ཟིན་བྲིས་པ་རྩེ་ཕུད་ཅིག་དགོས་ཀྱི་ཡོད། སུ་རེད།

དྲ་གྲོགས་ཤ་ཁྲག་རུས་པ་ལགས། རྩེ་ཕུལཟིན་བྲིས་བ་ཞིག་ལ་ཚང་དགོས་པའི་ཆར་ཆེན་ནི།
བོད་རིག་པར་བྱང་ཆ་ལྡན་པ། བྲིས་བའི་རྩོམ་དག་ཚད་ལྡན་ཡིན་པ།
འུད་སྒྲོག་ཆེ་བ་མ་ཡིན་པ། གཡོན་ལྷུང་བྲལ་བ།
ད་དུང་རྩོམ་གྱི་གྲགས་ཀ་ལས་སྤུས་ཀ་བལྟ་དགོས།
རྩོམ་པ་པོས་མིང་ལས་བརྩམས་ཆོས་ཀྱི་གནད་ལ་བལྟ་དགོས།
རིམ་པ་ཡང་བཀར་ཆོག་་་་་་གོང་གསལ་ཆར་ཆེན་འདི་དག་ལྡན་པའི་སྨྱུག་ཐོག་པ་ནི་
ད་གཟོད་རྩེ་ཕུལ་དུ་ཕྲན་གྱིས་འདོད།

ཨ་རོགས།ངས་ཁྱོད་ལ་གློག་འཕྲིན་བཏང་ཟིན།

རེད་དྲ་གྲོགས་སྐར་ཁྲི་བཙན་ལགས་ཀྱིས་བཤད་པ་ལྟར་རིམ་པ་གསུམ་ཕྱེས་ནས་
གདམ་ན་བཟང་སྙམ། ད་དུང་ལོ་རེ་ལ་གདམ་དགོས་བ་སོགས་ཡར་རྒྱས་
ལ་འགྲོ་བའི་ཐབས་ཤིག་རེད།

ཝེ་་་་་་་་་་་་ཁྱེད་ཀྱིས་ང་ཡི་བསམ་ཚུལ་དེ་བཀླགས་མེད་པ་འདྲ། ངས་བལྟས་ན་ཟིན་བྲིས་པ་རྩེ་ཕུད་དེ་ཟ་ལེ་རྒྱལ་རེད།

རྩེ་ཕུད་གཅིག་འདེམས་དགོས་ན་ཁག་པོ་འདུག

རེད། རྩོམ་སྒྲིག་པས་དེ་འདྲ་ཞིག་བཤད་ཀྱིན་འདུག རྩོམ་སྒྲིག་པས་དངོས་གནས་རྩེ་ཕུད་ཅིག་འདེམས་འདོད་ན། ཁ་བ་ནག་པོའི་བཤད་པ་བཞིན་ཟིན་བྲིས་རེ་རེ་བཞིན་ཉུལ་དགོས་པ་རེད། མ་མཐའ་ཡང་ཟིན་བྲིས་པ་ཚོས་མིང་ཐོ་འདིར་བསྐྱལ་བ་དག་གི་ཟིན་བྲིས་རེ་རེ་བཞིན་མགོ་ནས་མཇུག་བར་ཏུ་བཀླགས་ཏེ། ༡། རྣམ་པ་གསར་བ། ༢། གླེང་སློང་གསར་བ། ༣། ནམ་རྒྱུན་འགན་ཁུར་ལ་དོ་སྣང་གནང་བ། ༤། ཟིན་བྲིས་ར་བ་འདི་འཕེལ་རྒྱས་ཀྱི་ཐད་ལ་ནུས་པ་བཏོན་ཡོད་པ། ༥། ཕྱོགས་གང་སར་མཁྱེན་རྒྱ་ཡངས་མི་ཡངས་དང་། མཁྱེན་རྒྱ་དེ་ཟིན་བྲིས་ར་བ་འདིར་བཀོལ་ཡོད་མེད། ༦་ཚིག་ལྷག་ཉུང་ཞིང་སུམ་རྟགས་དག་གསུམ་དང་སྡེབ་སྦྱོར་འབྲི་རྩལ་བཅས་ལ་བྱང་ཆ་ཆེ་བ། ༧ ད་དུང་ཟིན་བྲིས་འདིར་རྒྱུན་ཞུགས་དང་སྐོར་ཉུལ་བྱེད་ཀྱིན་ཡོད་མེད་སོགས་ར་སྤྲད་ནས་འདེམས་ན་ད་གཟོད་ལེགས་པོ་ཞིག་འདེམས་སྲིད་པ་རེད།

དེ་མིན། ཟིན་བྲིས་ར་བ་འདིར་མིག་བཙུམ་ནས་བརྒྱུགས་སྟེ་གཅིག་འཇུ་གི་ཡིན་ཟེར་ན། དེ་ཨ་ཁུ་འབྲོག་པས་ལུག་འཛིན་སྟངས་རེད།

རེད། ཁྱོན་ཡོངས་ནས་བལྟས་ཏེ་རྩེ་ཕུད་ཅིག་བདམས་ན་ཆོག་ལ། ཕྱོགས་རེ་རེ་ནས་བལྟས་ཏེ་རྩེ་ཕུད་ཅིག་བདམས་ན་ཡང་ཆོག་གི དེ་བཞིན་ཨང་དང་པོ་དང་གཉིས་པ། གསུམ་པ་བར་དུ་བདམས་ཆོག་གི་རེད། ཡིན་ན་ཡང་མ་བདམས་པའི་སྔོན་དུ་ཟིན་བྲིས་ཡོངས་རྫོགས་སུ་ཐེངས་ཤིག་ཉུལ་དགོས་ཀྱི་འདུག དེ་མིན་ཐག་གཅོད་དེ་ཡག་པོ་དང་དྲང་བདེན་ཞིག་ཡོང་ཁག་པོ་རེད།