛོམས་ཤིག་ཡིན། ང་ཚོ་ཚང་མས་ཤེས་གསལ་ལྟར་ང་ཚོར་གཉའ་གནོན་གཏོང་མཁན་དང་མི་འདྲ་བར་བོད་ཀྱིས་སྲིད་དོན་གྱི་ངོས་དང་ཕྱི་དངོས་པོའི་ཐོག་ནས་ཁྱེད་རྣམ་པ་དང་ཁྱེད་ཅག་གི་རྒྱལ་ཁབ་ལ་ཁེ་ཕན་ཅི་ཡང་འབུལ་རྒྱུ་ཡོད་པ་མ་རེད། དེར་བརྟེན་ཁྱེད་རྣམ་པ་འདིར་ཕེབས་པ་དེ་ནི་ང་ཚོ་བོད་པ་ཙམ་མ་ཡིན་པར་འགྲོ་བ་མིའི་རིགས་སྤྱི་ལ་ཆེས་གལ་ཆེན་དང་རིན་ཐང་གཞལ་དུ་མེད་པ་ཞིག་ཆགས་ཡོད། འདི་ནི་སྲིད་དོན་ཚོགས་པ་དང་རྒྱལ་ཁབ་ཅིག་གི་མི་རིགས་ལ་རྒྱབ་སྐྱོར་བྱེད་པའི་འཐབ་བྱུས་སྤྱིར་བཏང་བ་ཞིག་མིན། འདི་ནི་འཛམ་བུའི་གླིང་སྤྱི་ལ་ཀུན་སྤྱོད་དང་འཚེ་མེད་ཞི་བ། དྲང་པོ་དང་བདེན་པའི་སྟོབས་ཤུགས་ཀྱི་ནུས་པ་ཆེ་རུ་གཏོང་བའི་རྒྱབ་སྐྱོར་ཞིག་ཡིན། ༧གོང་ས་སྐྱབས་མགོན་ཆེན་པོ་མཆོག་གིས་ནམ་རྒྱུན་དུ། བོད་དོན་རྒྱབ་སྐྱོར་བ་རྣམས་ནི་བོད་ཀྱི་ཕྱོགས་ནས་ལངས་མཁན་དང་རྒྱ་ནག་ལ་རྒོལ་མཁན་ཡིན་མི་དགོས། ཁོང་ཚོ་ནི་དྲང་པོ་དང་བདེན་པ། འཚེ་མེད་ཞི་བ་བཅས་ལ་རྒྱབ་སྐྱོར་བྱེད་མཁན་ཡིན་དགོས། ཞེས་གསུང་བསྡད་ཡོད། ཚོགས་འདུ་འདིའི་སྟེང་ཕེབས་མཁན་རྣམས་ནི་འགྲོ་བ་མིའི་སྡེ་ཚན་གང་རུང་ཞིག་གིས་གཅིག་སྡུད་རིང་ལུགས་པའི་དབང་སྒྱུར་འོག་ནས་བཤུ་གཞོག་དང་གཉའ་གནོན་གྱི་སྡུག་བསྔལ་མྱོང་སྐབས་ཟུར་གནས་སུ་མི་སྡོད་པ་དག་གིས་གྲུབ་ཡོད། ནོ་སྦེལ་ཞི་བདེའི་གཟེངས་རྟགས་བཞེས་མཁན་ ཨེ་ལི་ ཝེ་སེལ་ ལགས་ཀྱིས། ༼བར་གནས་ཀྱིས་དྲག་གནོན་བྱེད་མཁན་ལ་རོགས་པ་བྱེད་ཀྱིན་ཡོད། དྲག་གནོན་མྱོང་མཁན་དེར་ནམ་ཡང་རོགས་པ་བྱས་མེད། ཁུ་སིམ་མེར་སྡོད་པ་དེས་སྡུག་སྦྱོང་གཏོང་མཁན་དེར་རོགས་པ་བྱེད་ཀྱིན་ཡོད། སྡུག་སྦྱོང་མྱོང་མཁན་དེར་རོགས་པ་བྱེད་ཀྱི་མེད།༽ ཅེས་གསུངས་ཡོད། ང་ཚོས་འདིར་རོམ་གྲོང་ཁྱེར་ནང་དུ་འཛམ་གླིང་གྲོས་ཚོགས་འཐུས་མིའི་བོད་དོན་ཚོགས་ཆེན་དེ་འཚོགས་ཐུབ་པ་ནི་ལྟོས་ལེགས་པོ་ཞིག་རེད། ཨི་ཊ་ལི་ནི་དམངས་གཙོ་དང་རང་དབང་། དྲང་བདེན་བཅས་ཀྱི་བསམ་བློའི་མགོ་ཁུངས་ཡང་དག་ཅིག་ལ་ངོས་འཛིན་བྱེད་ཀྱིན་ཡོད། ཁོང་ཚོ་ནམ་ཡང་རང་དབང་དང་འདྲ་མཉམ། འགྲོ་བ་མིའི་ཆེ་མཐོང་བཅས་ཀྱི་ཆེད་དུ་ལངས་ཡོད། རླབས་ཆེ་བའི་ཨི་ཊ་ལི་མི་དམངས་ཀྱིས་ག་དུས་ཡིན་ཡང་བོད་དོན་ལ་རྒྱབ་སྐྱོར་གནང་ཡོད། དེར་བརྟེན། ཚོགས་ཆེན་འདི་གོ་སྒྲིག་གནང་མཁན་དང་རྒྱབ་སྐྱོར་གནང་མཁན་དག་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ནི་ང་ཚོའི་ལས་འགན་ཞིག་ཏུ་གྱུར་ཡོད།
བོད་ནང་གི་གནས་སྟངས་ནི་སྔར་ལས་ཀྱང་ཛ་དྲག་རེད། ད་ཆ་འཆར་གཞི་ཡོད་པའི་སྒོ་ནས་བོད་ཀྱི་དཔལ་ཡོན་རྩ་གཏོར་གཏོང་བ་དང་བོད་ཀྱི་རིག་གཞུང་དང་མི་རིགས་ཀྱི་ངོ་རྟགས་རྩ་མེད་བཟོ་བའི་ཡ་ང་བའི་སྲིད་བྱུས་དེ་མངོན་སུམ་གྱིས་ལག་བསྟར་བྱེད་ཀྱིན་ཡོད། མི་འབོར་རྒྱ་སྐྱེད་ཀྱི་དྲག་གནོན་དང་། རྣམ་པ་གང་ཐད་ནས་ཁྱད་གསོད་བྱེད་པའི་སྒྲུང་ལ་རྒྱུན་ཆད་མེད་པ། མནར་གཅོད་ཀྱི་རླབས་ཕྲེང་རྒྱས་བཞིན་པ། དམར་གསོད་དང་ཁྲིམས་འགལ་གྱི་བཀག་ཉར། བོད་ཀྱི་སྐད་ཡིག་དང་རིག་གཞུང་། ཆོས་ལུགས་བཅས་རྩ་གཏོར་གྱི་རྣམ་པ་དེ་ཇེ་ཆེར་གྱུར་བ། བོད་ཀྱི་ཐོག་ལ་ཡ་ང་སྙིང་རྗེ་མེད་པ་དང་བོད་ཀྱི་ཁོར་ཡུག་ལ་མུ་མཐུད་ནས་གཏོར་སྐྱོན་གཏོང་བ་སོགས་དང་འདི་ལས་མང་བ་ཞིག་ནི་ལྷག་དོན་སྔར་ལོ་བོད་ནང་ཞི་བའི་ངོ་རྒོལ་བྱུང་བའི་རྗེས་ནས་བཟུང་ལག་བསྟར་བྱེད་བཞིན་པ་རེད།
འགྲོ་བ་མིའི་ཐོབ་ཐང་རྡོལ་རོལ་གཏོང་བཞིན་པ་དང་། རིག་གཞུང་དང་དཔལ་ཡོན་རྩ་གཏོར། ཞིབ་འཇུག་ཅི་ཡང་མེད་པར་རང་བྱུང་ཐོན་ཁུངས་སྔོག་རྐྱང་བྱེད་པ་སོགས་ཀྱི་དོན་རྐྱེན་རེ་རེ་བཞིན་བགྲངས་དགོས་པ་ཡོད་པ་མ་རེད། འདི་དག་གི་བདེན་དཔང་ནི་གང་མང་མང་ཡོད་ལ། རང་དབང་ལྡན་པའི་ཚོགས་སྡེ་ཁག་གིས་གནད་དོན་འདི་དག་གི་སྐོར་ལ་བཏོན་པའི་ཡིག་ཆའང་མང་པོ་ཡོད། ང་ཚོས་བོད་ས་ཁུལ་དུ་ཁང་བརྩེགས་དང་གཞུང་ལམ། གནམ་ཐང་། མེ་འཁོར་ལྕགས་ལམ་སོགས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་ལ་དབང་སྒྱུར་བྱས་པ་ནས་བཟུང་འཛུགས་སྐྲུན་བྱེད་ཀྱིན་པ་དག་ལ་ངོས་ལེན་མ་བྱས་པ་མིན། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་འཛུགས་སྐྲུན་འདི་དག་གི་སྐོར་འཛམ་བུའི་གླིང་ལ་ཁྱབ་བསྒྲགས་ཤུགས་ཆེར་བྱས་ཤིང་། ས་གནས་ས་ཐོག་ལ་དངུལ་སྒོར་ག་ཚོད་ཅིག་གཏོང་བཞིན་པའི་གྲངས་འབོར་དེ་དག་གིས་དོན་དངོས་མ་རྟོགས་པའི་མི་མང་པོ་ཞིག་ཡ་མཚན་དུ་བཅུག་ཡོད། ཐ་ན་བོད་པའི་ཐོག་ལ་ཤ ཚ་སྙིང་ཉེ་ཡོད་མཁན་དག་གིས་ཀྱང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་དབང་མ་བསྒྱུར་ཚེ་འཛུགས་སྐྲུན་འདི་དག་ནི་ཡོང་ཐབས་མེད་པ་ཞིག་ཡིན་པའི་ལྟ་ཚུལ་འཛིན་གིན་ཡོད།
༼བཀའ་ཁྲི་ཟམ་གདོང་རིན་པོ་ཆེ་མཆོག་གིས་འཛམ་གླིང་གྲོས་ཚོགས་འཐུས་མིའི་བོད་དོན་ཚོགས་ཆེན་ཐེངས་ལྔ་བའི་སྟེང་བསྩལ་བའི་གསུང་བཤད་ལས་དྲངས།༽
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
( རོགས་སྐྱོར་གནང་བ་ )
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་ར་ཉག་དགོན་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
སྐྱེ་རྒུ་མདོར་ས་ཡོམ་གྱི་གནོད་ཚེ་ཕོག་པར་བདེན་ཚིག་སྨོན་ལམ་འདི་ལྟར་ཞུ།།
དེས་ན་རྗེ་བཙུན་བླ་མ་ཐུགས་རྗེ་ཅན།
མ་གྱུར་འགྲོ་བའི་སྡིག་སྒྲིབ་སྡུག་བསྔལ་ཀུན།
མ་ལུས་ད་ལྟ་བདག་ལ་སྨིན་པ་དང་།
བདག་གི་བདེ་དགེ་གཞན་བཏང་བ་ཡིས།
སྣོད་བཅུད་བདེ་དང་ལྡན་པར་བྱིན་གྱིས་རློབས།
ཟམ་གདོང་རིན་པོ་ཆེའི་རླབས་ཆེན་གྱི་བྱ་བཞག་ལ་ཡི་རང་ཡོད། ང་ཚོ་དབུ་ཁྲིད་ཡག་པོ་ཡོད་ཀྱང་རོགས་འདེགས་མཁན་ཉུང་དྲག་པས། མཛད་རྗེས་ལ་བར་ཆད་མི་ཉུང་བ་ཞིག་ཕྲད་དང་འཕྲད་བཞིན་པ་དངོས་ཡོད་རེད།
སྔོན་ཆད་ང་རང་བོད་ནས་གསར་དུ་འབྱོར་ཞིང་གསར་འབྱོར་སློབ་གྲར་ཡུན་ཙམ་བསྡད་མྱོང་། སྐབས་དེར་ང་རང་གསར་འབྱོར་སློབ་གྲའི་ཉེ་འཁོར་གྱི་ཤིང་སྡོང་རིང་པོ་ཞིག་གི་འོག་ཏུ་བསམ་བློ་ཞིག་གཏོང་ནས་སྡོད་སྐབས་ཤིང་སྡོང་རྩེ་ནས་བྱིའུ་ཞིག་གིས་ངའི་མགོ་ལ་སྐྱག་པ་ཞིག་བཏང་མྱོང་། ངའི་བསམས་པར་རྒྱ་གར་གྱི་བྱ་དང་བྱིའུ་ཚོས་ཀྱང་མི་ཉམ་ཆུང་ལ་མཐོང་ཆུང་དང་ཁྱད་གསོད་བྱེད་ཀྱིན་འདུག་བསམས་མྱོང་། དེ་བཞིན་སྟོབས་ཆེན་རྒྱལ་ཁབ་ཚོས་བོད་དོན་དེ་བཞིན་རྒྱ་ནག་གིས་སྟོབས་འབྱོར་དང་དབང་ཤུགས་ཁོ་ནའི་གཞན་དབང་སྟབས་སྟུན་གྱིས་བོད་རིགས་ཉམ་ཆུང་ཚོ་ཁོང་ཚོའི་རྐང་རྩེད་སྤོ་ལོ་རང་རེད། ད་ནི་ང་ཚོ་ང་རང་ཚོར་སྙིང་རྗེ་བྱེད་རན་འདུག ང་ཚོ་ང་རང་ཚོར་བྱམས་པ་སྒོམ་རན་འདུག ང་ཚོ་ང་རང་ཚོ་འགུལ་རན་འདུག
སྐུ་ཉིད་ཀྱི་སྙན་རྩོམ་ཧ་ཅང་ཡག་པོ་འདུག་བསྔགས་ས་བ རྗོད་ཡོད། ཆབས་ཅིག་ཁྱེད་ལ་བཀྲ་ཤེས་བདེ་ལེགས་ཞུ།
བོད་སྤྱི་དོན་དུ་བཅོས་མིན་ལྷན་སྐྱེས་ཀྱི་སེམས་ཤུགས་རྡོ་རྗེ་ཕ་ལམ་གྱི་རི་བོ་ཆེན་པོ་དེ་དམར་པོ་མེ་ཡིས་བསྲེགས་མ་ཐུབ་ཅིང། རྣོན་པོ་མཚོན་གྱིས་གཅོད་མ་ནུས་པའི་གྲོགས་མཆོག་རྨོག་རུ་བསྟན་པ་མཆོག་ལ་ཐུགས་རྗེ་ཆེ་གྲངས་མེད་ཞུ། ཁྱེད་ཀྱིས་བསྟོད་བསྔགས་ཞུ་ས་དེ་ནོར་མི་འདུག
ཕ་བཟང་གི་བུ།
དེ་དང་ཆབས་ཅིག་སྐུ་ཉིད་ལ་སྙིང་ནས་འཚམས་འདྲིའི་བཀྲ་ཤིས་བདེ་ལེགས་ཡོད།
༸གྲོགས་མཆོག་རྨོག་རུ་བསྟན་པ་ལགས་བཀྲ་ཤིས་བདེ་ལེགས།།
སྐུ་ཉིད་ཀྱི་རྩོམས་ལ་རྗེ་སུ་ཡིད་རང་ཡོད།།ཨུ་རུ་སུ་ཨུ་ལན་ཨུ་གྲོང་ཁྱེར་པ་སངས་ནས།།
༸གྲོགས་མཆོག་རྨོག་རུ་བསྟན་པ་ལགས་བཀྲ་ཤིས་བདེ་ལེགས།།
སྐུ་ཉིད་ཀྱི་རྩོམས་ལ་རྗེ་སུ་ཡིད་རང་ཡོད།།ཨུ་རུ་སུ་ཨུ་ལན་ཨུ་གྲོང་ཁྱེར་པ་སངས་ནས།།
རྟ་རྫི་གདོང་ནག་གི་དགོངས་ཚུལ་ལ་ལེགས་གསོལ་ཞུ་རྒྱུ་ཡིན།
རླབས་ཆེན་དོན་བཟང་བསྒྲུབ་ལ་ཐུགས་དཔའ་ཞིང་།།
གང་གི་བཀའ་གསུང་དམ་པའི་རྗེས་འཇུག་མཁན།།
སྤྱི་དོན་ལྷུར་གྱིས་བཞེས་མཛད་སེམས་དཔའ་ཆེ།།
ཟམ་གདོང་བླ་མའི་སྐུ་ཚེ་ཁྲི་ལོར་ཤོག།
སེར་པོའི་སྒྲོ་ལོའི་སྟོབས་ཀྱིས་མ་ཁུག་ཅིང་།།
རང་དོན་ཕྱོགས་རེས་ཙམ་ཞིག་མ་མཛད་པར།།
ས་ཡ་དྲུག་གི་འགྲོ་དོན་མཐར་བསྐྱལ་བ།།
ཟམ་གདོང་བླ་མའི་སྐུ་ཚེ་ཁྲི་ལོར་ཤོག།།
མཛེས་མའི་བསླུ་ཆང་རོ་ཡིས་མ་བཟི་ཅིང་།།
དགོན་པའི་མཐོན་པོ་ཁྲི་ལ་མ་ཆགས་པར།།
རླབས་ཆེན་དོན་ལ་ཉིན་མཚན་དབྱེར་མེད་པ།།
ཟམ་གདོང་བླ་མའི་སྐུ་ཚེ་ཁྲི་ལོར་ཤོག།
ཉིད་ཀྱི་མཛད་འཕྲིན་ཉི་མའི་སྣང་བ་ཆེ།།
ཉིད་ཀྱི་ཐུགས་བཞེད་རྒྱ་མཚོའི་རླབས་ཀྱི་ཕྲེང་།།
གཡོ་བ་མེད་པའི་དཔལ་གྱིས་རབ་བརྒྱན་ཏེ།།
གཞིས་བྱེས་བོད་མིའི་ཕུགས་དོན་ལྷུན་འགྲུབ་ཤོག།
བོད་ནང་གི་གནས་སྟངས་ནི་སྔར་ལས་ཀྱང་ཛ་དྲག་རེད། ད་ཆ་འཆར་གཞི་ཡོད་པའི་སྒོ་ནས་བོད་ཀྱི་དཔལ་ཡོན་རྩ་གཏོར་གཏོང་བ་དང་བོད་ཀྱི་རིག་གཞུང་དང་མི་རིགས་ཀྱི་ངོ་རྟགས་རྩ་མེད་བཟོ་བའི་ཡ་ང་བའི་སྲིད་བྱུས་དེ་མངོན་སུམ་གྱིས་ལག་བསྟར་བྱེད་ཀྱིན་ཡོད། མི་འབོར་རྒྱ་སྐྱེད་ཀྱི་དྲག་གནོན་དང་། རྣམ་པ་གང་ཐད་ནས་ཁྱད་གསོད་བྱེད་པའི་སྒྲུང་ལ་རྒྱུན་ཆད་མེད་པ། མནར་གཅོད་ཀྱི་རླབས་ཕྲེང་རྒྱས་བཞིན་པ། དམར་གསོད་དང་ཁྲིམས་འགལ་གྱི་བཀག་ཉར། བོད་ཀྱི་སྐད་ཡིག་དང་རིག་གཞུང་། ཆོས་ལུགས་བཅས་རྩ་གཏོར་གྱི་རྣམ་པ་དེ་ཇེ་ཆེར་གྱུར་བ། བོད་ཀྱི་ཐོག་ལ་ཡ་ང་སྙིང་རྗེ་མེད་པ་དང་བོད་ཀྱི་ཁོར་ཡུག་ལ་མུ་མཐུད་ནས་གཏོར་སྐྱོན་གཏོང་བ་སོགས་དང་འདི་ལས་མང་བ་ཞིག་ནི་ལྷག་དོན་སྔར་ལོ་བོད་ནང་ཞི་བའི་ངོ་རྒོལ་བྱུང་བའི་རྗེས་ནས་བཟུང་ལག་བསྟར་བྱེད་བཞིན་པ་རེད།
བཀའ་ཁྲིའི་གསུང་བའི་དོན་འདི་དག་གཞུང་ཙམ་མ་ཡིན་པར་ང་ཚོ་མི་རེ་ངོ་རེ་ནས་འཛམ་གླིང་མི་མང་ལ་གསལ་བཤད་བྱ་རྒྱུ་ཡོལ་ཐབས་མེད་པའི་འགན་ཁྲི་ཞིག་རེད།རྒྱ་ནག་གཞུང་གི་སྐྱག་རྫུན་དེ་ཚོའི་གདོང་རིས་རྒྱལ་སྤྱིའི་མི་མང་གི་མཐོང་ཐུབ་པ་བྱ་རྒྱུ་ནི་ང་ཚོར་འཁྲི་བའི་ལས་འགན་རླབས་ཆེ་བ་དེ་མ་ཡིན་ནམ།