ཉེ་དུས་དུས་བབ་དྲ་ལམ་དུ་རྩོམ་པ་མོ་ཆུ་སྐྱེས་སྒྲོལ་མས་ཆུ་དཀྲོགས་ནས་མར་མི་ལོན་ཞེས་པའི་རྩོམ་ནང་གཙོ་བོ་ཡུལ་གྱར་བུད་མེད་ཚོར་རང་དབང་གང་ཡོད་པ་དེར་དམ་འཛིན་བྱ་དགོས་སྐོར་བརྗོད་ཅིང༌། དེར་ཕོ་ཚོས་ཀྱང་བསམ་ཚུལ་གང་ལེགས་གླེང་འདུག་པ་དངོས་གནས་བཟང་ངོ་སྙམ། དེ་མཚུངས་སུ་གུས་མོས་ཀྱང་དེའི་སྐོར་སྒེར་གྱི་རྨོངས་འཆར་འགའ་གླེང་བར་སྤྲོ།
གླེང་གཞི།
ཐོག་མར་རྒྱལ་ཁབ་དང་མི་རིགས། སྤྱི་ཚོགས་གང་རུང་ཞིག་ནང་རང་དབང་ཆ་ཚང་ཡོད་སྐོར་བཤད་འོང་དུས་མིའི་རིགས་འཚོ་བསྡོད་བྱེད་ས་གོ་ལ་ཧྲིལ་པོ་འདིའི་ཐོག་རང་དབང་དང་དམངས་གཙོ་རྩེ་ཕུད་དུ་ཡོད་རབས་བཤད་བཞིན་པ་ནི་ཨ་རི་རྒྱལ་ཁབ་ཡིན་ཚོད།འོན་ཀྱང་དེའང་དགོད་བྲོ་བའི་གནས་སུ་གྱར་ཉེན་འདུགགང་ཡིན་ཟེར་ན། ༢༠༠༨ ལོར་ཨ་རིའི་སྲིད་འཛིན་གྱི་གོ་གནས་ལ་འགྲན་ཡ་ལངས་མྱོང་བའི་མཁྱེན་ལྡན་མ་ཧེ་ལ་རིས་མོ་རང་དང་ད་ཡོད་མི་ནག་སྲིད་འཛིན་གཉིས་གང་ཅིའི་ཐད་ནས་འགྲན་བསྡུར་གྱི་ཤེས་ཚད་དོ་མཉམ་ཞིང༌། དེ་བས་མོ་ལ་ཕ་རོལ་པོ་ལས་ལས་དོན་སྒྲུབ་པའི་ཉམས་མྱོང་ཆེ་བའི་དངོས་ཡོད་གནས་སྟངས་ཡོད་མུས་སུ།མཐར་མི་རྣམས་ཀྱིས་མོ་རང་བུད་མེད་ཅིག་ཡིན་པར་ཁོ་ནར་དམིགས་ཏེ་སྲིད་འཛིན་གྱི་འགྲན་རྩོད་ནས་ཕམ་ཁར་ལྷུང་ཚུལ་སྐོར་མངོན་ཐབས་བྱས་ཡོད་པ་རེད།རང ་དབང་དང་ཆབ་སྲིད་དམངས་གཙོའི་ཚད་མཐོ་བའི་ཨ་རི་རྒྱལ་ཁབ་ནང་དུའང་བུད་མེད་ལ་ཐོབ་ཐང་དགོས་ངེས་རག་ཁག་པོ་ཡིན་ན། ད་དུང་ཡང་རྙིང་ཞེན་གྱི་དྲི་ངན་གཙང་དག་མ་བྱུང་བའི་རང་དབང་ལ་ཁ་ཕྱོགས་འགོ་བརྩམས་པ་ཙམ་གྱི་གོ་རིམ་ནང་བགྲོད་བཞིན་པའི་ང་ཚོའི་ཡུལ་གྱར་སྤྱི་ཚོགས་སུ་བུད་མེད་ཚོར་རང་དབང་ཆ་ཚང་ཡོད་རབས་ཟེར་བ་ལས་ཕོ་མོ་འདྲ་མཉམ་མེད་པའི་ཕྱོགས་གཞན་དང་བསྡུར་ན་བུ ད་མེད་ལ་རང་དབང་གི་འདྲ་མཉམ་གང་མཚམས་ཡོད་ཟེར་ན་འོས་ཤིང་འཚམས་པར་མཐོང༌།
དེ་བཞིན་ཡུལ་གྱར་བུད་མེད་ཚོས་ཕོ་མོ་འདྲ་མཉམ་དང་བུད་མེད་ཀྱི་ཐོབ་ཐང་རྩོད་པར་ཡང་ངེས་པར་དུ་དགོས་དམིགས་ངེས་ཅན་འཛིན་དགོས་པ་དང༌། བོད་ཕྱི་ནང་གཉིས་ཀྱི་མ་ཡུམ་ཚོར་འགན་གཙོ་བོར་ཡོད་པའི་ཐོག་ནས་བུད་མེད་ཐོག་འདྲ་མཉམ་དང་རང་དབང་གི་དགོས་འདུན་བཏོན་ན་ལུགས་མཐུན་གྱི་བྱ་བཟང་ཞིག་ཡིན་ཕྱིར། གཤམ་དུ་ཚང་མར་དེའི་སྐོར་དྲན་བསློང་ཚུལ་གྱི་དོན་ཚན་འགའ་སྤེལ་ན་སྙམ།
གཅིག
ལོ་རྒྱུས་ཀྱི་ཉམས་མྱོང་ལ་ཕྱི་མིག་བལྟ་བ་ནི་མ་འོངས་ཡར་རྒྱས་ཀྱི་གོམས་སྟབས་དང་པོ་ཡིན་ཟེར་བ་བཞིན། རྒྱལ་ཁབ་གཞན་དང་བསྡུར་ན་བོད་ཀྱི་བུད་མེད་ལ་མཐོང་ཆུང་གི་མནར་གཅོད་ཚད་བརྒལ་བའི་དཔེ་མཚོན་དབེན་ནའང། བོད་པའི་རྒྱལ་རབས་ལོ་རྒྱུས་སུ་བུད་མེད་ཚོས་འཇོན་ནུས་ངེས་ཅན་སྤེལ་ཡོད་ཀྱང༌།ཕོ་དང་གཅིག་མཚུངས་ཀྱི་ཆབ་སྲིད་ཀྱི་གོ་དབང་འདྲ་མཉམ་རག་མེད་པ་ནི་རྒྱལ་མོ་ཁྲི་མ་ལོད་ཀྱི་གནས་སྟངས་དང༌། མཁའ་འགྲོ་ཡེ་ཤེས་མཚོ་རྒྱལ་གྱི་མགུར་རྩོམ་སོགས་ནས་གསལ་པོ་རྟོགས་ཐུབ། དེ་བས་གཞན་དང་བསྡུར་ན་བོད་ཀྱི་བུད་མེད་ཚོར་མཐོང་ཆུང་གིས་གཉའ་གནོན་ཚད་བརྒལ་བ་བྱས་མྱོང་མེད་སྨྲ་བ་ལས་ཕོ་མོ་འདྲ་མཉམ་དང༌། བུད་མེད་ལ་རང་དབང་ཆ་ཚང་བའི་འཇུག་སྒོ་ཡོངས་སུ་ཐོབ་ཐང་ཡོད་རབས་བཤད་པ་ནི་བུད་མེད་འཐུས་ཚབ་ཡོངས་སུ་རྫོགས་པ་ནས་བགྲོ་གླེང་རྒྱས་པོ་ཞིག་གིས་བུད་མེད་མང་ཆེར་གྱི་འདོད་དོན་དངོས་ལ་གཞིགས་དགོས་པ་ལས། བུད་མེད་སྒེར་ངོས་ནས་ང་ཚོར་རང་དབང་ཆ་ཚང་ཡོད་རབས་ནམ་ཡང་སྨྲ་མི་སྤོབས་སོ།
གཉིས།
རང་དབང་གི་དམིགས་ཚད་ངེས་ཅན་ལ་སྟབས་བསྟུན་པའི་སྒོ་ནས་ལུགས་མཐུན་གྱི་ཡར་ཐོན་རྒྱལ་ཁབ་གང་ཡིན་རུང་སྐྱེས་པ་ཚོས་དཔུང་པའི་ངར་ཤུགས་ངོམས་ཏེ་བུད་མེད་ཀྱི་ལུས་གཟུགས་ལ་མནར་གཅོད་གཏོང་བ་ནི་མི་ཆོས་ཀྱི་རྨང་གཞི་དང་རྩ་འགལ་ཡིན་པར་བརྩིས་ནས། དཔེར་ན་རྒྱ་གར་སོགས་ནས་ཁྲིམས་སྒོའི་ཐོག་ནས་དེར་བཀའ་སྡོམ་ལེགས་པོ་གནང་ཡོད་པ་ལྟར་ང་ཚོ་བོད་ཀྱི་རྩ་ཁྲིམས་ནང་དུའང་བུད་མེད་ལ་བཅར་རྡུང་བྱེད་མཁན་ཚོར་ཁྲིམས་ཀྱིས་སྟངས་འཛིན་ངེས་པར་དུ་དགོས་པ་ནི། བོད་ཕྱི་ནང་གཉིས་ཀྱི་བུད་མེད་ཚོར་གཙོ་བོར་དམིགས་པའི་དགོས་འདུན་ཐོག་མ་ཡིན།
གསུམ།
གལ་ཏེ་ཡུལ་གྱར་སྤྱི་ཚོགས་སུ་བུད་མེད་ཚོར་འདྲ་མཉམ་དང་རང་དབང་ཆ་ཚང་ཡོད་ན་།བུད་མེད་ཚོ་ཕོ་དང་གཅིག་མཚུངས་ཀྱིས་གོ་དབང་འགྲན་རྩོད་དང་བྱས་རྗེས་དཔྱད་བསྡུར། ཕོ་ཚོའི་འཇོན་ཡོད་ཟེར་ས་ཞིག་ཏུ་གཅིག་མཚུངས་ཀྱི་སླེབས་མ་ཐུབ་དེ་བུད་མེད་རང་ངོས་ཀྱི་སྐྱོན་ཆ་ཁོ་ན་ག་ལ་ཡིན། དེ་ནི་ཕོ་མོ་གཉིས་ཀྱི་གྲངས་འབོར་གྱི་བསྡུར་ཚད་ཐོག་ནས་ཀྱང་ཤེས་འཇོན་ལྡན་པའི་བུ ད་མེད་ཚོར་འདྲ་མཉམ་གྱི་རྩོད་ལེན་གྱི་ཁོར་ཡུག་དང་གོ་སྐབས་འཐུས་ཚང་མ་འབྱུང་བ་གསལ་པོ་ཡིན། གནད་དོན་འདིའི་ཐོག་ད་དུང་དཔྱད་རྒྱུ་མང་པོ་བསྡད་ཡོད།
བཞི།
ད་ལྟའི་ཆར་བཙན་བྱོལ་ཡུལ་དུ་ཕྱི་གླིང་བའི་ཕོ་མོ་དབར་གྱི་ཐོབ་ཐང་རྩོད་སྟངས་དེ་ཡིན་མིན་གང་ལྟར་ཡང༌། ༸བླ་མ་ཁོང་གིས་ཡུལ་གྱར་སྤྱི་ཚོགས་སུ་བག་ཡངས་དང་རང་དབང་གི་ཁོར་ཡུག་ལ་རྩ་བའི་ཁྲིམས་ཀྱི་སྣེ་ཤེན་ཡོད་པའི་ཐོགསྒེར་ངོས་ནས་ད་ཆ་ཡུལ་གྱར་བུད་མེད་ཚོས་ཕོ་མོ་འདྲ་མཉམ་ཡོང་ཐབས་རྩོད་གླེང་འགོ་བརྩམས་པ་ཙམ་ལས། བུད་མེད་ཀྱི་ཐོབ་ཐང་རྩོད་པའི་གནས་སུ་ད་དུང་ཡང་ལེ་ཝར་གྱང་རིང་གིས་ཆོད་ཡོད་པར་ངོས་འཛིན་གྱི་ཡོད། དེར་བརྟེན། འདྲ་མཉམ་ཡོང་ཐབས་སུ་ཐོག་མར་བུད་མེད་རང་ངོས་ནས་རྩོད་ལེན་གྱི་སྙིང་རུས་དང་སྤུས་ཚད། དེ་བཞིན་རང་གཞན་ཕྱོགས་གཉིས་ནས་འབྱུང་བཞིན་པའི་ཁོར་ཡུག་གི་གནོན་ཤུགས་སེལ་ཐབས་བཅས་སོགས་ནས་འགོ་བརྩམས་ཏེ་བུད་མེད་ཚོར་གཅིག་མཚུངས་ཀྱི་བརྩི་མཐོང་སྤྲད་ནས་བཟུང༌། ལས་དོན་མང་པོར་བུད་མེད་རང་ངོས་ནས་གཅིག་གྱུར་གྱི་བྱ་འགུལ་རབ་དང་རིམ་པ་སྤེལ་རྒྱུ་ལྷག་ཡོད་དོ།
ལྔ།
སྤྱི་ཚོགས་གང་རུང་གི་སྐྱོན་ཆ་ཕྱིར་བཏོན་ནས་ལེགས་བཅོས་ཡོང་ཐབས་ལ་ཁ་ཕྱོགས་དགོས་པ་བཞིན་ཐོག་མ་ཉིད་ནས་བུད་མེད་དང་འབྲེལ་བའི་དཀའ་ངལ་དང་སྐྱོན་ཆ་རིགས་མཐའ་དག་ལ་རྒྱུན་དུ་སེམས་འཁུར་དང་དོ་སྣང་བྱེད་མཁན་གྱི་འཐུས་ཚབ་བམ་བུད་མེད་ཀྱི་གནད་དོན་ཐག་གཅོད་ཡོང་ཐབས་ལ་རམ་འདེགས་དང་རྒྱབ་སྐྱོར་བྱེད་མཁན་ཚོགས་པ་དང་སྒེར་བཅས་དམིགས་བཙུགས་ཆེད་ལས་སྡེ་ཚན་ང ེས་པར་དུ་གང་མགྱོགས་མྱུར་དུ་ཡོང་ཐབས་བྱ་དགོས། དེ་ནི་བོད་ཕྱི་ནང་གཉིས་སུ་བུད་མེད་ཀྱི་གནད་དོན་ཐད་ཉམས་ཞིབ་དང༌། བུད་མེད་རང་གཞན་ཕྱོགས་གཉིས་ནས་དཀའ་ངལ་སེལ་ཐབས་དངོས་ལ་ཕན་པའི་རྟོགས་དཔྱོད་། དཀའ་ངལ་སེལ་ཐབས་ཀྱི་སྔོན་འགྲོའི་ལས་གྲ་སྒྲིག་པ་ཡིན།
དྲུག
བུད་མེད་ཀྱི་བྱ་བར་སེམས་འཁུར་ཡོད་མཁན་གཞུང་དང་ཚོགས་པ།སྒེར་སོགས་མི་མང་ཚོས་ཐོག་མར་ཤེས་དགོས་པ་ཞིག་ནི་བུད་མེད་ཀྱི་གནད་དོན་ཞེས་གླེང་དུས་ཐོག་མར་བུད་མེད་བྱེ་བྲག་པ་འགར་དམིགས་ནས་བཤད་ན་ནོར་འཁྲུལ་རེད། བུད་མེད་ལ་ལོ་ཚོད་ཀྱི་དབྱེ་སྟངས་ལྟར་ན། བུ་མོ།གཞོན་ནུ་མ་། དར་གཞོན་མ། རྨོ་བོ། བཅས་དབྱེ་མཚམས་དང༌། དེ་མིན་ལས་གནས་སམ་འཇུག་སྒོ་ཁག་ཕོ་དང་སྤྱི་ མཚུངས་ལྟར་སྣ་ཚོགས་ཡོད་པ་གང་ལའང་མཉམ་ཞུགས་ཡོད་པའི་བུད་མེད་རྣམས། དེ་མིན་པའི་ཕོ་དང་གཅིག་མཚུངས་ཀྱིས་ལས་སྒོ་གང་ལའང་མི་ཚུད་པས་སྤུན་མཆེད་ཚོས་དངུལ་སྒོར་སྤྱོད་ཅིང༌།རང་ཁ་རང་གསོ་ཙམ་མ་ཐུབ་པའི་རེ་འགའ། དེ་མིན་གཞོན་ནུ་མ་དུས་ནས་ཟླ་མཚན་འབབ་བའི་སྐབས་དང༌། དེ་རྗེས་སྦྲུམ་མ་གྱུར་རྗེས་བུད་མེད་ཀྱི་ཆེད་ལས་གཙང་སྦྲ་དང་འཕྲོད་བསྟན་སོགས། དེ་དག་ཡོངས་རྫོགས་བུད་མེད་དང་དམ་དུ་འབྲེལ་བའི་གནད་དོན་ཤ་སྟག་ཡིན་པར་ཤེས་དགོས་སོ།
བདུན།
སློབ་གྲྭ་ཆེ་འབྲིང་ཆུང་གསུམ་ནི་ངེད་བོད་པའི་ཡུལ་གྱར་བའི་རྨང་གཞིའི་སློབ་གསོ་འགོ་བཙུགས་སའི་གནས་གལ་ཆེན་ནང་གི་དོན་ཆེན་ཡིན་པ་བཞིན། ཤེས་ཡོན་རྭ་བར་གནས་པའི་གཞོན་ནུ་མ་ཚོའི་ཤེས་ཡོན་སྦྱང་བརྩོན་དང༌། ལུས་སེམས་གཉིས་ཀྱི་འཕྲོད་བསྟན། དེ་བཞིན་ཁོར་ཡུག་གི་སྡོམ་རྒྱའི་གནོན་ཤུགས་ཡོད་མེད། ད་ལྟའི་ཆར་སློབ་མ་བུ་མོ་མང་ཆེར་ཆེད་ལས་ཀྱི་སློབ་ཆེན་དུ་འཛུལ་ཞུགས་མ་ཐུབ་པའི་གནད་དོན་ཡོངས་ཀྱི་འགག་རྡོ་དེ་དག་བརྒལ་ནས་མ་འོངས་མི་ཚེའི་མདུན་ལམ་ནང་ཤེས་འཇོན་གྱི་ཚད་དང་ལྡན་ཞིང༌། མོའི་ཚེ་གཅིག་ནང་གལ་ཆེ་བའི་བརྩེ་དུང་གི་ལྟ་བ་ཡང་དག་འཛིན་ཐབས་ནས་འགོ་བརྩམས་པའི་གཞོན་ནུ་མ་ཚོར་ཆེད་དམིགས་ཀྱི་ལས་གཞི་མང་དག་ཅིག་ད་དུང་ཡང་སྟོང་ཆ་ལྟར་ལུས་ཡོད་པ་ནི་ཁྱོད་དང་ངའི་མིག་སྔར་མཐོང་བཞིན་པའི་གནས་སྟངས་འདིའོ།
བརྒྱད།
ཚང་མས་ཤེས་དགོས་པ་ཞིག་ལ་བོད་གཞིས་ཀྱི་སྤུན་ཟླ་རྣམས་དང་མ་ཡུམ་ཚོར་དྲག་གཞུང་གི་མནར་གཅོད་འོག་རང་ལུས་རང་ལ་དབང་བའི་རང་དབང་དངོས་ཀྱི་ཁོར་ཡུག་ཤིན་ཏུ་དོག་མོ་ཡིན་ལ།ཡུལ་གྱར་དུ་རང་དབང་ཅུང་ཙམ་གྱི་མྱོང་བྱ་ཡོད་པའི་བུད་མེད་གང་ན་སུ་ཡོད་ཀྱིས་གནད་དོན་ཐག་གཅོད་ཡོང་བའི་གནས་སུ་སླེབས་དུས། བུད་མེད་ཉུང་ཤོས་ཁོ་ནར་དམིགས་ནས་འུར་སྒྲོག་བྱེད་རྒྱུར་ཡིད་གཟབ་ནན་ཏན་དགོས། དེ་མིན་བོད་སྲོལ་རྒྱུན་གྱི་རྙིང་ཞེན་དང་གང་ཟག་སྒེར་རེ་རེ་ནས་བཟུང་རུལ་སུངས་ཀྱི་དྲི་ངན་དག་ཁྲིམས་སྒོ་ནས་སྟངས་འཛིན་མ་འབྱུང་བར་དུ།བུད་མེད་སྨྱུག་ཐོག་པ་རེ་གཉིས་ཡོད་པ་ཚོས་ག་དུས་ཡིན་ཡང༌བུད་མེད་རང་ངོས་ཀྱི་དཀའ་ངལ་སེལ་ཐབས་ཕུད།སྤྱི་ཚོགས་གང་སར་མོ་མགོ་རྡུང་རྒྱུར་དགའ་མཁན་ཚོའི་སྐྱོན་ཆ་མངོན་ཐབས་བྱ་བ་དེ་ནི་ང་ཚོའི་སྤྱི་ཚོགས་ཡོངས་ཀྱི་ལོག་ལྟ་འག ོག་ཆེད་ཀྱང་ཡིན་པས།བུད་མེད་རང་ངོས་ནས་དོར་ཐབས་མེད་པའི་འགན་འཁྲི་དང་སྤོབས་པ་ཡིན་དགོས་སོ།
དགུ།
ད་བར་བོད་ནང་གི་བུད་མེད་ཉུང་ཤོས་ཀྱིས་འཇོན་ཐང་ངེས་ཅན་སྤེལ་ཡོད་ཀྱང༌།ད་དུང་གཉའ་གནོན་འདྲ་བྱུང་ན་རྒྱ་གཞུང་གི་དྲག་པོའི་སྲིད་ཇུས་དང་སྡོམ་རྒྱ་ལ་ཁ་གཡར་ཆོག་ཀྱང༌།བོད་ཡུལ་གྱར་སྤྱི་ཚོགས་སུ་སྒེར་གྱི་རྒྱབ་ལྗོངས་དང་རོགས་འདེགས་ལ་བརྟེན་ནས་བྱུང་བའི་གྲུབ་འབྲས་རེ་ཟུང་ཡོད་མཁན་ཆེ་གེ་མོ་འགས་གཙོས་ང་ཚོའི་སྤྱི་ཚོགས་འདིར་རང་དབང་ཡོད་ཟེར་བའི་ཁོར ་ཡུག་ནང་།སྤྱི་ཚོགས་འདིའི་བུད་མེད་ཚོས་དམིགས་དཔེར་འོས་པའི་ཡོངས་གྲགས་སུ་མངོན་མཚན་ཅན་གྱི་ཨ་མ་བཟང་མོ་རེ་ཟུང་ཙམ་གྱི་གཟུགས་བརྙེན་ལེགས་པོ་ཅིག་ཀྱང་བསྐྲུན་ཐུབ་མེད་པ་མ་ཟད།གཞན་ནུ་མ་མང་ཆེར་ཁྱོད་ཀྱིས་དམིགས་དཔེར་འོས་པའི་ད་ཡོད་བོད་ཀྱི་བུད་མེད་སུ་ཡིན་ནམ་ཞེས་དྲིས་ན།སྒྲོན་མའི་ཕྱོགས་གཅིག་ལ་ཏོག་ཙམ་ཡག་ནའང་།གཞན་ཕྱོགས་ཀྱི་ནོར་འཕྲུལ་དེ་ནི་སེམས་ས ྐྱོ་བྱེད་ཅིག་རེད།ཡང་གཡང་འཛོམས་ཏོག་ཙམ་ཡག་རབས་ཡོད་ཀྱང་མོས་སྔར་བགྱིས་པའི་སྐྱོན་ཆེན་འདི་འདྲ་ཞིག་རྒུན་གསབ་དཀའ་བའི་ནག་ཉེས་ལས་དག་ཐབས་མེད་ཟེར་བ་ལྟ་བུ་ལས།ཁ་ཞེ་གཉིས་མེད་ཀྱིས་དམིགས་དཔེ་དང་རྗེས་སུ་ཡིད་རང་འོས་པའི་རང་དབང་ལུང་པའི་ནང་གི་ཆེ་གེ་མོ་ཞིག་ད་དུང་ཡང་སྐུ་འཁྲུངས་རྒྱུ་ཡིན་ཚོད་འདིའང་རང་གཞན་ཕྱོགས་གཉིས་ནས་བྱུང་བའི་གནད་དོན་ཡིན་པར་ཚང་མ ས་ཤེས་གསལ་རེད།
བཅུ།
བུད་མེད་ཀྱི་ལས་སྒོ་འཐུས་ཚང་འབྱུང་ན་སྤྱི་ཚོགས་ཡོངས་ཀྱི་ལས་སྒོའི་ཕྱེད་ལ་འཐུས་སྒོ་ཚང་བ་ཡིན་སྟབས། ཐོག་མར་ཕོ་མོ་བརྩེ་ཞེན་ཐོག་ཕྱོགས་གཉིས་ནས་ལོག་ལྟ་འཛིན་སྟངས་། བུད་མེད་ཚོའི་ལས་སྒོ་ཁག་གི་སྟོང་ཆའམ་སྐྱོན་ཆ་ལ་དག་ཐེར་དང༌།ཁྱིམ་ཚང་ཨ་མར་བརྩི་མཐོང་སྤྲད་སྟངས་ནས་འགོ་བརྩམས་ནས་བཟུང༌།སྤྱི་ཚོགས་ཀྱི་གནད་དོན་འདྲ་མིན་ནང་བུད་མེད་གཙོ་བོར་གྱུར་བའི་རྩ་བའི་ཁྱིམ་གཞི་འཆམ་མཐུན་དང་བུ་ཕྲུག་གསོ་སྐྱོང་གི་སྤྱི་ཚོགས་རྨང་གཞིའི་སྤུས་ཚད་དང་འབྲེལ་བའི་གལ་ཆེའི་བུད་མེད་ཀྱི་ཤེས་སྤྱོད་གཉིས་ལ་ཡར་རྒྱས་གཏོང་ཕྱོགས་ལ་རོགས་ སྐྱོར་དགོས་ངེས་ལ།མ་གཞིས་བོད་ལས་ཀྱང་རང་དབང་གི་རྨང་གཞི་ཅུང་ཆེ་བའི་ང་ཚོའི་ཡུལ་གྱར་གྱི་ཁོར་ཡུག་གང་སར་ཡང་བུད་མེད་ཀྱི་བརྩོན་འགྲུས་དང་ལེགས་སྐྱེས།བུད་མེད་ཀྱི་བྱམས་བརྩེ་དང་སྙིང་རྗེ།བུད་མེད་ཀྱི་དགོད་སྒྲ་དང་མཛེས་ཆོས།བུད་མེད་ཚོས་བོད་ཀྱི་སྤྱི་ཚོགས་འདིར་མཉམ་ལས་དང་རོགས་ཕན་མེད་གྱུར་ན།ཡུལ་གྱར་བོད་ཀྱི་འཇིག་རྟེན་པའི་སྤྱི་ཚོགས་འདི་ནི་གང་འདྲ འི་འཇིགས་སུ་རུང་བ་ཞིག་ཡིན་པ་དཔྱོད་ལྡན་ཚོས་མཁྱེན་ངེས་ཡིན་ནོ།
སེམས་འདུན་དང་མས་གཟུགས་སུ་བཀོད་པ་འདི།
རིགས་མཐུན་ཉམས་ཆུང་བུད་མེད་ལུས་བརྟེན་ཀུན།
སྐྱོ་ངལ་འགག་འཕྲང་གཏོར་ནས་བདེ་དོན་ཕྱིར།
རང་དབང་སྙིང་པོར་བརྩོན་པའི་རྒྱུར་གྱུར་ཞིག།
གངས་ལྷ་མོ། བུད་མེད་ཚོ་ལ་བདག་ཅག་གི་སྟོན་པ་ཞལ་བཞུགས་པའི་སྐབས་ནས་གོ་གནས་ངེས་ཅན་ཞིག་མེད། ཀུན་དགའ་བོས་སྐྱེ་དགུའི་བདག་མོ་ལ་སོགས་པའི་བུད་མེད་ལྔ་བརྒྱ་ཙམ་སྙེན་པར་རྫོགས་པར་ནན་གྱིས་ཞུས་པས། བསྟན་པ་ལོ་བདུན་སྟོང་གནས་པ་ལ་ལྔ་སྟོང་དུ་བྲི་བ་ནི་ཀུན་དགའ་བོས་ཉེས་པ་བརྒྱད་བསགས་པའི་དང་པོ་ཡིན་པ་དང༌། ཕོ་མོ་འདྲ་མཉམ་ཡིན་ན་ཀུན་དགའ་བོས་ཉེས་པ་དེ་ལྟར་བསགས་དགོས་དོན་མེད་སྙམ།
གངས་ལྷ་མོ་ལགས། ཁྱེད་རང་གིས་ཕོ་མོ་འདྲ་མཉམ་ཡིན་ཟེར་ན་དེ་ནི་གང་ཅིའི་ཆ་ནས་ཡོང་ཐབས་མེད་པ་ཞིག་རེད། དེའི་སྐོར་མ་གླེང་ན་ཡག་གི་རེད།
རྩོམ་པ་པོ་ཆུ་སྐྱེས་སྒྲོལ་མ་ལགས། བོད་ཀྱི་བུད་མེད་རྩོམ་པ་པོ་ཞིག་ཡིན་པའི་ཆ་ནས་ཁྱེད་ལ་ཡི་རངས་བསྔགས་བརྗོད་ཞུ་བཞིན་ཡོད། མུ་མཐུད་ཤུགས་སྐྱོན་རོགས། ཁྱེད་ཀྱིས་བོད་ཀྱི་བུད་མེད་ཚོའི་གནས་སྟངས་ཕྱོགས་གཅིག་མཐོང་མི་འདུག ཞིབ་དཔྱོད་བྱེད་པར་འཚལ། བོད་ཀྱི་བུད་མེད་ལ་ཐོབ་ཐང་ཆེན་པོ་ཞིག་རེག་གིན་མེད། ཁྱོ་ག་རེག་གིན་མེད། ཁྱེད་ཅག་ཁྱོ་ག་ཡོད་པ་ཚོས་དཀའ་ངལ་འདི་མཐོང་གིན་མེད། དཔྱོད་དང་ཤེས།
ཨ་ལ་ལ། དེ་དེ་བཞིན་ནོ། །མིས་ཚོས་ངེད་གཉིས་ཀྱིས་ཕན་ཚུན་སྦྱང་བཤད་བྱེད་སྟངས་ལ་གཟིགས་ངེས།
ཁྱེད་ཀྱིས་གཞན་གྱིས་གང་འབྲི་བཞིན་པ་དག་ལ་དོ་སྣང་གནང་བཞིན་པར་དགའ་བསུ་ཞུ།
རེད་དེ་བོད་པའི་སྤྱི་ཚོགས་ནང་ཕོ་འདྲ་རྩོད་དགོས་པའི་གནད་སྟངས་སྐྱོ་བོ་དེ་འདྲ་མེད་པ་མ་ཟད་
མ་ཡུམ་ཚོས་འགན་ཁྱེར་དགོས་པའི་དུས་ཚོད་འགག་འཁྲང་ཅན་ཞིག་ལ་སླེབས་ཡོད་པའི་ཚོར་སྣང་ཡོད།
གཞན་ཞིག་ཁ་སང་བུད་མེད་ཚཽགས་པའི་གོ་སྒྲིག་འོག་བགྲོ་གླེང་ཐོག་ཁྱེད་ཀྱིས་གཙོ་སྐྱོང་བ་སྐབས་ཐག་ཆཽད་པོས་ཤན་འབྱེད་གནང་སྟངས་ཤིག་དང་།
ཁ་ཐུག་གི་གཏམ་གླེང་བྱེད་སྟངས་ཤིག་མཐོང་སོང་བས་དགའ་བོ་བྱུང་།
རྗེས་ཕྱོགས་མཇའ་ཡོང་དེ་ཙམ་ཡིན།
ཁྲ་སྤྱང་ལགས། ཁྱེད་ཀྱིས་ང་ལ་རྩོད་པ་རྒྱག་དགོས་དོན་མི་འདུག ཐ་ན་ཁྱེད་ཀྱིས་བུད་ཅེས་པའི་ཚིག་དེའི་གོ་བ་ཙམ་ཡང་ལོན་མི་འདུག བུད་ཅེས་པ་ནི་འགྲོ་ཞེས་པའི་དོན་གང་ནས་ཡིན། ཚིག་འདི་འདྲའི་སྤྱིར་བཏང་བ་ཞིག་གི་གོ་བ་ཡང་ལོན་གྱི་མེད་ན་ང་ལ་ང་རྒྱལ་གྱིས་རྩོད་པ་དང་རྒོལ་བ་བྱེད་ཀྱི་འོས་པོ་མིན་པ་ཤེས་དགོས་ཀྱང་དེ་ཡང་མགོ་འཐོམ་ནས་ཁ་ནས་ཅི་བཤད་དང་ལག་ནས་ཅི་འབྲི་མེད་པར་བླ་རྡོལ་གྱི་ཚིག་འདྲ་བརྗོད་བཞིན་པ་ནི་ང་ལ་མཚོན་ན་ཐོག་མར་དགོད་བྲོ་ཞིང་དེ་ནས་སྙིང་རྗེ་སྐྱེ་བ་ཞིག་རེད། ངས་ཁྱེད་ལ་ཅི་བཤད་ཀྱང་ཁྱེད་ཀྱི་རང་གཅེས་འཛིན་གྱི་ང་རྒྱལ་དེས་ཁྱེད་ཀྱི་རྣ་བར་འགྲོ་དཀའ། དེའི་རྐྱེན་གྱིས་ཁྱེད་ཀྱི་བློ་དོགས་དེ་བསལ་ཕྱིར་དུ་ངས་བཤད་པའི་བུད་མེད་དང་སྐྱེས་དམན་གྱི་གོ་དོན་དེ་དང་ཁྱེད་ཀྱིས་བཏོན་པའི་གོ་དོན་དེ་གཉིས་ཡང་སྙིང་གང་ཡིན་དཔྱད་གཞིའི་ཐད་དུ་རྒྱ་ཆེའི་ཀློག་པ་པོ་རྣམས་ཀྱི་སྤྱན་ལམ་དུ་འདྲི་གཞི་འདི་ཉིད་བསྟར་འབུལ་བྱོས་དང་ངེད་ཀྱིས་ཁྱེད་ལ་རྩོད་པ་བྱེད་མི་དགོས་པར་དྲང་བདེན་ལ་དགའ་ཞིང་ཤེས་ཡོན་གྱི་སྤྱན་དཀྱུས་རིང་བའི་གཟུར་གནས་དག་གིས་གང་ཡིན་བདེན་རྫུན་ཤན་འབྱེད་ཀྱིས་ལན་བསྐྱོན་པའི་ཡིད་ཆེས་ང་ལ་ཡོད།
གངས་ལྷ་མོ་ལགས། འདི་འདྲ་ཞིག་གླེང་གི་མེད་དམ་བསམ་པ་ལས་གཞན་ཅི་ཡང་གོ་མི་ཐུབ་པས། འབྲི་རྩོམ་གྱི་ཕྱོགས་ལ་ད་དུང་རྒྱང་ཐག་ཧ་ཅང་རིང་གི་ཟེར་རྒྱུ། ལྷག་པར་དེང་སང་ཕོ་མོ་འདྲ་མཉམ་ཞེས་གླེང་བཞིན་ཡོད་པས་དམིགས་བསལ་མེད། དེ་བས་འབྲི་རྩོམ་གྱི་ཕྱོགས་ལ་གང་ཡོང་ཡོང་ཅིག་བརྩོན་རོགས། ངོ་མ་ཅོ་རི་ཉི་མ་ཞེས་པ་དེ་དང་འདྲ་བོ་ཞིག་བྲིས་འདུག
ད་དུང་ཨ་ལ་ལ་ལ་འདྲི་བ་ཞིག་ཡོད། གོར་རྒན་ཟེར་ན་སུ་ཡི་མིང་རེད། གོ་ཨེ་མྱོང༌།
ནོར་བཅོས། མཚན་མ་ཕྱི་ལ་ནར་མ་ནར་
ཨ་ལ་ལ། བུད་མེད་ཀྱི་མིང་ཚིག་འདི་ལ་འགྲེལ་ལོག་ཅིག་ཁྱོད་ཀྱིས་བརྒྱབས་འདུག དེ་འདྲ་མ་རེད། དེ་ལ་འགྲེལ་བཤད་མང་པོ་མེད། ཕོ་ཡི་མཚན་མ་ཕྱི་ལ་བུད་ཡོད་པ་དང་མོ་ཡི་མཚན་མ་ནང་ལ་ཡོད་པ་ག་དུས་ཤེས་པ་རེད། བུད་མེད་ཟེར་བའི་མིང་དེ་ག་དུས་བྱུང་བ་རེད། ངས་བལྟས་ན་མཚན་མ་ཕྱི་ནང་གི་བཤད་པ་དེ་དེང་སང་གི་སྐད་ཆ་རེད། བུད་མེད་ཟེར་བ་དེ་གནའ་སྔ་མོ་ནས་འབོད་སྲོལ་ཡོད་པ་རེད། དེ་མི་རིགས་ག་རེའི་སྐད་རེད། མི་རིགས་དེའི་གོམས་སྲོལ་ག་འདྲ་ཞིག་ཡོད་རེད། དེ་ཚོ་ལྟ་དགོས་པ་རེད།
བོད་རིགས་ནི་དེ་འདྲའི་ཐད་ངོ་ཚ་སྨིན་པོ་ཡིན་པས། མཚན་ལ་ཕྱི་ལ་ནར་མ་ནར་ཟེར་བའི་མིང་དེ་འདྲ་བཏགས་ཀྱི་མ་རེད། མདོར་དོན། མིང་ག་རེ་ཡིན་ཀྱང༌། མི་རིགས་དེའི་གོམས་སྲོལ་དང་མིང་འདོགས་སྲོལ་ལ་ཐུགས་བསམ་བཞེས་དགོས་པ་གལ་ཆེན་པོ་རེད།
འགྲོ་སྡོད་ལ་ལྟོས་ནས་མིང་བཏགས་པ་མང་པོ་རེད། དཔེར་ན། ས་རྡོ་རི་བྲག་སོགས་ལ་ལྟོས་ནས། ང་ཚོ་ལ་འགྲོ་བ་ཞེས་བཏགས་པ་རེད། འགྲོ་བ་སེམས་ཅན་ཞེས་པ་དེ་གནས་གཅིག་ནས་གཅིག་ཏུ་འགྲོ་ཡི་ཡོད་པས་ན་རེད། ཤེས་སོང་ངམ།
གནམ་ལྕགས་ཀྱིས་ཨ་ཅག་གངས་ལྷ་མོ་ལ་གདེང་འཇོག་མཐོན་པོ་བྱས་འདུག
ཨ་ཅག་གངས་ལྷས་ཀྱང་ཤུགས་རྒྱག་དགོས་ཀྱི་རེད་བསམ་སོང། རྩོམ་ཡིག་འདི་ལ་ཡག་བཙོག་གི་དབྱེ་བ་བཤད་ས་མི་འདུག ནམ་རྒྱུན་བཤད་ཀི་ཡོད་པའི་སྐད་ཆ་འགའ་ཕྱོགས་བསྡུས་བྱས་པ་ཙམ་རེད།་
ཨ་ཅག་གངས་ལྷ་མོ་ལ་རེ་བ་ཆེན་པོ་ཡོད།ཁོང་མོ་ནི་ལོ་ངོ་དུ་མའི་ཡར་སྔོན་ནས་ངས་ངོ་ཤེས་ཀྱི་ཡོད།བཤད་ཕོད་པ་དང་སྒྲུབ་ཕོད་པའི་བུད་མེད་ཅིག་ཡོད་པ་ནི་གངས་ལྷ་མོ་ཡིན།མུ་མཐུད་དུ་བསམ་ཚུལ་འདིའི་རིགས་བྲིས་ན་ལེགས།གངས་ལྷ་མོ་ནི་རླབས་ཆེ་བའི་ཆབ་སྲིད་བཙོན་པ་བློ་བཟང་བསྟན་འཛིན་གྱི་སློབ་གྲོགས་ཡིན་ལ།རང་རེའི་རླབས་ཆེ་བའི་དཔའ་བོ་ཁོང་གི་ཤུགས་རྐྱེན་ཞིག་ཏག་ཏག་ཁོང་མོའི་སྟེང་ན་ཡོད་པ་འདྲ།
གངས་ལྷ་མོས་དེང་སང་རྩོམ་ཡིག་འབྲི་་གི་འདུག ཡར་རྒྱས་ལ་སོང་ཡོད་རྒྱུ་རེད། གང་ལྟར་མོ་འུད་ཤོབ་ལ་ཞེ་དྲག་དགའ་གི་རེད། ཨུ་ཚུགས་དེ་ལས་ཆེ་གི་རེད། མོའི་སེམས་ཁམས་དེ་འགྲན་སེམས་ཀྱིས་འཚུག་བསྡད་ཡོད་ནི་རེད།
ང་རྒྱལ་དང་ཞེ་སྡང་ཆེ་ནོ་ཨ་ཧ་ཞིག་ཡིན་ནི་རེད། ད་ལྟའི་རྩོམ་ཡིག་འདིའི་ནང་ལ་སྐད་ཆ་གསར་བ་དང་གནས་ཚུལ་དགོས་མཁོ་ཅན་དེ་འདྲ་མེད་ཀི གངས་ལྷ་མོ་འགྲིག་འདུག འདི་འདྲ་ཞིག་བྲིས་ཀི་ད་བྲིས་ཀི་བསྡད་ན་གོ་སྐབས་རེ་རེག་གི་འདུག་ནི་རེད། རྒྱ་རི་སྒྲོལ་མ་དང་ཁྱེད་གཉིས་ངུ་ཞོར་དགོད་ཞོར། བོད་སྐད་ཆག་འཕྲོ་རེ་བཤད་ནས་གླེང་སྟེགས་དེ་འདྲ་མང་པོ་ན་མཐོང་རྒྱུ་འདུག
ནམ་རྒྱུན་བུད་མེད་ཀྱི་ཐོབ་ཐབ་དང་གནས་བབ་ལ་སྐད་ཆ་འདྲ་བཤད་བསྡད་པ་རེད་མ་གཏོགས་གཞན་ཅི་གང་ཡང་མཐོང་གི་ཡོད་ས་མ་རེད། ང་རང་ངོས་ནས་ཁྱེད་ལ་རྟེན་འབྲེལ་ཞུ་་གི་ཡོད། རྩོམ་ཡིག་རེ་བྲིས་ཀི་བསྡད་ནོ་ཧྲ་གི ཡར་མར་གང་སར་རྒྱུག་ད་གོ་སྐབས་ཡག་པོ་རེ་རེག་ན་ཐང།
བོད་ཀྱི་དུས་བབ་ཚང་གི་རྩོམ་ཡིག་གི་སྤུས་ཀ་དེ་ཉམ་ཆག་ལ་འགྲོ་གི་འདུག
ཅོ་རི་ཉི་མའི་རྩོམ་ཡིག་དང་ད་ལྟའི་རྩོམ་ཡིག་འདི་འདྲ་མང་པོ་བཀོད་ན་ཀློག་པ་པོའི་ཀློག་འདོད་དེ་ཤོར་འགྲོ་ས་རེད།
ངེད་ཚང་གི་ཁ་མིག་ཡར་ལྟ་བྱེད་སའི་གངས་ལྷ་མོ་དང་ཆུ་སྐྱེས་སྒྲོལ་མས་ཀྱང་འདི་ལྟ་བུ་མ་གཏོགས་འབྲི་མི་ཤེས་ན་དངོས་གནས་ཐབས་རྡུགས་རེད་ཡ།
ད་ང་སེམས་ཤུགས་ཆགས་སོང༌། བུད་མེད་ལ་འདི་མ་གཏོགས་མེད་པ་རེད་དམ།
མཚམས་མཚམས་ངས་རང་ཉིད་བུད་མེད་ཅིག་ཡིན་ན་སྙམ་གྱིན་ཡོད། བུད་མེད་རྣམས་ཀྱི་མགོ་ཁྲིད་ནས་འཇོན་ཐང་རི་བོའི་གཏོས་ལྟར་ཆེ་བ་མང་པོ་གསོ་སྐྱོང་བྱས་ནས་གནས་ལུགས་དོན་གྱིས་སྟོན་འདོད།
ཁ་སྟོང་ནང་གི་ཚིག་སྟོང་རེ་བཤད་ནས་ཕན་ཐོགས་ནི་མ་རེད།
ཐོབ་ཐང་མ་བརྩད་སྔོན་ལ་འཇོན་ཐང་དེ་གཅིག་སྟོན་རོགས། བདག་གིས་བུད་མེད་ཀྱི་ཐོབ་ཐང་རྩོད་པར་སྐད་པའི་བུད་མེད་དག་ལ་བརྗོན་ཀྱིན་ཡོད། དཔེར་ན། གངས་ལྷ་མོ་དང་ཆུ་སྐྱེས་སྒྲོལ་མ། ད་དུང་ཚེ་རིང་སྐྱིད་སོགས་ལའང་བཤད་ཀྱིན་ཡོད།
ད་དུང་སྐྱེས་དམན་ཞེས་པ་དེ་་ཡང་ལུས་རྟེན་ཀྱི་ནུས་པ་ཞིག་ལ་མི་བཤད་དེ།དེ་ཡང་མཚན་མ་ཕྱིར་སྐྱེ་བ་ནི་སྐྱེས་པ་ཕོ་ལས་དམན་པས་ན་སྐྱེས་པ་ཕོ་ལས་དམན་ཞེས་པ་དེ་བསྡུས་ཏེ་སྐྱེས་དམན་ཞེས་བཏགས་པ་ཞིག་ལས་གཞན་འགྲེལ་བཤད་ཉ་ཉོག་མང་པོ་མེད་དོ། །ཆགས་པའི་གནས་སྐབས་སུ་བུད་མེད་ཀྱི་རིགས་གང་ཡིན་ཡང་མཚན་མའི་རྣམ་པ་སྔར་ཚུལ་ལས་འགྱུར་ཏེ་བྱ་ལེ་ཅུང་ཟད་ཕྱིར་སྐྱེ་རྒྱུ་ཡོད་པ་ནི་དགེ་ཆོས་ཀྱི་འདོད་པའི་བསྟན་བཅོས་སུ་ཁོང་གིས་དཔྱད་ཞིབ་བྱས་པའི་ཉམས་མྱོང་གསུངས་འདུག་ག
ཁྲག་སྤྱང་གིས་བུད་མེད་ཀྱི་མིང་ཚིག་འདི་ལ་འགྲེལ་ལོག་ཅིག་བརྒྱབས་འདུག དེ་འདྲ་མ་རེད། དེ་ལ་འགྲེལ་བཤད་མང་པོ་མེད། ཕོ་ཡི་མཚན་མ་ཕྱི་ལ་བུད་ཡོད་པ་དང་མོ་ཡི་མཚན་མ་བུ་ནང་བཞིན་ཕྱི་ལ་བུད་མེད་པས་ན་རྟགས་མཚན་དེའི་དབང་གིས་མིང་དེ་ལྟར་བཏགས་པ་ཞིག་ལས་ཉ་ཉོག་མང་པོ་ཞིག་བཤད་ཡོད་པ་དེ་འདྲ་མ་རེད།་
གངས་ལྷ་མོའི་སྐྲ་རིང་བའི་སྐབས་སུ་བློ་ཡང་རིང་།
བོད་ནང་གི་སྐད་ཆ་ཡིན།
གངས་ལྷ་མོ་སྐྲ་ཐུང་བའི་སྐབས་སུ་བློ་ཡང་ཐུང་རུ་འགྲོ་སྲིད།
ཁོར་ཡུག་འདི་ལ་མཚོན་ན།
ཡིན་ནའང་།
ད་སྐབས་གངས་ལྷ་མོའི་སྐྲ་ལོ་རིང་སྐྱོན་མེད་པ་བཞིན། ཁོང་མོའི་རྩོམ་ཡིག་འདིར་བལྟས་ན། བློ་ལའང་ཞེ་དྲགས་ཐུང་སྐྱོན་ཡོད་པ་ཞིག་ངས་ནི་མཐོང་མ་སོང་།
ད་དུང་སྐྲ་ལོ་རིང་ཐུང་ཅི་རིགས་པའི་བུད་མེད་ཚོ་་་་་་་་་་་་་
གངས་ལྷ་མོ་ཟེར་བ་འདི་ཉེ་སྔོན་བཀའ་བློན་ཁྲཱི་པའི་དྲ་རྒྱ་ཟེར་བ་ནང་༢༠༡༡་ལོར་བཀའ་ཁྲི་འོས་ནང་འཛུལ་ཞུགས་བྱས་འདུག་་དེས་བཀའ་ཁྲི་འོས་གཞི་ཚང་མ་རིན་ཐང་མེད་པ་ཆགས་སོང།་མོས་དེ་ནི་བཀའ་བློན་ཁྲི་པ་དེ་ཕོ་མོའི་ཐོབ་ཐང་བརྩོད་ས་འདྲ་པོ་ངོས་འཛིན་བྱས་པ་ཡིན་པ་འདྲ།་་གཞན་མོ་བཀའ་བློན་ཁྲི་པ་མི་དགོས་ནི་བོད་གཞུང་ཡིག་གད་གྲས་སུ་ཚུད་ཁག་པོ་རེད།་ཧ་ཧ་ཧ་ཧ་
གངས་ལྷ་མོ་ལགས། གོང་གི་རྩོམ་དེ་ཁྱེད་ཀྱིས་བྲིས་པ་ངོ་མ་ཡིན་ཚེ་རེ་བ་ཆེན་པོ་འདུག། ད་དུང་མུ་མཐུད་དང་ 2011གི་བཀའ་བློན་ཁྲི་པར་རེ་བ་འདུག།
དྲྭ་གྲོགས་ཡེ་ཤེས་ལགས། ཕོ་མོའི་ཐོབ་ཐང་འདྲ་མཉམ་ཡིན་ན་བུ་མེད་སྤྲུལ་སྐུ་མེད་དོན་ཅི་རེད། ཞེས་པ་ཁྱོད་རང་གིས་བྲིས་པ་ཡིན་ན་མ་གཏོགས། དེ་འདྲ་བ་ཞིག་ཕྲན་གྱི་ཚིག་འབྲུ་གཅིག་ཀྱང་བྲིས་མེད་། དེ་འདྲ་བྲིས་དགོས་པའི་རྒྱུ་མཚན་གང་ཡང་མ་མཐོང་། བུད་མེད་སྤྲུལ་སྐུ་ཡང་མང་པོ་ཡོད།
གངས་ལྷ་མོ་ལགས། ཁྱེད་རང་གཅིག་བུའི་ཐོང་ཐང་མིན་པར་བུད་མེད་སྤྱིའི་ཐོང་ཐང་སྐོར་བཤད་པ་ཤིན་ཏུ་ལེགས། རྒན་མོ་དེ་འདྲ་སོ་སོ་གཅིག་བུ་ལས་གཞན་མི་མཐོང་མཁན་ཁ་ཤས་ཡོད། མུ་མཐུད་ནས་དངོས་ཡོད་ཀྱི་གནས་སྟངས་བཤད་རྒྱུ།
གངས་ལྷ་མོ་ལགས། ཁྱེད་རང་གཅིག་བུའི་ཐོང་ཐང་མིན་པར་བུད་མེད་སྤྱིའི་ཐོང་ཐང་སྐོར་བཤད་པ་ཤིན་ཏུ་ལེགས། རྒན་མོ་དེ་འདྲ་སོ་སོ་གཅིག་བུ་ལས་གཞན་མི་མཐོང་མཁན་ཁ་ཤས་ཡོད། མུ་མཐུད་ནས་དངོས་ཡོད་ཀྱི་གནས་སྟངས་བཤད་རྒྱུ།
གངས་ལྷ་མོ་ལགས། ཁྱེད་རང་གཅིག་བུའི་ཐོང་ཐང་མིན་པར་བུད་མེད་སྤྱིའི་ཐོང་ཐང་སྐོར་བཤད་པ་ཤིན་ཏུ་ལེགས། རྒན་མོ་དེ་འདྲ་སོ་སོ་གཅིག་བུ་ལས་གཞན་མི་མཐོང་མཁན་ཁ་ཤས་ཡོད། མུ་མཐུད་ནས་དངོས་ཡོད་ཀྱི་གནས་སྟངས་བཤད་རྒྱུ།
ཡག་པོ་རེད། བུད་མེད་ཚོས་ཤུགས་རྒྱག་གིན་འདུག དེ་ནི་འུ་ཅག་སྤྱི་ཚོཊ་ལ་ཡར་རྒྱས་ཀྱི་རྣམ་པའི་ཆ་ཤས་ཤིག་རེད།
བུ་མོ་གངས་ལྷ་མོ་ཟེར་བ་འདི་ངས་ངོ་མི་ཤེས་ཀྱང་། ཉེ་ཆར་རྩོམ་པ་པོའི་མཐུན་ཚོགས་སྐབས་མོས་སྤོབས་པ་མཐོ་པོའི་སྒོ་ནས་སྐད་ཆ་རིན་ཐང་ཅན་འགའ་ཤས་བཤད་པས་རེ་བ་ཅན་གྱི་བུ་མོ་ཞིག་རེད་དྲན།
ཧེ་ཧེ། ཕོ་མོའི་ཐོབ་ཐང་འདྲ་མཉམ་ཡིན་ན་བུ་མེད་སྤྲུལ་སྐུ་མེད་དོན་ཅི་རེད། སོ་སོའི་འཇོན་ཐང་དང་ཤེས་ཡོན་ལ་བརྟེན་ནས་གོང་དུ་འགྲོ་དགོས་པ་ལས། ཤེས་འཇོན་གང་ཡང་མེད་པའི་མི་ཞིག་གོང་དུ་བཀུར་བ་དེ་ནི་བླུན་པོའམ་ཐབས་སྡུག་གི་བྱ་བ་མ་ཡིན་ནམ། ཞེས་པའི་གཏམ་འདི་གྲགས་པ་རྒྱ་མཚོ་ཁྱེད་ཀྱིས་སུ་ལ་བརྗོད་པ་ཡིན། བོད་ཀྱི་ཆོས་ལུགས་ཀྱི་བླ་ཆེན་རྣམས་ཟེར་ཡིན་འགྲོ།
གྲོགས་གངས་ལྷ་མོ་ལགས། ཁྱེད་ཀྱིས་གསུངས་པ་བཞིན་རྩོམ་ཡིག་འདི་དྲ་ཐོག་ལ་བཀོད་པར་ཐུགས་རྗེ་ཆེ།
ངེད་གཉིས་བཀའ་མོལ་བྱུང་བ་བཞིན། རྩོན་ཡིག་དེ་བཞིན་འགག་ཕྱོགས་དང་སྒྲུབ་ཕྱོགས་གང་ཞིག་ནས་གླེང་བྱེད་ཀྱི་ཡོད་ནའང་། རྩ་བའི་ངེད་གཉིས་ཀྱི་དམིགས་ཡུལ་ནི། བུད་མེད་ཚོའི་གནས་སྟངས་གླེང་སློང་དང་དཀའ་ངལ་སེལ་ཐབས་ལ་འབད་རྒྱུ་གཅིག་མཚུངས་ཡིན་པས་དུས་ནམ་ཡང་དཔའ་མི་ཞུམ་པར་ཕེབས་ཤོག་ཨང་།
ངས་ཀྱང་དེ་ལྟར་འབད་ངེས་ཡིན།
ཐོབ་ཐང་གི་ལས་དོན་འདི་ལ་ཁྲིམས་རྩོད་པ་ཡིན་དགོས་དོན་གང་ཡངམེད་པར་སྙམ། སོ་སོའི་འཇོན་ཐང་དང་ཤེས་ཡོན་ལ་བརྟེན་ནས་གོང་དུ་འགྲོ་དགོས་པ་ལས། ཤེས་འཇོན་གང་ཡང་མེད་པའི་མི་ཞིག་གོང་དུ་བཀུར་བ་དེ་ནི་བླུན་པོའམ་ཐབས་སྡུག་གི་བྱ་བ་མ་ཡིན་ནམ། མི་རིགས་འདིར་ཕོ་མོ་འཇོན་ཐང་ཅན་སུ་ཡོད་ཀྱང་དགོས་པའི་དུས་ལ་བབས་ཡོད། ཕོ་མོའི་ཐོབ་ཐང་འདྲ་བ་ཡིན་མ་འོངས་པར་བཀའ་བློན་ཁྲི་པར་ཕེབས་རོགས་གནོངས།
ནོར་བཅོས། རོགས་པ་བྱེད་ཐུབ་པའི་དོན།
བུད་མེད་ཀྱི་དོན། བུད་ནི་འགྲོ་བའི་དོན་དང༌། བུད་མེད་པ་ནི་འགྲོ་བ་མེད་པའམ་མི་འགྲོ་བའོ། །གང་དུ་མི་འགྲོ་ན་ཁྱིམ་ལས་བྱེད་དེ་སྡོད་པ་ལས། སྐྱེས་པ་ལྟར་ཐག་རིང་མི་འགྲོ་བའོ། །འདིའི་ནང༌དམག་དང་ཚོང་དང་རི་དག་གཤོལ་བ་སོགས་ཚུད་ཡོད།
སྐྱེས་སྨན་ཀྱི་དོན། སྐྱེས་སྨན་ཟེར་ན། སྐྱེས་པ་ཕོ་ལ་སྨན་པར་བྱེད་པ། ཕན་ཐོགས་པ། རོགས་པ་བྱེད་པ་ཐུབ་པའི་དོན་ཡིན། སྐྱེ་དམན་ཟེར་བ་མ་དག་པ་སྟེ། སྨན་བུ་མོ་མཚོ་ཁའི་མེ་ཏོག་རེད༎ སྟག་ཤར་པ་མཚོ་ནང་ནོར་བུ་རེད༎ སྨན་ཆུང་བུ་མོ་རྒྱན་ཆ་ཞེས་སོགས་ལས་ཤེས་ཐུབ་ཀྱི་རེད།
ཕོ་མོ་ཟེར་བ་ནི་རྒྱུ་མཚན་གང་ཡང་མེད་པ་འདོད་རྒྱལ་རང་རེད།
ད་ལྟ་བར་དུ་གངས་ལྷ་མོས་བྲིས་བའི་རྩོམ་ཡིག་ཁ་ཤས་ཞིབ་ཚགས་པོའི་སྒོ་ནས་བྐླགས་མྱོང་། འོན་ཀྱང་། རྩོམ་འདི་དང་རྩོམ་ཡིག་སྔ་མ་རྣམས་ཀྱི་དབར་ན་ཧེ་བག་ཆེན་པོ་ཞིག་ཤོར་ནས་འདུག ཚིག་གི་སྦྱོར་བ་དང་དོན་གྱི་འབབ་སྟངས་གཉིས་ཀ་ལ་ཁྱད་པར་ཤོར་འདུག རྩོམ་འདི་འབྲི་མཁན་ངོ་མ་དེ་གངས་ལྷ་མོ་རེད་དམ། ང་ལ་དོགས་པ་ཡོད།
ཁྱེད་ཚོས་ཤེས་དགོས་བ་གཅིག་ལ་བུད་མེད་ལ་ཐོབ་ཐང་ཡོད་མེད་ཀྱི་སྐོར་དེ་ཁྲིམས་ཀྱི་སྐད་ཆ་རེད། ཐོབ་ཐང་འདུག་དང་མི་འདུག་ཟེར་བ་དེ་ཁྲིམས་ཀྱི་སྒང་ནས་ཐག་གཅོད་དགོས་ཀྱི་ཡོད་པ་རེད། ཐོབ་ཐང་མེད་ན་ཁྲིམས་ཁང་ལ་གཏུགས་དགོས་རེད་ལ་ཁྲིམས་རྩོད་ཀྱང་རྒྱག་དགོས་རེད། བོད་གཞུང་གི་ཆེས་མཐོའི་ཁྲིམས་ཞིབ་ཁང་ལ་གཏུགས་དགོས་རེད། དེ་ལས་རྒྱ་ཆེ་ནས་རྒྱ་གར་གྱི་ས་གནས་ཁྲིམས་ཁང་དང་དབུས་ཁྲིམས་ཁང་སོགས་ལ་གཏུགས་དགོས་རེད། འོན་ཀྱང་། བུད་མེད་ཀྱི་ཐོབ་ཐང་གླེང་མཁན་ཁྱེད་ཚོའི་གཅིག་གིས་ཀྱང་གནད་དོན་འདི་ཚོ་མཁྱེན་གྱི་མི་འདུག གངས་ལྷ་མོ་སོགས་བུད་མེད་ཀྱི་ཐོབ་ཐང་སྐོར་ལ་སྐད་ཆ་བཤད་མཁན་ཚོས་ཁྲིམས་ཀྱི་སྐོར་ལ་སློབ་སྦྱོང་ཅུང་ཙམ་བྱེད་རོགས་གནང། རྩོམ་ཡིག་འདི་ཚིག་སྦྱོར་ཡག་པོ་ཡོད་མཁན་ཞིག་གིས་བྲིས་འདུག་མ་གཏོགས་དོན་དག་ཅང་མི་འདུག
ང་ཚོས་ད་ལྟའི་སྤྱི་འཐུས་རྒན་མོ་དག་གི་ཚབ་ཏུ་ལང་ཚོའི་མེ་ཏོག་དར་ལ་བབ་པའི་ཨ་ཅག་གངས་ལྷ་མོ་དང་། ཆུ་སྐྱེས་སྒྲོལ་མ་སོགས་སྤྱི་འཐུས་སླེབས་མིན་ལ་བསམ་བློ་གཏོང་རན་འདུག ད་དུང་མཛེས་མ་ཚེ་རིང་སྐྱིད་ཟེར་བ་ཞིག་ཡོད་རུང་། ཁོ་མོར་མཛེས་མའི་མིང་ཞིག་ཐོབ་བ་དང་། ཨ་རིར་འཕུར་བའི་གཤོག་པ་གསར་པ་ཞིག་ཀྱང་དུས་མཉམ་དུ་སྐྱེས་ཏེ་ད་ཆར་ཨ་རིར་ལྡིང་སྐོར་རྒྱག་བཞིན་ཡོད་པ་འདྲ། ཨ་ཅག་གངས་ལྷ་མོ་དང་ཆུ་སྐྱེས་སྒྲོལ་མ་གཉིས་ལ་རེ་བ་ཧ་ཅང་ཆེ། མུ་མཐུད་ནས་བོད་ཀྱི་བུད་མེད་ཚོའི་ཐོབ་ཐང་དང་འགྲོ་བ་མིའི་ཐོབ་ཐང་སོགས་ལ་ཤུགས་རྒྱབ་རོགས།
རྩོམ་ཡིག་འབྲི་ཐུབ་པར་དགའ་བསུ་ཞུ། དོན་དག་ཆེར་མ་མཐོང་།
བུད་མེད་ཐོག་འོས་མེད་བྱོས་རྟོགས་བྱེད་ནས་འདོད་ཀྱི་མེད་
བོད་ཀྱི་བུ་མོ་ཞིག་གིས་འདི་འདྲ་རྩོམ་ཡིག་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་བགྱི་ཡིན། འོན་ཀྱང་རྒྱུ་མཚན་ཡོད་པ་ཞིག་མི་མཐོང་བས། བསམ་འཆར་ད་སྐབས་དབེན།
བོད་ཀྱི་བུད་མེད་ཚོའི་ཐོབ་ཐང་གླེང་བ་དགའ་སུ་ཡོད། ཡིན་ཡང་བསམ་འཆར་འདོན་རྒྱུ་བྱུང་མ་སོང་། དགོང་དག་ཞུ།
གངས་ལྷ་མོ་ལགས། ཉིད་ཀྱིས་མཐའ་གཅིག་དུ་བྱེས་ཀྱི་བུད་མེད་དག་གིས་བྱེད་དགོས་པའི་གལ་གནད་ཀྱི་གནད་དོན་དངོས་ཤིག་རྩོམ་ཡིག་འདིའི་ནང་དུ་རིག་རྒྱུ་མི་འདུག་ན། ཉིད་ཀྱིས་དགོངས་ཚུལ་ཡིན་ན། བྱེས་ཀྱི་བུད་མེད་དག་ལ་ཆེས་གཡོལ་དུ་འགན་འཁྲི་ནི་གང་ཞིག་ཡིན་པ་དང་། ངེས་པར་དུ་བྱེད་དགོས་པའི་གནད་འགག་ནི་གང་ཞིག་གཟིགས་ཀྱི་ཡོད་དམ་ལགས།
གངས་ལྷ་མོ་ལགས།ཁྱེད་ཀྱིས་བུད་མེད་སྐོར་ཤོད་ཀྱི་ཡོད་པ་ལས་ཇི་ལྟར་བཤད་ཀྱི་ཡོད་པོ་ཁྱོན་མགོ་ཚོས་མ་སོང་ན།་བསམ་འཆར་ཡང་འདོན་ཐུབ་མ་སོང་དགོངས་དག
གངས་ལྷ་མོས་བུད་མེད་ལ་ཐོབ་ཐང་མེད་རབས་ཤིག་ཨ་རིའི་སྲིད་འཛིན་ཨ་བྷ་མ་དང་ལྕམ་ཧེ་ལེ་རི་གཉིས་ཀྱི་སྐོར་གསུངས་པ་དེས་སྟོབས་ཆེན་ཨ་རིའི་ནང་ལ་ཕོ་མོ་འདྲ་མཉམ་ཡིན་པའི་ཐོག་ནས་འགྲན་རྩོད་ལ་ཞུགས་ཐུབ་ཀྱང་མི་དམངས་ཀྱིས་ཨོ་བྷ་མ་བདམས་ཐོན་བྱུང་བ་དེ་ཨ་རིའི་མི་དམངས་ཀྱི་རང་དབང་མཚོན་ཐུབ་ཡོད།
ད་དུང་མཁའ་འགྲོ་ཡེ་ཤེས་མཚོ་རྒྱལ་གྱི་སྐོར་ལ་ཟུར་ཙམ་ཞིག་བརྗོད་པ་ལྟར་ན་བོད་གནའ་རབས་ཀྱི་དུས་སུ་ནང་ཆོས་ཀྱི་ཐོག་ནས་མ་གཅིག་ལབ་ཀྱི་སྒྲོལ་མ་དང་། གསང་ལྡིང་རྡོ་རྗེ་འཕགས་མོ། ཤུགས་གསེབ་རྗེ་བཙུན་མ་སོགས་ཕོ་མོ་འདྲ་མཉམ་གྱི་ཐོག་ནས་མཚན་སྙན་རྒྱས་ཤིང་སྐྱེ་བོ་ཁྲི་སྟོང་མང་པོས་གུས་བཀུར་ཚད་མེད་ཅིག་ཐོབ་ཡོད་པ་རེད།
གཞན་ཡང་ཡུལ་གྱར་བོད་ཀྱི་འཇིག་རྟེན་འདི་ཇི་འདྲའི་འཇིགས་སུ་རུང་བ་ཞེས་བཤད་ཀྱང་བཙན་བྱོལ་བོད་ཀྱི་སྤྱི་ཚོགས་འདིར་མཚོན་ན་དེ་བས་ཀྱང་ཕོ་མོ་འདྲ་མཉམ་གྱི་ཐོབ་ཐང་ཞིག་ཡོད་པ་སྟེ། དཔེར་ན་ཁཀའ་ཟུར་རྗེ་བཙུན་པདྨ་དང་། བཀའ་ཟུར་རིན་ཆེན་མཁའ་འགྲོ། སྤྱི་འཐུས་རྒྱ་རི་སྒྲོལ་མ་སོགས་ཕོ་མོ་འདྲ་མཉམ་གྱི་ཐོག་ནས་གནས་བབ་ཆེན་པོ་བཟུང་ཐུབ་ཡོད་སྟབས་སོ་སོས་འཇོན་ན་མ་འོངས་༢༠༡༡ ལོའི་བཀའ་ཁྲི་ལའང་ཕོ་མོ་འདྲ་མཉམ་གྱི་གོ་སྐབས་གཅིག་མཚུངས་སུ་ཡོད་པ་རེད།
དེར་བརྟེན་བོད་ཀྱི་བུད་མེད་ཚོས་སོ་སོའི་གནས་བབ་དེ་ཤེས་པའི་ཐོག་ནས་མ་འོངས་བོད་གསར་པའི་ཐོག་ལ་ལེགས་སྐྱེས་གང་ལེགས་ཞིག་འབུལ་ཐུབ་པའི་རང་དབང་དང་གོ་སྐབས་བེད་སྤྱད་དེ་སེམས་ཤུགས་ཧུར་བརྩོན་བྱེད་གལ་ཆེ་བ་ཡིན།
གངས་ལྷ་མོ་ལགས། ཕོ་མོ་འདྲ་མཉམ་དང༌། བོུས་གནམ་ཕྱེད་ཀ་བཀྱགས་པ་ཟེར་བ་དེས་ངས་ཡུན་རིང་ནས་གོ་མྱོང་ཡོད། ཡིན་ནའང་ང་རང་སྐྱེས་པ་ནས་ད་ལྟ་ལོ་ངོ་ལྔ་བཅུ་ཙམ་འགྲོ་བའི་རིང་ང་རང་གི་དུས་སྐབས་དྲན་གསོས་པ་ནས་བཟུང་དངོས་སུ་མཐོང་བའི་ནང་ལས་དོན་གང་ཞིག་ཡིན་ཀྱང་དེར་མང་ཆེ་བ་ཕོ་མང་ཆེ་བ་ལྟ་བུ་མཐོང་སྣང་བྱུང༌། ལྟ་སྟངས་དེའི་ཐོག་ནས་ང་ཚོ་བོད་ཕྱི་ནང་གཉིས་ཀྱི་སྤྱི་ཚོགས་ཁྲོད་མི་འབོར་གྱི་གནས་སྟངས་ཆ་ནས་བུད་མེད་ཉུང་བ་ཡོད་པར་ངོས་འཛིན་གནང་གི་ཡོད་དམ།
ཡང་ན་བུད་མེད་ཚོས་གོམས་གཤིས་དང་ལ་རྒྱ་བཅངས་ཏེ་བོད་ཀྱི་ཕོ་གཞོན་ཚོ་སྔོན་དུ་གཏོང་གི་ཡོད་པ་རེད་དམ།
བསམ་ཚུལ་ཞིག་ཤོད་ན་འདོད་རུང་། ངའི་བསམ་བློ་རིང་ཡང་སྐྲ་ཐུང་ཐུང་ལས་མེད། སྐྱེས་བ་རྗེས་མར་མཇལ་ཡོང། ཧཧཧཧ